O‘zbekiston Respublikasi Prezidentining “Limonchilik tarmog‘iii yanada rivojlantirishga doir ko‘shimcha chora-tadbirlar to‘g‘risida” 2020-yil 19-fevraldagi PQ-4610-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ayrim qarorlariga ilovaga muvofiq o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari O‘.I. Barnoyev va O‘zbekiston Respublikasi qishloq xo‘jaligi vaziri J.A. Xodjayev zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Farg‘ona viloyatida tomorqa yer egalarini qo‘llab-quvvatlash va qishloq xo‘jaligi sohasida ilmiy-amaliy salohiyatni rivojlantirish bo‘yicha qo‘shimcha chora-tadbirlar to‘g‘risida” 2018-yil 22-oktabrdagi 846-son qarori 9-bandidagi “Limon yetishtiruvchilar va eksport qiluvchilar” so‘zlari “Sitrus, subtropik va tropik o‘simlik yetishtiruvchilar va eksport qiluvchilar” so‘zlari bilan almashtirilsin.
2. Vazirlar Mahkamasining 2019-yil 11-iyundagi 481-son qarori bilan tasdiqlangan O‘zbekiston Respublikasi Qishloq xo‘jaligi vazirligi huzuridagi Bog‘dorchilik va issiqxona xo‘jaligini rivojlantirish agentligi qoshidagi Bog‘dorchilik va issiqxona xo‘jaligini rivojlantirish jamg‘armasi to‘g‘risida nizomning 6-bandida:
a) “a” kichik bandiga “shu jumladan, yangi limonzorlarni barpo etish va limon ko‘chatlarining xarid qilishga” so‘zlari qo‘shilsin;
“yangi limonzorlar barpo etish va limon ko‘chatlarini xarid qilish uchun har bir gektariga 30 million so‘mdan oshmaydigan miqdorda”;
3. Vazirlar Mahkamasining 2019-yil 9-iyuldagi 569-son qarori bilan tasdiqlangan O‘zbekiston Respublikasi Qishloq xo‘jaligi vazirligi huzuridagi Bog‘dorchilik va issiqxona xo‘jaligini rivojlantirish agentligi huzuridagi akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot institutining tuzilmasiga “Ilmiy-tajriba stansiyalari, eksperimental korxonalar va “Respublika Bog‘bonlar maktabi”” blokidan so‘ng ““Sitrus, subtropik va tropik o‘simliklar ilmiy-amaliy markazi” MChJ” bloki qo‘shilsin.