LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 23-fevraldagi 161-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari to‘g‘risida” 2018-yil 28-avgustdagi PF-5527-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi tomonidan qabul qilingan majburiyatlariga muvofiq va Kimyoviy qurollarni yaratish, ishlab chiqarish, to‘plash va qo‘llashni taqiqlash hamda uni yo‘q qilib tashlash to‘g‘risidagi Konvensiyani ro‘yobga chiqarish bo‘yicha vazirliklar va idoralarning faoliyatini muvofiqlashtirish maqsadida Vazirlar Mahkamasi qaror qiladi:
1. Kimyoviy qurollarni yaratish, ishlab chiqarish, to‘plash va qo‘llashni taqiqlash hamda uni yo‘q qilib tashlash to‘g‘risidagi Konvensiyani ro‘yobga chiqarish bo‘yicha O‘zbekiston Respublikasi Vazirlar Mahkamasining 1-ilovaga* muvofiq tarkibda komissiyasi tashkil etilsin.
2. Kimyoviy qurollarni yaratish, ishlab chiqarish, to‘plash va qo‘llashni taqiqlash hamda uni yo‘q qilib tashlash to‘g‘risidagi Konvensiyani ro‘yobga chiqarish bo‘yicha O‘zbekiston Respublikasi Vazirlar Mahkamasining Komissiyasi to‘g‘risida Nizom 2-ilovaga muvofiq tasdiqlansin.
O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasiga Komissiyaning kotibiyati funksiyasini bajarish;
(3-bandning ikkinchi xatboshi O‘zbekiston Respublikasi Vazirlar Mahkamasining 2010-yil 17-dekabrdagi 301-sonli qarori tahririda — O‘R QHT, 2010-y., 51-son, 486 -modda)
O‘zbekiston Respublikasining Belgiya Qirolligidagi Elchixonasiga Kimyoviy qurollarni taqiqlash bo‘yicha tashkilot (Gaaga) bilan ishchi aloqalari va o‘zaro hamkorlikni amalga oshirish hamda Kimyoviy qurollarni yaratish, ishlab chiqarish, to‘plash va qo‘llashni taqiqlash hamda uni yo‘q qilib tashlash to‘g‘risidagi Konvensiyani ro‘yobga chiqarish bo‘yicha O‘zbekiston Respublikasi Vazirlar Mahkamasining Komissiyasi kotibiyati uchun zarur materiallarni taqdim etish yuklansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I.H. Jo‘rabekov zimmasiga yuklansin.
Kimyoviy qurollarni yaratish, ishlab chiqarish, to‘plash va qo‘llashni taqiqlash hamda uni yo‘q qilib tashlash to‘g‘risidagi Konvensiyani ro‘yobga chiqarish bo‘yicha O‘zbekiston Respublikasi Vazirlar Mahkamasining Komissiyasi (keyingi o‘rinlarda Komissiya deb ataladi), Kimyoviy qurollarni yaratish, ishlab chiqarish, to‘plash va qo‘llashni taqiqlash hamda uni yo‘q qilib tashlash to‘g‘risidagi Konvensiya (keyingi o‘rinlarda Konvensiya deb ataladi) yuzasidan O‘zbekiston Respublikasi tomonidan qabul qilingan majburiyatlarni amalga oshirish uchun vazirliklar, idoralar, korporatsiyalar, konsernlar va birlashmalarning (keyingi o‘rinlarda vazirliklar va idoralar deb yuritiladi) faoliyatini muvofiqlashtirish masalalari bo‘yicha idoralararo kollegial organ hisoblanadi.
Konvensiyaning ish prinsiplari ommaviy qirg‘in qurollari — kimyoviy, bakteriologik (biologik), zaharlovchi moddalar omborlarini va ularni ishlab chiqarish uchun qo‘llaniladigan asbob-uskunalarni kechiktirmasdan yo‘q qilib tashlash zarurligiga asoslanadi.
Komissiya o‘z faoliyatida xalqaro shartnomalar va bitimlarga, O‘zbekiston Respublikasi qonunlariga, O‘zbekiston Respublikasi Prezidentining farmonlariga, Vazirlar Mahkamasining qarorlari va farmoyishlariga, mazkur Nizomga amal qiladi hamda O‘zbekiston Respublikasi Prezidentiga hisob beradi.
O‘zbekiston Respublikasi Oliy Majlisining ko‘rib chiqishi uchun milliy qonunchilikni Konvensiyani imzolash paytida qabul qilingan xalqaro majburiyatlarga muvofiq holga keltirish uchun uni o‘zgartirish (qo‘shimchalar kiritish) to‘g‘risida takliflar kiritish;
e’lon qilinishi va tekshirilishi kerak bo‘lgan sanoat korxonalari ro‘yxatini aniqlash masalalari bo‘yicha vazirliklar va idoralarning faoliyatini muvofiqlashtirish;
Konvensiya a’zolari bo‘lgan davlatlarning ana shunday milliy organlari bilan mustahkam o‘zaro aloqa qilish;
axborot to‘plash, umumlashtirish, tahlil qilish va belgilangan tartibda Konvensiya a’zolari bo‘lgan davlatlar tashkilotining texnik kotibiyatiga berish;
Konvensiya doirasida amalga oshiriladigan tekshirishlarni o‘tkazishda qatnashish yoxud unga har tomonlama ko‘maklashish;
Konvensiya qatnashchilari bo‘lgan davlatlarga nisbatan kimyoviy qurol qo‘llanilgan yoki qo‘llash xavfi tug‘ilgan taqdirda Konvensiya a’zolari bo‘lgan davlatlarni yoki davlatlar guruhiga yordam ko‘rsatish, zarurat bo‘lganda ularni himoya qilish.
o‘z vakolatlari doirasida Konvensiya qatnashchilari bo‘lgan boshqa davlatlarning kimyoviy qurollar ustidan nazorat qilish bo‘yicha ana shunday milliy organlari bilan hamkorlik o‘rnatadi va uni saqlab turadi, belgilangan tartibda axborot ayirboshlanishini tashkil etadi;
konvensiya qatnashchilari bo‘lgan davlatlar tashkiloti ijroiya kengashi va texnik kotibiyatiga hisobotlar va axborotlarni tayyorlaydi va o‘z vaqtida taqdim etadi;
kimyoviy qurollarni yo‘q qilib tashlash bo‘yicha xalqaro va respublika tajribasini o‘rganadi, umumlashtiradi va yoyadi;
o‘z vakolati doirasida vazirliklar, davlat qo‘mitalari, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga kimyoviy qurollarni taqiqlash va ularni yo‘q qilib tashlash masalalari bilan bevosita shug‘ullanuvchi, ularga bo‘ysunuvchi muassasalar faoliyatini tashkil etishda tegishli uslubiy va amaliy yordam ko‘rsatadi;
vazirliklar, idoralar va boshqa tegishli tashkilotlarga, shu jumladan xalqaro tashkilotlarga belgilangan tartibda tegishli axborot taqdim etilishini ta’minlaydi;
kimyoviy qurollarni taqiqlash va yo‘q qilib tashlashga qaratilgan tadbirlarni o‘tkazishga mo‘ljallangan moliyaviy mablag‘lar va moddiy resurslarni taqsimlaydi;
Vazirlar Mahkamasiga Konvensiya masalalariga tegishli O‘zbekiston Respublikasi qonunlari loyihalari va boshqa normativ hujjatlar bo‘yicha xulosalar taqdim etadi;
Konvensiya masalalari bo‘yicha Mustaqil Davlatlar Hamdo‘stligiga kiruvchi davlatlar bilan tuziladigan bitimlar loyihalariga, shuningdek boshqa xorijiy mamlakatlar bilan tuziladigan bitimlar loyihalariga takliflar tayyorlanishini ta’minlaydi;
vazirliklar va idoralar tomonidan Konvensiyada nazarda tutilgan O‘zbekiston Respublikasi majburiyatlarining bajarilishi ustidan nazoratni ta’minlaydi;
kimyoviy qurollarni taqiqlashga qaratilgan har qanday tashabbuslarni qo‘llab-quvvatlaydi, shuningdek kimyoviy qurollardan tinch maqsadlarda foydalanish faktlari to‘g‘risida Konvensiya qatnashchilari bo‘lgan davlatlarning xuddi shunday tuzilmalari bilan asbob-uskunalar, materiallar, ilmiy va texnik axborot ayirboshlanishiga ko‘maklashadi;
yakka tartibda yoki boshqa davlatlar, xalqaro tashkilotlar bilan birgalikda kimyo sohasidagi ilmiy kashfiyotlarni ishlab chiqish va qo‘llashda qatnashadi.
o‘z vakolati doirasida belgilangan tartibda vazirliklar, idoralar, Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari, mulkchilik shakllaridan qat’i nazar, korxonalar, muassasalar va tashkilotlar tomonidan bajarilishi majburiy bo‘lgan kimyoviy materiallarni yaratish, ishlab chiqarish yoki ularni respublika hududida saqlashga ruxsat berishga (taqiqlashga) qaratilgan qarorlar qabul qilish;
vazirliklar, idoralar, Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari, mulkchilik shakllaridan qat’i nazar, korxonalar, muassasalar va tashkilotlardan o‘ziga yuklatilgan vazifalarni bajarish uchun zarur bo‘lgan axborot va ma’lumotlarni so‘rash va olish;
o‘z vakolatiga tegishli bo‘lgan masalalar bo‘yicha vazirliklar, idoralar, mulkchilik shakllaridan qat’i nazar, korxonalar va tashkilotlarni belgilangan tartibda tekshirish;
ekspert tekshirishlarini o‘tkazishda qatnashish uchun vatanimiz va chet el mutaxassislarini jalb etish;
kimyoviy qurollarni taqiqlash ustidan nazorat qilish masalalari bo‘yicha o‘tkaziladigan xalqaro tashkilotlar, eksport komissiyalari ishida, kengashlarda, seminarlarda qatnashish;
Konvensiya qoidalari bajarilishi ustidan nazoratni tashkil etish masalalari bo‘yicha O‘zbekiston Respublikasi Hukumatiga takliflar kiritish.
Komissiya O‘zbekiston Respublikasi Vazirlar Mahkamasi tomonidan tashkil etiladi, qayta tashkil etiladi va tugatiladi.
Komissiya ishi joriy va istiqbolli rejalar asosida amalga oshiriladi. Komissiya majlislari zaruratga ko‘ra, biroq yilning har choragida kamida bir marta o‘tkaziladi. Komissiya majlislari unda komissiya a’zolarining kamida yarmi qatnashganda qaror qabul qilishga haqli bo‘ladi.
Komissiya qarorlari ochiq ovoz berish yo‘li bilan qabul qilinadi. Majlisda hozir bo‘lgan komissiya a’zolarining ko‘pchiligi uning uchun ovoz bersa qaror qabul qilingan hisoblanadi.
Komissiya qarorlari qarorlar sifatida rasmiylashtiriladi va zarurat bo‘lganda jamoatchilikka ommaviy axborot vositalari orqali ma’lum qilinadi. Komissiya qarorlari barcha davlat boshqaruvchi organlari, mulkchilik shakllaridan qat’i nazar, korxonalar va muassasalar tomonidan bajarilishi majburiy hisoblanadi.
Ishchi organ — Komissiya kotibiyati funksiyasi O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasiga yuklanadi.
(IV bo‘limning yettinchi xatboshisi O‘zbekiston Respublikasi Vazirlar Mahkamasining 2010-yil 17-dekabrdagi 301-sonli qarori tahririda — O‘R QHT, 2010-y., 51-son, 486 -modda)