1. | Bobojonov P.R. | ― | O‘zbekiston Respublikasi ichki ishlar vaziri, Komissiya raisi |
2. | Yodgorov X.B. | ― | O‘zbekiston Respublikasi Oliy sudi raisining o‘rinbosari, Komissiya raisining o‘rinbosari |
3. | Artikova S.B. | ― | O‘zbekiston Respublikasi Bosh prokurorining o‘rinbosari, Komissiya raisining o‘rinbosari |
4. | lavozimi bo‘yicha (kelishuv asosida) | ― | O‘zbekiston Respublikasi Davlat xavfsizlik xizmati raisining o‘rinbosari |
5. | Turobov B.T. | ― | O‘zbekiston Respublikasi Hisob palatasi raisining o‘rinbosari |
6. | Xusanov N.B. | ― | O‘zbekiston Respublikasi bandlik va mehnat munosabatlari vaziri |
7. | Sadikov Sh.M. | ― | O‘zbekiston Respublikasi axborot texnologiyalari va kommunikatsiyalarini rivojlantirish vaziri |
8. | Qo‘ldoshev A.H. | ― | O‘zbekiston Respublikasi favqulodda vaziyatlar vazirining birinchi o‘rinbosari |
9. | Ergashev P.I. | ― | O‘zbekiston Respublikasi mudofaa vazirining birinchi o‘rinbosari |
10. | Ganiyev M.J. | ― | O‘zbekiston Respublikasi Milliy gvardiyasi qo‘mondonining o‘rinbosari |
11. | Mirzayev M.M. | ― | O‘zbekiston Respublikasi Davlat soliq qo‘mitasi raisining birinchi o‘rinbosari |
12. | Meliyev X.X. | ― | O‘zbekiston Respublikasi adliya vazirining o‘rinbosari |
13. | Dexkanov D.T. | ― | O‘zbekiston Respublikasi transport vazirining o‘rinbosari |
14. | Azimov M.B. | ― | O‘zbekiston Respublikasi Davlat bojxona qo‘mitasi raisi |
15. | Islamov B.F. | ― | O‘zbekiston Respublikasi Geologiya va mineral resurslar davlat qo‘mitasi raisi |
16. | Norqobilov B.T. | ― | O‘zbekiston Respublikasi Veterinariya va chorvachilikni rivojlantirish davlat qo‘mitasi raisi |
17. | Gulyamov B.V. | ― | O‘zbekiston Respublikasi Sanoat xavfsizligi davlat qo‘mitasi raisi |
18. | Abdullayev A.X. | ― | O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi raisi |
19. | Begalov B.A. | ― | O‘zbekiston Respublikasi Davlat statistika qo‘mitasi raisi |
20. | Abdurazakov Sh.Sh. | ― | O‘zbekiston Respublikasi Ekologiya va atrof muhitni muhofaza qilish davlat qo‘mitasi raisi |
21. | Sattarov D.N. | ― | O‘zbekiston standartlashtirish, metrologiya va sertifikatlashtirish agentligi direktori |
22. | Bekenov S.X. | ― | O‘zbekiston Respublikasi Davlat aktivlarini boshqarish agentligi direktori |
23. | Xoljigitov G‘.A. | ― | O‘zbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligi direktori |
24. | Vaxabov A.D. | ― | O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi boshlig‘i |
O‘zbekiston Respublikasi Vazirlar Mahkamasining qarori, 24.06.2020 yildagi 407-son
Кучга кириш санаси
25.06.2020
Рус
Ўзб
O’zb
O‘zb|Рус
So‘nggi yillarda mamlakatimizda qonuniylikni mustahkamlash, huquqbuzarliklarning oldini olish borasida samarali tizimni yaratish hamda sud-huquq sohasida zamonaviy axborot-kommunikatsiya texnologiyalarini joriy etish bo‘yicha salmoqli ishlar amalga oshirildi.
Xususan, fuqarolik, iqtisodiy va jinoyat protsessida ishlarni soddalashtirilgan tartibda ko‘rish amaliyoti, shuningdek, zamonaviy axborot-kommunikatsiya texnologiyalaridan foydalangan holda murojaat etish hamda sud ishlarini elektron shakllantirish mexanizmlari muvaffaqiyatli joriy etildi.
Shu bilan birga, qonunchilikda ma’muriy huquqbuzarlikka oid ishlarni tezkor hal etish uchun axborot-kommunikatsiya texnologiyalaridan keng foydalanish imkonini beradigan huquqiy mexanizm mavjud emas.
“Ilm, ma’rifat va raqamli iqtisodiyotni rivojlantirish yili”da amalga oshirilayotgan islohotlarning mantiqiy izchilligini ta’minlash, ma’muriy huquqbuzarlik to‘g‘risidagi ishlar yurituvini raqamlashtirish, jumladan zamonaviy axborot-kommunikatsiya texnologiyalarini keng joriy etish orqali mazkur ishlarni ko‘rib chiqishda ortiqcha sansalorlikka yo‘l qo‘yilishining oldini olish maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligi, Adliya vazirligi hamda Axborot texnologiyalari va kommunikatsiyalarini rivojlantirish vazirligining quyidagilarni nazarda tutuvchi “Ma’muriy huquqbuzarlik to‘g‘risida yagona elektron ish yurituv” loyihasini (keyingi o‘rinlarda ― loyiha) bosqichma-bosqich amaliyotga joriy etish to‘g‘risidagi taklifiga rozilik berilsin:
ma’muriy huquqbuzarlik to‘g‘risidagi ishlarni qo‘zg‘atish, ko‘rib chiqish va bayonnoma tuzishga vakolatli organlar, sudlar va O‘zbekiston Respublikasi Bosh prokuraturasi huzuridagi Majburiy ijro byurosi, shuningdek, boshqa tashkilotlarning elektron axborot tizimlari va ma’lumotlar bazalarini integratsiyalashtirish;
ma’muriy huquqbuzarlikka oid ish yuritishda foydalaniladigan protsessual hujjatlarning yagona elektron bazasini shakllantirish;
ma’muriy huquqbuzarlikka oid ishlarni yuritishda ortiqcha bosqichlarni bekor qilish va muddatlarni qisqartirish orqali ish yuritish tartibini soddalashtirish;
avtomatlashtirilgan daktiloskopik taqqoslash tizimi, shaxsni identifikatsiya qilishning avtomatlashtirilgan tizimi hamda Biometrik pasport tizimini modernizatsiya qilish.
2. “Ma’muriy huquqbuzarlik to‘g‘risida yagona elektron ish yurituv” loyihasini amaliyotga joriy qilish bo‘yicha idoralararo komissiyaning (keyingi o‘rinlarda ― Idoralararo komissiya) tarkibi ilovaga muvofiq tasdiqlansin.
O‘zbekiston Respublikasi Ichki ishlar vazirligi Idoralararo komissiyaning ishchi organi hamda loyihani amalga oshirish va yuritish uchun mas’ul vakolatli organ etib belgilansin.
3. Idoralararo komissiya (P. Bobojonov) bir oy muddatda “Ma’muriy huquqbuzarlik to‘g‘risida yagona elektron ish yurituv” loyihasini 2021-yil 1-yanvarga qadar Toshkent shahri hududida amalga oshirish bo‘yicha ish rejasini hamda Idoralararo komissiya a’zolari o‘rtasida ish taqsimotini tasdiqlasin.
4. Shunday tartib o‘rnatilsinki, unga muvofiq loyihani Toshkent shahri hududida amalga oshirish doirasida quyidagilarni nazarda tutuvchi ma’muriy huquqbuzarlik to‘g‘risidagi ishlarni yuritishning soddalashtirilgan tartibi qo‘llaniladi:
vakolatli mansabdor shaxs huquqbuzarlikni aniqlashi bilan birgalikda ma’muriy huquqbuzarlik to‘g‘risidagi ishlarni rasmiylashtirish va ko‘rib chiqish uchun maxsus dasturiy ta’minot o‘rnatilgan mobil qurilma (keyingi o‘rinlarda — planshet) orqali ma’muriy huquqbuzarlik to‘g‘risidagi bayonnomani tuzadi va huquqbuzarga axborot-telekommunikatsiya tarmog‘i orqali ushbu bayonnomaning elektron yoki qog‘oz shaklini taqdim etadi;
bayonnomani tuzuvchi mansabdor shaxs huquqbuzarning biometrik hujjatlarini planshet yordamida yoki yuz tuzilishini rasmga olib yoxud barmoq izlarini tushirish orqali real vaqt rejimida O‘zbekiston Respublikasi Ichki ishlar vazirligi bazasidan uning shaxsini aniqlaydi;
huquqbuzar bayonnomada ko‘rsatilgan ma’muriy huquqbuzarlikni o‘zi sodir etganligiga e’tiroz bildirmagan taqdirda, u bayonnomani planshetdagi maxsus skanerlovchi uskuna orqali barmoq izlarini tushirish yo‘li yoki elektron grafik imzosi bilan tasdiqlaydi. Huquqbuzar o‘zining jismoniy nuqsoni tufayli bayonnomani o‘qish yoki imzolash imkoniyatiga ega bo‘lmasa, bayonnoma unga o‘qib eshittiriladi va vakolatli mansabdor shaxs tomonidan bu haqda bayonnomaga belgi qo‘yiladi;
huquqbuzarning tayinlangan jarima summasini ixtiyoriy tarzda to‘laganligi haqidagi ma’lumot loyihani Toshkent shahri hududida amalga oshirish doirasida yaratiladigan elektron bazaga bayonnoma topshirilgan sanadan e’tiboran o‘n besh kun ichida kelib tushmagan taqdirda, bayonnoma avtomatik tarzda ma’muriy huquqbuzarlik to‘g‘risidagi ishni umumiy asoslarda ko‘rib chiqish uchun tegishli vakolatli organga yoki sudga jo‘natiladi;
huquqbuzarga tayinlangan jarimani “Elektron hukumat”ning yagona billing tizimi orqali masofaviy to‘lash imkoniyati yaratiladi.
5. Belgilansinki, quyidagi holatlarda ma’muriy huquqbuzarlik to‘g‘risidagi ishlar soddalashtirilgan tartibda yuritilmaydi:
ma’muriy huquqbuzarlik to‘g‘risidagi ishning soddalashtirilgan tartibda yuritilishiga huquqbuzar yoki jabrlanuvchining e’tirozi bo‘lganda;
sodir etilgan ma’muriy huquqbuzarlik uchun belgilangan sanksiyada jarima jazosidan boshqa turdagi ma’muriy jazo qo‘llanilishi nazarda tutilgan bo‘lsa;
chet el fuqarolari va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish bilan bog‘liq bo‘lgan huquqbuzarliklar to‘g‘risidagi ishlar ko‘rib chiqilayotganda;
ish bo‘yicha moddiy va ma’naviy zarar ko‘rgan taraf yoki uning vakili zararni undirishni talab qilgan hollarda;
ma’muriy huquqbuzarlik sodir etgan bir necha shaxslardan loaqal bittasi huquqbuzarlik sodir etganligini rad etganda.
Bir yil davomida takroran sodir etilishi oqibatida jinoiy javobgarlik kelib chiqishi nazarda tutilgan huquqbuzarliklar bo‘yicha soddalashtirilgan tartibda yuritilayotgan ma’muriy huquqbuzarlik to‘g‘risidagi ishda shaxsning muqaddam ma’muriy huquqbuzarlikka oid javobgarlikka tortilganligi haqidagi ma’lumotni darhol olishning imkoni bo‘lmasa, ish yuritish tegishli ma’lumotlar olingunga qadar umumiy tartibda davom ettiriladi.
planshet yordamida bayonnomalarni rasmiylashtirish ushbu qurilmalar bilan ta’minlangan organlar (mansabdor shaxslar) tomonidan;
soddalashtirilgan tartibda ishni hal qilish esa barcha vakolatli organlar (mansabdor shaxslar) tomonidan amalga oshiriladi.
7. O‘zbekiston Respublikasi Ichki ishlar vazirligi manfaatdor vazirlik va idoralar bilan birgalikda 2021-yil 1-yanvarga qadar avtomatlashtirilgan multibiometrik identifikatsiya qilish tizimi uchun 40 million nafar shaxsning anketa ma’lumotlari, tashqi yuz qiyofasi va qo‘l izlari ma’lumotlarini qayta ishlashga mo‘ljallangan dasturiy ta’minot va server qurilmalarini hamda “Pasport-viza” avtomatlashtirilgan axborot tizimi majmuasi uchun server qurilmalarini xarid qilish uchun zarur tashkiliy chora-tadbirlarni amalga oshirsin.
Loyihani amalga oshirish uchun zarur bo‘lgan texnik uskunalar, server, planshet, boshqa moddiy-texnika ashyolari va dasturlarni xarid qilish bilan bog‘liq xarajatlar O‘zbekiston Respublikasi Ichki ishlar vazirligining budjetdan tashqari jamg‘armasi mablag‘lari hisobidan qoplanishi belgilansin.
8. Idoralararo komissiya loyihani Toshkent shahrida amalga oshirish natijalarini inobatga olgan holda, 2021-yil 1-noyabrga qadar:
ma’muriy huquqbuzarlik to‘g‘risidagi ishlarni yuritishning soddalashtirilgan tartibini respublikaning boshqa hududlarida qo‘llash;
loyiha doirasida ishtirok etuvchi boshqa vazirlik va idoralarni planshet hamda boshqa moddiy-texnika ashyolari bilan ta’minlashning moliyaviy manbalarini aniqlash;
qonun hujjatlariga ushbu qaror talablaridan kelib chiqidigan o‘zgartirish va qo‘shimchalar kiritish to‘g‘risida Vazirlar Mahkamasiga takliflar kiritsin.
9. O‘zbekiston Respublikasi Milliy teleradiokompaniyasi va Milliy axborot agentligi ushbu qaror qoidalarini aholi orasida keng yoritish bo‘yicha ommaviy axborot vositalarida materiallar e’lon qilinishi hamda mavzuga oid ko‘rsatuvlar va eshittirishlar berilishini ta’minlasinlar.
10. Mazkur qarorning bajarilishini nazorat qilish O‘zbekiston Respublikasi Bosh vazirining maslahatchisi ― IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i O.M. Umarov hamda O‘zbekiston Respublikasi ichki ishlar vaziri P.R. Bobojonov zimmasiga yuklansin.