YUNESKO ishlari bo‘yicha O‘zbekiston Respublikasi milliy komissiyasi kotibiyati faoliyatini yanada takomillashtirish va moddiy-texnik bazasini mustahkamlash maqsadida Vazirlar Mahkamasi qaror qiladi:

1. Belgilab qo‘yilsinki:

YUNESKO ishlari bo‘yicha O‘zbekiston Respublikasi milliy komissiyasining (keyingi o‘rinlarda Komissiya deb ataladi) ishchi organi — YUNESKO ishlari bo‘yicha O‘zbekiston Respublikasi milliy komissiyasi kotibiyati (keyingi o‘rinlarda Kotibiyat deb ataladi) boshqaruv xodimlarining umumiy cheklangan soni 9 nafarni tashkil etadi;

kotibiyat boshqaruv xodimlarining umumiy cheklangan soni doirasida Komissiya bosh kotibi o‘rinbosari lavozimi joriy etiladi;

kotibiyat rahbari — Komissiya bosh kotibi va uning o‘rinbosari maqomi va transport xizmati ko‘rsatish sharoitlariga ko‘ra, tegishlicha vazirning birinchi o‘rinbosari va vazir o‘rinbosariga tenglashtiriladi;

kotibiyat xodimlariga nisbatan O‘zbekiston Respublikasi Vazirlar Mahkamasi apparati xodimlari uchun belgilangan mehnatga haq to‘lash shartlari (xodimlarni qisqartirish hisobidan qo‘llaniladigan ustamalar, umumiy ish staji uchun qo‘llaniladigan ustamalar, Yagona tarif setkasi bo‘yicha mehnatga haq to‘lash razryadlaridan tashqari) tatbiq etiladi hamda 1-ilovaga muvofiq Yagona tarif setkasi bo‘yicha mehnatga haq to‘lash razryadlari qo‘llaniladi;

kotibiyat xodimlarining erishgan natijalaridan kelib chiqqan holda har oylik lavozim maoshlariga (rag‘batlantirish koeffitsiyentini hisobga olgan holda) nisbatan 100 foizgacha ustamalar belgilanadi, ularning 50 foizi O‘zbekiston Respublikasi Davlat budjeti mablag‘lari hisobidan, 50 foizgacha ustamalar esa — xodimlarni moddiy rag‘batlantirish maxsus fondi hisobidan qoplanadi;

kotibiyat xodimlari har oylik lavozim maoshiga davlat muassasalarida xizmat qilgan umumiy ish staji uchun 3 yildan 5 yilgacha — 10 foiz, 5 yildan 10 yilgacha — 20 foiz, 10 yildan 20 yilgacha — 30 foiz, 20 yildan ortiq — 40 foiz oylik ustamalar qo‘llaniladi;

kotibiyatga 2 ta yengil avtotransport vositasini saqlashga limit ajratiladi;

kotibiyatni saqlash xarajatlari O‘zbekiston Respublikasining respublika budjeti va qonunchilik hujjatlari bilan taqiqlanmagan boshqa manbalar hisobidan belgilangan tartibda qoplanadi.

2. O‘zbekiston Respublikasi Moliya vazirligi:

ushbu qarorning 1-bandida nazarda tutilgan xarajatlar uchun zarur mablag‘larni — 2020-yil uchun tasdiqlangan O‘zbekiston Respublikasi Davlat budjeti parametrlari doirasida;

kompyuter texnikasi, mebel va boshqa jihozlarni xarid qilish xarajatlari uchun zarur mablag‘larni — 2020-yilda kotibiyatning asoslangan hisob-kitoblariga muvofiq Vazirlar Mahkamasining zaxira jamg‘armasi hisobidan ajratilishini ta’minlasin.

3. “O‘zbekiston Respublikasi Tashqi iqtisodiy faoliyat milliy banki” aksiyadorlik jamiyatiga YUNESKO va AYSESKO xalqaro tashkilotlarining mezonlariga asosan kotibiyatning valyuta hisob raqamiga loyiha va tadbirlarni amalga oshirish uchun kelib tushgan mablag‘lar doirasida ko‘rsatilgan bank xizmatlari uchun tegishli haq va boshqa to‘lovlarni undirmagan holda xizmat ko‘rsatish tavsiya etilsin.

4. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi kotibiyat buyurtmanomasi bo‘yicha kotibiyatni aloqaning zarur turlari, shu jumladan Hukumat aloqasi bilan belgilangan tartibda jihozlanishini, shuningdek, keng polosali Internet jahon axborot tarmog‘iga ulanishini ta’minlasin.

5. Kotibiyat O‘zbekiston Respublikasi Turizmni rivojlantirish davlat qo‘mitasi binosiga tekin foydalanish huquqi asosida joylashtirilsin.

6. O‘zbekiston Respublikasi Hukumatining 2-ilovaga ayrim qarorlariga muvofiq o‘zgartirish va qo‘shimchalar kiritilsin.

7. Manfaatdor vazirlik va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — O‘zbekiston Respublikasi Turizmni rivojlantirish davlat qo‘mitasi raisi A.A. Abduxakimov zimmasiga yuklansin.

1. Vazirlar Mahkamasining “YUNESKO ishlari bo‘yicha O‘zbekiston Respublikasi milliy komissiyasi faoliyatini takomillashtirish to‘g‘risida” 2018-yil 26-noyabrdagi 957-son qarorida:

a) 1-bandga quyidagi mazmundagi xatboshi qo‘shilsin:

“Komissiya raisiga, zaruratga ko‘ra, kotibiyat tuzilmasiga boshqaruv xodimlarining umumiy cheklangan soni va mehnatga haq to‘lash fondi doirasida o‘zgartirishlar kiritish huquqi berilsin”;

b) 2 va 3-bandlar o‘z kuchini yo‘qotgan deb hisoblansin;

v) 1-ilovada:

21-band quyidagi tahrirda bayon etilsin:

“21. Komissiyaning bosh kotibi va uning o‘rinbosari maqomi va transport xizmati ko‘rsatish sharoitlariga ko‘ra tegishlicha vazirning birinchi o‘rinbosari va vazir o‘rinbosariga tenglashtiriladi”;

22-bandning o‘n to‘rtinchi xatboshisidagi “choralar ko‘rish” so‘zlari “YUNESKO mezonlariga muvofiq taklif va tavsiyalar kiritish” so‘zlari bilan almashtirilsin;

23-banddagi “Komissiya bosh kotibi” so‘zlaridan keyin “va uning o‘rinbosari” so‘zlari qo‘shilsin;

quyidagi mazmundagi 24¹-band qo‘shilsin:

“24¹. Kotibiyat xodimlariga nisbatan O‘zbekiston Respublikasi Vazirlar Mahkamasi apparati xodimlari uchun belgilangan mehnatga haq to‘lash shartlari (xodimlarni qisqartirish hisobidan qo‘llaniladigan ustamalar, umumiy ish staji uchun qo‘llaniladigan ustamalar, Yagona tarif setkasi bo‘yicha mehnatga haq to‘lash razryadlaridan tashqari) tatbiq etiladi hamda Vazirlar Mahkamasining qarori bilan tasdiqlangan Yagona tarif setkasi bo‘yicha mehnatga haq to‘lash razryadlari qo‘llaniladi.

Kotibiyat xodimlarining erishgan natijalaridan kelib chiqqan holda, har oylik lavozim maoshlariga (rag‘batlantirish koeffitsiyentini hisobga olgan holda) nisbatan 100 foizgacha ustamalar belgilanadi, ularning 50 foizi O‘zbekiston Respublikasi Davlat budjeti mablag‘lari hisobidan, 50 foizgacha ustamalar esa — xodimlarni moddiy rag‘batlantirish maxsus fondi hisobidan qoplanadi.

Kotibiyat xodimlari har oylik lavozim maoshiga kotibiyatda xizmat qilgan umumiy ish staji uchun 3 yildan 5 yilgacha — 10 foiz, 5 yildan 10 yilgacha — 20 foiz, 10 yildan 20 yilgacha — 30 foiz, 20 yildan ortiq — 40 foiz oylik ustamalar qo‘llaniladi”.

g) 2-ilova quyidagi tahrirda bayon etilsin:

2. Vazirlar Mahkamasining 2016-yil 7-oktabrdagi 336-son qarori (O‘zbekiston Respublikasi QT, 2016-yil, 10-son, 89-modda) bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika ahamiyatiga molik boshqa davlat tashkilotlari ro‘yxatiga quyidagi mazmundagi 74-band qo‘shilsin:

“74. YUNESKO ishlari bo‘yicha O‘zbekiston Respublikasi milliy komissiyasi kotibiyati”.

3. Vazirlar Mahkamasining 2019-yil 29-apreldagi 366-son qarori bilan tasdiqlangan O‘zbekiston Respublikasi Prezidenti Administratsiyasi huzuridagi Tibbiyot bosh boshqarmasiga biriktirilgan kontingentga kafolatlangan tibbiy va sanatoriy-sog‘lomlashtirish yordami ko‘rsatish tartibi va hajmi to‘g‘risidagi nizomga ilovada:

a) 3-bo‘limning 7-pozitsiyasi quyidagi tahrirda bayon etilsin:

b) 4-bo‘limga quyidagi mazmundagi 16¹-pozitsiya qo‘shilsin: