LexUZ sharhi
Mazkur qaror O‘zbekiston Respublikasi Vazirlar Mahkamasining 2020-yil 10-avgustdagi 472-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “Valyutani tartibga solish to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida” 2019-yil 22-oktabrdagi O‘RQ-573-son va “Banklar va bank faoliyati to‘g‘risida” O‘zbekiston Respublikasi Qonuniga o‘zgartish va qo‘shimchalar kiritish haqida” 2019-yil 5-noyabrdagi O‘RQ-580-son qonunlari)”gi qaroriga asosan 2020-yil 1-sentabrdan o‘z kuchini yo‘qotadi.
“Valyutani tartibga solish to‘g‘risida” va “Korxonalar, birlashmalar va tashkilotlardan olinadigan soliqlar to‘g‘risida”gi O‘zbekiston Respublikasi Qonuniga o‘zgartirishlar va qo‘shimchalar kiritish to‘g‘risida” 1993-yil 7-maydagi O‘zbekiston Respublikasi qonunlariga muvofiq va xalqaro to‘lovlarni markazlashgan tartibda amalga oshirish uchun chet el valyutasida olinadigan barqaror moliyaviy manbalarni ta’minlash, Respublika valyuta fondini shakllantirish, aholi uchun birinchi navbatda zarur bo‘lgan buyumlarni chet eldan xarid qilishni ta’minlash maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 1994-yil 3-yanvardagi 1-son qaroriga muvofiq o‘z kuchini yo‘qotgan)
Oldingi tahrirga qarang.
(2-bandning ikkinchi xatboshisi O‘zbekiston Respublikasi Vazirlar Mahkamasining 1994-yil 3-yanvardagi 1-son qaroriga muvofiq o‘z kuchini yo‘qotgan)
3. O‘zbekiston Respublikasi Moliya vazirligi O‘zbekiston Respublikasi Vazirlar Mahkamasi huzuridagi Davlat soliq Bosh boshqarmasi bilan birgalikda:
chet el valyutasida olingan tushumdan soliqni hisoblab chiqish va to‘lash tartibi to‘g‘risidagi yo‘riqnomani o‘n kun muddatda ishlab chiqsin hamda uni tegishli vazirliklar, idoralar, konsernlar, uyushmalar va boshqa soliq to‘lovchilarga yetkazsin;
chet el valyutasida undiriladigan bojlar, yig‘imlar va soliqqa tegishli bo‘lmagan boshqa majburiy to‘lovlar ro‘yxati to‘g‘risidagi takliflarni ikki hafta muddatda Vazirlar Mahkamasiga kiritsin.
4. O‘zbekiston Respublikasi Moliya vazirligi va Markaziy banki o‘n kun muddatda Respublika valyuta fondi mablag‘laridan O‘zbekiston Respublikasi Markaziy bankiga valyuta sotish tartibi bo‘yicha Vazirlar Mahkamasiga taklif kiritsinlar.
5. O‘zbekiston Respublikasi Moliya vazirligi va “O‘zistiqbolstat” davlat qo‘mitasi Markaziy bank Davlat soliq Bosh boshqarmasi, Davlat bojxona qo‘mitasi hamda Tashqi iqtisodiy aloqalar vazirligi bilan birgalikda ikki hafta muddatda valyuta, eksport-import operatsiyalari bo‘yicha statistika hisoboti shaklini ishlab chiqsinlar va uni joriy etish yuzasidan takliflar kiritsinlar.
6. O‘zbekiston Respublikasi Moliya vazirligi vakolatli banklar bilan birgalikda har oyda kirimlarning manbalarini va xarajatlar moddalarini ko‘rsatgan holda amalga oshirilgan valyuta operatsiyalari bo‘yicha hisobotlarni Vazirlar Mahkamasiga taqdim etishni ta’minlasin.
7. Vazirliklar, idoralar, banklar va boshqa tashkilotlar bir oy muddatda normativ va yo‘riqnoma hujjatlarni mazkur qarorga va ilova qilinayotgan Nizomga muvofiqlashtirsinlar.
8. Vazirlar Mahkamasining 1991-yil 6-sentabrdagi 200-7-son qarori o‘z kuchini yo‘qotgan deb hisoblansin.
9. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari o‘rtoq O‘.T. Sultonov zimmasiga yuklatilsin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 1994-yil 3-yanvardagi 1-son qaroriga muvofiq o‘z kuchini yo‘qotgan)
Respublika valyuta fondi (RVF) — respublika valyuta budjeti respublika valyuta tushumlarining bir qismini chet el kreditlarini to‘lash yuzasidan majburiyatlarni bajarish, aholi ehtiyojlari uchun eng zarur bo‘lgan buyumlarni chet mamlakatlardan xarid qilishni ta’minlash, xalqaro to‘lovlarni markazlashtirilgan tartibda amalga oshirish, respublikaning valyuta rejasida belgilangan davlat ijtimoiy va iqtisodiy dasturlarini amalga oshirish manbai sifatida jamlash maqsadida O‘zbekiston Respublikasi Vazirlar Mahkamasi tomonidan tashkil etiladi.
RVF mablag‘lari ilova* qilinayotgan Respublika valyuta fondi daromadlari va xarajatlari Klassifikatsiyasiga muvofiq O‘zbekiston Respublikasi Tashqi iqtisodiy faoliyat milliy bankidagi maxsus schyotlarda jamlanadi.
* Ilova rus tilidagi matnida berilgan.
O‘zbekiston Respublikasi Hukumati tomonidan chet mamlakatlar hukumatlariga berilgan kreditlar bo‘yicha tushumlar;
2. RVF schyotlari bo‘yicha bank operatsiyalarini amalga oshirganlik uchun vositachilik haqi undirilmaydi. Mablag‘lar chet elga o‘tkazilgan taqdirda bank haqi imtiyozli tarif bo‘yicha undiriladi.
RVF mablag‘larini shakllantirish va ulardan foydalanish RVFning chet el valyutasidagi tushumlari va xarajatlari Prognozi hamda O‘zbekiston Respublikasi Vazirlar Mahkamasining alohida qarorlari asosida amalga oshiriladi.
RVF ning chet el valyutasidagi tushumlari va xarajatlari Prognozi har yili ko‘rib chiqish va tasdiqlash uchun O‘zbekiston Respublikasi Vazirlar Mahkamasiga Moliya vazirligi tomonidan taqdim etiladi.
RVFning chet el valyutasidagi tushumlari va xarajatlarining tasdiqlangan Prognoziga muvofiq va O‘zbekiston Respublikasi Vazirlar Mahkamasining alohida qarorlariga binoan RVF mablag‘larini shakllantirish va ulardan foydalanish;
Respublika Vazirlar Mahkamasiga valyuta mablag‘larini ko‘paytirish yo‘llari va manbalari to‘g‘risida, RVF mablag‘laridan foydalanish yo‘nalishlari haqida takliflar kiritish;
Tashqi iqtisodiy faoliyat milliy bankining va boshqa vakolatli banklarning, shuningdek, respublika Vazirlar Mahkamasi huzuridagi Davlat soliq Bosh boshqarmasining huquq doirasiga korxonalardan, birlashmalardan va tashkilotlardan RVFga, Qoraqalpog‘iston Respublikasi viloyatlar va Toshkent shahrining valyuta fondlariga chet el valyutasidagi soliqlar hamda boshqa to‘lovlarning o‘z vaqtida va to‘liq kelib tushishini ta’minlash kiradi.
O‘zbekiston Respublikasining chet el valyutasidagi tushumlar va xarajatlar Prognozida nazarda tutilgan maqsad va chora-tadbirlar;
O‘zbekiston Respublikasining investitsiya Dasturiga kirgan ijtimoiy ahamiyatga ega bo‘lgan dasturlar va obyektlarni imtiyozli shartlarda kredit bilan ta’minlash;
O‘zbekiston Respublikasi Markaziy banki tomonidan sotiladigan kunda belgilanadigan kurs bo‘yicha so‘mga sotish;
O‘zbekiston Respublikasi Moliya vazirligi va Markaziy banki tomonidan belgilangan tartibga muvofiq so‘mga sotish.
Markaziy bankka, korxonalarga, tashkilotlarga va muassasalarga chet el valyutasini sotishdan tushgan so‘mdagi ekvivalent Vazirlar Mahkamasining O‘zbekiston Respublikasi Tashqi iqtisodiy faoliyat milliy bankidagi maxsus so‘m schyotiga o‘tkaziladi.