O‘zbekiston Respublikasi Prezidentining “Respublikada naqd xorijiy valyuta muomalasini tartibga solish choralari to‘g‘risida”gi Farmonini bajarish va xorijiy valyuta harakati ustidan zarur nazoratni ta’minlash maqsadida Vazirlar Mahkamasi qaror qiladi:

1. Jismoniy shaxslar tomonidan naqd xorijiy valyutani O‘zbekiston Respublikasining boj olinadigan chegarasi orqali olib kirish va olib chiqib ketish tartibi 1-ilovaga muvofiq tasdiqlansin

5. O‘zbekiston Respublikasi Davlat soliq qo‘mitasi Bosh bojxona boshqarmasi temir yo‘llar va avtomobil yo‘llari kesishadigan joylarda respublika chegarasi perimetri bo‘ylab, 2-ilovaga muvofiq shtatdagi xodimlari 327 nafar bo‘lgan qo‘shimcha ko‘chma va ko‘chmas bojxona postlari barpo etishni tashkil qilsin.

O‘zbekiston Respublikasi Moliya vazirligi 1997-yilgi Davlat budjetini tuzishda Davlat soliq qo‘mitasiga bojxona organlarining qo‘shimcha xodimlarini, yangidan tashkil etilayotgan postlarni ko‘rish va jihozlashni mablag‘ bilan ta’minlash uchun mablag‘lar ajratilishini nazarda tutsin.

6. “O‘zbekiston temir yo‘llari” kompaniyasi chegara yaqinidagi temir yo‘l stansiyalarida zarur bojxona nazoratini amalga oshirish uchun sharoitlar yaratsin, yangidan tashkil etilayotgan bojxona postlarini joylashtirish uchun zarur miqdorda xonalar ajratsin.

7. “O‘zistiqbolstat” davlat qo‘mitasi, O‘zbekiston Respublikasi Moliya vazirligi 1997-yil uchun markazlashtirilgan kapital mablag‘lar limitlari prognozlarini, qurilishlarning adresli dasturlarini tuzishda O‘zbekiston Respublikasi Davlat soliq qo‘mitasi Bosh bojxona boshqarmasi obyektlarining birinchi navbatda kiritilishini nazarda tutsinlar.

8. Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari yerlar ajratish, bojxona postlari, majmuilari qurish, ularni zarur materiallar va asbob-uskunalar bilan ta’minlash bilan bog‘liq masalalarni jadal hal etish bo‘yicha komissiyalar tuzsinlar.

9. O‘zbekiston Respublikasi Aloqa vazirligi hamda Energetika va elektrlashtirish vazirligi 1997-yil uchun o‘zlariga ajratiladigan kapital mablag‘lar umumiy hajmlari hisobiga bojxona postlari va majmuilariga zarur muhandislik kommunikatsiyalari o‘tkazilishini ta’minlasinlar.

10. “O‘zavtoyo‘l” davlat konserni o‘z mablag‘lari hisobiga mashinalar uchun zarur kirib kelish yo‘llari, to‘xtab turish joylari va avtomobillarning o‘tish joylarida dastlabki tekshirishdan o‘tkazish maydonchalari qurilishini ta’minlasin.

11. Vazirlar Mahkamasining 1995-yil 14-fevraldagi 55-son qarorining 5-bandi o‘z kuchini yo‘qotgan deb hisoblansin.

12. O‘zbekiston Respublikasi Tashqi ishlar vazirligi ushbu qarorning 1, 4 va 11-bandlari mazmunini xorijiy davlatlarning Tashqi ishlar vazirliklariga, chet mamlakatlar elchixonalariga, konsulxonalariga, xorijiy firmalarning vakolatxonalariga belgilangan tartibda ma’lum qilsin.

13. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.S. Hamidov zimmasiga yuklansin.

Mazkur Tartib O‘zbekiston Respublikasi Prezidentining “Respublikada naqd xorijiy valyuta muomalasini tartibga solish choralari to‘g‘risida” 1996-yil 24-oktabrdagi Farmoniga muvofiq ishlab chiqilgan hamda jismoniy shaxslar — O‘zbekiston Respublikasi rezidentlari va norezidentlari tomonidan naqd xorijiy valyutani olib kirish va olib chiqib ketish qoidalarini belgilaydi, shuningdek ular tomonidan O‘zbekiston Respublikasining amaldagi qonunchiligini buzishga nisbatan qo‘llaniladigan choralarni nazarda tutadi.

Ushbu Tartib diplomatik daxlsizlikka ega bo‘lgan shaxslarga nisbatan qo‘llanilmaydi.

1.1. Jismoniy shaxslar — O‘zbekiston Respublikasi rezidentlari va norezidentlariga O‘zbekiston Respublikasi hududiga bojxona nazorati qoidalariga rioya qilgan holda cheklanmagan miqdorda naqd xorijiy valyuta olib kirishga ruxsat etiladi.

1.2. Olib kiriladigan naqd xorijiy valyuta unga deklaratsiya to‘ldirish hamda bojxona organi xodimiga taqdim etish yo‘li bilan bojxona nazoratidan o‘tkaziladi.

Deklaratsiya to‘ldirish belgilangan T-6 shaklidagi bojxona deklaratsiyasida olib kiriladigan valyuta summasi to‘g‘risida yozma ravishda bayon qilish bilan amalga oshiriladi. Deklaratsiya ikki nusxada to‘ldiriladi.

Xorijiy valyutaning naqdligi tekshirilganidan so‘ng bojxona deklaratsiyasi belgilangan tartibda bojxona organi xodimi tomonidan tasdiqlanadi.

1.3. 5000 AQSh dollari qiymatidan ortiq bo‘lmagan miqdordagi naqd xorijiy valyuta bojxona organi xodimi tomonidan tasdiqlangan bojxona deklaratsiyasining bir nusxasi berilgan holda o‘tkaziladi. Deklaratsiyaning ikkinchi nusxasi bojxona organida qoladi.

5000 AQSh dollari qiymatidan ortiq bo‘lgan naqd xorijiy valyuta T-6 shaklidagi bojxona deklaratsiyasi o‘rniga bojxona organi xodimi tomonidan yozib beriladigan TS-28 shaklidagi guvohnoma berilgan holda o‘tkaziladi. Deklaratsiyaning ikkala nusxasi ham bojxona organida qoladi.

1.5. Taklif etuvchi tomon O‘zbekiston Respublikasiga jismoniy shaxslar — O‘zbekiston Respublikasi norezidentlarining O‘zbekiston Respublikasiga kelishiga taklifni rasmiylashtirishda tegishli ravishda O‘zbekiston Respublikasi Tashqi ishlar vazirligi va Ichki ishlar vazirligiga taklif etiladigan shaxslar tomonidan O‘zbekiston Respublikasi qonunchiligi buzilgan va ularda bu qonun buzilishlari uchun belgilangan jarimalarni to‘lash uchun mablag‘lar bo‘lmagan taqdirda u ular uchun barcha moddiy javobgarlikni zimmasiga olishi to‘g‘risida yozma kafolatli majburiyatni taqdim etadi.

2.1. Respublikadan chiqib ketish chog‘ida jismoniy shaxslar — O‘zbekiston Respublikasi rezidentlari va norezidentlari bojxona organiga ular tomonidan olib chiqib ketilayotgan naqd xorijiy valyuta deklaratsiya qilingan T-6 shaklidagi bojxona deklaratsiyasini taqdim etadilar.

2.2. Respublika tashqarisiga naqd erkin almashtiriladigan valyutani erkin olib chiqib ketish O‘zbekiston Respublikasi rezidentlariga 2000 AQSh dollariga teng miqdorda summa doirasida, norezidentlariga esa — bojxona deklaratsiyalari (T-6 shaklidagi kirish bojxona deklaratsiyasi yoki TS-28 shaklidagi guvohnoma)ga muvofiq olib kirilgan valyuta doirasida ruxsat etiladi. Ko‘rsatilgan summadan ortiq naqd valyutani olib chiqib ketishga O‘zbekiston Respublikasi Markaziy banki yoki xorijiy valyutada operatsiyalarni amalga oshirish uchun bosh litsenziyaga ega bo‘lgan vakolatli banklarning ruxsati bilan yo‘l qo‘yiladi.

3.2. Jismoniy shaxs — O‘zbekiston Respublikasi norezidenti bojxona organlarining mansabdor shaxslari xatti-harakatlari ustidan qonun hujjatlarida belgilangan tartibda shikoyat qilishi mumkin.