Oʻzbekiston Respublikasining “Baholash faoliyati toʻgʻrisida”gi Qonuni, Oʻzbekiston Respublikasi Prezidentining 2018-yil 8-avgustdagi PF-5505-son “Norma ijodkorligi faoliyatini takomillashtirish konsepsiyasini tasdiqlash toʻgʻrisida”gi Farmoni va 2019-yil 1-iyuldagi PQ-4381-son “Baholash faoliyatini yanada takomillashtirish hamda past rentabelli va faoliyat yuritmayotgan davlat ishtirokidagi korxonalarni sotish mexanizmlarini soddalashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Davlat aktivlarini boshqarish agentligi va Mudofaa vazirligi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Davlat mulkini boshqarish davlat qoʻmitasi va Mudofaa vazirligining 2008-yil 5-fevraldagi 01/19-18/01, 3-son “Harbiy-texnik mulkni baholash” Oʻzbekiston Respublikasi mulkni baholash Milliy standartini tasdiqlash toʻgʻrisida”gi qarori (roʻyxat raqami 1769, 2008-yil 16-fevral) (Oʻzbekiston Respublikasi qonun hujjatlari toʻplami, 2008-y., 8-9-son, 41-modda);

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi va Mudofaa vazirligining 2014-yil 30-sentabrdagi 01/27-26/25, 15-son “Harbiy-texnik mulkni baholash” Oʻzbekiston Respublikasi mulkni baholash Milliy standartini tasdiqlash toʻgʻrisida”gi qarorga oʻzgartirishlar kiritish toʻgʻrisida”gi qarori (roʻyxat raqami 1769-1, 2014-yil 9-oktabr) (Oʻzbekiston Respublikasi qonun hujjatlari toʻplami, 2014-y., 41-son, 516-modda).

2. Mazkur qaror Oʻzbekiston Respublikasi Moliya vazirligi hamda Davlat soliq qoʻmitasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.