Oʻzbekiston Respublikasi Prezidentining 2020-yil 2-martdagi PF-5953-sonli Farmoni bilan tasdiqlangan “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid Davlat dasturida hamda Oʻzbekiston Respublikasi Oliy Majlisi Qonunchilik palatasi Kengashining 2020-yil 28-yanvardagi 73-IV-sonli Qarori bilan tasdiqlangan “Oʻzbekiston Respublikasi Prezidenti Sh.M. Mirziyoyevning 2020-yil 20-yanvarda Oliy Majlis Qonunchilik palatasi va Senatining birinchi tashkiliy majlislarida hamda 21-yanvarda Oliy Majlis palatalarining qoʻshma majlisida soʻzlagan nutqlarida belgilangan ustuvor vazifalarni amalga oshirish boʻyicha chora-tadbirlar dasturi”da nazarda tutilgan vazifalar bajarilishini taʼminlash maqsadida, Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining 2020-yil 16-apreldagi № 224-IV-sonli Qarori bilan tasdiqlangan “Oʻzbekistonda koronavirus infeksiyasi (COVID-19) tarqalishiga qarshi kurashish davrida Oʻzbekiston Respublikasi Oliy Majlisi Qonunchilik palatasi majlislarini videokonferensaloqa rejimida oʻtkazish boʻyicha vaqtinchalik Reglament” (Oʻzbekiston Respublikasi Oliy Majlisi palatalarining Axborotnomasi, 2020-yil, № 4, 269-modda) 3-moddasining ikkinchi qismi quyidagi tahrirda bayon etilsin:

“Videokonferensaloqa rejimida oʻtkaziladigan majlislarda Oʻzbekiston Respublikasining Konstitutsiyasini qabul qilishga, unga oʻzgartishlar va qoʻshimchalar kiritishga yoʻl qoʻyilmaydi”.

2. Ushbu Qaror qabul qilingan kundan eʼtiboran kuchga kiradi.