O‘zbekiston Respublikasi Prezidentining “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida” 2019-yil 8-oktabrdagi PF-5847-son Farmoniga, “O‘zbekiston Respublikasining 2021 — 2023-yillarga mo‘ljallangan Investitsiya dasturini amalga oshirish chora-tadbirlari to‘g‘risida” 2020-yil 28-dekabrdagi PQ-4937-son qaroriga hamda xalqaro talab va standartlarga muvofiq yuqori malakali raqobatbardosh kadrlar tayyorlash, ilmiy va innovatsion faoliyatni samarali tashkil etish, xalqaro hamkorlikni, shu jumladan, xorijiy mamlakatlarning yetakchi oliy ta’lim muassasalari bilan uzoq muddatli aloqalarni rivojlantirish maqsadida Vazirlar Mahkamasi qaror qiladi:
1. O‘zbekiston Respublikasi Oliy va o‘rta maxsus ta’lim vazirligi hamda Andijon viloyati hokimligi bilan “Collegium Numanum” Varshava menejment universiteti (Polsha Respublikasi) o‘rtasida “Collegium Numanum” Varshava menejment universitetining Andijon filialini tashkil etish to‘g‘risida Bosh bitim (keyingi o‘rinlarda — Bitim) imzolanganligi ma’lumot uchun qabul qilinsin.
2. Andijon viloyati hokimligi, O‘zbekiston Respublikasi Oliy va o‘rta maxsus ta’lim vazirligi hamda “Collegium Numanum” Varshava menejment universitetining (Polsha Respublikasi) (keyingi o‘rinlarda — Muassis) “Collegium Numanum” Varshava menejment universiteti Andijon filialini (keyingi o‘rinlarda — Filial) tashkil etish to‘g‘risidagi taklifiga rozilik berilsin.
respublika iqtisodiyoti real sektori ehtiyojlarini hisobga olgan holda yuqori malakali oliy ma’lumotli mutaxassislarni tayyorlash;
o‘quv rejasi va dasturlarni zamonaviy fanlar asosida takomillashtirib borish, innovatsion texnologiyalarni tatbiq qilish;
professor-o‘qituvchilar malakasini oshirish va qayta tayyorlash, shu jumladan, nufuzli xorijiy oliy ta’lim va ilmiy-tadqiqot muassasalarida ularning stajirovkasini tashkil etish;
moliya va buxgalteriya hisobi, logistika, xalqaro biznes va marketing, turizm, tadbirkorlik, kichik va o‘rta biznesni boshqarish, innovatsiyalar, elektron tijorat, axborot-kommunikatsiya texnologiyalari sohalari bo‘yicha hamda respublika iqtisodiyotining boshqa tarmoqlari uchun xalqaro standartlar darajasida yuqori malakali mutaxassislar tayyorlashni ta’minlash;
MVA (Master of Business Administration), DBA (Doctor of Business Administration), LLM (Master of Law) xalqaro dasturlari va mahalliy ehtiyojlarni hisobga olgan holda boshqa dasturlar bo‘yicha mutaxassislarni tayyorlash, qayta tayyorlash va ularning malakasini oshirish, shu jumladan, malaka amaliyotini Yevropaning yetakchi ta’lim muassasalarida tashkil qilish;
respublika va Andijon viloyati iqtisodiyoti tarmoqlariga innovatsiyalarni joriy qilish, ilmiy tadqiqotlar natijalarini tijoratlashtirish imkoniyatlarini kengaytirish, ta’lim oluvchilarning innovatsion g‘oyalarini amalga oshirish uchun investitsiyalarni jalb etish;
ta’lim va ilm-fanning uzluksizligi hamda izchilligi tamoyili, shuningdek, jahon ta’limi va ilmiy hamjamiyatga uyg‘un integratsiyalashuvi asosida mutaxassis va ilmiy-pedagog kadrlar tayyorlash tizimini rivojlantirish;
ta’lim va ilm-fan sohasida xorijiy mamlakatlarning yetakchi oliy ta’lim muassasalari, ilmiy-tadqiqot markazlari bilan uzoq muddatli aloqalarni rivojlantirish va mustahkamlash.
Filialda o‘qitish O‘zbekiston Respublikasi davlat ta’lim standartlari talablari inobatga olingan, Oliy va o‘rta maxsus ta’lim vazirligi bilan kelishgan holda Muassis tomonidan tasdiqlanadigan o‘quv rejalari va fan dasturlariga muvofiq kunduzgi ta’lim shaklida ingliz, rus va o‘zbek tillarida to‘lov-kontrakt asosida amalga oshiriladi;
Filialga abituriyentlarni qabul qilish va bitiruvchilarni attestatsiyadan o‘tkazish Muassis hamda O‘zbekiston Respublikasi Oliy va o‘rta maxsus ta’lim vazirligi bilan kelishgan holda Filial tomonidan belgilanadigan talablar, tartib va muddatlarga muvofiq amalga oshiriladi;
Filialning bakalavriat ta’lim yo‘nalishlari va magistratura mutaxassisliklariga qabul parametrlari respublika mehnat bozori ehtiyojlari hamda Filialning moddiy-texnik imkoniyatidan kelib chiqib O‘zbekiston Respublikasi Oliy va o‘rta maxsus ta’lim vazirligi bilan kelishgan holda Filial tomonidan belgilanadi;
Filialda dastlabki bosqichda “Moliya va buxgalteriya hisobi”, “Transport va logistikada menejment”, “Xalqaro biznes va marketing”, “Turizm, mehmonxona ishi va umumiy ovqatlanishda menejment va marketing”, “Kichik va o‘rta biznesni boshqarish”, “Axborot-kommunikatsiya texnologiyalari” bakalavriat ta’lim yo‘nalishlari bo‘yicha talabalar qabuli amalga oshiriladi;
Filialga Muassis tomonidan lavozimga tayinlanadigan va lavozimdan ozod etiladigan ijrochi direktor rahbarlik qiladi;
Filial bitiruvchilariga O‘zbekiston Respublikasida oliy ta’lim to‘g‘risidagi hujjat sifatida tan olinadigan “Collegium Numanum” Varshava menejment universitetining (Polsha Respublikasi) belgilangan namunadagi diplomi beriladi;
Filialga belgilangan tartibda O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasidan litsenziya olingandan so‘ng ta’lim faoliyati bilan shug‘ullanishga ruxsat etiladi.
Bitimda ko‘rsatib o‘tilgan shartlarga muvofiq uch yil davomida jami to‘rt million AQSh dollari miqdorida investitsiya kiritish, shuningdek, kiritilayotgan investitsiyaning ikki million AQSh dollari miqdoridagi qismini 2021-yil mobaynida jalb etish, ushbu mablag‘lar hisobidan Filialga ajratilgan bino va inshootlarni ta’mirlash, rekonstruksiya qilish va jihozlash, zarur uskunalarni xarid qilish hamda Filialning yangi kampusini qurish uchun yer uchastkasi ajratilishi bo‘yicha tegishli qaror qabul qilingandan so‘ng qurilish ishlarini amalga oshirish uchun sarflash;
zamonaviy laboratoriya uskunalari, o‘quv va ilmiy adabiyotlar, mebel, kompyuter texnikasi bilan ta’minlash hamda o‘quv jarayoniga axborot-kommunikatsiya texnologiyalarini joriy etish;
Filialning har yilgi qabul parametrlarining 10 foizidan kam bo‘lmagan qismini ijtimoiy himoyaga muhtoj oilalarning qobiliyatli farzandlari orasidan tanlov asosida abituriyentlarni bepul (Filial granti asosida) o‘qishga qabul qilish uchun ajratish, shuningdek, iqtidorli hamda o‘zlashtirish ko‘rsatkichlari yuqori bo‘lgan talabalarga o‘qish uchun belgilangan to‘lovlarni amalga oshirishda to‘lov-kontrakt miqdoriga nisbatan 50 foizgacha chegirma berish;
Filialda ta’lim berish va o‘quv jarayonini tashkil etish uchun 70 foizgacha malakali xorijiy professor-o‘qituvchilarni Polsha Respublikasi va Yevropaning boshqa davlatlaridan jalb qilish.
6. Filialga O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi, Oliy va o‘rta maxsus ta’lim vazirligi, Iqtisodiy taraqqiyot va kambag‘allikni qisqartirish vazirligi hamda “Collegium Numanum” Varshava menejment universiteti (Polsha Respublikasi) bilan kelishgan holda, mehnat bozori konyunkturasining tez o‘zgaruvchan sharoitida yuqori malakali kadrlarning amaliy tayyorgarligini ta’minlaydigan yangi bakalavriat ta’lim yo‘nalishlari va magistratura mutaxassisliklarini ochishga ruxsat berilsin.
7. Filial faoliyatini moliyalashtirish manbalari etib Muassis mablag‘lari, talabalarni to‘lov-kontrakt asosida o‘qitishdan tushadigan mablag‘lar, shartnoma asosida xizmatlar ko‘rsatishdan olinadigan daromadlar, yuridik va jismoniy shaxslarning homiylik xayriyalari, xalqaro moliya institutlari va tashkilotlarining grantlari, shuningdek, qonunchilik hujjatlarida taqiqlanmagan boshqa manbalar belgilansin.
8. Andijon viloyati hokimligi va O‘zbekiston Respublikasi Oliy va o‘rta maxsus ta’lim vazirligi Filialga:
Filialni tanlov asosida malakali professor-o‘qituvchilar tarkibi bilan ta’minlashda zarur yordam ko‘rsatsin.
9. Filialga o‘quv va ilmiy-tadqiqot ishlariga taklif qilinadigan xorijiy professor-o‘qituvchilarning yashash hamda transport xarajatlarini tuziladigan shartnomalar asosida O‘zbekiston Respublikasi fuqarolari uchun belgilangan tariflarda to‘lashga ruxsat berilsin.
10. O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi Filialda ta’lim sifati ta’minlanishini hamda qonunchilik hujjatlariga rioya etilishini belgilangan tartibda nazorat qilsin.
11. Filial o‘z kampusi tashkil qilinguniga qadar Andijon viloyati, Asaka tumani, “Zarbdor” QFY, Ergashobod ko‘chasi, 47-uy manzilida joylashgan Asaka agrotexnologiyalar texnikumi (sobiq Asaka oziq-ovqat texnologiyasi va sanoati kolleji) bino va inshootlarining bir qismida tekin foydalanish huquqi asosida vaqtinchalik joylashtirilsin.
Bunda mazkur bino va inshootlar hamda unga tegishli hududni saqlash bilan bog‘liq barcha xarajatlar, jumladan, kommunal to‘lovlar Filial mablag‘lari hisobiga qoplanadi.
Filial tekin foydalanish huquqi asosida joylashtiriladigan Asaka agrotexnologiyalar texnikumi bino va inshootlarini rekonstruksiya qilish, ta’mirlash hamda Filialni mebel, inventar, o‘quv va ilmiy asbob-uskunalar, tashkiliy texnika, kompyuterlar, shuningdek, axborot-kommunikatsiya texnologiyalari vositalari bilan jihozlashga oid ishlarni moliyalashtirish Muassisning investitsiya qilingan mablag‘lari hisobidan amalga oshiriladi.
12. Andijon viloyati hokimligi kelgusida Filialga o‘z kampusini tashkil qilish, shu jumladan, talabalar turar joyini barpo etish uchun doimiy foydalanish huquqi asosida belgilangan tartibda Andijon shahridan yoki shaharga yaqin bo‘lgan hududdan qishloq xo‘jaligiga mo‘ljallanmagan umumiy maydoni 2 gektar bo‘lgan yer uchastkasi ikki oy muddatda ajratilishini ta’minlasin.
13. O‘zbekiston Respublikasi Oliy va o‘rta maxsus ta’lim vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
14. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari B.A. Musayev, oliy va o‘rta maxsus ta’lim vaziri A.X. Toshkulov, Andijon viloyati hokimi Sh.K. Abduraxmonov hamda Vazirlar Mahkamasi huzuridagi Ta’lim sifatini nazorat qilish davlat inspeksiyasi boshlig‘i U.N. Tashkenbayev zimmasiga yuklansin.