Oʻzbekiston Respublikasi Vazirlar Mahkamasining 2020-yil 26-avgustdagi 514-son “Fuqarolik holati dalolatnomalarini yozish organlari faoliyatini Oʻzbekiston Respublikasi Adliya vazirligi huzuridagi Davlat xizmatlari agentligi tizimida samarali tashkil etish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2012-yil 23-oktabrdagi 234-mh-son buyrugʻi (roʻyxat raqami 2397, 2012-yil 23-oktabr) (Oʻzbekiston Respublikasi qonun hujjatlari toʻplami, 2012-y., 43-son, 501-modda) bilan tasdiqlangan Fuqarolik holati dalolatnoma yozuvlari shakllarini toʻldirish qoidalariga ilovaga muvofiq oʻzgartirish va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 22-bandning birinchi xatboshisi quyidagi tahrirda bayon etilsin:

“22. 11 — 17 va 20-ustunlar qonuniy nikohda turgan ota-onadan tugʻilgan bola ota-onasining shaxsini tasdiqlovchi hujjatlar (pasport, harbiy guvohnoma) va nikoh tuzilganligi toʻgʻrisidagi guvohnoma yoki maʼlumotnoma asosida, nikoh tuzilganligi toʻgʻrisidagi guvohnoma yoki maʼlumotnoma taqdim etilmaganda avvalgi bolalarining tugʻilganligi toʻgʻrisidagi dalolatnoma yozuvlari asosida toʻldiriladi.”.

2. 24-bandning ikkinchi xatboshisi “nikoh tuzilganligi toʻgʻrisidagi guvohnomasiga” degan soʻzlardan keyin “yoki bu haqdagi maʼlumotnomasiga” degan soʻzlar bilan toʻldirilsin.