Oʻzbekiston Respublikasining 2018-yil 9-yanvardagi OʻRQ-458-son “Oʻzbekiston Respublikasining Mudofaa doktrinasi toʻgʻrisida”gi Qonuni, Oʻzbekiston Respublikasi Prezidentining 2020-yil 22-sentabrdagi PF-6065-son “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi va 2021-yil 23-martdagi PF-6191-son “Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida”gi farmonlariga muvofiq Oʻzbekiston Respublikasi Mudofaa vazirligi, Ichki ishlar vazirligi va Moliya vazirligi qaror qiladi:

1. Oʻzbekiston Respublikasi Mudofaa vazirligi, Ichki ishlar vazirligi va Moliya vazirligining 2015-yil 16-dekabrdagi 20, 39 va 105-son qarori bilan tasdiqlangan (roʻyxat raqami 2749, 2016-yil 6-yanvar) (Oʻzbekiston Respublikasi qonun hujjatlari toʻplami, 2016-y., 1-son, 9-modda) Yadro poligonlarida va boshqa radiatsiya-yadro obyektlarida xizmatni oʻtagan, Oʻzbekiston Respublikasi hududida yashayotgan fuqarolar roʻyxatini shakllantirish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-bandda:

a) birinchi xatboshidagi “hujjatlar” degan soʻz “maʼlumot hamda hujjatlar” degan soʻzlar bilan almashtirilsin;

b) ikkinchi xatboshi quyidagi tahrirda bayon etilsin:

“biometrik pasport yoki identifikatsiya ID-kartasi maʼlumotlari;”;

v) oltinchi xatboshidan “fuqarolik pasporti,” degan soʻzlar chiqarib tashlansin.

2. 3-band “a” kichik bandining uchinchi xatboshisi quyidagi tahrirda bayon etilsin:

“fuqaroning yadro poligonlarida va boshqa radiatsiya-yadro obyektlarida harbiy xizmatni oʻtaganligini tasdiqlovchi hujjat hamda biometrik pasporti yoki identifikatsiya ID-kartasi maʼlumotlarini tegishli organlardan belgilangan tartibda soʻrab oladi;”.

3. 3-ilova matnidagi “Oʻzbekiston Respublikasi Mudofaa vazirligi Bosh shtabi” degan soʻzlar “Oʻzbekiston Respublikasi Qurolli Kuchlari Bosh shtabi” degan soʻzlar bilan almashtirilsin.