LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Turizm sohasidagi xalqaro hamkorlikni kengaytirish maqsadida Vazirlar Mahkamasi qaror qiladi:
1. “O‘zbekturizm” milliy kompaniyasining jahon turistik tashkiloti homiyligida Toshkent shahrida 1995-yil 3 — 6-oktabrda “Ipak yo‘li turizmi” xalqaro turistik yarmarka o‘tkazish to‘g‘risidagi taklifi qabul qilinsin.
Tashkiliy qo‘mita xalqaro yarmarkani tayyorlash va o‘tkazishga doir tadbirlar dasturi hamda rejasini bir oy muddatda ishlab chiqsin va tasdiqlasin.
3. “O‘zbekturizm” milliy kompaniyasi “Ipak yo‘li turizmi” turistik yarmarkani tayyorlash va o‘tkazish bo‘yicha vaqtinchalik direksiya tashkil qilsin.
4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston Respublikasi vazirliklari va idoralari “O‘zbekturizm” milliy kompaniyasi bilan birgalikda “Ipak yo‘li turizmi” xalqaro turistik Yarmarkani tayyorlash va o‘tkazishga doir tadbirlarning o‘z vaqtida bajarilishini ta’minlasinlar.
5. O‘zbekiston Respublikasi Tashqi ishlar vazirligi xalqaro Yarmarka qatnashchilari uchun kelish vizalarini boj olmasdan rasmiylashtirishni ta’minlasin.
6 “O‘zbekiston havo yo‘llari” milliy aviakompaniyasi, “O‘zbekiston temir yo‘llari” davlat-aksionerlik temir yo‘l kompaniyasi, “O‘zavtotrans”, “Mahalliy sanoat” davlat korporatsiyalari, “O‘zbekyengilsanoat” davlat uyushmasi yarmarkada mustaqil ekspozitsiya stendlari bilan qatnashsinlar.
xalqaro turistik yarmarka qatnashchilarini kutib olish va kuzatib qo‘yishni VIR zali orqali, xizmat ko‘rsatish haqi va tegishli yig‘imlarni olmasdan tashkil etsinlar;
“O‘zbekturizm” milliy kompaniyasi bilan birgalikda imtiyozli tariflar bo‘yicha so‘m bilan haq olgan holda Toshkent — Samarqand — Buxoro — Urganch — Toshkent charter reysini tashkil etsinlar.
8. Davlat soliq qo‘mitasi, “O‘zbekiston havo yo‘llari” milliy aviakompaniyasi, “O‘zbekiston temir yo‘llari” kompaniyasi xorijiy firmalar va kompaniyalar keltirishgan yarmarkaning ko‘rgazma eksponatlari va tovarlarining boj olmasdan keltirilishi hamda olib ketilishini ta’minlasinlar.
9. O‘zbekiston Respublikasi, Madaniyat ishlari vazirligi “O‘zbekturizm” milliy kompaniyasi bilan birgalikda turli folklor guruhlari ishtirokidagi maxsus madaniy dasturni ishlab chiqsin va yarmarka o‘tkaziladigan joylarda ularning chiqishlarini tashkil qilsin.
10 O‘zbekiston Respublikasi Ichki ishlar vazirligi yarmarka o‘tkaziladigan va qatnashchilar yashaydigan joylarda jamoat tartibini saqlashni, shuningdek, xizmat ko‘rsatuvchi transportning harakat xavfsizligini ta’minlasin.
11. “O‘zdavteleradio”, O‘zA turistik yarmarkani tayyorlash va o‘tkazishning borishini ommaviy axborot vositalarida keng yoritsinlar.
12. Turar joy, ovqatlanish, ko‘rgazma maydonchalarini ijaraga olish, reklama-badiiy bezash va boshqa qo‘shimcha xizmatlar xarajatlari qatnashchilar hisobidan amalga oshirilishi ma’lumot uchun qabul qilinsin.
Rasmiy delegatsiyalarni qabul qilish va ularga xizmat ko‘rsatish “O‘zbekturizm” milliy kompaniyasi hisobidan amalga oshiriladi.