Davlat ishtirokidagi xo‘jalik jamiyatlari hamda davlat unitar korxonalarida (keyingi o‘rinlarda — davlat ishtirokidagi korxonalar) korporativ boshqaruvni yanada takomillashtirish, ular faoliyatining ochiqligi va shaffofligini ta’minlash maqsadida Vazirlar Mahkamasi qaror qiladi:
1. Quyidagilarni nazarda tutuvchi Davlat ishtirokidagi xo‘jalik jamiyatlari hamda davlat unitar korxonalarining rasmiy veb-saytlariga qo‘yiladigan talablar to‘g‘risidagi nizom ilovaga muvofiq tasdiqlansin:
davlat ishtirokidagi korxonalarning rasmiy veb-saytlarida axborotlarni joylashtirish bo‘yicha talablar;
Oldingi tahrirga qarang.
(2-band O‘zbekiston Respublikasi Vazirlar Mahkamasining 2023-yil 11-yanvardagi 23-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 12.01.2024-y., 09/24/23/0023-son)
3. O‘zbekiston Respublikasi Davlat aktivlarini boshqarish agentligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish O‘zbekiston Respublikasi Bosh vazirining moliya-iqtisodiyot va kambag‘allikni qisqartirish masalalari bo‘yicha o‘rinbosari — iqtisodiy taraqqiyot va kambag‘allikni qisqartirish vaziri J.A. Qo‘chqorov hamda O‘zbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.
1. Ushbu Nizom ustav fondi (ustav kapitali)da davlat ulushi 50 foiz va undan ortiq bo‘lgan xo‘jalik jamiyatlari hamda davlat unitar korxonalarining (keyingi o‘rinlarda — davlat ishtirokidagi korxonalar) rasmiy veb-saytlarida joylashtirilishi majburiy bo‘lgan axborotga qo‘yiladigan talablarni belgilaydi.
2. Aksiyadorlik jamiyati shaklida tashkil etilgan davlat ishtirokidagi korxonalarning rasmiy veb-saytlari Vazirlar Mahkamasining 2014-yil 2-iyuldagi 176-son qarori bilan tasdiqlangan Aksiyadorlik jamiyatlarining korporativ veb-saytlariga qo‘yiladigan talablar to‘g‘risidagi nizomga ham muvofiq bo‘lishi kerak.
davlat ishtirokidagi korxonalar — ustav fondi (ustav kapitali)da davlat ulushi 50 foiz va undan ortiq bo‘lgan xo‘jalik jamiyatlari hamda davlat unitar korxonalar;
muhim fakt — ushbu Nizomda belgilangan davlat ishtirokidagi korxonalar moliya-xo‘jalik faoliyatida yoki korporativ harakatlarida yuz bergan o‘zgarishlar;
boshqaruv organi — davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar;
yirik bitimlar — “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi O‘zbekiston Respublikasi Qonunining 83-moddasida (aksiyadorlik jamiyatlari uchun) yoxud “Mas’uliyati cheklangan hamda qo‘shimcha mas’uliyatli jamiyatlar to‘g‘risida”gi O‘zbekiston Respublikasi Qonunining 44-moddasida (mas’uliyati cheklangan jamiyatlar va davlat unitar korxonalari uchun) nazarda tutilgan bitim yoki o‘zaro bog‘langan bir nechta bitimlar;
affillangan shaxslar — “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi O‘zbekiston Respublikasi Qonunining 85-moddasida (aksiyadorlik jamiyatlari uchun) yoxud “Mas’uliyati cheklangan va qo‘shimcha mas’uliyatli jamiyatlar to‘g‘risida”gi O‘zbekiston Respublikasi Qonunining 43-moddasida (mas’uliyati cheklangan jamiyatlar va davlat unitar korxonalari uchun) nazarda tutilgan davlat ishtirokidagi korxonalar tomonidan tuziladigan bitimlarda manfaatdorligi mavjud yuridik yoki jismoniy shaxslar.
Oldingi tahrirga qarang.
4. Davlat ishtirokidagi korxonalar faoliyat turi va moliyalashtirish manbalaridan qat’i nazar, rasmiy veb-saytga ega bo‘lishlari lozim, qonunchilik hujjatlarida nazarda tutilgan hollar bundan mustasno.
(4-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
5. Davlat ishtirokidagi korxonalarning rasmiy veb-saytida majburiy joylashtirilishi kerak bo‘lgan axborotlar va hisobotlar quyidagilar hisoblanadi:
korxonaning tashkiliy tuzilmasi, tarkibiy bo‘linmalari, filiallari, vakolatxonalari, davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar, shuningdek, ulushi bo‘lgan korxonalarning nomi, ularning joylashgan manzili va bog‘lanish uchun telefon raqami, elektron pochta manzili hamda ularning ish tartibi to‘g‘risidagi ma’lumotlar;
korxonaning rahbarlari (direktor yoki boshqaruv raisi va o‘rinbosarlari) to‘g‘risidagi ma’lumotnoma axborot;
ma’muriy, ishlab chiqarish va texnik xodimlar bilan birgalikda korxonadagi bo‘sh ish o‘rinlari, ishga qabul qilish shartlari va ish o‘rniga qo‘yilgan talablar, shu jumladan, mehnat sharoitlari va lavozim vazifalari to‘g‘risidagi ma’lumotlar;
korxonaning davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar tomonidan o‘tkazilgan yig‘ilishda qabul qilingan qarorlar yoxud yig‘ilish o‘tkazilishi sanasi, vaqti, o‘tkaziladigan joyi, muhokama qilinadigan masalalar to‘g‘risidagi ma’lumotlar;
korxona tomonidan ishlab chiqariladigan mahsulotlar (bajariladigan ishlar va ko‘rsatiladigan xizmatlar) to‘g‘risidagi ma’lumotlar;
tovarlarni yetkazib berish (ishlarni bajarish, xizmatlar ko‘rsatish) bo‘yicha korxona va ulushi bo‘lgan korxonalar tomonidan o‘tkaziladigan tanlovlar (tenderlar) yoxud kimoshdi savdolari to‘g‘risidagi ma’lumotlar;
korxonaning va ulushi bo‘lgan korxonalarning bo‘sh turgan, foydalanilmayotgan, nosohaviy aktivlari va ular to‘g‘risidagi asosiy axborotlar;
rasmiy veb-saytdagi axborot materiallaridan boshqa shaxslar foydalanganda korxonaning rasmiy veb-saytiga majburiy havolalar ko‘rsatilishi to‘g‘risidagi talablar;
Oldingi tahrirga qarang.
korxona tomonidan ishlab chiqilgan strategiya, uni amalga oshirish chora-tadbirlari va ijrosi to‘g‘risidagi ma’lumotlar, maxfiy yoki tijorat sirlarini o‘z ichiga olgan ma’lumotlar bundan mustasno;
korxonada odob-axloq standartlarini qamrab olgan Odob-axloq qoidalari joriy etilganligi va bu boradagi ma’lumotlarni;
(5-bandning “a” kichik bandi O‘zbekiston Respublikasi Vazirlar Mahkamasining 2022-yil 26-oktabrdagi 619-sonli qaroriga asosan o‘n beshinchi va o‘n oltinchi xatboshilar bilan to‘ldirilgan — Qonunchilik ma’lumotlari milliy bazasi, 27.10.2022-y., 09/22/619/0968-son)
korxonaning rasmiy veb-saytida joylashtirishni korxona boshqaruv organlari zarur deb hisoblaydigan boshqa ma’lumotlar;
biznes-reja ijrosi holati to‘g‘risida (shu jumladan, loyihalarning texnik-iqtisodiy asoslari bajarilishi va maqsadlarga erishish inobatga olingan holda) va rivojlanish strategiyalarida nazarda tutilgan dasturlarning natijalari to‘g‘risidagi axborotlar;
xaridlar to‘g‘risidagi ma’lumotlar, shu jumladan import evaziga xaridlarning to‘liq ro‘yxati (mahsulot (ish, xizmat) nomi, hajmi, bir birlik narxi va umumiy qiymati, yetkazib beruvchi haqida to‘liq ma’lumot) va uni amalga oshirishning zarurati hamda uni qisqartirish bo‘yicha ko‘rilayotgan choralar to‘g‘risidagi asoslangan axborotlar;
Oldingi tahrirga qarang.
korxonaning tijorat maqsadlari va notijorat maqsadlarni amalga oshirish bilan bog‘liq faoliyati to‘g‘risidagi ma’lumot. Bunda korxonalarning notijorat maqsadlari, ularni amalga oshirish bilan bog‘liq xarajatlar, shuningdek, korxonaning moliyaviy natijalariga ta’sirining miqdoriy bahosi ko‘rsatilishi lozim;
(5-bandning “b” kichik bandi O‘zbekiston Respublikasi Vazirlar Mahkamasining 2022-yil 26-oktabrdagi 619-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 27.10.2022-y., 09/22/619/0968-son)
Oldingi tahrirga qarang.
(5-band “v” kichik bandining birinchi xatboshisi O‘zbekiston Respublikasi Vazirlar Mahkamasining 2022-yil 26-oktabrdagi 619-sonli qarori tahririda — Qonunchilik ma’lumotlari milliy bazasi, 27.10.2022-y., 09/22/619/0968-son)
yil yakunlari bo‘yicha buxgalteriya balansi va moliyaviy natijalar to‘g‘risidagi hisobotlar, yillik moliya-xo‘jalik faoliyatni tekshirish natijalari bo‘yicha auditorlik tashkilotining xulosasi va yillik hisobot, shu jumladan, moliyaviy, operatsion, huquqiy va boshqa tavakkalchiliklar, maxfiy yoki tijorat sirlarini o‘z ichiga olgan ma’lumotlar bundan mustasno;
hisoblangan va to‘langan dividendlar (ajratmalar), shu jumladan, qarzdorlik miqdori to‘g‘risidagi ma’lumotlar, aksiyadorlar (ishtirokchilar) tomonidan dividendlarni olish uchun bog‘lanish ma’lumotlari va boshqa ma’lumotlar.
Oldingi tahrirga qarang.
(5-band “g” kichik bandining ikkinchi xatboshisi O‘zbekiston Respublikasi Vazirlar Mahkamasining 2022-yil 26-oktabrdagi 619-sonli qarori tahririda — Qonunchilik ma’lumotlari milliy bazasi, 27.10.2022-y., 09/22/619/0968-son)
korxonaning mol-mulki, bank hisobvaraqlari xatlanganda, korxonaga nisbatan uning aktivlari qiymatining 10 foizidan ortiq miqdorda da’vo qo‘zg‘atilganda;
korxona tomonidan yirik bitimlar va manfaatdor shaxslar va (yoki) affilangan shaxslar bilan bitimlar tuzilganda;
korxona faoliyatning ayrim turlarini amalga oshirish uchun litsenziya olganda yoki litsenziya bekor qilinganda, litsenziyaning amal qilishi to‘xtatib turilganda yoki tugatilganda;
Oldingi tahrirga qarang.
O‘zbekiston Respublikasi Davlat aktivlarini boshqarish agentligi tomonidan belgilanadigan boshqa ma’lumotlar.
(5-bandning “g” kichik bandi O‘zbekiston Respublikasi Vazirlar Mahkamasining 2022-yil 26-oktabrdagi 619-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 27.10.2022-y., 09/22/619/0968-son)
6. Agar axborotni veb-saytga joylashtirish muddatining tugashi ish kuni bo‘lmagan kunga to‘g‘ri kelsa, undan keyingi birinchi ish kuni axborotni oshkor qilish muddatining tamom bo‘lish kuni deb hisoblanadi.
7. Davlat ishtirokidagi korxonalarning rasmiy veb-saytida boshqa manbalardan ma’lumotlarni joylashtirishga faqat axborot manbai ko‘rsatilgan taqdirda yo‘l qo‘yiladi.
korxona rasmiy veb-saytining foydalaniladigan interfeysi unda joylashtirilgan axborotning tuzilishi to‘g‘risidagi ko‘rgazmali tasavvurni, bo‘limlar va sahifalarga darhol va mantiqli o‘tishni ta’minlashi kerak;
elektron pochta vositasida hamda yangilashlar va yangiliklarni yetkazib berishning ommabop avtomatlashtirilgan formatlari vositasida rasmiy veb-saytning yangilanishlariga yozilish imkoniyati.
9. Davlat ishtirokidagi korxonalarning rasmiy veb-saytida joylashtirilgan axborotdan uning tomonidan bazaviy axborot xizmatlari ko‘rsatilishi doirasida foydalanish erkin va bepul bo‘lishi kerak.
Oldingi tahrirga qarang.
10. Davlat ishtirokidagi korxonalarning bazaviy axborot xizmatlaridan tashqari, korxonaning rasmiy veb-sayti orqali, qonunchilik hujjatlarida belgilangan tartibda pulli asosda qo‘shimcha xizmatlar ko‘rsatilishi mumkin.
(10-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
11. Davlat ishtirokidagi korxonalarning rahbari qarori bilan korxonaning rasmiy veb-saytidagi axborotni shakllantirish, joylashtirish, shuningdek, yangilash uchun mas’ul bo‘lgan shaxs belgilanadi.
12. Davlat ishtirokidagi korxonalarning rasmiy veb-saytidagi axborotlar davlat tilida taqdim etilishi kerak hamda rus va ingliz tillarida yoki imkon bo‘lsa, boshqa tillardagi versiyalari bo‘lishi mumkin.
13. Davlat ishtirokidagi korxonalar o‘z rasmiy veb-saytlarida joylashtirilgan axborot yo‘q qilinishi, blokirovka qilinishi, buzilishi va qalbakilashtirilishining, shuningdek, ruxsat berilmagan aralashuvlar boshqa shakllarining oldini olishdan himoya qilishning tegishli chora-tadbirlarni ko‘rishlari kerak.
14. Davlat ishtirokidagi korxonalarning rasmiy veb-saytida quyidagi asosiy funksiyalar joriy etilishi majburiy hisoblanadi:
imkoniyatlari cheklangan shaxslar uchun qo‘shimcha qulayliklar yaratish (kontrastni qo‘shimcha qilish, shriftni kattalashtirish, ovoz jo‘rligi va boshqa funksiyalar);
jamoatchilik fikrini o‘rganish va korxona faoliyatiga tegishli masalalarni muhokama qilish vositalari (onlayn so‘rovlar, bloglar, forumlar);
15. Davlat ishtirokidagi korxonalarning rasmiy veb-saytida joylashtirilgan axborot ishonchli bo‘lishi va korxona faoliyatini xolisona yoritishi kerak.
Oldingi tahrirga qarang.
16. Davlat ishtirokidagi korxonalarning rasmiy veb-saytida davlat siriga va xizmatda foydalanish uchun tegishli bo‘lgan axborot, shuningdek, qonunchilik hujjatlariga muvofiq e’lon qilish va tarqatish taqiqlangan boshqa axborot bo‘lmasligi kerak.
(16-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
17. Ushbu Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
(17-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)