Oʻzbekiston Respublikasining 2013-yil 10-apreldagi “Yoʻl harakati xavfsizligi toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida”gi OʻRQ-348-sonli (Oʻzbekiston Respublikasi qonun hujjatlari toʻplami, 2013-y., 15-son, 197-modda; 2015-y., 52-son 645-modda) Qonuni va Oʻzbekiston Respublikasi Vazirlar Mahkamasining 2015-yil 24-dekabrdagi “Yoʻl harakati qoidalarini tasdiqlash toʻgʻrisida”gi 370-sonli (Oʻzbekiston Respublikasi qonun hujjatlari toʻplami, 2016-y., 3-son, 23-modda;2017-y., 36-son, 958-modda) qarori ijrosini taʼminlash, shuningdek aholiga xizmat koʻrsatuvchi tashkilotlar oldida transport vositalarining toʻxtab turish soni ortib borayotganligini inobatga olib, Gagarin shahri Oʻzbekiston koʻchasining kirish yoʻlida avtomobillarning harakatini tartibga solish maqsadida, tuman obodonlashtirish boshqarmasining 2020-yil 21-maydagi 112-sonli xati hamda “Mahalliy davlat hokimiyati toʻgʻrisida”gi qonunning 6, 25-moddalariga asosan qaror qilaman:

1. Mirzachoʻl tuman obodonlashtirish boshqarmasining 2020-yil 21-maydagi 112-sonli xati inobatga olinsin.

2. Mizachoʻl tumani, Oʻzbekiston koʻchasining Xoʻjamqulov koʻchasi bilan tutashgan qismidan tuman IIB binosi roʻparasigacha boʻlgan yoʻlga 3.27 “Toʻxtash taʼqiqlangan” taqiqlovchi yoʻl belgisi oʻrnatishga ruxsat etilsin.

3. Mirzachoʻl tuman yoʻllardan foydalanish unitar korxonasi (J.Xosilbekov) ushbu yoʻl belgisi oʻrnatish chorasini koʻrsin.

4. Mirzachoʻl tuman IIB YXHB (F. Mirzabekov)ga mazkur avtomobil yoʻlida harakat xavfsizligini taʼminlash va yoʻl transport hodisalarini oldini olish vazifasi yuklatilsin.

5. Tuman hokimligi devonxonasi (S. Bobjonov), mazkur qarorni “Mirzachoʻl ovozi” gazetasida nashr etilishini va shahar hokimligining rasmiy veb-saytiga joylashtirilishini, qogʻoz va elektron shakllarda bir kunlik muddatda, tegishli davlat organlari va tashkilotlariga yetkazilishini tashkillashtirsin.

6. Mazkur qaror ijrosini nazorat qilish tuman hokimining oʻrinbosari F. Raxmatov zimmasiga yuklatilsin.

7. Qaror rasman eʼlon qilingan kundan eʼtiboran kuchga kiradi.