Oʻzbekiston Respublikasining 2013-yil 10-apreldagi “Yoʻl harakati xavfsizligi toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi OʻRQ-348-sonli (Oʻzbekiston Respublikasi qonun hujjatlari toʻplami, 2013-y, 15-son, 197-modda; 2015-y, 52-son, 645-modda) Qonuni va Oʻzbekiston Respublikasi Vazirlar Mahkamasining 2015-yil 24-dekabrdagi “Yoʻl harakati qoidalarini tasdiqlash toʻgʻrisida”gi 370-sonli (Oʻzbekiston Respublikasi qonun hujjatlari toʻplami, 2016-y., 3-son, 23-modda; 2017-y., 36-son, 958-modda) qarori ijrosini taʼminlash, shuningdek, tuman markazida joylashgan Mustaqillik koʻchasida avtomobillarning harakatini tartibga solish va asfalt qoplamali yoʻlning xolatini saqlash maqsadida, tuman Obodonlashtirish boshqarmasining 2020-yil 14-avgustdagi 138-sonli xati hamda “Mahalliy davlat hokimiyati toʻgʻrisida”gi Qonunning 6, 25-moddalariga asosan qaror qilaman:

1. Zafarobod tuman Obodonlashtirish boshqarmasining 2020-yil 14-avgustdagi 138-sonli xati inobatga olinsin.

2. Zafarobod tumani, Mustaqillik koʻchasining A. Navoiy va Doʻstlik koʻchalari bilan tutashgan qismiga 3.4. “Yuk avtomobillarining harakatlanishi taqiqlangan”. Toʻla vazni 8,0 tonnadan (agar vazni belgida koʻrsatilmagan boʻlsa) yoki toʻla vazni belgida koʻrsatilganidan ortiq boʻlgan yuk avtomobillari va transport vositalari tarkiblarining, shuningdek traktorlar, oʻziyurar moslamalarning harakatlanishi taqiqlanishini bildiradi.

3. 3.4 “Yuk avtomobillarining harakatlanishi taqiqlangan” taqiqlovchi yoʻl belgisi oʻrnatishga ruxsat etilsin.

4. Zafarobod tuman yoʻllardan foydalanish unitar korxonasi (N. Ummatov), tuman Obodonlashtirish boshqarmasi (Sh. Eshatov) ushbu yoʻl belgisini oʻrnatish chorasini koʻrsin.

5. Zafarobod tuman IIB YHXG (Gʻ. Erbekov) mazkur avtomobil yoʻlida harakat xavfsizligini taʼminlash va yoʻl transport hodisalarini oldini olish vazifasi yuklatilsin.

6. Tuman hokimligi devonxonasi (K. Erjigitov) mazkur qarorni “Zafar yoʻlidan” gazetasida nashr etilishini va tuman hokimligining rasmiy veb saytiga joylashtirilishini, qogʻoz va elektron shakllarda, bir kunlik muddatda, tegishli davlat organlari hamda tashkilotlariga yetkazilishini tashkillashtirsin.

7. Mazkur qaror ijrosini nazorat qilish tuman hokimining oʻrinbosari E. Mirazimov zimmasiga yuklatilsin.

8. Qaror rasman eʼlon qilingan kundan eʼtiboran kuchga kiradi.