Oʻzbekiston Respublikasi Hukumati (keyingi oʻrinlarda “Hukumat” deb yuritiladi) bir tomondan, hamda Xalqaro migratsiya tashkiloti (keyingi oʻrinlarda “Tashkilot” deb yuritiladi) ikkinchi tomondan (keyingi oʻrinlarda birgalikda “Tomonlar” deb yuritiladi),

Oʻzbekiston Respublikasining Tashkilotga aʼzo davlat ekanligini eʼtirof etgan holda,

Hukumat va Tashkilot oʻrtasida doʻstona munosabatlarni hamda hamkorlikni yanada mustahkamlash va rivojlantirishni istagan holda,

2013-yil 26-noyabrda Tashkilot Kengashi “Tashkilot faoliyat olib boradigan aʼzo, kuzatuvchi va boshqa maqomdagi barcha davlatlarni Ixtisoslashtirilgan muassasalar imtiyozlari va immunitetlari toʻgʻrisidagi Konvensiyaga (1947-yil) muvofiq ravishda Birlashgan Millatlar Tashkiloti ixtisoslashtirilgan muassasalari foydalanadigan imtiyozlar va immunitetlarni Tashkilotga taqdim etishga chaqiruvchi” 1266-sonli (SIII) Rezolyutsiyani qabul qilganligini eʼtirof etgan holda,

Tashkilot Birlashgan Millatlar Tashkiloti tizimiga kiruvchi muassasa ekanligini eʼtirof etgan holda,

Tashkilotning maqsad va vazifalari hamda Tashkilot tomonidan olib borilayotgan faoliyatdan kelib chiqib Ixtisoslashtirilgan muassasalar imtiyozlari va immunitetlari toʻgʻrisida 1947-yil 21-noyabrda qabul qilingan Konvensiyaga (keyingi oʻrinlarda “Konvensiya” deb yuritiladi) muvofiq Birlashgan Millatlar Tashkiloti ixtisoslashtirilgan muassasalariga beriladigan imtiyozlar va immunitetlarni Hukumat tomonidan Tashkilotga berilishi kafolatlanishini inobatga olgan holda,

quyidagilar toʻgʻrisida kelivushga erishdilar:

Tashkilot oʻzining boshqaruvchi organlarining tegishli karorlari va Hukumatning ruxsati hamda mavjud moliyaviy imkoniyatlardan kelib chiqqan holda Oʻzbekiston Respublikasida salohiyatni oshirish, migratsiya masalalari buyicha maslahat xizmati va texnik hamkorlik, migratsiya va sogʻliqni saqlash, xalqaro migratsiya huquqi, migratsiya va atrof-muhit, migratsiya axboroti, odam savdosiga qarshi kurash, mahalliy va xorijiy fuqarolar migratsiyasi, koʻchirilgan va boshqa yordamga muhtoj shaxslarga yordam koʻrsatish, malakali inson resurslarini qaytarish va qaytarish bilan bogʻlik boʻlgan dasturlarni amalga oshiradi.

Hukumat Tashkilotga Oʻzbekiston Respublikasida vakolatxona ochishga ruxsat beradi.

Zarur boʻlgan taqdirda Tashkilot oʻz faoliyatini amalga oshirish maqsadida Hukumat bilan maslahatlashuvlardan soʻng Oʻzbekiston Respublikasi hududida boshqa vakolatxonalar ochishi mumkin.

Zarur hollarda amalga oshirilishi rejalashtirilayotgan va kelajakda amalga oshiriladigan loyiha va dasturlarni amalga tadbiq etish yuzasidan Tomonlar oʻrtasidagi hamkorlik tafsilotlari Tomonlar oʻrtasida alohida kelishuvlar rasmiylashtirish orqali kelishiladi. Ushbu kelishuvlar, agar shunday belgilangan boʻlsa, mazkur Bitimning tarkibiy qismi hisoblanadi.

Oʻzbekistonda Vakolatxonani ochish va saqlab turish bilan bogʻliq xarajatlar toʻliq Tashkilot mablagʻlari hisobidan moliyalashtiriladi.

Konvensiyaning 3- dan 30-bandigacha va ushbu Konvensiyaning I ilovasi 2- va 3-bandlariga muvofik, Hukumat Tashkilotga Birlashgan Millatlar Tashkilotining Ixtisoslashtirilgan muassasalariga beriladigan imtiyozlar va immunitetlarni takdim etadi. Konvensiyada koʻllanilgan taʼriflar tegishli oʻzgartirishlar bilan ushbu Bitimga koʻllaniladi. Yuqorida keltirib oʻtilgan Konvensiya bandlari va uning I ilovasidagi qoidalar Xalqaro migratsiya tashkilotining oʻziga xos jihatlarini inobatga olish maqsadida tegishli oʻzgartirishlar bilan qoʻllaniladi.

Mazkur Bitimning qoidalarini talqin qilish yoki qoʻllashda yuzaga keladigan har qanday nizolar Tomonlar oʻrtasida muzokaralar va maslahatlashuvlar orqali tinch yoʻl bilan hal etiladi.

Mazkur Bitimga Tomonlarning oʻzaro roziligi bilan ushbu Bitimning ajralmas qismi hisoblanadigan va alohida bayonnomalar rasmiylashtirish orqali Bitimning 6-moddasida koʻrsatib oʻtilgan tartibda kuchga kiradigan oʻzgartirish va qoʻshimchalar kiritilishi mumkin.

Mazkur Bitim ohirgi Tomon imzolagan sanadan eʼtiboran kuchga kiradi.

Mazkur Bitim nomuayyan muddatga tuziladi va bir Tomon boshqa Tomonning ushbu Bitimni tugatish niyati toʻgʻrisidagi yozma xabarnomasini olganidan soʻng 6 oy oʻtgunga qadar amalda boʻladi.

Kuyida, mazkur Bitimni tegishli tartibda imzolash vakolati berilgan vakillar tomonidan imzolandi.

Toshkent shahrida 2020-yil 10-avgustda va Jeneva shahrida 2020-yil 5-noyabrda ikki asl nusxada, har biri oʻzbek va ingliz tillarida tuzildi, bunda ikkala matn bir xil yuridik kuchga ega. Matnlar oʻrtasida tafovut yuzaga kelgan taqdirda, ingliz tilidagi matn ustuvor hisoblanadi.