Oʻzbekiston Respublikasi Vazirlar Mahkamasining 2020-yil 22-maydagi 320-son “Vazirlar Mahkamasining “Oʻzbekiston Respublikasida doimiy va vaqtincha propiska qilish tartibini yanada soddalashtirish chora-tadbirlari toʻgʻrisida” 2019-yil 28-dekabrdagi 1049-son qaroriga oʻzgartirish va qoʻshimchalar kiritish toʻgʻrisida”gi, 2020-yil 28-sentabrdagi 593-son “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida”gi hamda 2020-yil 18-noyabrdagi 726-son “Notariuslar tomonidan ayrim notarial harakatlarni amalga oshirish tartibi toʻgʻrisidagi maʼmuriy reglamentlarni tasdiqlash haqida”gi qarorlariga muvofiq buyuraman:

1. Oʻzbekiston Respublikasi adliya vazirining 2019-yil 4-yanvardagi 2-mh-son buyrugʻi (roʻyxat raqami 3113, 2019-yil 4-yanvar) (Oʻzbekiston Respublikasi qonun hujjatlari toʻplami, 2019-y., 1-2-son, 18-modda) bilan tasdiqlangan Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga ilovaga muvofiq qoʻshimcha va oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 3-bandda:

uchinchi xatboshi “pasporti” degan soʻzdan keyin “(identifikatsiya ID-kartasi)” degan soʻzlar bilan toʻldirilsin;

oltinchi va sakkizinchi xatboshilar “yashash guvohnomasi” degan soʻzlardan keyin “(identifikatsiya ID-kartasi)” degan soʻzlar bilan toʻldirilsin.

2. 3¹-bandda:

ikkinchi xatboshi “pasportga” degan soʻzdan keyin “(identifikatsiya ID-kartasiga)” degan soʻzlar bilan toʻldirilsin;

uchinchi xatboshi “yashash guvohnomasiga” degan soʻzlardan keyin “(identifikatsiya ID-kartasiga)” degan soʻzlar bilan toʻldirilsin;

yettinchi xatboshidagi “va doimiy propiskasiz” degan soʻzlar “(identifikatsiya ID-kartasisiz) va doimiy yashash joyi boʻyicha roʻyxatga olinmagan” degan soʻzlar bilan almashtirilsin.

3. 12-bandning birinchi xatboshisidagi “doimiy yoki vaqtincha propiska qilingan (hisobga olingan)” degan soʻzlar “doimiy yoki vaqtincha yashash joyi boʻyicha roʻyxatga olingan” degan soʻzlar bilan almashtirilsin.

4. 24-bandning oltinchi xatboshisidagi, 60 va 79-bandlarning beshinchi xatboshilaridagi “doimiy yoki vaqtincha propiska qilingan (hisobga olingan) manzili, pasporti” degan soʻzlar “doimiy yoki vaqtincha yashash joyi boʻyicha roʻyxatga olingan manzili, pasporti (identifikatsiya ID-kartasi)” degan soʻzlar bilan almashtirilsin.

5. 27-bandning toʻrtinchi xatboshisi quyidagi tahrirda bayon etilsin:

“Tadbirkorlik subyektlari — yuridik shaxslar oʻrtasidagi koʻchmas mulk oldi-sotdi shartnomalarini tasdiqlash Oʻzbekiston Respublikasi Vazirlar Mahkamasining 2020-yil 18-noyabrdagi 726-son qarori bilan tasdiqlangan Notariuslar tomonidan koʻchmas mulklarni boshqa shaxsga oʻtkazish haqidagi bitimlarni tasdiqlashning maʼmuriy reglamentiga muvofiq amalga oshiriladi.”.

6. 29-bandning uchinchi xatboshisi va 152-band “pasporti” degan soʻzdan keyin “(identifikatsiya ID-kartasi)” degan soʻzlar bilan toʻldirilsin.

7. 35-band quyidagi tahrirda bayon etilsin:

“35. Oʻzbekiston Respublikasi Fuqarolik kodeksining 218 va 224-moddalariga asosan, umumiy ulushli mulk ishtirokchisi oʻzining ulushini boshqa mulkka ayirboshlaganida yoki uni boshqacha tarzda haq evaziga oʻzga shaxsga berganida, mazkur Yoʻriqnomaning 30 — 34-bandlari hamda Oʻzbekiston Respublikasi Vazirlar Mahkamasining 2020-yil 18-noyabrdagi 726-son qarori bilan tasdiqlangan Notariuslar tomonidan koʻchmas mulklarni boshqa shaxsga oʻtkazish haqidagi bitimlarni tasdiqlashning maʼmuriy reglamenti qoidalari qoʻllaniladi.”.

8. 2-bobning 2, 4, 5, 12 va 14-paragraflari oʻz kuchini yoʻqotgan deb topilsin.

9. 74-bandning uchinchi va toʻrtinchi xatboshilaridagi, 87-bandning beshinchi xatboshisidagi, 90-bandning ikkinchi xatboshisidagi va 92-bandning birinchi xatboshisidagi “doimiy propiska qilingan” degan soʻzlar “doimiy yashash joyi boʻyicha roʻyxatga olingan” degan soʻzlar bilan almashtirilsin.