Qishloq xoʻjaligidagi iqtisodiy islohotlarni yanada chuqurlashtirish, sut sektorini jadal rivojlantirish, fermer va dehqon xoʻjaliklari, sut mahsulotlarini qayta ishlash korxonalarining moliyaviy barqarorligini oshirish, shuningdek, xalqaro qishloq xoʻjaligini rivojlantirish jamgʻarmasi bilan hamkorlikni kengaytirish maqsadida:

1. Quyidagilar inobatga olinsin:

2015-yil 15-sentabrda Xalqaro qishloq xoʻjaligini rivojlantirish jamgʻarmasi (keyingi oʻrinlarda — XQXRJ) Boshqaruv kengashi Oʻzbekiston Respublikasiga 17,0 million maxsus qarz olish huquqlari (keyingi oʻrinlarda — MQOH), yaʼni 23,87 million AQSH dollariga ekvivalent miqdorda kredit ajratishni maʼqullaganligi, ushbu kreditning qaytarish muddati 25 yil boʻlib, shundan 5 yili imtiyozli davr hisoblanadi. Shuningdek, Oʻzbekistonning sut sanoatida qoʻshilgan qiymat zanjirini rivojlantirish loyihasi (keyingi oʻrinlarda — loyiha) uchun 0,5 million MQOH, yaʼni 0,7 million AQSH dollariga ekvivalent grant ajratish ham tasdiqlandi;

Loyihaning umumiy qiymati 40,567 million AQSH dollariga ekvivalent boʻlib, shundan Oʻzbekiston Respublikasining loyiha amalga oshirilishiga qoʻshgan hissasi 15,99 million AQSH dollariga ekvivalentni tashkil etadi. Bunga quyidagilar kiradi: 0,430 million AQSH dollari — soliq va boshqa majburiy toʻlovlar boʻyicha berilgan imtiyozlar hamda boshqa xarajatlar, 8,32 million AQSH dollari — loyiha ishtirokchilari (benefitsiyarlari) tomonidan qoʻshilgan hissa va 7,24 million AQSH dollari — loyiha ishtirokchisi boʻlgan tijorat banklarining ulushi;

loyihani amalga oshirish muddati 6 yil (2017-2023-yil 31-martgacha) etib belgilandi.

2. Belgilansinki:

loyiha Jizzax va Qashqadaryo viloyatlarida amalga oshiriladi;

loyihani oʻz vaqtida va samarali amalga oshirish uchun masʼul ijro etuvchi organ Oʻzbekiston Respublikasi Veterinariya va chorvachilikni rivojlantirish Davlat qoʻmitasi hisoblanadi;

loyihani amalga oshirishni muvofiqlashtirish va boshqarish, shuningdek, loyihani amalga oshirish davrida monitoring va hisobotlarni yuritish funksiyalari Oʻzbekiston Respublikasi Veterinariya va chorvachilikni rivojlantirish Davlat qoʻmitasiga yuklatiladi;

Kredit liniyasini boshqarish, XQXRJ krediti mablagʻlarini oʻzlashtirish va maqsadli ishlatish, shuningdek, subloyihalarning monitoringi va hisobot yuritish boʻyicha masʼuliyat ishtirokchi tijorat banklariga yuklatiladi.

3. Quyidagilar:

“Oʻzbekiston Respublikasi sut sektorida qoʻshilgan qiymat zanjirini rivojlantirish” loyihasining asosiy texnik-iqtisodiy parametrlari 1-ilovaga* muvofiq;

“Oʻzbekiston Respublikasi sut sektorida qoʻshilgan qiymat zanjirini rivojlantirish” loyihasi boʻyicha Xalqaro qishloq xoʻjaligini rivojlantirish jamgʻarmasining kreditga xizmat koʻrsatish sxemasi 2-ilovaga* muvofiq;

“Oʻzbekiston Respublikasi sut sektorida qoʻshilgan qiymat zanjirini rivojlantirish” loyihasi doirasida qishloq xoʻjaligini rivojlantirish xalqaro jamgʻarmasining qarzini toʻlash, unga boʻlgan foizlar va komissiyalarni toʻlash prognoz jadvali 3-ilovaga* muvofiq tasdiqlansin.

4. Oʻzbekiston Respublikasi Qishloq xoʻjaligi vazirligi Moliya vazirligi va Markaziy bank bilan birgalikda bir oy muddatda loyiha doirasida XQXRJ kreditidan foydalanish tartibi toʻgʻrisidagi nizomni tasdiqlasin, unda kreditni qayta moliyalashtirish tartibi, muddatlari va shartlari, subloyihalarni tanlash mezonlari va ularni baholash tartiblari belgilansin.

5. Oʻzbekiston Respublikasi Veterinariya va chorvachilikni rivojlantirish Davlat qoʻmitasi raisi, Jizzax va Qashqadaryo viloyatlari hokimlari zimmasiga loyiha tadbirlarini samarali amalga oshirish uchun zarur shart-sharoitlarni taʼminlash, oʻz vaqtida tayyorlanishni tashkil etish hamda Oʻzbekiston Respublikasi XQXRJ tartib-taomillari va qonun hujjatlari talablariga muvofiq zarur hisobot va hujjatlarni taqdim etish uchun shaxsiy javobgarlik yuklansin.

6. Oʻzbekiston Respublikasi moliya vaziriga Oʻzbekiston Respublikasi nomidan quyidagilarga imzo qoʻyish vakolati berilsin:

XQXRJ bilan moliyalashtirish shartnomasi;

Oʻzbekiston Respublikasi Veterinariya va chorvachilikni rivojlantirish Davlat qoʻmitasi va ishtirok etuvchi tijorat banklari bilan XQXRJ qarzini qayta kreditlash toʻgʻrisidagi bitim, shuningdek zarurat boʻlganda unga tegishli oʻzgartirishlarga.

7. Oʻzbekiston Respublikasi Adliya vazirligi belgilangan tartibda Oʻzbekiston Respublikasi va XQXRJ oʻrtasidagi qarz bitimi boʻyicha yuridik xulosa taqdim etsin.

8. Quyidagilar ozod qilinsin:

XQXRJ krediti hisobidan loyiha doirasida xarid qilinadigan tovarlar (ishlar, xizmatlar) va transport vositalari bojxona toʻlovlaridan (bojxona yigʻimlaridan tashqari), qoʻshilgan qiymat soligʻidan, majburiy ajratmalar va davlat maqsadli fondlariga yigʻimlardan;

Oʻzbekiston Respublikasi norezident jismoniy shaxslarning jismoniy shaxslardan olinadigan daromad soligʻidan olinadigan daromadlari.

Belgilansinki, ushbu bandda nazarda tutilgan imtiyozlarning amal qilishi fermer xoʻjaliklari va qishloq xoʻjaligi korxonalari tomonidan loyihaning qayta moliyalashtiriladigan mablagʻlari hisobidan sotib olinadigan tovarlarga (ishlarga, xizmatlarga) ham tatbiq etiladi.

Ushbu imtiyozlar taqdim etilishi natijasida ozod boʻlgan mablagʻlar Oʻzbekiston Respublikasining loyiha amalga oshirilishiga qoʻshgan hissasi sifatida hisoblanadi.

9. Oʻzbekiston Respublikasi Tashqi ishlar vazirligi Veterinariya va chorvachilikni rivojlantirish Davlat qoʻmitasining buyurtmanomalari boʻyicha loyihani amalga oshirishda ishtirok etayotgan xorijiy mutaxassislarga kirish vizalari konsullik va boshqa yigʻimlar undirilmasdan rasmiylashtirilishini taʼminlasin.

10. Oʻzbekiston Respublikasi Ichki ishlar vazirligi Veterinariya va chorvachilikni rivojlantirish Davlat qoʻmitasining buyurtmanomalari boʻyicha loyihani amalga oshirishda ishtirok etayotgan xorijiy mutaxassislarning davlat boji undirilmasdan koʻp martalik vizalar berilishi va uzaytirilishini, shuningdek Oʻzbekiston Respublikasida vaqtincha roʻyxatdan oʻtkazilishi va uzaytirilishini taʼminlasin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.