O‘zbekiston Respublikasi avtomobil sanoatini jahonning yetakchi avtomobil ishlab chiqaruvchilari bilan integratsiyalashuvi asosida yanada barqaror rivojlantirish, yengil va yengil tijorat avtomobillarini ishlab chiqarish va yetkazib berishni tashkil etish hisobidan ishlab chiqarilayotgan avtomobil mahsulotlari nomenklaturasini kengaytirish, ichki va tashqi bozorlarda ularning savdo hajmi o‘sishini ta’minlash maqsadida, shuningdek, O‘zbekiston Respublikasi Prezidentining 2019-yil 1-fevraldagi “O‘zbekiston Respublikasi va Germaniya Federativ Respublikasi o‘rtasida ko‘p qirrali hamkorlikni yanada kengaytirish chora-tadbirlari to‘g‘risida”gi PQ-4145-son hamda 2019-yil 18-iyuldagi “O‘zbekiston Respublikasi avtomobil sanoatini jadal rivojlantirishga oid qo‘shimcha chora-tadbirlar to‘g‘risida”gi PQ-4397-son qarorlariga muvofiq:
1. “O‘zavtosanoat” AJ va “Folksvagen Grupp Rus” MChJ (keyingi o‘rinlarda — “Folksvagen” kompaniyasi) o‘rtasida 2020-yil 2-mart kuni “Jizzax avtomobil zavodi” MChJ negizida “O‘zbekistonda yengil tijorat avtomobillarini ishlab chiqarishni tashkil etish” investitsiya loyihasida (keyingi o‘rinlarda — investitsiya loyihasi) “Folksvagen” kompaniyasining bosqichma-bosqich ishtirok etishini nazarda tutuvchi hamkorlik to‘g‘risidagi Bitim imzolangani ma’lumot uchun qabul qilinsin.
2. “O‘zavtosanoat” AJ, O‘zbekiston Respublikasi Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligining investitsiya loyihasini amalga oshirishni davom ettirish bo‘yicha “Folksvagen” kompaniyasi tomonidan taklif etilayotgan va quyidagilarni nazarda tutuvchi konsepsiyani ma’qullash to‘g‘risidagi taklifiga rozilik berilsin:
bozorni o‘rganish hamda marketing tahlilini o‘tkazish maqsadida “Folksvagen” va “Shkoda” markalaridagi tayyor avtomobillarni yetkazib berishni tashkil qilish;
“Folksvagen” kompaniyasining yuqori malakali mutaxassislarini jalb qilgan holda “Jizzax avtomobil zavodi” MChJ xodimlarini yirik uzelli avtomobillarni yig‘ish bo‘yicha o‘qitishni tashkil etish;
“Folksvagen Keddi” modelini yirik uzelli yig‘ishni tashkil etish maqsadida butlovchi qismlarni yetkazib berish;
mamlakatning barcha hududlarida dilerlik tarmog‘i va servis xizmatlarini ko‘rsatish stansiyalarini tashkil etish;
b) ikkinchi bosqichda 2022-yildan boshlab yengil tijorat avtomobillarining zamonaviy modellarini ishlab chiqarishning to‘liq siklini o‘zlashtirish.
3. Quyidagilar davlat xaridlarining maxsus axborot portalida O‘zbekiston Respublikasi Moliya vazirligi tomonidan shakllantiriladigan Yagona yetkazib beruvchilar reyestriga tegishlicha kiritilgan holda yagona yetkazib beruvchilar sifatida belgilansin:
Oldingi tahrirga qarang.
ishtirokchisi (aksiyadori) “O‘zavtosanoat” AJ va/yoki “O‘zavtosanoat” AJ boshqaruvchi kompaniyalari bo‘lgan ishlab chiqaruvchi korxonalar, “O‘zavtosanoat” AJ tizimidagi korxonalar, “O‘zavtosanoat” AJga ishonchli boshqaruvga berilgan va ularning tarkibida bo‘lgan ishlab chiqaruvchi korxonalar — ular tomonidan avtomobilsozlik, qishloq xo‘jaligi mashinasozligi sanoati uchun ishlab chiqariladigan mahsulotlar bo‘yicha;
(3-bandining ikkinchi xatboshisi O‘zbekiston Respublikasi Prezidentining 2021-yil 11-noyabrdagi PQ-7-son qarori tahririda — Qonunchilik ma’lumotlari milliy bazasi, 11.11.2021-y., 07/21/7/1058-son)
avtomobil mahsulotlarining asl ishlab chiqaruvchisi (OYEM) yoki litsenziari tomonidan belgilangan yoki ma’qullangan yoxud tavsiya etilgan yetkazib beruvchi tashkilotlar — ushbu bandning ikkinchi xatboshisida ko‘rsatilgan korxonalar uchun tovarlarni (ishlarni va xizmatlarni) yetkazib berish bo‘yicha;
avtomobil mahsulotlari ishlab chiqarishni tashkil etish bo‘yicha hadli, litsenziyaviy, investitsiyaviy yoki boshqa bitimlar, sanoat namunalarini ishlab chiqish va loyihalash, avtomobil mahsulotlarini ishlab chiqarishni tashkil etish loyihalarini amalga oshirishda texnik ko‘mak berish to‘g‘risidagi bitimlarga muvofiq avtomobil mahsulotlarini ishlab chiqarishda foydalaniladigan tovarlar (ishlar, xizmatlar)ni yetkazib beruvchi tashkilotlar — ushbu bandning ikkinchi xatboshisida ko‘rsatilgan korxonalar uchun tovarlarni (ishlarni va xizmatlarni) yetkazib berish bo‘yicha.
investorni noqulay o‘zgarishlardan kafolatlash amal qilishini boshlash maqsadida mazkur qarorning kuchga kirishi investor O‘zbekiston Respublikasi hududida investitsiya faoliyatini amalga oshirishining tasdig‘i sifatida belgilanadi;
qurilish, xomashyo, materiallar, muhandislik, texnologik va boshqa uskunalarni yetkazib berish, xizmatlar ko‘rsatish bo‘yicha shartnomalar va boshqa xarajatlarni moliyalashtirish investitsiya loyihasining dastlabki tasdiqlangan texnik-iktisodiy asoslari doirasida, lekin shu asosda ishlab chiqilgan va oldin tasdiqlangan loyiha-smeta hujjatlarini hisobga olmagan holda amalga oshiriladi.
5. “O‘zavtosanoat” AJ O‘zbekiston Respublikasi Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligi bilan birgalikda investitsiya loyihasini amalga oshirishning birinchi bosqichi yakunlaridan kelib chiqib, o‘rnatilgan tartibda, O‘zbekiston Respublikasi Hukumati va “Folksvagen” kompaniyasi o‘rtasida “O‘zavtosanoat” AJ tomonidan “Folksvagen” kompaniyasi bilan hamkorlikda qo‘shma korxona tashkil etish masalalarini tartibga soluvchi, xorijiy investor majburiyatlarini hamda tashkil etilayotgan korxonaga O‘zbekiston Respublikasi Hukumati tomonidan beriladigan davlatning qo‘llab-quvvatlash choralarini aniq aks ettiruvchi investitsiya bitimini tuzish bo‘yicha tegishli takliflarni kiritsin.
6. O‘zbekiston Respublikasi Energetika vazirligi 2020-yil iyul oyidan boshlab Qoraqalpog‘iston Respublikasi, viloyatlar va Toshkent shahrida “Yevro-5” standarti talablariga javob beradigan yuqori sifatli dizel yoqilg‘isi va avtobenzinga ega kamida bitta avtomobillarga yoqilg‘i quyish shoxobchasi bo‘lishini ta’minlasin.
7. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Bosh vazirining o‘rinbosari S.O‘. Umurzoqov zimmasiga yuklansin.