Oʻzbekiston Respublikasi Prezidenti Administratsiyasining Davlat rezidensiyalariga xizmat koʻrsatish va tadbirlarni tashkil etish boshqarmasi “Ko`ksaroy qarorgohi” davlat muassasasining hududida hududlarni obodonlashtirish, noyob manzarali daraxt navlarini, mevali bogʻlarni saqlab qolish, shuningdek, yoʻl xoʻjaligi, irrigatsiya va sugʻorish tizimlariga sifatli xizmat koʻrsatish borasidagi ishlarni tashkil etish hamda amalga oshirish tizimini yanada takomillashtirish maqsadida Vazirlar Mahkamasi qaror qiladi:

1. Toshkent shahar hokimligining yuridik shaxs tashkil etmasdan, Toshkent shahri hokimligi huzuridagi Obodonlashtirish bosh boshqarmasining Hukumat obyektlariga xizmat koʻrsatish ixtisoslashtirilgan boshqarmasining “Ko`ksaroy qarorgohi” davlat muassasasi hududini obodonlashtirish direksiyasini (keyingi oʻrinlarda — Direksiya) tashkil etish toʻgʻrisidagi taklifi qabul qilinsin.

2. Toshkent shahri hokimligi huzuridagi Obodonlashtirish bosh boshqarmasining Hukumat obyektlariga xizmat koʻrsatish ixtisoslashtirilgan boshqarmasining “Ko`ksaroy qarorgohi” davlat muassasasi hududini obodonlashtirish direksiyasi boshqaruv xodimlarining cheklangan umumiy soni 4 nafardan iborat boʻlgan tuzilmasi 1-ilovaga muvofiq tasdiqlansin.

3. Belgilansinki, Direksiya direktori bir vaqtning oʻzida Toshkent shahri hokimligi huzuridagi Obodonlashtirish bosh boshqarmasining Hukumat obyektlariga xizmat koʻrsatish ixtisoslashtirilgan boshqarmasi boshligʻining oʻrinbosari hisoblanadi.

4. Belgilab qoʻyilsinki, 2020-yil 1-noyabrdan boshlab Toshkent shahri hokimligi huzuridagi Obodonlashtirish bosh boshqarmasining Hukumat obyektlariga xizmat koʻrsatish ixtisoslashtirilgan boshqarmasi xodimlarining lavozim maoshlarini belgilashda, “Qorasuv Qarorgohi” hududini obodonlashtirish direksiyasi xodimlari bundan mustasno, Vazirlar Mahkamasining “Obodonlashtirish xodimlarini moddiy ragʻbatlantirishni kuchaytirish chora-tadbirlari toʻgʻrisida” 2009-yil 1-apreldagi 91-son qaroriga 1-ilovada nazarda tutilgan tarmoq tarif setkasi 1,5 baravar oshirilgan holda qoʻllaniladi.

Ushbu bandda nazarda tutilgan chora-tadbirlarni amalga oshirish bilan bogʻliq xarajatlar 2020-yilda Toshkent shahar mahalliy budjetiga prognozdan ortiqcha tushgan daromadlar hamda budjet xarajatlarida iqtisod qilingan mablagʻlar hisobidan amalga oshiriladi, 2021-yildan boshlab esa Oʻzbekiston Respublikasi Davlat budjetining parametrlarida nazarda tutiladi.

5. Toshkent shahar hokimligi:

Toshkent shahar mahalliy budjetining qoʻshimcha manbalari hisobidan Direksiyaga 2-ilovaga muvofiq roʻyxat boʻyicha ixtisoslashtirilgan avtotransport va maxsus texnika sotib olish uchun zarur mablagʻlar ajratsin;

Direksiyani malakali agronomlar, muhandis-texnik va ishlab chiqarish xodimlari bilan taʼminlash choralarini koʻrsin;

Direksiya xodimlarini Oʻzbekiston Respublikasi Prezidenti Administratsiyasining Davlat rezidensiyalariga xizmat koʻrsatish va tadbirlarni tashkil etish boshqarmasi “Ko`ksaroy qarorgohi” davlat muassasasiga tutash hududdagi mavjud maʼmuriy va ishlab chiqarish xonalariga joylashtirsin.

6. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirishlar kiritilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Toshkent shahar hokimi J.A. Artikxodjayev zimmasiga yuklansin.

1. Vazirlar Mahkamasining “Toshkent shahrini obodonlashtirish ishlarini tashkil etishni takomillashtirish chora-tadbirlari toʻgʻrisida” 2010-yil 11-noyabrdagi 251-son qaroriga (Oʻzbekiston Respublikasi QT, 2010-y. 46-son, 414-modda) 4z-ilovaning matni quyidagi tahrirda bayon etilsin:

2. Vazirlar Mahkamasining “Oʻzbekiston Respublikasi Prezidenti Apparati Ishlar boshqarmasi Davlat rezidensiyalari direksiyasining 1-son Pansionati hududini obodonlashtirish ishlarini tashkil etish va amalga oshirishni takomillishtirish toʻgʻrisida” 2018-yil 1-avgustdagi 612-son qaroriga 3-ilovaning 1-bandi oʻz kuchini yoʻqotgan deb hisoblansin.