Mamlakatda ilg‘or xorijiy tajriba asosida soliq siyosati va soliq ma’muriyatchiligini takomillashtirish hamda soliq to‘lovchilarning soliq organlari bilan o‘zaro munosabatlarida shaffoflikni ta’minlash bo‘yicha kompleks chora-tadbirlar amalga oshirildi.
Shu bilan birga soliq maslahati davlatning yangi soliq siyosatini samarali amalga oshirishning professional instituti va soliqlarni hisoblash va to‘lash masalalarida soliq to‘lovchilarning ishonchli yordamchisi sifatida yetarlicha shakllanmagan.
Davlat tomonidan tartibga solish, soliq maslahatchilarini tayyorlash va malakasini oshirish tizimini takomillashtirish, ular kasbining huquqiy maqomi va nufuzini mustahkamlash, soliq to‘lovchilar huquqlariga rioya qilinishini ta’minlash maqsadida:
1. O‘zbekiston Respublikasining yangi tahrirdagi Soliq kodeksi bilan soliq maslahatchilari tashkilotlariga:
davlat soliq va bojxona xizmati organlari bilan munosabatlarda soliq to‘lovchining manfaatlarini ifodalash;
soliq hisobotini soliq to‘lovchi nomidan soliq to‘lovchining shaxsiy kabineti orqali elektron hujjat tarzida taqdim etish;
davlat soliq xizmati organlarining talabnomalarida ko‘rsatilgan, aniqlangan tafovutlarning asosnomasi sifatida xulosalarni soliq to‘lovchi nomidan davlat soliq xizmati organiga taqdim etish bo‘yicha qo‘shimcha huquqlar berilganligi ma’lumot uchun qabul qilinsin.
2. Moliya vazirligi va O‘zbekiston Soliq maslahatchilari palatasining (keyingi o‘rinlarda — Palata) 2021-yil 1-yanvardan Moliya vazirligining quyidagi funksiyalarini Palataga o‘tkazish to‘g‘risidagi takliflariga rozilik berilsin:
soliq maslahatchisining malaka sertifikatini berish, qayta rasmiylashtirish, uning amal qilishini to‘xtatib turish, tugatish va uni bekor qilish;
soliq maslahatchilarini tayyorlash kurslarini, shu jumladan masofadan o‘qitish shaklida tashkil etish;
b) o‘zining rasmiy saytida soliq maslahatchilari reyestrini joylashtirish va muntazam ravishda yangilab borishni ta’minlasin.
4. Belgilansinki, soliq maslahatchisi advokatlik tuzilmalari, auditorlik tashkilotlari, shuningdek, buxgalteriya hisobini yuritish bo‘yicha xizmatlarni ko‘rsatuvchi boshqa yuridik shaxslarning shtatida mehnat faoliyatini olib borgan taqdirda, soliq maslahati bo‘yicha faoliyatda uch yil mobaynida ishtirok etmaganligi uchun uning malaka sertifikati amal qilishini tugatishga yo‘l qo‘yilmaydi.
Davlat soliq qo‘mitasi tomonidan Soliq to‘lovchilar ixtiyoriy tugatilganda soliqlar bo‘yicha xulosa berish huquqiga ega bo‘lgan soliq maslahatchilari tashkilotlari ro‘yxatini (keyingi o‘rinlarda — Ro‘yxat) yuritish;
“tavakkalchilikni tahlil qilish” avtomatlashtirilgan axborot tizimi vositasida aniqlanadigan, yillik aylanmasi oxirgi uch yil mobaynida 1 milliard so‘mgacha bo‘lgan soliq to‘lovchilar (tavakkalchilik darajasi yuqori bo‘lgan soliq to‘lovchilar bundan mustasno) ixtiyoriy tugatilganda Ro‘yxatga kiritilgan soliq maslahatchilari tashkilotlarining soliqlar bo‘yicha xulosalari soliq organlari tomonidan tan olinishi.
6. Oliy va o‘rta maxsus ta’lim vazirligi Moliya vazirligi va Davlat soliq qo‘mitasi bilan birgalikda 2021-yil 1-yanvardan Toshkent davlat iqtisodiyot universiteti va Toshkent moliya institutida “soliqlar va soliqqa tortish” hamda “buxgalteriya hisobi va audit” yo‘nalishlari bo‘yicha 4-kurs bakalavriatining o‘quv dasturlariga “soliq maslahati” fani kiritilishini ta’minlasin.
a) bir oy muddatda soliq maslahatchilarini o‘qitish va ularning malakasini oshirish o‘quv dasturini tasdiqlasin. Bunda davlat soliq xizmati organlarida ish stajiga va (yoki) auditor sertifikatiga ega bo‘lgan talabgorlar uchun o‘quv dasturini optimallashtirish nazarda tutilsin;
o‘quv jarayoniga qo‘yiladigan talablarni ishlab chiqsin va soliq maslahatiga o‘qishni amalga oshiruvchi tashkilotlar tomonidan ularga rioya qilinishi ustidan monitoring olib borsin;
masofadan o‘qitish shaklidagi soliq maslahatchilarini tayyorlash kurslari tashkil etilishini ta’minlasin.
8. Soliq maslahatchilariga sudlar, huquqni muhofaza qiluvchi va nazorat organlarida soliq solish, soliq organlarining hujjatlari, mansabdor shaxslarning harakatlari va (yoki) harakatsizligi ustidan shikoyat qilish bilan bog‘liq ishlarni ko‘rib chiqishda hisoblash texnikasi va aloqa vositalari, audio va video yozish qurilmalaridan foydalanish huquqi berilsin.
9. Moliya vazirligi Davlat soliq qo‘mitasi va Tadbirkorlik subyektlarining huquqlari va qonuniy manfaatlarini himoya qilish bo‘yicha vakil bilan birgalikda Vazirlar Mahkamasiga quyidagilarni kiritsin:
Soliq kodeksi va boshqa qonun hujjatlariga mazkur qarorning 5-bandiga muvofiq o‘zgartirish va qo‘shimchalar kiritish to‘g‘risidagi qonun loyihasini;
qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida takliflarni;
b) uch oy muddatda quyidagilarni nazarda tutuvchi Ro‘yxatni yuritish va soliq to‘lovchilar ixtiyoriy tugatilganda soliqlarga doir xulosalarni berish tartibini:
o‘z faoliyatini bir yildan ortiq muddat davomida amalga oshirayotgan va shtatida kamida bir yillik soliq maslahatchisi stajiga ega soliq maslahatchilari bo‘lgan soliq maslahatchilari tashkilotlarini Ro‘yxatga kiritish;
soliqlarga doir berilgan xulosa doirasida ixtiyoriy tugatilayotgan soliq to‘lovchining soliq majburiyatlari soliq maslahatchilari tashkilotlari tomonidan yashirilganligi yoki qasddan buzib ko‘rsatilganligi holatlari soliq organlari tomonidan aniqlanganda ularni Ro‘yxatdan chiqarish;
Ro‘yxatni Davlat soliq qo‘mitasining rasmiy saytida joylashtirish va muntazam ravishda yangilab borish;
v) 2021-yilning 1-apreliga qadar soliq maslahati sohasida o‘zini o‘zi boshqarishning asosiy qoidalarini belgilovchi hamda samarali faoliyat ko‘rsatadigan soliq maslahatchilari institutini shakllantirishga imkon beruvchi yangi tahrirdagi “Soliq maslahati to‘g‘risida”gi qonun loyihasini.
10. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov zimmasiga yuklansin.