Oʻzbekiston Respublikasi Prezidentining “Favqulodda vaziyatlarning oldini olish va bartaraf etish tizimi samaradorligini tubdan oshirish tadbirlari toʻgʻrisida”gi 2017-yil 1-iyundagi PF-5066-sonli Farmoniga muvofiq:

1. Oʻzbekiston Respublikasi Favqulodda vaziyatlar vazirligi markaziy apparatida:

1.1. Tashkil etilsin:

Kadrlar va shaxsiy tarkib bilan ishlash boshqarmasi negizida — Kadrlar boshqarmasi va Shaxsiy tarkib bilan ishlash boshqarmasi;

Aholi va hududlarni muhofaza qilish sohasida fan va texnologiyalarni rivojlantirish boʻlimi;

Jismoniy va yuridik shaxslarning murojaatlari bilan ishlash va ijroni nazorat qilish boʻlimi;

1.2. Aylantirilsin:

Tashkiliy-tezkor boshqarmasi Tezkor boshqarmasiga;

Avariya-qutqaruv kuchlari boshqarmasi Qutqaruv kuchlari boshqarmasiga;

Aloqa va axborotlashtirish boshqarmasi Axborot-kommunikatsiya texnologiyalari, aloqa va xabar berish tizimini rivojlantirish boshqarmasiga;

Aholi va hududlarni muhofaza qilish boshqarmasi Favqulodda vaziyatlar profilaktikasi boshqarmasiga;

Inspeksiya unga aholi va hududlarni tabiiy va texnogen xususiyatli favkulodda vaziyatlardan muhofaza qilish, fuqaro muhofazasi, shuningdek, kichik xajmli kemalardan xavfsiz foydalanish toʻgʻrisidagi qonun xujjaglari gʻalablarining bajarilishi ustidan davlat nazoratini amalga oshirish vazifalari yuklangan holda, Favkulodda vaziyatlarda ularning oldini olish va harakat qilish Davlat tizimini nazorat qilish xizmatiga.

3. Kiritilsin:

Oʻzbekiston Respublikasi Favkulodda vaziyatlar vazirligi Markaziy apparati tuzilmasiga Moddiy-texnik taʼminot va moliya hamda Kadrlar va shaxsiy tarkib bilan ishlash boʻyicha vazir oʻrinbosari lavozimlari;

xududiy favqulodda vaziyatlar boshqarmalari tarkibiga iqtisodiyot obyektlari va hududlarda favqulodda vaziyatlarning oldini olishga jalb etilgan davlat inspeksiyalari faoliyatini tashkil etish va muvofiqlashtirish uchun masʼul boʻlgan bosh inspektor lavozimi.

4. Tasdiqlansin:

Favqulodda vaziyatlar vazirligi tizimining tashkiliy tuzilmasi 2-ilovaga muvofiq;

Favqulodda vaziyatlar vazirligi Respublika seysmik xavf-xatarlar monitoringi va bashoratlash markazining tuzilmasi 9-ilovaga muvofik;

Favqulodda vaziyatlar vazirligi xuzuridagi Gidrometeorologiya xizmati markazining tuzilmasi 10-ilovaga muvofik;

Favqulodda vaziyatlar vazirligi xuzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasining tuzilmasi 11-ilovaga muvofik;

Favqulodda vaziyatlar vazirligi tizimidagi tuzilmalarning oʻzaro hamkorlik chizmasi 12-ilovaga muvofiq;

Favqulodda vaziyatlar vaziriga zaruratga koʻra, vazirlik markaziy apparati, uning hududiy va tarkibiy boʻlinmalari tuzilmalariga umumiy shtat birligi doirasida oʻzgartirishlar kiritish huquqi berilsin.

5. Ushbu qaror ijrosi bilan bogʻliq tadbirlarga harajatlar Davlat budjetining “mudofaa, jamoat tartibi va xavfsizlik” boʻlimi boʻyicha har yili tasdiqlanadigan koʻrsatkichlari doirasida, asoslangan hisob-kitoblar asosida, shuningdek, Favqulodda vaziyatlar vazirligining budjetdan tashqari mablagʻlari hisobidan amalga oshirilishi belgilab qoʻyilsin.

6. Iqtisodiyot vazirligi (G.K. Saidova), Investitsiyalar boʻyicha Davlat qoʻmitasi (A.I. Axmedxadjayev), “Oʻzavtosanoat” aksiyadorlik kompaniyasi (U.U. Rozukulov), “Oʻzbekneftegaz” milliy xolding kompaniyasi (A.S. Sultanov), “Oʻzbekyengilsanoat” aksionerlik jamiyati (I.U. Xaydarov) uch oy muddatda maxalliy ishlab chiqaruvchilar negizida tayyor mahsulotlar, butlovchi buyumlar va materiallarning yoʻnalishlari va roʻyxatlari asosida avariya-qutqaruv texnikalari, maxsus anjomlar va asbob-uskunalarni ishlab chiqishni mahalliylashtirish masalalari boʻyicha aniq takliflarni 14-ilovaga muvofiq Vazirlar Mahkamasiga kiritsin.

7. Oʻzbekiston Respublikasi Vazirlar Mahkamasi (A.N. Aripov) bir oy muddatda Oʻzbekiston Respublikasi Favqulodda vaziyatlar vazirligi Nizomini oʻrnatilgan tartibda tasdiqlasin.

8. Oʻzbekiston Respublikasi Favqulodda vaziyatlar vazirligi (R.M. Djurayev):

Oʻzbekiston Respublikasi Moliya vazirligi bilan birgalikda uch oy muddatda ushbu qarorga muvofik harajatlar smetasiga oʻzgartirishlar kiritsin, shuningdek, Favqulodda vaziyatlar vazirligi va uning boʻlinmalarining yangi shtat jadvalini belgilangan tartibda tasdikdan oʻtkazsin;

manfaatdor vazirlik va idoralar bilan birgalikda ushbu qaror talablaridan kelib chiqqan holda, qonun hujjatlariga oʻzgartirish va koʻshimchalar boʻyicha ikki oy muddatda Oʻzbekiston Respublikasi Vazirlar Mahkamasiga takliflar kiritsin;

uch oy muddatda idoraviy meʼyoriy-huquqiy va boshqa hujjatlar ushbu qaror bilan muvofiqlashtirilsin;

2018-yil 31-dekabrga qadar vazirlikning yangi va qayta tashkil etilayotgan boʻlinmalarini zarur kasbiy va maʼnaviy-irodaviy sifatlarga ega, yukori darajada vatanparvar va xizmat vazifalariga sodiq mutaxassislar bilan jamlash amalga oshirilsin.

9. Oʻzbekiston Respublikasi Prezidentining “Favqulodda vaziyatlarning oldini olish va bartaraf etish tizimi samaradorligini tubdan oshirish tadbirlari toʻgʻrisida”gi 2017-yil 1-iyundagi PF-5066-sonli Farmoni bilan tashkil etilgan Favqulodda vaziyatlarning oldini olish va bartaraf etish Hukumat komissiyasi (A.J. Ramatov):

favqulodda vaziyatlarning oldini olish va bartaraf etish tizimi samaradorligini tubdan oshirish va yanada takomillashtirishga qaratilgan Oʻzbekiston Respublikasi Prezidenti va Hukumatining qabul qilingan qarorlarini oʻz vaqtida va sifatli bajarilishini nazorat qilish va muvofiqlashtirishni taʼminlasin;

uch oy muddatda Oʻzbekiston Respublikasi Favkulodda vaziyatlar vazirligi xodimlarini malaka toifasi talablari asosida oʻrnatilgan tartibda attestatsiyadan oʻtkazsin.

10. Oʻzbekiston Respublikasi Mudofaa vazirligi (Q.R. Berdiyev) Oʻzbekisgon Respublikasi Favqulodda vaziyatlar vazirligining yangi tashkil etilayotgan tuzilmalarini zaxiradagi ofitsyerlar va serjantlar tarkibidagi xarbiy xizmatchilar bilan jamlashda amaliy yordam koʻrsatsin.

11. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.