O‘zbekiston Respublikasi Prezidenti Administratsiyasining islohotlarni chuqurlashtirish bo‘yicha tashabbuslarni ishlab chiqishdagi rolini oshirish, mamlakatning ijtimoiy-iqtisodiy hamda jamiyat va davlat rivojlanishi holatini tizimli tahlil qilish asosida amalga oshirilayotgan islohotlarning izchilligini ta’minlash, shuningdek, fuqarolar huquqlarini himoya qilish, hududlarni rivojlantirish va joylarda aholining dolzarb muammolarini hal qilish ishlarini samarali tashkil etish maqsadida:
O‘zbekiston Respublikasi Prezidentining davlat xizmati va kadrlar zaxirasi masalalari bo‘yicha maslahatchisi bo‘linmalari O‘zbekiston Respublikasi Prezidentining davlat xizmati va hokimiyat vakillik organlari bilan hamkorlik qilish masalalari bo‘yicha maslahatchisi bo‘linmalari etib;
O‘zbekiston Respublikasi Prezidentining fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalari O‘zbekiston Respublikasi Prezidentining fuqarolar huquqlarini himoya qilish va murojaatlar bilan ishlash masalalari bo‘yicha maslahatchisi bo‘linmalari etib qayta tashkil qilinsin.
2. O‘zbekiston Respublikasi Prezidentining yoshlar, fan, ta’lim, sog‘liqni saqlash va sport masalalari bo‘yicha maslahatchisi bo‘linmalari va O‘zbekiston Respublikasi Prezidentining ommaviy axborot vositalari, ma’naviyat va ma’rifat, madaniyat, san’at va ijodiy tashkilotlarni rivojlantirish masalalari bo‘yicha maslahatchisi bo‘linmalari birlashtirilsin va ularning negizida O‘zbekiston Respublikasi Prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi bo‘linmalari tashkil etilsin.
3. O‘zbekiston Respublikasi Prezidentining islohotlarni huquqiy ta’minlash va huquqni muhofaza qilish faoliyatini muvofiqlashtirish masalalari bo‘yicha maslahatchisi bo‘linmalari negizida:
a) O‘zbekiston Respublikasi Prezidenti Administratsiyasining Huquqiy ekspertiza va kompleks tahlil qilish departamenti (keyingi o‘rinlarda — Departament) tashkil etilsin va quyidagilar uning asosiy vazifalari etib belgilansin:
mamlakatning ijtimoiy va iqtisodiy rivojlanish holatini tizimli tahlil qilish, zamonaviy tendensiyalarni inobatga olgan holda islohotlarni chuqurlashtirish, iqtisodiy va ijtimoiy sohadagi tarkibiy o‘zgartirishlarning o‘zaro bog‘liqligini ta’minlash, shuningdek, iqtisodiy o‘sish va aholi farovonligini oshirishga to‘sqinlik qilayotgan tizimli muammolar va kamchiliklarni bartaraf etishga qaratilgan yangi norma ijodkorligi va boshqa tashabbuslarni ishlab chiqish;
mamlakatdagi davlat va jamiyat rivojlanishi holatini tizimli tahlil qilish, ilg‘or xalqaro standartlar va eng yaxshi xorijiy tajribalarni inobatga olgan holda davlat hokimiyati va boshqaruvi tizimini takomillashtirish, jamiyatni demokratlashtirish, shuningdek, davlat va jamiyat qurilishi samaradorligini oshirish bo‘yicha yangi norma ijodkorligi va boshqa tashabbuslarni ishlab chiqish;
O‘zbekiston Respublikasining xalqaro reytinglar va indekslardagi pozitsiyasini yaxshilashga qaratilgan kompleks tashkiliy-huquqiy chora-tadbirlarni ishlab chiqish va ularning amalga oshirilishini ta’minlash, shuningdek, yetakchi xorijiy ekspert va ishbilarmon doiralar vakillari orasida mamlakatning ijobiy imijini bosqichma-bosqich shakllantirish;
normativ-huquqiy hujjatlar loyihalarini huquqiy ekspertizadan o‘tkazish, islohotlarning barqaror va kompleks qonunchilik bazasini shakllantirish, shuningdek, ishlab chiqilayotgan normativ-huquqiy hujjatlarning sifatini oshirish va to‘g‘ridan to‘g‘ri amal qiluvchi qonunlar qabul qilish amaliyotini kengaytirish bo‘yicha chora-tadbirlar ishlab chiqish;
islohotlarni ilgari surishda to‘siq bo‘layotgan muammolarni aniqlash, tahlil qilish va bartaraf etish hamda vazirliklar va idoralar faoliyatini samarali muvofiqlashtirish, amalga oshirilayotgan islohotlarning natijadorligi uchun joylardagi mansabdor shaxslarning mas’uliyatini tubdan oshirish bo‘yicha amaliy choralar ko‘rish asnosida islohotlarni amalga oshirish ustidan monitoring olib borish;
muhim tarmoqlar va yo‘nalishlarda O‘zbekiston Respublikasi sharoitiga maqbul bo‘lgan ilg‘or xorijiy tajribani implementatsiya qilish bo‘yicha tahlillar o‘tkazish va takliflar tayyorlash;
b) O‘zbekiston Respublikasi Prezidentining huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha maslahatchisi bo‘linmalari tashkil etilsin va quyidagilar ularning asosiy vazifalari etib belgilansin:
sud hokimiyatining chinakam mustaqilligini ta’minlash va fuqarolar, tadbirkorlik subyektlari va xorijiy investorlarning sud tizimiga nisbatan ishonchini oshirish, sudyalar korpusini shakllantirishda sudyalar hamjamiyati organlari rolini kuchaytirish, shuningdek, sud organlarining obro‘siga salbiy ta’sir qiluvchi omillarni bartaraf etish bo‘yicha chora-tadbirlar ishlab chiqish va amalga oshirish;
adliya, prokuratura va ichki ishlar organlari, shuningdek soliq va bojxona organlari mansabdor shaxslarining aholi oldidagi mas’uliyatini tubdan oshirish, ularga yuklatilgan vazifalarning samarali amalga oshirilishini ta’minlash, byurokratiya va korrupsiyaning namoyon bo‘lishi xavflarini yo‘q qilish bo‘yicha takliflar ishlab chiqqan holda ular faoliyatini muvofiqlashtirish;
sudlar, adliya, prokuratura va ichki ishlar organlari, soliq va bojxona organlarida davlatning kadrlar siyosati amalga oshirilishini ta’minlash, shuningdek, ularni yuqori malakali, tartib-intizomli va halol mutaxassislar bilan to‘ldirish, yuridik kadrlarni tayyorlash, qayta tayyorlash va malakasini oshirish tizimini takomillashtirish bo‘yicha chora-tadbirlarni amalga oshirish;
O‘zbekiston Respublikasi fuqaroligini, siyosiy boshpana berish hamda O‘zbekiston Respublikasi sudlari tomonidan sudlangan shaxslarga amnistiya berish va ularni afv etish masalalari bo‘yicha O‘zbekiston Respublikasi Prezidentining konstitutsiyaviy vakolatlari amalga oshirilishini ta’minlash;
mamlakatda qonuniylik va huquq-tartibot, huquqbuzarliklar profilaktikasi va ayniqsa, yoshlar va ayollar o‘rtasida jinoyatchilikka qarshi kurashish holati to‘g‘risida O‘zbekiston Respublikasi Prezidentini xabardor qilish, shuningdek, jinoyatlar va boshqa huquqbuzarliklar sodir etilishiga olib kelayotgan sabablar va shart-sharoitlarni bartaraf etish bo‘yicha aniq choralar ishlab chiqish.
a) O‘zbekiston Respublikasi Prezidenti Administratsiyasi Ijro etuvchi apparati tuzilmasida Ijro intizomini ta’minlash shu’basi tuzilsin va quyidagilar uning asosiy vazifalari etib belgilansin:
O‘zbekiston Respublikasi Prezidenti Administratsiyasining boshqa bo‘linmalari bilan birgalikda O‘zbekiston Respublikasi Prezidentining tegishli sohalar va tarmoqlar bo‘yicha qarorlari va topshiriqlari so‘zsiz, o‘z vaqtida va to‘g‘ri ijro etilishi ustidan doimiy nazoratni tashkil qilish;
O‘zbekiston Respublikasi Prezidenti Administratsiyasi bo‘linmalarida, tarmoq vazirliklari va idoralari, mahalliy davlat hokimiyati organlari va boshqa tashkilotlarda ijro intizomi va O‘zbekiston Respublikasi Prezidentining qarorlari va topshiriqlari ijrosini tashkil etish holatini tizimli tahlil qilish;
O‘zbekiston Respublikasi Prezidentining qarorlari va topshiriqlarini so‘zsiz, o‘z vaqtida va to‘g‘ri ijro etishni tashkil etish borasidagi faoliyat samaradorligini oshirish, shuningdek, tarmoq vazirliklari va idoralari, mahalliy davlat hokimiyati organlari va boshqa tashkilotlar mansabdor shaxslarining ijro intizomini ta’minlashdagi mas’uliyatini tubdan kuchaytirish yuzasidan takliflar ishlab chiqish;
b) O‘zbekiston Respublikasi Prezidentining iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha maslahatchisi bo‘linmalari tuzilmasida:
Tadbirkorlikni rivojlantirish shu’basi tuzilsin va quyidagilar uning asosiy vazifalari etib belgilansin:
davlat organlarining kichik biznes va tadbirkorlik subyektlari bilan o‘zaro munosabatlarini tartibga solish sohasidagi qonunchilikni ortiqcha ma’muriy va ruxsat beruvchi tartib-taomillarni bekor qilish yuzasidan takomillashtirish bo‘yicha takliflar ishlab chiqish;
kichik biznes va tadbirkorlikni rivojlantirishdagi tizimli muammolarni, faoliyat ko‘rsatmayotgan tadbirkorlik subyektlari yuzaga kelishining asosiy sabablari va omillarini joylarga borib tahlil qilish, shu asosda kichik biznesni qo‘llab-quvvatlash va rag‘batlantirish bo‘yicha takliflar ishlab chiqish;
qonunchilikni tahlil qilib, raqobat muhitini ta’minlash hamda tadbirkorlik subyektlarining tovar va moliyaviy bozorlarga kirish imkoniyati cheklanishiga yo‘l qo‘ymaslik bo‘yicha takliflar kiritish;
kichik sanoat zonalari faoliyati samaradorligini o‘rganish, mavjud sanoat zonalarini to‘la quvvat bilan ishlatish va yangilarini tashkil qilish yuzasidan takliflar ishlab chiqish;
kichik biznes va tadbirkorlikni qo‘llab-quvvatlash, eng avvalo, ularni innovatsion rivojlantirish, moliyaviy qo‘llab-quvvatlash, marketing va eksport faoliyati, xususiy tadbirkorlik sohasida yangi istiqbolli yo‘nalishlarni rivojlantirishda zamonaviy usullarni qo‘llashga doir xalqaro tajribani o‘rganish;
davlat va xo‘jalik boshqaruvi organlari, Savdo-sanoat palatasi, O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil bilan tadbirkorlikni rivojlantirish va kichik biznesni qo‘llab-quvvatlash bo‘yicha takliflarni tayyorlash borasida o‘zaro hamkorlikni tashkil etish;
Agrosanoat kompleksini rivojlantirish shu’basi tuzilsin va quyidagilar uning asosiy vazifalari etib belgilansin:
qishloq xo‘jaligi ishlab chiqarishini yanada isloh qilish va boshqaruvning bozor mexanizmlarini joriy etish, qishloq xo‘jaligida mehnat unumdorligini oshirish, qishloq xo‘jaligi mahsulotlari ishlab chiqaruvchilarining moliyaviy barqarorligini mustahkamlash, agrosanoat sektorida zamonaviy klaster usullarini rivojlantirish bo‘yicha tahlillar o‘tkazish va takliflar ishlab chiqish;
er va suv resurslaridan foydalanish samaradorligini oshirish, foydalanilmayotgan qishloq xo‘jaligi yerlarini ishga solish, zamonaviy agrotexnologiyalarni qo‘llash va suvni tejovchi texnologiyalarni tatbiq qilish, qishloq xo‘jaligi ishlab chiqarishini diversifikatsiya qilish, shuningdek, qishloq xo‘jaligi ekinlarini ichki va tashqi bozorlardagi ehtiyojni hisobga olgan holda joylashtirish bo‘yicha takliflar ishlab chiqish;
mamlakatning oziq-ovqat xavfsizligini ta’minlashni, oziq-ovqat tovarlari narxlarida keskin tebranishlarga yo‘l qo‘ymaslik maqsadida ichki iste’mol bozorini qishloq xo‘jaligi mahsulotlari bilan barqaror to‘ldirib turishni tahlil qilish;
qishloq xo‘jaligi ekinlarining hosildorligini oshirish, urug‘chilikni takomillashtirish, ko‘chatlar va ekinlarning intensiv va serhosil navlarini yetishtirish, naslli chorvachilik, parrandachilik va qishloq xo‘jaligining boshqa tarmoqlarini kengaytirish sohasidagi ilg‘or xorijiy tajribani o‘rganish, shu asosda ilg‘or ilmiy ishlanmalar, innovatsion g‘oyalar va texnologiyalarni amaliyotga joriy qilish bo‘yicha takliflar ishlab chiqish;
tuproq unumdorligini yaxshilash va qishloq xo‘jaligi zararkunandalariga qarshi kurashish sohasidagi vakolatli davlat organlari hamda ilmiy muassasalar faoliyatini o‘rganish, ular faoliyatining samaradorligini oshirish bo‘yicha takliflar tayyorlash.
O‘zbekiston Respublikasi Prezidenti maslahatchilari va Departament rahbari tegishli sohalar va tarmoqlar bo‘yicha O‘zbekiston Respublikasi Prezidentining qarorlari va topshiriqlarini so‘zsiz, o‘z vaqtida va to‘g‘ri bajarilishi yuzasidan shaxsan javobgar hisoblanadi;
O‘zbekiston Respublikasi Prezidenti Administratsiyasining tarkibiy bo‘linmalari Ijro intizomini ta’minlash shu’basi va O‘zbekiston Respublikasi Hisob palatasi bilan hamkorlikda tegishli sohalar, tarmoqlar va hududlar bo‘yicha O‘zbekiston Respublikasi Prezidentining qarorlari va topshiriqlari so‘zsiz, o‘z vaqtida va to‘g‘ri bajarilishini tashkillashtiradi va uning ustidan tizimli nazoratni amalga oshiradi;
nazorat chora-tadbirlari O‘zbekiston Respublikasi Prezidentining qarorlari va topshiriqlari ijro etilishining borishini, shuningdek, aniqlangan muammolarni va kamchiliklarni hududlardagi ishlarning real ahvolini hisobga olgan hamda mamlakatimizdagi ijtimoiy-iqtisodiy va ijtimoiy-siyosiy holatni tahlil qilish orqali bevosita joylarga chiqib yoki tarmoq vazirliklari va idoralarida, mahalliy davlat hokimiyati organlarida hamda boshqa tashkilotlarda muhokama qilishni tashkillashtirgan holda har haftalik asosda O‘zbekiston Respublikasi Prezidenti Administratsiyasining tarkibiy bo‘linmalari tomonidan olib boriladi;
nazorat chora-tadbirlari O‘zbekiston Respublikasi Prezidentining tegishli maslahatchisi yoki Departament rahbari tomonidan tasdiqlanadigan jadvalga muvofiq olib boriladi, unda nazorat chora-tadbirlarining predmeti, ularning aniq shakli va o‘tkazish muddatlari belgilanadi;
nazorat chora-tadbirlari yakunlari bo‘yicha aniqlangan xatoliklar haqidagi axborot, shu jumladan tarmoq vazirliklari va idoralari, mahalliy davlat hokimiyati organlari hamda boshqa tashkilotlarning mansabdor shaxslarini javobgarlikka tortish to‘g‘risidagi takliflar O‘zbekiston Respublikasi Prezidenti Administratsiyasi rahbariga, O‘zbekiston Respublikasi Prezidentining qarorlari va topshiriqlarini bajarishga to‘sqinlik qilayotgan tizimli muammolarni bartaraf etish bo‘yicha normativ-huquqiy hujjatlar va boshqa hujjatlar loyihalari esa Departamentga kiritiladi;
O‘zbekiston Respublikasi Prezidenti Administratsiyasi rahbari, O‘zbekiston Respublikasi Prezidenti maslahatchilari va Departament rahbari muntazam asosda tarmoq vazirliklari va idoralari, mahalliy davlat hokimiyati organlari hamda boshqa tashkilotlar mansabdor shaxslarini jalb qilgan holda O‘zbekiston Respublikasi Prezidentining tegishli qarorlari va topshiriqlari ijro etilishining borishini muhokama qiladi, zarur hollarda, mazkur masalalarni O‘zbekiston Respublikasi Prezidenti ishtirokidagi yig‘ilishlar va boshqa tadbirlarda muhokama qilish to‘g‘risida takliflar kiritadi;
O‘zbekiston Respublikasi Prezidentining qarorlari va topshiriqlari ijro etilishining borishini muhokama qilish yakunlari bo‘yicha qabul qilingan topshiriqlar tarmoq vazirliklari va idoralari, mahalliy davlat hokimiyati organlari hamda boshqa tashkilotlar tomonidan bajarish uchun majburiy hisoblanadi, ular bir oy muddatda topshiriqlarning bajarilishi natijalari to‘g‘risidagi batafsil axborotni O‘zbekiston Respublikasi Prezidenti Administratsiyasiga kiritishi lozim;
Ijro intizomini ta’minlash shu’basi O‘zbekiston Respublikasi Prezidenti Administratsiyasining boshqa tegishli tarkibiy bo‘linmalari bilan birgalikda O‘zbekiston Respublikasi Prezidentining qarorlari va topshiriqlari ijro etilishining borishini muhokama qilish yakunlari bo‘yicha qabul qilingan topshiriqlarning bajarilishini monitoring qiladi, mazkur topshiriqlarning ijro muddatlari buzilishiga yo‘l qo‘ygan tarmoq vazirliklari va idoralari, mahalliy davlat hokimiyati organlari hamda boshqa tashkilotlarning mansabdor shaxslarini javobgarlikka tortish to‘g‘risida takliflar kiritadi;
O‘zbekiston Respublikasi Prezidenti Administratsiyasining tarkibiy bo‘linmalari rahbarlari O‘zbekiston Respublikasi Prezidenti qarorlari va topshiriqlari bajarilishini nazorat qilishda zarur axborotlarni, hujjatlar va boshqa materiallarni so‘rab olish, O‘zbekiston Respublikasi Prezidenti Administratsiyasi rahbari, O‘zbekiston Respublikasi Prezidenti maslahatchilari va Departament rahbari esa, shuningdek, tarmoq vazirliklari va idoralari hamda boshqa tashkilotlarning rahbarlaridan O‘zbekiston Respublikasi Prezidentining qarorlari va topshiriqlari bajarilmaganligi holatlari, aniqlangan xato va kamchiliklarni bartaraf etishni talab qilish huquqiga ega.
O‘zbekiston Respublikasi Prezidenti Administratsiyasining yangidan tuzilgan bo‘linmalari to‘g‘risidagi nizomlarni tasdiqlasin;
O‘zbekiston Respublikasi Prezidenti Administratsiyasining shtat jadvaliga tegishli o‘zgartirishlar kiritsin.
7. O‘zbekiston Respublikasi Prezidentining ayrim hujjatlariga 2-ilovaga muvofiq o‘zgartirish va qo‘shimchalar kiritilsin.
8. Departament bir oy muddatda qonun hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida takliflar kiritsin.
9. Mazkur Farmonning ijrosini nazorat qilish O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
4. O‘zbekiston Respublikasi Prezidentining 2018-yil 26-avgustdagi “O‘zbekiston Respublikasi Prezidenti Administratsiyasini tashkil etish to‘g‘risida”gi PF-5519-son Farmonida:
“mamlakatning ijtimoiy-iqtisodiy va ijtimoiy-siyosiy rivojlanishi holati va tendensiyalarini kompleks tahlil qilish, amalga oshirilayotgan islohotlarni huquqiy jihatdan ta’minlash va yangi tashabbuslarni ishlab chiqish”;
yettinchi xatboshi “fuqarolik jamiyati institutlari” so‘zlaridan oldin “hokimiyatning vakillik organlari va” so‘zlari bilan to‘ldirilsin;
to‘rtinchi xatboshidagi “huquqni muhofaza qilish faoliyatini” so‘zlari “huquqni muhofaza qiluvchi va nazorat qiluvchi organlar faoliyatini” so‘zlari bilan almashtirilsin;
O‘zbekiston Respublikasi Prezidenti Administratsiyasi rahbari (keyingi o‘rinlarda — Administratsiya rahbari);
O‘zbekiston Respublikasi Prezidenti Administratsiyasining tegishli yo‘nalishlar bo‘yicha tuzilmalari faoliyatiga rahbarlik qiladigan O‘zbekiston Respublikasi Prezidenti maslahatchilari, Huquqiy ekspertiza va kompleks tahlil qilish departamenti rahbari (keyingi o‘rinlarda — O‘zbekiston Respublikasi Prezidenti maslahatchilari);
vazifalari, funksiyalari va javobgarlik sohalari O‘zbekiston Respublikasi Prezidenti tomonidan belgilanadigan O‘zbekiston Respublikasi Prezidenti maslahatchilari.
Belgilansinki, Huquqiy ekspertiza va kompleks tahlil qilish departamenti rahbari maqomi, mehnatga haq to‘lash, tibbiy va transport xizmati ko‘rsatish shart-sharoitlariga ko‘ra O‘zbekiston Respublikasi Prezidenti maslahatchisining birinchi o‘rinbosariga, uning o‘rinbosarlari esa O‘zbekiston Respublikasi Prezidenti maslahatchisi o‘rinbosarlariga tenglashtiriladi”;
ikkinchi xatboshidagi “O‘zbekiston Respublikasi Prezidentining islohotlarni huquqiy ta’minlash va huquqni muhofaza qilish faoliyatini muvofiqlashtirish masalalari bo‘yicha maslahatchisi” so‘zlari “Huquqiy ekspertiza va kompleks tahlil qilish departamenti rahbari” so‘zlari bilan almashtirilsin;
to‘rtinchi xatboshi “O‘zbekiston Respublikasi Prezidenti maslahatchilari,” so‘zlaridan keyin “Huquqiy ekspertiza va kompleks tahlil qilish departamenti rahbari,” so‘zlari bilan to‘ldirilsin;
oltinchi xatboshidagi “O‘zbekiston Respublikasi Prezidentining islohotlarni huquqiy ta’minlash va huquqni muhofaza qilish faoliyatini muvofiqlashtirish masalalari bo‘yicha maslahatchisi” so‘zlari “Huquqiy ekspertiza va kompleks tahlil qilish departamenti rahbari” so‘zlari bilan almashtirilsin;