Oʻzbekiston Respublikasi Prezidentining “Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga oʻzgartirishlar kiritish toʻgʻrisida” 2021-yil 23-martdagi PQ-5035-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Mudofaa vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qaroriga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi mudofaa vaziri B.N. Kurbanov zimmasiga yuklansin.

1. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga rus tilida qabul qilingan 3-ilovada:

a) ilovaning nomidagi “i Generalnogo shtaba Voorujennix Sil” soʻzlari “Generalnogo shtaba Voorujennix Sil i Slujbi gosudarstvennoy bezopasnosti” soʻzlari bilan almashtirilsin;

b) quyidagi tahrirdagi izoh qoʻshilsin:

“Primechaniye. Razmeri doljnostnix okladov (tarifnix stavok) rukovodyaщix rabotnikov i spetsialistov tsentralnogo apparata Ministerstva oboroni, Generalnogo shtaba Voorujennix Sil, Slujbi gosudarstvennoy bezopasnosti Respubliki Uzbekistan, komandovaniya Pogranichnix voysk Slujbi gosudarstvennoy bezopasnosti Respubliki Uzbekistan, organov voyennoy prokuraturi, apparata upravleniya voyennix okrugov i priravnennix k nim (v chasti grajdanskogo personala) opredelyayutsya s primeneniyem povishayuщego koeffitsiyenta 2,0”.

2. Vazirlar Mahkamasining 2003-yil 22-fevraldagi 99-son qarori bilan tasdiqlangan Oʻzbekiston Respublikasi Mudofaa vazirligining “Safarbarlik chaqiruvi rezervi mablagʻlari” maxsus hisob raqami toʻgʻrisidagi nizom 12-bandining birinchi xatboshidagi “xodimlarni taʼminlash” soʻzlaridan keyin “va Oʻzbekiston Respublikasi Vazirlar Mahkamasi qarorlariga asosan belgilanadigan boshqa maqsadlar” soʻzlari qoʻshilsin.