Oʻzbekiston Respublikasining 2020-yil 23-sentabrdagi OʻRQ-637-son “Taʼlim toʻgʻrisida”gi Qonuni, Oʻzbekiston Respublikasi Prezidentining 2020-yil 22-sentabrdagi PF-6065-son “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi Farmoni va Vazirlar Mahkamasining 2020-yil 6-noyabrdagi 696-son “Ilmiy darajali kadrlarni tayyorlash jarayonlarining shaffofligini taʼminlash va samaradorligini oshirish chora-tadbirlari toʻgʻrisida”gi qaroriga muvofiq Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 31-maydagi 239/3-son qarori (roʻyxat raqami 2893, 2017-yil 23-iyun) (Oʻzbekiston Respublikasi qonun hujjatlari toʻplami, 2017-yil 25-son, 568-modda) bilan tasdiqlangan Ilmiy darajalar beruvchi ilmiy kengash toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddima quyidagi tahrirda bayon etilsin:

“Mazkur Nizom Oʻzbekiston Respublikasining “Taʼlim toʻgʻrisida”gi Qonuni, Oʻzbekiston Respublikasi Prezidentining 2017-yil 16-fevraldagi PF-4958-son “Oliy oʻquv yurtidan keyingi taʼlim tizimini yanada takomillashtirish toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2012-yil 28-dekabrdagi 365-son “Oliy taʼlimdan keyingi taʼlim hamda oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish chora-tadbirlari toʻgʻrisida”gi va 2017-yil 22-maydagi 304-son “Oliy taʼlimdan keyingi taʼlim tizimini yanada takomillashtirish chora-tadbirlari toʻgʻrisida”gi qarorlariga muvofiq falsafa doktori (Doctor of Philosophy, PhD) va fan doktori (Doctor of Sciences, DSc) ilmiy darajalarini beruvchi ilmiy kengash (bundan buyon matnda Ilmiy kengash deb yuritiladi) faoliyati tartibini belgilaydi.”.

2. 1-bandda:

ikkinchi xatboshi quyidagi tahrirda bayon etilsin:

“Ilmiy kengash — muayyan fan tarmogʻining (tarmoqlarining) tegishli ixtisosliklari yoʻnalishida talabgorlar uchun koʻzda tutilgan attestatsiya tadbirlarini amalga oshirishni tashkil etish yuzasidan Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi (bundan buyon matnda OAK deb yuritiladi) qarori bilan yetakchi ilmiy tashkilot yoki taʼlim muassasasi huzurida muayyan muddat davomida jamoatchilik asosida faoliyat koʻrsatish uchun tuzilgan ilmiy-tashkiliy tuzilma;”;

sakkizinchi xatboshi quyidagi tahrirda bayon etilsin:

“dissertatsiya bajarilgan muassasa — ilmiy tashkilot yoki taʼlim muassasasi kengashi qarori bilan dissertatsiya mavzusi boʻyicha tadqiqot olib borish uchun masʼul muassasa sifatida tasdiqlangan muassasa;”;

oʻn toʻrtinchi xatboshidagi “ilmiy maslahatchi” degan soʻzlar “ilmiy konsultant” degan soʻzlar bilan almashtirilsin.

3. 3-bandda:

birinchi xatboshidagi “oliy taʼlim yoki ilmiy-tadqiqot muassasasi” degan soʻzlar “ilmiy tashkilot yoki taʼlim muassasasi” degan soʻzlar bilan almashtirilsin;

beshinchi xatboshidagi “oliy oʻquv yurtidan keyingi taʼlim” degan soʻzlar “oliy taʼlimdan keyingi taʼlim” degan soʻzlar bilan almashtirilsin.

4. 4-bandda:

birinchi xatboshi quyidagi tahrirda bayon etilsin:

“4. Ilmiy kengash yetakchi ilmiy tashkilot va taʼlim muassasalari huzurida mazkur tashkilotlar yoki muassasalar boʻysunuvchi vazirlik va idoralarning murojaatiga asosan OAK tomonidan tuziladi.”;

ikkinchi xatboshi quyidagi tahrirda bayon etilsin:

“Tashkilot yoki muassasa Ilmiy kengash tuzish uchun mazkur Nizomning 3-bandida nazarda tutilgan talablarning barchasiga javob bermagan taqdirda, tegishli vazirlik va idoralarning murojaatlariga asosan, OAK tomonidan ilmiy tashkilot va taʼlim muassasalari huzurida, istisno tariqasida, muassasalararo Ilmiy kengash tuzilishi mumkin.”;

toʻrtinchi xatboshidagi “oliy taʼlim yoki ilmiy-tadqiqot muassasasida” degan soʻzlar “ilmiy tashkilot yoki taʼlim muassasasida” degan soʻzlar bilan almashtirilsin.

5. 11-banddagi “oliy taʼlim yoki ilmiy-tadqiqot muassasasi” degan soʻzlar “ilmiy tashkilot yoki taʼlim muassasasi” degan soʻzlar bilan almashtirilsin.

6. 35-bandning birinchi xatboshisidagi “oliy taʼlim yoki ilmiy-tadqiqot muassasasi” degan soʻzlar “ilmiy tashkilot yoki taʼlim muassasasi” degan soʻzlar bilan almashtirilsin.

7. 46-bandda:

oltinchi xatboshidagi “(maslahatchisi)” degan soʻz “(konsultanti)” degan soʻz bilan almashtirilsin;

sakkizinchi xatboshidagi “oliy taʼlim muassasalari hamda ilmiy-tadqiqot muassasalarining” degan soʻzlar “ilmiy tashkilotlar hamda taʼlim muassasalarining” degan soʻzlar bilan almashtirilsin.

8. 49-bandning oltinchi xatboshisidagi “(maslahatchining)” degan soʻz “(konsultantning)” degan soʻz bilan almashtirilsin.

9. 52-banddagi “oliy taʼlim muassasalari” degan soʻzlar “taʼlim muassasalari” degan soʻzlar bilan almashtirilsin.

10. 57-bandning uchinchi xatboshisidagi “(maslahatchi)” degan soʻz “(konsultant)” degan soʻz bilan almashtirilsin.

11. 62-bandning birinchi xatboshisidagi “(maslahatchi)” degan soʻz “(konsultant)” degan soʻz bilan almashtirilsin.

12. 66-bandning birinchi va ikkinchi xatboshilaridagi “(maslahatchi)” degan soʻz “(konsultant)” degan soʻz bilan almashtirilsin.

13. Nizomning 2-ilovasida:

3-banddagi “oliy taʼlim muassasasini” degan soʻzlar “taʼlim muassasasini” degan soʻzlar bilan almashtirilsin.

9-banddagi “(maslahatchi)ning” degan soʻz “(konsultant)ning” degan soʻz bilan almashtirilsin.

14. Nizomning 9-ilovasi 7-bandi “pasporti nusxasi” degan soʻzlardan keyin “yoki identifikatsiya ID-kartasi maʼlumotlari” degan soʻzlar bilan toʻldirilsin.