Oʻzbekiston Respublikasi Prezidentining “Oʻzagrosugʻurta” davlat-aksiyadorlik sugʻurta kompaniyasini tashkil qilish toʻgʻrisida” 1997-yil 25-fevraldagi PF-1713-son Farmoniga muvofiq Vazirlar Mahkamasi qaror qiladi:

1. Oʻzagrosugʻurta” kompaniyasi tomonidan amalga oshiriladigan sugʻurtaning asosiy turlari roʻyxatiga, bank kreditlarini toʻlamaganlik uchun qishloq xoʻjaligi korxonalarining javobgarligini sugʻurta qilish, qishloq xoʻjaligi mahsulotlari yetishtirish uchun va fyuchers kontraktlari boʻyicha avans tariqasida beriladigan mablagʻlar qaytarilishini sugʻurtalash sxemalariga 1, 2 va 3-ilovalarga muvofiq rozilik berilsin.

2. Oʻzbekiston Respublikasi Qishloq va suv xoʻjaligi vazirligi, “Oʻzagrosugʻurta” davlat-aksiyadorlik sugʻurta kompaniyasi, Moliya vazirligi, “Paxta-bank”, “Gʻalla-bank” va “Mevasabzavotbank” bilan birgalikda:

ikki hafta muddatda xoʻjalikning moliyaviy ahvoli va toʻlov qobiliyati toʻgʻrisida har yili ortib boruvchi yakuniy maʼlumotlar bilan toʻldirib boriladigan xoʻjalik pasportining namunaviy shaklini ishlab chiqsinlar;

ikki oy muddatda, pasportning koʻrsatib oʻtilgan namunaviy shakliga muvofiq, xoʻjaliklarni yalpi xatlashdan oʻtkazsinlar, kompaniyaning sugʻurta polisini va bank kreditini olishga daʼvogar boʻlish mumkin boʻlgan xoʻjaliklar roʻyxatini aniqlasinlar.

3. “Oʻzagrosugʻurta” davlat aksiyadorlik sugʻurta kompaniyasi bir oy muddatda qarz oluvchiga qoʻyiladigan namunaviy talablarni va ular albatta bajarilgan taqdirda sugʻurta polisi berilishini hamda qishloq tovar yetishtiruvchilarini sugʻurtalashni taʼminlash boʻyicha boshqa zarur normativ-uslubiy hujjatlarni ishlab chiqsin va tasdiqlasin.

Belgilab qoʻyilsinki:

sugʻurta polisi “Oʻzagrosugʻurta” kompaniyasining xizmat koʻrsatuvchi boʻlimiga topshirilgan pasport nusxasiga muvofiq xoʻjalikning ishlab chiqarish moliyaviy ahvoli oʻrganilgandan keyin va qarz oluvchiga qoʻyiladigan namunaviy talablar bajarilgan taqdirda beriladi;

xoʻjalik bilan bank (tayyorlov tashkiloti) oʻrtasida likvid mol-mulk garovi shartnomasini tuzish sugʻurta polisi berishning sharti hisoblanadi, uni davlat roʻyxatidan oʻtkazish, summasidan qatʼi nazar, Qoraqalpogʻiston Respublikasi Adliya vazirligida va viloyatlar hokimliklarining adliya boshqarmalarida amalga oshiriladi;

sugʻurta polisi bankka topshiriladi va u kredit olish uchun tavsiya-kafolatnoma hisoblanadi. Shu bilan birga sugʻurta kompaniyasini bankka kredit beriladigan har bir loyiha boʻyicha xulosa beradi.

4. Belgilansinki, Oʻzbekiston Respublikasi Moliya vazirining taqdimnomasiga binoan Vazirlar Mahkamasi tomonidan tayinlanadigan Rais boshqaradigan Boshqaruv “Oʻzagrosugʻurta” davlat-aksiyadorlik sugʻurta kompaniyasining ijro etuvchi organi hisoblanadi. Kompaniya Boshqaruvchi raisi maqomiga koʻra Oʻzbekiston Respublikasi vaziriga tenglashtiriladi.

“Oʻzagrosugʻurta” davlat-aksiyadorlik sugʻurta kompaniyasi va uning ijro etuvchi apparati tuzilmasi 4, 5 va 5a-ilovalarga muvofiq maʼqullansin. Kompaniya xodimlari sonining (xizmat koʻrsatuvchi xodimlardan tashqari) 2000 kishidan, shu jumladan, kompaniya ijro etuvchi apparati xodimlari cheklangan sonining 60 kishidan iborat boʻlishiga rozilik berilsin.

5. “Oʻzagrosugʻurta” kompaniyasi tizimi xodimlarini attestatsiyadan oʻtkazish uchun kompaniya rahbariyatidan, Oʻzbekiston Respublikasi Moliya vazirligi, Adliya vazirligi va Markaziy banki vakillaridan iborat tarkibda Komissiya tuzilsin. Attestatsiya uch oy muddatda tugallansin.

Komissiyaga xodimlarni attestatsiyadan oʻtkazish yakunlari boʻyicha ularni kompaniya tizimida ishga joylashtirish yoki buni rad etish toʻgʻrisida uzil-kesil qaror qabul qilish huquqi berilsin.

6. “Oʻzagrosugʻurta” davlat-aksiyadorlik sugʻurta kompaniyasi bir oy muddatda taʼsis majlisini oʻtkazsin va oʻz faoliyati Ustavini belgilangan tartibda qabul qilsin.

7. Oʻzbekiston Respublikasi Adliya vazirligi “Oʻzagrosugʻurta” davlat-aksiyadorlik sugʻurta kompaniyasini ochiq turdagi aksiyadorlik jamiyati sifatida belgilangan tartibda roʻyxatdan oʻtkazsin.

8. “Oʻzagrosugʻurta” davlat-aksiyadorlik sugʻurta kompaniyasiga va uning mahalliy boʻlinmalariga Davlat sugʻurtasi bosh boshqarmasi va uning tarkibiy boʻlinmalari egallab turgan xizmat binolari biriktirib qoʻyilsin.

9. “Oʻzagrosugʻurta” davlat-aksiyadorlik sugʻurta kompaniyasining barqaror faoliyat koʻrsatishini taʼminlash uchun Oʻzbekiston Respublikasi Moliya vazirligi uning sugʻurta jamgʻarmasini toʻldirish uchun 1998-yildan boshlab mablagʻlar ajratishni nazarda tutsin.

10. Oʻzbekiston Respublikasi Vazirlar Mahkamasining:

“Oʻzbekiston Respublikasi davlat sugʻurta organlari toʻgʻrisidagi nizomni tasdiqlash haqida” 1992-yil 31-dekabrdagi 605-son;

“Jamoa, davlat xoʻjaliklari va boshqa davlat qishloq xoʻjalik korxonalari mol-mulkining davlat majburiy sugʻurtasi toʻgʻrisida” 1993-yil 23-dekabrdagi 608-son;

“Oʻzbekiston Respublikasi Vazirlar Mahkamasining 1993-yil 23-dekabrdagi 608-son qaroriga oʻzgartirishlar kiritish toʻgʻrisida” 1995-yil 4-apreldagi 116-son;

“Qishloq xoʻjaligi korxonalari mol-mulkining davlat majburiy sugʻurtasiga doir sugʻurta toʻlovlari stavkalari miqdorlariga oʻzgartirishlar kiritish toʻgʻrisida” 1995-yil 21-avgustdagi 329-son qarorlari oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.

1. Tijorat banklari tomonidan ajratiladigan kreditlar qaytarilishi uchun qishloq xoʻjaligi korxonalarining javobgarligini sugʻurta qilish.

2. Qishloq xoʻjaligi mahsulotlari yetishtirish boʻyicha ishlarni oʻtkazish uchun avans tariqasida beriladigan va fyuchers kontraktlari boʻyicha mablagʻlar qaytarilishini sugʻurta qilish.

3. Qishloq joylarda yashovchi fuqarolarga tegishli mol-mulkni sugʻurta qilish.

4. Qishloq joylardagi garovga qoʻyilgan mol-mulkni sugʻurta qilish.

5. Qishloq joylardagi transport egalarining fuqarolik javobgarligini sugʻurta qilish.

1. Qishloq xoʻjaligi korxonalarining qishloq xoʻjaligi ekinlari hosilini sugʻurta qilish.

2. Qishloq xoʻjaligi korxonalarining qishloq xoʻjaligi ekinlarini qayta ekishni va olasiga ekishni sugʻurta qilish.

3. Qishloq xoʻjaligi korxonalariga tegishli boʻlgan chorva mollarini sugʻurta qilish.

4. Qishloq xoʻjaligi korxonalarining asosiy vositalarini sugʻurta qilish.

5. Qishloq xoʻjaligi korxonalarining tabiiy pichanzorlari, yaylovlari hosilini va tut daraxtlari barglarini sugʻurta qilish.

6. Pillani sugʻurta qilish.

7. Bogʻlar va uzumzorlar hosilini doʻl urishidan sugʻurta qilish.

8. Qishloq xoʻjaligi korxonalari, dehqon, fermer va ijara xoʻjaliklarining mol-mulkini sugʻurta qilish.

9. Qishloq xoʻjaligi tovar ishlab chiqaruvchilari tomonidan joʻnatiladigan yuklarini sugʻurta qilish.

1. Hovlilarni va tomorqa ekinlari hosilini sugʻurta qilish.

2. Dala hovlilarni sugʻurta qilish.

3. Imoratlarni sugʻurta qilish.

4. Chorva mollarini sugʻurta qilish.

5. Roʻzgʻor buyumlarini sugʻurta qilish.

6. Transport vositalarini sugʻurta qilish.

7. Hayotni, bolalarni va baxtsiz hodisalardan sugʻurta qilish.

Qishloq joylardagi davlat, xususiylashtirilgan, qoʻshma, kichik va oʻrta korxonalar mol-mulkini sugʻurta qilish.

1. Qishloq xoʻjaligi korxonasi olinadigan kreditning texnik-iqtisodiy asoslanishi ilova qilingan holda kredit berish toʻgʻrisida bankka ariza beradi.

2. Bank qishloq xoʻjaligi korxonasi bilan kredit shartnomasini, shuningdek, davlat roʻyxatidan oʻtkazilishi Qoraqalpogʻiston Respublikasi Adliya vazirligida, viloyat hokimliklari adliya boshqarmalarida amalga oshiriladigan likvidli mol-mulkning garov shartnomasini tuzadi.

3. Qishloq xoʻjaligi korxonasi hujjatlar turkumi (kredit shartnomasi, oldingi davr uchun buxgalteriya balansi, kredit summasidan foydalanish boʻyicha shartnomalar, kontraktlar va boshqalarni)ni “Oʻzagrosugʻurta” kompaniyasi boʻlimiga beradi.

4. “Oʻzagrosugʻurta” sugʻurta kompaniyasi boʻlimi kredit shartnomasini koʻrib chiqadi, kreditdan foydalanish maqsadini, qishloq xoʻjaligi korxonasining pasportiga muvofiq uning moliyaviy ahvolini oʻrganadi hamda qishloq xoʻjaligi korxonasi bilan bankning kreditini qaytarmaslik tavakkalchiligi shartnomasini, shuningdek, garovga qoʻyilgan mol-mulkning sugʻurta shartnomasini tuzadi.

5. Qishloq xoʻjaligi korxonasi sugʻurta shartnomasi asosida “Oʻzagrosugʻurta” sugʻurta kompaniyasi boʻlimi schyotiga hisoblar chiqilgan sugʻurta toʻlovlari summasini oʻtkazadi. Sugʻurta shartnomasi tuzilgan kunda xoʻjalikda mablagʻ mavjud boʻlmagan taqdirda bank hisoblab chiqilgan sugʻurta toʻlovlarini kredit summasidan ushlab qoladi va ularni uch kun ichida kompaniya boʻlinmasi schyotiga oʻtkazadi.

6. “Oʻzagrosugʻurta” sugʻurta kompaniyasi boʻlimi qishloq xoʻjaligi korxonasiga sugʻurta polisi, shuningdek, kredit berilishi kerak boʻlgan loyiha yuzasidan xulosa beradi.

7. Bank qishloq xoʻjaligi korxonasiga kredit beradi.

8. Kredit yoki uning bir qismi qaytarilmagan taqdirda bank va qishloq xoʻjaligi korxonasi “Oʻzagrosugʻurta” sugʻurta kompaniyasi boʻlimiga sugʻurtalash boshlanganligi toʻgʻrisida bildirishnoma yuboradi.

9. Bank kreditni garovga qoʻyilgan mol-mulkdan undiradi.

10. “Oʻzagrosugʻurta” sugʻurta kompaniyasi boʻlimi bankka garovga qoʻyilgan mol-mulk bilan taʼminlanmagan qismi uchun sugʻurta qoplamasi toʻlaydi.

11. Sugʻurta qoplamasi toʻlangandan keyin toʻlangan qoplama doirasida qishloq xoʻjaligi korxonasining qarzini undirish huquqi “Oʻzagrosugʻurta” sugʻurta kompaniyasi boʻlimiga oʻtadi va boʻlim qarzni undirishni Oʻzbekiston Respublikasining fuqarolik qonunchiligida belgilangan tartibda amalga oshiradi.

1. “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalari kontraktatsiya shartnomalari asosida qishloq xoʻjaligi mahsulotlari yetishtirish uchun qishloq xoʻjaligi korxonalariga beriladigan avans summasini belgilaydilar.

2. “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalari avans toʻlovlari oluvchi xoʻjaliklar bilan haridorgir mol-mulkni garovga qoʻyish shartnomalarini tuzadilar, ularni Qoraqalpogʻiston Respublikasi Adliya vazirligida, viloyatlar hokimliklarining adliya boshqarmalarida davlat roʻyxatidan oʻtkazadilar.

3. “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalari avans tariqasida berilgan mablagʻlarni toʻlamaslik tavakkalchiligini sugʻurtalash shartnomasi tuzish toʻgʻrisida “Oʻzagrosugʻurta” sugʻurta kompaniyasi boʻlimlariga murojaat qiladilar.

4. 4a. “Oʻzagrosugʻurta” sugʻurta kompaniyasi boʻlimlari hujjatlar paketi (avans tariqasida beriladigan ssuda mablagʻlari berish shartnomalari va ularga ilovalar)ni, qishloq xoʻjaligi korxonasining moliyaviy ahvolini uning pasportiga muvofiq holda koʻrib chiqadilar va “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalari bilan avans tariqasida berilgan mablagʻlarning sugʻurtalanishi shartnomalarini, qishloq xoʻjaligi korxonalari bilan esa garovga qoʻyilgan mol-mulkni sugʻurtalash shartnomalarini tuzadilar.

5. “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalari shartnoma asosida hisoblab chiqilgan sugʻurta toʻlovlari summasini “Oʻzagrosugʻurta” sugʻurta kompaniyasi boʻlimlari schyotiga oʻtkazadilar.

6. “Oʻzagrosugʻurta” sugʻurta kompaniyasi boʻlimlari “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalariga sugʻurta polisini beradilar.

7. “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalari qishloq xoʻjaligi korxonalariga avans beradilar.

8. Qishloq xoʻjaligi korxonasi mahsulot yetishtiradi va uni “Oʻzdavpaxtasanoatsotish” uyushmasi va “Oʻzdonmahsulot” korporatsiyasi boʻlinmalariga sotadi.

9. Avans tariqasida berilgan summa yoki uning bir qismi toʻlanmay qolgan hollarda “Oʻzdavpaxtasanoatsotish” uyushmasi yoki “Oʻzdonmahsulot” korporatsiyasi boʻlinmalari bu haqda sabablari koʻrsatilgan holda, “Oʻzagrosugʻurta” sugʻurta kompaniyasi boʻlimlariga xabar qiladilar.

10. “Oʻzdavpaxtasanoatsotish” uyushmasi yoki “Oʻzdonmahsulot” korporatsiyasi boʻlinmalari garovga qoʻyilgan mol-mulkni undirish uchun murojaat qiladilar.

11. “Oʻzagrosugʻurta” sugʻurta kompaniyasining boʻlimlari garovga qoʻyilgan mol-mulk bilan taʼminlanmagan qismidagi sugʻurta toʻlovi summasini “Oʻzdavpaxtasanoatsotish” uyushmasi yoki “Oʻzdonmahsulot” korporatsiyasi boʻlimlari schyotiga oʻtkazadilar.

12. Sugʻurta toʻlovi toʻlangandan soʻng toʻlangan sugʻurta toʻlovi doirasida qarzni undirish huquqi “Oʻzagrosugʻurta” sugʻurta kompaniyasi boʻlimlariga oʻtadi, ular Oʻzbekiston Respublikasining fuqaroliq qonunchiligi bilan belgilangan tartibda qarzlarni undirib oladilar.

1. Boshqaruv raisi

2. Boshqaruv raisining birinchi oʻrinbosari

3. Boshqaruv raisining oʻrinbosari

4. Sugʻurta kreditlari, avans toʻlovlari va fyuchers kontraktlari boshqarmasi

5. Qishloq xoʻjaligi korxonalari va fermer xoʻjaliklari mol-mulkini sugʻurtalash boshqarmasi

6. Qishloq aholisi hayotini, salomatligini va mol-mulkini sugʻurtalash boshqarmasi

7. Prognozlash, moliya va investitsiya faoliyati boshqarmasi

8. Yuridik va kadrlar xizmati boʻlimi

9. Kanselyariya

10. Maʼmuriy-xoʻjalik boʻlimi