O‘zbekiston Respublikasining Bojxona kodeksiga muvofiq O‘zbekiston Respublikasi Davlat bojxona qo‘mitasi qaror qiladi:

1. Bojxona yuk deklaratsiyasini o‘zgartirish, unga qo‘shimcha kiritish, uni qayta rasmiylashtirish, qaytarib olish va bekor qilish tartibi to‘g‘risidagi nizom ilovaga muvofiq tasdiqlansin.

2. Mazkur qaror rasmiy e’lon qilingan kundan e’tiboran uch oydan keyin kuchga kiradi.

Mazkur Nizom O‘zbekiston Respublikasining Bojxona kodeksiga muvofiq bojxona yuk deklaratsiyasini (bundan buyon matnda BYD deb yuritiladi) o‘zgartirish, qo‘shimcha kiritish, qayta rasmiylashtirish, qaytarib olish hamda bekor qilish tartibini belgilaydi.

1. Mazkur Nizomda quyidagi asosiy tushunchalardan foydalaniladi:

ariza — vakolatli shaxsning BYDga o‘zgartirish, qo‘shimcha kiritish, uni qayta rasmiylashtirish, qaytarib olish yoki bekor qilish bo‘yicha yozma yoki elektron shakldagi murojaati;

bojxona organi — BYDni rasmiylashtirish, qayta rasmiylashtirish, qaytarib olish, bekor qilish, unga o‘zgartirish, qo‘shimcha kiritish bo‘yicha kelib tushgan murojaatlarni ko‘rib chiqish va tegishli harakatlarni amalga oshirishga vakolatli bo‘lgan Iqtisodiyot va moliya vazirligi huzuridagi Bojxona qo‘mitasi (bundan buyon matnda Bojxona qo‘mitasi deb yuritiladi), Bojxona qo‘mitasining Qoraqalpog‘iston Respublikasi, viloyatlar, Toshkent shahar bo‘yicha boshqarmalari, “Toshkent-AERO” ixtisoslashtirilgan bojxona kompleksi va bojxona postlari;

bojxona qiymati deklaratsiyasi (bundan buyon matnda BQD deb yuritiladi) — BYDning ajralmas qismi bo‘lib, tovarning bojxona qiymati to‘g‘risidagi ma’lumotlar ko‘rsatilgan va deklaratsiyalovchi shaxs tomonidan bojxona organiga BYD bilan bir paytda topshiriladigan hujjat;

BYDni tuzatish shakli (bundan buyon matnda BDT) — Bojxona qo‘mitasi tomonidan belgilangan format va tuzilishga muvofiq tayyorlangan BYD hamda BQDdagi ma’lumotlarga o‘zgartirish va (yoki) qo‘shimchalar kiritish haqidagi elektron hujjat;

BYDdagi xato — bojxona rasmiylashtiruvi uchun taqdim etilgan hujjatlardagi axborot va (yoki) bojxona organlarida mavjud axborot bilan BYD va (yoki) BQDdagi ma’lumotlar orasidagi tafovut, shuningdek BYD yoki BQD grafalaridagi noto‘g‘ri ma’lumotlar;

BYDdagi kamchilik — bojxona rasmiylashtiruvi uchun zarur bo‘lgan ma’lumotlarning yetishmasligi yoki BYD bilan birga taqdim etilishi lozim bo‘lgan hujjatlarning to‘liq bo‘lmasligi bilan bog‘liq holatlar;

BYDga o‘zgartirish kiritish — BYD va (yoki) BQDdagi ma’lumotlarga o‘zgartirishlar kiritish;

BYDga qo‘shimcha kiritish — BYD va (yoki) BQDga yangi ma’lumotlarni kiritish yohud tegishli hujjatlarni qo‘shish;

BYDni qayta rasmiylashtirish — rasmiylashtirilgan qog‘oz shaklidagi BYDni bekor qilib, uning o‘rniga yangi BYDni rasmiylashtirish;

BYDni qaytarib olish — BYDni bojxona organida ro‘yxatga olinganidan so‘ng uni qaytarish orqali yuridik kuchga ega hujjat sifatida amal qilishini to‘xtatish;

BYDni bekor qilish — BYDni bojxona organida ro‘yxatga olinganidan so‘ng bekor qilish orqali yuridik kuchga ega hujjat sifatida amal qilishini to‘xtatish;

deklarant — tovarlarni va (yoki) transport vositalarini o‘z nomidan deklaratsiyalovchi shaxs yoxud uning nomidan tovarlar va (yoki) transport vositalari deklaratsiyalanayotgan shaxs;

deklaratsiyalovchi shaxs — bojxona organlariga BYDni o‘z nomidan taqdim etayotgan deklarant yoki BYDni to‘ldirish, imzolash va bojxona organlariga deklarant nomidan taqdim etishga vakolatli bojxona rasmiylashtiruvi bo‘yicha mutaxassis yoxud boshqa shaxs;

deklaratsiyalovchi shaxslar ro‘yxati — deklarant tomonidan Yagona interaktiv davlat xizmatlari portalining “Deklaratsiyalovchi shaxslar ro‘yxati” interaktiv xizmatiga(dan) qo‘shish va chiqarish yo‘li bilan shakllantiriladigan deklaratsiyalovchi shaxslar ro‘yxati;

rasmiylashtirilgan BYD — bojxona organi tomonidan ro‘yxatga olingan va “D” grafasiga bojxona organining tegishli belgilari qo‘yilgan BYD;

ro‘yxatga olinib, rasmiylashtirilmagan BYD — bojxona organi tomonidan BYDning 7-grafasiga BYD raqami va qabul qilingan sana ko‘rsatilgan, ammo “D” grafasiga bojxona organining tegishli belgilari qo‘yilmagan BYD;

tovarlarni elektron deklaratsiyalashning avtomatlashtirilgan axborot tizimi (bundan buyon matnda TEDAAT deb yuritiladi) — vazirlik va idoralarning tegishli axborot tizimlarining aloqasini ta’minlovchi dasturiy-texnik vositalar kompleksi;

elektron shakldagi BYD — deklaratsiyalovchi shaxsning elektron raqamli imzosi (bundan buyon matnda ERI deb yuritiladi) bilan tasdiqlangan, Bojxona qo‘mitasi tomonidan belgilangan shaklda TEDAAT vositasida elektron hujjat ko‘rinishida taqdim etilgan BYD;

axborot almashish tizimi — axborot tizimlari orqali ERIdan foydalangan holda bojxona organlari va deklaratsiyalovchi shaxslar o‘rtasida elektron xabarlarni almashish, tegishli hujjatlarni taqdim etish va qabul qilib olish vositasi;

yangi BDT — deklaratsiyalovchi shaxs tomonidan bojxona organiga taqdim etilib ro‘yxatga olinmagan yoki avval ro‘yxatga olingan BDTdagi xato va kamchiliklarni bartaraf etish uchun taqdim etilgan BDT;

yangi BYD — deklaratsiyalovchi shaxs tomonidan bojxona organiga taqdim etilib ro‘yxatga olinmagan yoki avval ro‘yxatga olinib, undagi xato va kamchiliklar bartaraf etilib, qayta taqdim etilgan BYD;

qayta rasmiylashtirilgan BYD — yangi BYD rasmiylashtirilib, yuridik kuchga ega hujjat sifatida amal qilishi to‘xtatilgan avvalgi BYD;

hududiy bojxona boshqarmalari — Bojxona qo‘mitasining Qoraqalpog‘iston Respublikasi, viloyatlar, Toshkent shahar bo‘yicha boshqarmalari, “Toshkent-AERO” ixtisoslashtirilgan bojxona kompleksi;

Bojxona qo‘mitasining yagona avtomatlashtirilgan axborot tizimi — bojxona chegarasi orqali olib o‘tiladigan tovarlar va transport vositalarining bojxona nazoratini amalga oshirish uchun ularga doir hujjatlar va ma’lumotlarning kiritilishini, hisobga olinishini hamda monitoring qilinishini nazarda tutuvchi Bojxona qo‘mitasining avtomatlashtirilgan tizimi.

2. Bojxona rasmiylashtiruvi tugallanganidan va tovarlar muayyan bojxona rejimiga joylashtirilganidan keyin BYD qabul qilingan kundan e’tiboran uch yil ichida BYDga bojxona organining talabi bilan yoki vakolatli shaxsning arizasiga ko‘ra, mazkur Nizom talablari asosida o‘zgartirish, qo‘shimcha kiritish, uni qayta rasmiylashtirish yoxud bekor qilish mumkin.

Agar bojxona organi deklarant yoki bojxona brokeri tomonidan ko‘rsatilgan sabablarni asosli deb topsa, BYD tovarlar chiqarib yuborilguniga qadar deklarant yoki bojxona brokeri tomonidan qaytarib olinishi mumkin.

Olib chiqilayotgan tovarlarga doir BYD ushbu tovarlarni olib chiqishga ruxsat berilganidan keyin ham, lekin ular amalda olib chiqilguniga qadar qaytarib olinishi mumkin.

3. Bojxona organiga kelib tushgan ariza O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonunining 28-moddasida belgilangan muddatda ko‘rib chiqiladi.

Arizani ko‘rib chiqish natijasi bo‘yicha arizachiga yozma yoxud elektron shaklda javob beriladi. Javob xati bojxona organi boshlig‘i yoki uning o‘rinbosari tomonidan imzolanadi.

4. Bojxona organi arizani to‘liq va xolisona ko‘rib chiqish uchun zarur bo‘lgan qo‘shimcha hujjatlar va ma’lumotlarni hamda yozma tushuntirishlarni so‘rab olishi mumkin.

5. Elektron BYDga o‘zgartirish va (yoki) qo‘shimcha kiritish deklaratsiyalovchi shaxs tomonidan bojxona organiga BDT taqdim etish orqali mazkur Nizom talablari asosida amalga oshiriladi, zarur hollarda BQD yoki tegishli hujjatlar BDTga ilova qilinadi.

Bojxona organlari tomonidan deklaratsiyalovchi shaxsdan o‘zgartirish va (yoki) qo‘shimcha kiritilayotgan BYDda mavjud hujjatlarni takroran BDTga ilova qilinishi talab etilmaydi, sifatsiz (hira, bo‘yalgan, tushunarsiz va h.k.) hujjatlar bundan mustasno.

BDT o‘zgartirish va (yoki) qo‘shimcha kiritilgan elektron BYDning ajralmas qismi bo‘lib hisoblanadi.

Elektron BYD yoki BQD grafalariga o‘zgartirish va (yoki) qo‘shimcha kiritish talab etilmasdan bojxona rasmiylashtiruvi uchun zarur bo‘lgan tegishli hujjatlar taqdim etish lozim bo‘lgan taqdirda, deklaratsiyalovchi shaxs bojxona organlariga hujjatlarni TEDAAT yoki Bojxona qo‘mitasi tomonidan ko‘rsatiladigan tegishli interaktiv xizmatlar orqali taqdim etadi.

6. Qog‘oz shakldagi BYDga o‘zgartirish va (yoki) qo‘shimcha kiritish BYDning barcha nusxalaridagi tegishli grafalariga o‘zgartirish yoki qo‘shimcha kiritish yohud uni qayta rasmiylashtirish orqali mazkur Nizom talablariga muvofiq amalga oshiriladi.

7. BYDning faqat bojxona organi tomonidan to‘ldiriladigan grafalaridagi yozuvlarga o‘zgartirish kiritish zarur bo‘lgan taqdirda, o‘zgartirish kiritish bojxona organi xodimi tomonidan amalga oshiriladi hamda uning imzosi va shaxsiy raqamli muhri (elektron BYDda ERI) bilan tasdiqlanadi. Bojxona organi tomonidan to‘ldiriladigan grafalaridagi yozuvlarga o‘zgartirish kiritilganligi haqida deklarant yoki deklaratsiyalovchi shaxs yozma shakldagi xat yoki axborot almashish tizimi orqali xabardor qilinadi.

8. BYDga o‘zgartirish va (yoki) qo‘shimcha kiritish, uni qayta rasmiylashtirish, bekor qilish yoki qaytarib olish quyidagi hollarda mazkur Nizom talablari asosida amalga oshiriladi:

bojxona rasmiylashtiruvi jarayonida yo‘l qo‘yilgan xato va kamchiliklarni bartaraf etish zarur bo‘lganda;

bojxona qiymati va (yoki) bojxona to‘lovlari summasini to‘g‘rilash zarurati yuzaga kelganda;

tovarlarni tashishga mo‘ljallangan transport vositalari texnik jihatdan nosoz bo‘lganda;

eksport bojxona rejimiga rasmiylashtirilgan tovarlar ularni olib chiqishga ruxsat berilgan sanadan so‘ng avtotransport vositasi tashuvida o‘n kunga qadar, boshqa transport vositalari tashuvida yigirma kunga qadar olib chiqilmagan holatlarda;

BYD yoki uning bir qismi bo‘yicha rasmiylashtirilgan tovarga egalik qilish huquqi tashqi iqtisodiy faoliyatning boshqa subyektiga berilganida, bundan eksport yoki erkin muomalaga chiqarish (import) bojxona rejimiga rasmiylashtirilib, kontrakt (shartnoma, kelishuv) shartlari to‘liq bajarilgan va (yoki) shartli chiqarilmagan tovarlar, shuningdek tovardan foydalanish huquqi cheklangan hamda O‘zbekiston Respublikasi Bojxona kodeksining 96-moddasiga ko‘ra bojxona ombori bojxona rejimiga joylashtirilgan tovarni boshqa shaxsga o‘tkazish bilan bog‘liq holatlar mustasno;

kontrakt (shartnoma, kelishuv) shartlari o‘zgarganda, bundan eksport yoki erkin muomalaga chiqarish (import) bojxona rejimiga rasmiylashtirilib, kontrakt (shartnoma, kelishuv) shartlari to‘liq bajarilgan va (yoki) shartli chiqarilmagan tovarlar, shuningdek tovardan foydalanish huquqi cheklangan holatlar mustasno;

BYD erkin muomalaga chiqarish (import) bojxona rejimiga rasmiylashtirilgandan so‘ng, undagi tovarlar bo‘yicha tuzilgan kontraktlarga qo‘shimcha kelishuvlar kiritilib, ularga muvofiq xo‘jalik yurituvchi subyektlar, xorijiy hamkorlar va ularning rekvizitlari o‘zgargan taqdirda;

bitta tovar yuzasidan takroran bir nechta BYD qabul qilingan holat aniqlanganda;

BYDga o‘zgartirish, qo‘shimcha kiritish yoki uni qayta rasmiylashtirish uchun asos bo‘ladigan hamda taqdim etilgan hujjatlar bilan tasdiqlangan, qonunchilik hujjatlariga zid bo‘lmagan boshqa hollarda.

9. Ro‘yxatga olinib, rasmiylashtirilmagan BYDga o‘zgartirish va (yoki) qo‘shimcha kiritish mazkur Nizomning 8-bandi ikkinchi — to‘rtinchi va o‘ninchi xatboshilarida nazarda tutilgan hollarda amalga oshiriladi.

10. Quyidagi hollarda BYDga o‘zgartirish va (yoki) qo‘shimcha kiritish taqiqlanadi:

deklarant yoki deklaratsiyalovchi shaxsdan BYDda ma’lum qilingan tovarlarga nisbatan hujjatlar va (yoki) ma’lumotlar talab qilinib, bu bo‘yicha tekshiruv yakuniga yetmagan bo‘lsa;

BYDda ma’lum qilingan tovarlarni bojxona ko‘rigidan o‘tkazish belgilanib, bu jarayon yakuniga yetmagan bo‘lsa;

BYDdagi tovarlarni bojxona ekspertizasidan o‘tkazish tayinlanib, bu jarayon yakuniga yetkazilmagan bo‘lsa.

11. Ro‘yxatga olinib, rasmiylashtirilmagan BYDga o‘zgartirish va (yoki) qo‘shimcha kiritish zarurati yuzaga kelganda, deklaratsiyalovchi shaxs BYD ro‘yxatga olingan bojxona organiga axborot almashish tizimi orqali murojaat qiladi. Murojaatda bojxona organi tomonidan berilgan BYDning ro‘yxat raqami, mazkur BYDga o‘zgartirish va (yoki) qo‘shimcha kiritishning aniq sabablari ko‘rsatiladi.

12. Bojxona organi bir ish kuni ichida BYDga o‘zgartirish va (yoki) qo‘shimcha kiritish bo‘yicha murojaatni ko‘rib chiqadi va natijasi bo‘yicha axborot almashish tizimi orqali ma’lum qiladi.

13. Bojxona organi tomonidan BYDga o‘zgartirish va (yoki) qo‘shimcha kiritish uchun asoslar mavjud deb topilganda, axborot almashish tizimida qo‘shimcha ravishda BYDdagi xato va (yoki) kamchiliklar bo‘yicha taqdim etilishi lozim bo‘lgan BDT va (yoki) qonunchilik hujjatlarida belgilangan tegishli hujjatlar hamda ularni taqdim etish muddati ko‘rsatiladi.

14. BDT yoki tegishli hujjatlarni taqdim etish muddati deklaratsiyalovchi shaxsga axborot almashish tizimi orqali ma’lum qilingan kundan keyingi ish kuni yakuniga qadar etib belgilanadi.

15. Deklaratsiyalovchi shaxs tomonidan bojxona organiga:

BDT axborot almashish tizimida bayon etilgan muddatda taqdim etilganida, bojxona organi taqdim etilgan BDTni mazkur Nizomda belgilangan tartibda ro‘yxatga oladi;

tegishli hujjatlar axborot almashish tizimida bayon etilgan muddatda taqdim etilganida, bojxona organi taqdim etilgan hujjatni qabul qilib oladi, bundan talab etilmagan (asossiz taqdim etilgan) yoki sifatsiz (hira, bo‘yalgan, tushunarsiz va h.k.) hujjatlar mustasno.

BDT yoki tegishli hujjatlar axborot almashish tizimida belgilangan muddatda taqdim etilmaganda, bojxona organi BYDni bekor qiladi, bundan mazkur Nizomning 26-bandida nazarda tutilgan holatlar mustasno.

16. Bojxona organi murojaatni ko‘rib chiqish natijasi bo‘yicha BYDga o‘zgartirish va (yoki) qo‘shimcha kiritish uchun asoslar mavjud emas yoxud taqdim etilgan hujjatlar to‘liq emas deb topsa, BYDga o‘zgartirish yoki qo‘shimcha kiritishni rad etishga haqli.

Bunday holatlarda rad etishning asoslangan sabablari axborot almashish tizimi orqali ma’lum qilinadi.

17. Ro‘yxatga olinib, rasmiylashtirilmagan BYDga o‘zgartirish va (yoki) qo‘shimcha kiritish yuzasidan deklarant ariza bilan BYD ro‘yxatga olingan bojxona organiga murojaat qilishi mumkin. Bunday hollarda bojxona organi tomonidan arizani ko‘rib chiqib, o‘zgartirish va (yoki) qo‘shimcha kiritish uchun asoslar muvjud emas deb topilganda, arizachiga o‘zining asoslantirilgan javob xatini yuborishi lozim.

18. Ro‘yxatga olinib, rasmiylashtirilmagan BYDga bojxona organi tashabbusi bilan o‘zgartirish va (yoki) qo‘shimchalar kiritish mazkur Nizomning 8-bandi ikkinchi — to‘rtinchi hamda o‘ninchi xatboshilarida nazarda tutilgan hollarda amalga oshiriladi.

19. Mazkur Nizomning 10-bandi uchinchi va to‘rtinchi xatboshilarida nazarda tutilgan hollarda BYDga o‘zgartirish va (yoki) qo‘shimchalar kiritish taqiqlanadi.

20. Bojxona organi tomonidan aniqlangan BYDdagi xato va (yoki) kamchiliklarni bartaraf etish zarur bo‘lganda, bojxona organi deklaratsiyalovchi shaxsni axborot almashish tizimi orqali xabardor qiladi. Bunda bojxona organi BYDdagi xato va (yoki) kamchiliklar to‘g‘risida aniq ma’lumotlar hamda ularni bartaraf etish uchun taqdim etiladigan BDT yoki tegishli hujjatlarni taqdim etish muddati ko‘rasatilishi shart. BDT yoki tegishli hujjatlarni taqdim etish muddati mazkur Nizomning 14-bandiga asosan belgilanadi.

21. Bojxona organi taqdim etilgan BDTni ro‘yxatga olish, tegishli hujjatlarni qabul qilish yoki BYDni bekor qilish mazkur Nizomning 15-bandiga muvofiq amalga oshiriladi.

22. Ro‘yxatga olinib, rasmiylashtirilmagan BYDni qaytarib olish uchun deklarant BYD ro‘yxatga olingan bojxona organiga ariza bilan murojaat qiladi.

Arizani ko‘rib chiqish natijasi bo‘yicha BYDni qaytarib olish uchun asoslar mavjud deb topilsa, bir ish kuni davomida Bojxona qo‘mitasining Yagona avtomatlashtirilgan axborot tizimida BYD qaytariladi.

23. Bojxona organi arizani ko‘rib chiqish natijasi bo‘yicha BYDni qaytarib olish uchun asoslar mavjud emas deb topsa, BYDni qaytarishni rad etishga haqli. Bunda rad etishning asoslangan sabablari yozma yoki elektron shaklda arizachiga ma’lum qilinadi.

24. BYDni qaytarib olish quyidagi hollarda taqiqlanadi:

mazkur Nizomning 10-bandida nazarda tutilgan hollarda;

huquqbuzarlik holatlari aniqlangan BYD bo‘yicha ish ko‘rib chiqilib, sud yoki huquqni muhofaza qiluvchi organ qarori chiqqunga qadar.

25. Ro‘yxatga olinib, rasmiylashtirilmagan BYDni bojxona organi tashabbusi bilan bekor qilish bitta tovar yuzasidan takroran bir nechta BYD qabul qilingan holati aniqlanganda yoki xato va kamchiliklarni bartaraf etish uchun zarur bo‘lgan BDT va (yoki) tegishli hujjatlar mazkur Nizomning 14-bandida belgilangan muddatda taqdim etilmaganda amalga oshirilishi mumkin.

26. Bojxona organi tashabbusi bilan BYDni bekor qilish quyidagi hollarda taqiqlanadi:

mazkur Nizomning 10-bandi uchinchi va to‘rtinchi xatboshilarida va 24-bandining uchinchi xatboshisida nazarda tutilgan hollarda;

BYD ilgari rasmiylashtirilgan muvaqqat, to‘liq bo‘lmagan, davriy va dastlabki BYDlar bo‘yicha taqdim etilganda, bundan ilgari rasmiylashtirilgan ushbu BYDlar bekor qilinadigan holatlar mustasno.

27. Bitta tovar yuzasidan takroran bir nechta BYD qabul qilingan holati aniqlanganda, bojxona organi bu haqda deklaratsiyalovchi shaxsni axborot almashish tizimi orqali xabardor qiladi.

28. Deklaratsiyalovchi shaxs xabarnoma kelib tushgan kundan keyingi ish kuni yakuniga qadar aniqlangan holat bo‘yicha bojxona organiga batafsil tushuntirish berishi lozim.

29. Bitta tovar yuzasidan takroran bir nechta BYD qabul qilingan holati tasdiqlanganda yoki mazkur Nizomning 28-bandida belgilangan muddatda tushuntirish berilmaganda BYD bojxona organi tomonidan bekor qilinadi, bundan mazkur Nizomning 26-bandida belgilangan hollar mustasno.

BYD bekor qilinganda, bojxona organi bu xaqda deklarant yoki deklaratsiyalovchi shaxsni xabardor qiladi.

30. Rasmiylashtirilgan BYDga o‘zgartirish va (yoki) qo‘shimcha kiritish deklarant yoki uning nomidan BYDga o‘zgartirish va (yoki) qo‘shimcha kiritish to‘g‘risidagi ishonchnomasi asosida deklaratsiyalovchi shaxs arizasiga asosan mazkur Nizomning 8-bandida nazarda tutilgan hollarda amalga oshiriladi.

31. Mazkur Nizomning 10-bandi uchinchi va to‘rtinchi xatboshilarida va 24-bandning uchinchi xatboshisida nazarda tutilgan hollarda BYDga o‘zgartirish yoki qo‘shimcha kiritish taqiqlanadi.

32. BYDga o‘zgartirish yoki qo‘shimcha kiritish uchun deklarant yoki deklaratsiyalovchi shaxs:

murojaat etilayotgan yilda rasmiylashtirilgan BYDga bojxona to‘lovlari summalarini qaytarish bilan bog‘liq bo‘lmagan yoki BYDga eksport shartnomalari bo‘yicha olib chiqilgan tovarlarning xalqaro tovar birjalarida qiymati o‘zgarishi sababli uning qiymati va (yoki) bojxona to‘lovlari summalari o‘zgarishi bilan bog‘liq bo‘lgan o‘zgartirish va (yoki) qo‘shimcha kiritish yuzasidan BYD ro‘yxatga olingan bojxona posti boshlig‘iga;

mazkur bandning ikkinchi xatboshisida nazarda tutilmagan boshqa hollarda BYDga o‘zgartirish va (yoki) qo‘shimcha kiritish yuzasidan BYD rasmiylashtirilgan hududiy bojxona boshqarmasi boshlig‘i yoki uning o‘rinbosariga yozma yohud elektron shaklda ariza bilan murojaat qilishi lozim.

Arizada BYDning ro‘yxat raqami, unga o‘zgartirish va (yoki) qo‘shimcha kiritish zaruriyatining aniq sabablari ko‘rsatiladi va ularni tasdiqlovchi hujjatlar ilova qilinadi. Taqdim etilgan hujjatlardagi ma’lumotlarning to‘g‘riligi uchun javobgarlik arizachi zimmasiga yuklatiladi.

33. Bojxona organi arizani ko‘rib chiqish natijasi bo‘yicha BYDga o‘zgartirish va (yoki) qo‘shimcha kiritish uchun asoslar mavjud emas yoxud taqdim etilgan hujjatlar to‘liq emas deb topsa, BYDga o‘zgartirish va (yoki) qo‘shimcha kiritishni rad etishga haqli. Bunday holatlarda rad etishning asoslangan sabablari arizachiga yozma yoki elektron shaklda ma’lum qilinadi.

34. Bojxona organi arizani ko‘rib chiqish natijasi bo‘yicha BYDga o‘zgartirish va (yoki) qo‘shimcha kiritish uchun asosli deb topsa, BYDdagi xato va (yoki) kamchiliklarni bartaraf etish bo‘yicha BDT va (yoki) qonunchilik hujjatlarida belgilangan tegishli hujjatlarni taqdim etish yuzasidan arizachiga yozma yoki elektron shaklda javob xatini yuboradi.

Deklarant yoki deklaratsiyalovchi shaxs BYDga o‘zgartirish va (yoki) qo‘shimcha kiritish bo‘yicha javob xatini olgandan so‘ng besh kundan kechiktirmay bojxona organiga BDT va (yoki) tegishli hujjatlarni taqdim etishi kerak.

BYDga o‘zgartirish yoki qo‘shimcha kiritish uchun BDT va (yoki) tegishli hujjatlarni taqdim qila olmasa, bu haqida yozma yoki elektron ravishda bojxona organiga o‘zining asoslantirilgan xatini yuborishi lozim.

35. Bojxona organi tashabbusi bilan rasmiylashtirilgan BYDga o‘zgartirish va (yoki) qo‘shimcha kiritish mazkur Nizomning 8-bandida nazarda tutilgan hollarda amalga oshiriladi.

36. BYDga o‘zgartirish va (yoki) qo‘shimcha kiritish zarurati yuzaga kelganda, bojxona organi bu haqda deklarant va (yoki) deklaratsiyalovchi shaxsni xabardor qiladi, zarur hollarda bojxona organi boshlig‘i yoxud uning o‘rinbosari tomonidan imzolangan xat yuboradi.

Bojxona organi deklarant yoki deklaratsiyalovchi shaxsdan BYDga o‘zgartirish va (yoki) qo‘shimcha kiritish yuzasidan qo‘shimcha hujjat va ma’lumotlarni hamda yozma tushuntirishlarni so‘rab olishi mumkin.

37. Bojxona organi tomonidan BYDga o‘zgartirish va (yoki) qo‘shimcha kiritish bo‘yicha bojxona organining xatini olgandan so‘ng deklarant yoki deklaratsiyalovchi shaxs besh kundan kechiktirmay quyidagilardan birini amalga oshirishi lozim:

BYDga o‘zgartirish va (yoki) qo‘shimcha kiritish uchun bojxona organiga BDT va (yoki) tegishli hujjatlarni taqdim etishi;

BYDga o‘zgartirish va (yoki) qo‘shimcha kiritish uchun BDT yoki tegishli hujjatlarni taqdim qila olmasa yoki BYDga o‘zgartirish va (yoki) qo‘shimcha kiritish uchun zarurat yo‘q deb hisoblasa, bu haqida yozma yoki elektron shaklda bojxona organiga o‘zining asoslantirilgan xatini yuborishi.

38. Deklarant yoki deklaratsiyalovchi shaxs asoslangan sabablarga ko‘ra BYDga o‘zgartirish va (yoki) qo‘shimcha kiritish uchun BDT taqdim qila olmasa, bojxona organi tomonidan mustaqil ravishda bojxona maqsadlari uchun BYDga o‘zgartirish (va) yoki qo‘shimcha kiritilishi mumkin, bundan kiritiladigan o‘zgartirish va (yoki) qo‘shimchalar bojxona to‘lovlariga yoki tashqi savdo kontrakti (shartnomasi, kelishuvi)dagi ma’lumotlarga ta’sir etadigan holatlar mustasno.

Bojxona organi BYDga kiritilgan o‘zgartirish va (yoki) qo‘shimchalar haqidagi asoslantirilgan xatni deklarantga yuborishi shart, bundan deklarant faoliyati tugatilgan holatlar mustasno.

39. Deklarantning arizasi bilan BYDni bekor qilish faqat bitta tovar yuzasidan bir nechta BYD qabul qilingan holatlarda amalga oshirilishi mumkin.

40. Bojxona organi deklarant tomonidan ko‘rsatilgan sabablarni asosli deb topsa, olib chiqilayotgan tovarlarga doir BYD ushbu tovarlarni olib chiqishga ruxsat berilganidan keyin ham, lekin ular amalda olib chiqilguniga qadar qaytarib olinishi mumkin, mazkur Nizomning 24-bandi uchinchi xatboshisida nazarda tutilgan holatlar bundan mustasno.

41. BYD rasmiylashtirilgandan keyin uni qaytarib olish yoki bekor qilish uchun deklarant BYD rasmiylashtirilgan hududiy bojxona boshqarmasi boshlig‘i yoki uning o‘rinbosariga ariza bilan murojaat qiladi.

42. Agar arizani ko‘rib chiqish natijasi bo‘yicha BYDni qaytarib olish yoki bekor qilish uchun asoslar mavjud deb topilsa, uch ish kuni davomida Bojxona qo‘mitasining Yagona avtomatlashtirilgan axborot tizimi orqali BYD qaytariladi yoki bekor qilinadi.

Bojxona organi arizani ko‘rib chiqish natijasi bo‘yicha BYDni bekor qilish yoki qaytarib olish uchun asoslar mavjud emas deb topsa, BYDni bekor qilish yoki qaytarishni rad etishga haqli. Bunday holatlarda rad etishning asoslangan sabablari arizachiga yozma yoki elektron shaklda ma’lum qilinadi.

43. Rasmiylashtirilgan BYDni bojxona organi tashabbusi bilan bekor qilish mazkur Nizomning 8-bandi beshinchi va to‘qqizinchi xatboshilarida nazarda tutilgan hollarda amalga oshiriladi.

44. BYD yuzasidan huquqbuzarlik holati aniqlanib, bu bo‘yicha ish sud yoki tegishli huquqni muhofaza qiluvchi organlarida ko‘rib chiqilib, tegishli qaror qabul qilinmagan bo‘lsa mazkur BYDni bekor qilish taqiqlanadi.

45. Bitta tovar yuzasidan takroran bir nechta BYD qabul qilingan holati aniqlanganda, bojxona organi bu haqda deklarant va (yoki) deklaratsiyalovchi shaxsni xabardor qiladi, zarur hollarda bojxona organi boshlig‘i yoki uning o‘rinbosari tomonidan imzolangan xat yuboradi.

Deklarant yoki deklaratsiyalovchi shaxs bojxona organining xatini olgandan so‘ng besh kun ichida aniqlangan holat bo‘yicha tushuntirish berishi shart.

46. Mazkur Nizomning 8-bandi beshinchi va to‘qqizinchi xatboshilarida nazarda tutilgan holatlar tasdiqlangan hollarda BYD bojxona organi tomonidan bekor qilinadi va bu xaqda deklarant yoki deklaratsiyalovchi shaxs xabardor etiladi.

47. Ro‘yxatga olinib, rasmiylashtirilmagan BYDga o‘zgartirish va (yoki) qo‘shimcha kiritish mazkur Nizomning 8-bandi ikkinchi — to‘rtinchi va o‘ninchi xatboshilarida nazarda tutilgan hollarda amalga oshiriladi.

48. BYDga o‘zgartirish va (yoki) qo‘shimcha kiritish mazkur Nizomning 10-bandida nazarda tutilgan hollarda taqiqlanadi.

49. BYD bojxona organida ro‘yxatga olingandan so‘ng, BYDga o‘zgartirish va (yoki) qo‘shimcha kiritish zarurati yuzaga kelganda deklarant yoki deklaratsiyalovchi shaxs BYD ro‘yxatga olingan bojxona organiga murojaat qiladi.

Murojaatda BYDning bojxona organida ro‘yxatga olingan raqami, unga o‘zgartirish va (yoki) qo‘shimcha kiritishning aniq sabablari ko‘rsatiladi.

50. BYDga o‘zgartirish kiritish BYDning barcha nusxalaridagi tegishli grafalari matnini “X” belgisi bilan o‘chirish va yangi matnni yozish, qo‘shimcha kiritish esa tegishli grafaga qo‘shimcha ma’lumotlarni kiritish yo‘li bilan amalga oshiriladi. BYDning o‘zgartirish va (yoki) qo‘shimcha kiritilishi lozim bo‘lgan grafalarida o‘zgartirish va (yoki) qo‘shimchalarni kiritish uchun yetarli joy bo‘lmagan taqdirda, kiritilgan o‘zgartirish va (yoki) qo‘shimcha haqidagi yozuv BYDning orqa tomoniga qayd qilinadi.

Bunda BYD nusxalarining orqa tomonida kim tomonidan, qachon, nimaga asoslanib, qaysi grafada va nima o‘zgartirilganligi haqida yozuv qayd qilinadi. Yozuv o‘zgartirish va (yoki) qo‘shimcha kiritgan deklaratsiyalovchi shaxsning imzosi bilan tasdiqlanadi.

51. BYDning faqat bojxona organi xodimi tomonidan to‘ldiriladigan grafalaridagi yozuvlarga o‘zgartirish kiritish zarur bo‘lgan taqdirda, o‘zgartirish kiritish bojxona organi xodimi tomonidan amalga oshiriladi hamda uning imzosi va shaxsiy raqamli muhri bilan tasdiqlanadi.

52. BYDga kiritilgan o‘zgartirishlarning umumiy soni (to‘ldirish vaqtida deklaratsiyalovchi shaxs tomonidan kiritilgan o‘zgartirishlar bilan birga) to‘rttadan oshgan taqdirda, BYDning o‘rniga xato va (yoki) kamchiliklari bartaraf etilgan yangi BYD taqdim etiladi.

53. BYD ro‘yxatga olingan kundan e’tiboran besh kun ichida o‘zgartirish va (yoki) qo‘shimcha kiritilmasa yohud uning o‘rniga xato va (yoki) kamchiliklari bartaraf etilgan yangi BYD taqdim etilmasa — bojxona organi BYDni bekor qiladi, bundan mazkur Nizomning 24-bandida nazarda tutilgan holatlar mustasno.

54. Ro‘yxatga olinib, rasmiylashtirilmagan BYDga bojxona organi tashabbusi bilan o‘zgartirish va (yoki) qo‘shimcha kiritish mazkur Nizomning 8-bandi ikkinchi — to‘rtinchi hamda o‘ninchi xatboshilarida nazarda tutilgan hollarda amalga oshiriladi.

55. Mazkur Nizomning 10-bandi uchinchi va to‘rtinchi xatboshilarida nazarda tutilgan hollarda BYDga o‘zgartirish va (yoki) qo‘shimcha kiritish taqiqlanadi.

56. Bojxona organi tomonidan BYDda xato va kamchiliklar aniqlanganda bu haqda bojxona organi deklarant yoki deklaratsiyalovchi shaxsni xabardor qiladi. Bunda bojxona organi xodimi deklarant yoki deklaratsiyalovchi shaxsga BYDdagi xato va kamchiliklar to‘g‘risida aniq ma’lumot berishi shart.

57. Ro‘yxatga olingan BYDga o‘zgartirish va (yoki) qo‘shimchalar mazkur Nizomning 50 — 53-bandlariga muvofiq tartibda kiritiladi.

58. Bojxona organi deklarant tomonidan ko‘rsatilgan sabablarni asosli deb topsa, ro‘yxatga olinib, rasmiylashtirilmagan BYD deklarant tomonidan qaytarib olinishi mumkin.

59. BYDni qaytarib olish mazkur Nizomning 24-bandida nazarda tutilgan hollarda taqiqlanadi.

60. BYD ro‘yxatga olingandan keyin uni qaytarib olish uchun deklarant BYD ro‘yxatga olingan bojxona organiga ariza bilan murojaat qiladi.

Bojxona organi arizani ko‘rib chiqish natijasida BYDni qaytarib olish uchun asoslar mavjud emas deb topsa, BYDni qaytarishni rad etishga haqli. Bunday holatlarda rad etishning asoslangan sabablari arizachiga yozma yoki elektron shaklda ma’lum qilinadi.

Agar arizani ko‘rib chiqish natijasi bo‘yicha BYDni qaytarib olish uchun asoslar mavjud deb topilsa, bojxona organi xodimi tomonidan BYD qaytariladi.

61. BYD qaytarilayotganda bojxona organi xodimi tomonidan mazkur BYDning barcha nusxalarida pastki chap burchakdan boshlab diagonal bo‘yicha “QAYTARILDI” yozuvi qayd qilinadi. Nusxalarning orqa tomonida mazkur BYD kim tomonidan va nima asosida qaytarilganligi ko‘rsatiladi.

62. Ro‘yxatga olinib, rasmiylashtirilmagan BYDni bojxona organi tashabbusi bilan bekor qilish belgilangan muddatda BYDdagi xato va kamchiliklar bartaraf etilmagan holatlarda amalga oshirilishi mumkin, bundan mazkur Nizomning 24-bandida nazarda tutilgan holatlar mustasno.

63. Ro‘yxatga olinib, rasmiylashtirilmagan BYDni bekor qilish unga berilgan ro‘yxat raqamini bekor qilish yo‘li bilan amalga oshiriladi va bu xaqda deklarant yoki deklaratsiyalovchi shaxs xabardor etiladi.

BYD bekor qilinayotganda bojxona organi xodimi tomonidan mazkur BYDning barcha nusxalarida pastki chap burchakdan boshlab diagonal bo‘yicha “BEKOR QILINDI” yozuvi qayd qilinadi. Nusxalarning orqa tomonida mazkur BYD kim tomonidan va nima asosida bekor qilinganligi ko‘rsatiladi.

64. Rasmiylashtirilgan BYDga o‘zgartirish va (yoki) qo‘shimcha kiritish yoki uni qayta rasmiylashtirish mazkur Nizomning 8-bandi ikkinchi — sakkizinchi va o‘ninchi xatboshilarida nazarda tutilgan hollarda amalga oshiriladi.

65. BYDga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilish mazkur Nizomning 10-bandi uchinchi va to‘rtinchi xatboshilarida hamda 24-bandning uchinchi xatboshisida nazarda tutilgan hollarda taqiqlanadi.

66. BYDni bekor qilish faqat bitta tovar yuzasidan bir nechta BYD qabul qilingan holatlarda amalga oshiriladi.

67. Bojxona organi deklarant tomonidan ko‘rsatilgan sabablarni asosli deb topsa, olib chiqilayotgan tovarlar bo‘yicha BYD ushbu tovarlarni olib chiqishga ruxsat berilganidan keyin ham, lekin ular amalda olib chiqilguniga qadar qaytarib olinishi mumkin, bundan mazkur Nizomning 24-bandi uchinchi xatboshisida nazarda tutilgan holatlar mustasno.

68. BYDga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilish talab etilganida deklarant ariza bilan:

murojaat etilayotgan yilda rasmiylashtirilgan BYDga bojxona to‘lovlari summalarini qaytarish bilan bog‘liq bo‘lmagan (eksport shartnomalari bo‘yicha olib chiqilgan tovarning xalqaro tovar birjalarida qiymati o‘zgarishi sababli bojxona to‘lovlari summalarini qaytarish bilan bog‘liq holatlar bundan mustasno) o‘zgartirish va (yoki) qo‘shimcha kiritish yoki uni qayta rasmiylashtirish yuzasidan BYD ro‘yxatga olingan bojxona posti boshlig‘iga;

mazkur bandning ikkinchi xatboshisida nazarda tutilmagan boshqa hollarda BYDga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilish yuzasidan BYD rasmiylashtirilgan hududiy bojxona boshqarmasi boshlig‘i yoki uning o‘rinbosariga ariza bilan yozma yoki elektron shaklda murojaat qiladi.

Arizada BYDning ro‘yxat raqami, unga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilishning aniq sabablari ko‘rsatiladi va arizaga buni tasdiqlovchi hujjatlar hamda BYDning bojxona brokeri va deklarant uchun tayyorlab berilgan dastlabki rasmiylashtirilgan asl nusxalari ilova qilinadi. Taqdim etilgan hujjatlardagi ma’lumotlarning to‘g‘riligi uchun javobgarlik arizachi zimmasiga yuklatiladi.

69. Bojxona organi arizani ko‘rib chiqish natijasi bo‘yicha BYDga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilish uchun asoslar mavjud emas yoxud taqdim etilgan hujjatlar to‘liq emas deb topsa, BYDga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilishni rad etishga haqli. Bunday holatlarda rad etishning asoslangan sabablari arizachiga yozma yoki elektron shaklda ma’lum qilinadi.

70. Bojxona organi tashabbusi bilan BYDga o‘zgartirish va (yoki) qo‘shimcha kiritish, uni qayta rasmiylashtirish mazkur Nizomning 8-bandida nazarda tutilgan hollarda amalga oshiriladi.

Bojxona organi tashabbusi bilan BYDni bekor qilish bitta tovar yuzasidan bir nechta BYD qabul qilingan holatlarda amalga oshirilishi mumkin.

71. BYDga o‘zgartirish va (yoki) qo‘shimcha kiritish, uni qayta rasmiylashtirish yoki bekor qilish lozim deb topilganda bojxona organi bu haqda deklarant yoki deklaratsiyalovchi shaxsni xabardor qiladi, zarur hollarda bojxona organi boshlig‘i yohud uning o‘rinbosari tomonidan imzolangan xat yuboradi.

Bojxona organi deklarant yoki deklaratsiyalovchi shaxsdan BYDga o‘zgartirish va (yoki) qo‘shimcha kiritish yuzasidan qo‘shimcha hujjatlar va ma’lumotlarni hamda yozma tushuntirishlarni so‘rab olishi mumkin.

72. Deklarant yoki deklaratsiyalovchi shaxs bojxona organining BYDga o‘zgartirish va (yoki) qo‘shimcha kiritish, uni qayta rasmiylashtirish yoki bekor qilish bo‘yicha xatini olgandan so‘ng besh kundan kechiktirmay quyidagilardan birini amalga oshirishi lozim:

BYDga o‘zgartirish va (yoki) qo‘shimcha kiritish, uni qayta rasmiylashtirish yoki bekor qilish uchun bojxona organiga BYD va unga tegishli hujjatlarni taqdim etishi;

BYDga o‘zgartirish va (yoki) qo‘shimcha kiritish, uni qayta rasmiylashtirish yoki bekor qilish uchun BYD va unga tegishli hujjatlarni taqdim qila olmasa yoki BYDga o‘zgartirish va (yoki) qo‘shimcha kiritish, uni qayta rasmiylashtirish yoki bekor qilish uchun asos mavjud emas deb hisoblasa, bu haqida yozma ravishda bojxona organiga o‘zining asoslantirilgan xatini yuborishi lozim.

73. Rasmiylashtirilgan BYDga o‘zgartirish kiritish BYDning barcha nusxalaridagi tegishli grafalari matnini “X” belgisi bilan o‘chirish va yangi matnni yozish, qo‘shimcha kiritish esa tegishli grafaga qo‘shimcha ma’lumotlarni kiritish yo‘li bilan amalga oshiriladi. BYDning o‘zgartirish va qo‘shimcha kiritilishi lozim bo‘lgan grafalarida o‘zgartirish va qo‘shimchalarni kiritish uchun yetarli joy bo‘lmagan taqdirda, kiritilgan o‘zgartirish va (yoki) qo‘shimcha haqidagi yozuv BYDning orqa tomoniga qayd qilinadi.

Bunda BYD nusxalarining orqa tomonida kim tomonidan, qachon, nimaga asoslanib, qaysi grafada va nima o‘zgartirilganligi haqida yozuv qayd qilinadi. Yozuv o‘zgartirish va (yoki) qo‘shimcha kiritgan deklaratsiyalovchi shaxsning imzosi, bojxona organi xodimi imzosi va shaxsiy raqamli muhri bilan tasdiqlanadi.

74. BYDning faqat bojxona organi tomonidan to‘ldiriladigan grafalaridagi yozuvlarga o‘zgartirish va (yoki) qo‘shimchalar kiritish zarur bo‘lgan taqdirda, o‘zgartirish va (yoki) qo‘shimchalar kiritish bojxona organi tomonidan amalga oshiriladi hamda bojxona organi xodimi imzosi va shaxsiy raqamli muhri bilan tasdiqlanadi.

75. BYDga kiritilgan o‘zgartirishlarning umumiy soni (to‘ldirish vaqtida deklaratsiyalovchi shaxs tomonidan kiritilgan o‘zgartirishlar bilan birga) to‘rttadan oshgan taqdirda, mazkur BYD qayta rasmiylashtiriladi.

76. BYD qayta rasmiylashtirilganda qayta rasmiylashtirilgan BYDning barcha nusxalarida pastki chap burchakdan boshlab diagonal bo‘yicha “QAYTA RASMIYLASHTIRILDI” yozuvi qayd qilinadi. Nusxalarning orqa tomonida mazkur BYD kim tomonidan va nima asosida qayta rasmiylashtirilganligi ko‘rsatiladi.

Bunda yangi BYDga qayta rasmiylashtirilgan avvalgi BYDning ro‘yxat raqami va yuk chiqarish sanasi beriladi. Yangi BYDning 50-grafasida BYDni qayta rasmiylashtirishga asos bo‘lgan hujjat raqami va uning sanasi ko‘rsatiladi. Ushbu grafada yetarli joy bo‘lmagan taqdirda bunday yozuv BYDning orqa tomoniga qayd qilinadi.

77. Rasmiylashtirilgan BYDga o‘zgartirish va (yoki) qo‘shimcha kiritish yoki uni qayta rasmiylashtirish deklaratsiyalovchi shaxs tomonidan BYD va unga tegishli zarur hujjatlar taqdim etilgan kundan boshlab uch ish kuni ichida bojxona organi tomonidan amalga oshiriladi.

78. Deklarant yoki deklaratsiyalovchi shaxs asoslangan sabablarga ko‘ra BYDga o‘zgartirish va (yoki) qo‘shimcha kiritish uchun BYD taqdim qila olmasa, bojxona organi tomonidan mustaqil ravishda bojxona maqsadlari uchun BYDga o‘zgartirish (va) yoki qo‘shimcha kiritilishi mumkin, bundan kiritiladigan o‘zgartirish va (yoki) qo‘shimchalar bojxona to‘lovlariga yoki tashqi savdo kontrakti (shartnomasi, kelishuvini) ma’lumotlariga ta’sir etadigan holatlar mustasno.

Bojxona organi BYDga kiritilgan o‘zgartirish va (yoki) qo‘shimchalar haqidagi asoslantirilgan xatni deklarantga yuborishi shart, bundan deklarant faoliyati tugatilgan holatlar mustasno.

79. BYD qaytarilayotganda bojxona organi xodimi tomonidan mazkur BYDning barcha nusxalarida pastki chap burchakdan boshlab diagonal bo‘yicha “QAYTARILDI” yozuvi qayd qilinadi. Nusxalarning orqa tomonida mazkur BYD kim tomonidan va nima asosida qaytarilganligi ko‘rsatiladi.

80. BYD bekor qilinayotganda bojxona organi xodimi tomonidan mazkur BYDning barcha nusxalarida pastki chap burchakdan boshlab diagonal bo‘yicha “BEKOR QILINDI” yozuvi qayd qilinadi. Nusxalarning orqa tomonida mazkur BYD kim tomonidan va nima asosida bekor qilinganligi ko‘rsatiladi.

81. Qayta rasmiylashtirilgan yoki bekor qilingan BYDning barcha nusxalari bojxona organida saqlanadi, bundan eksport bojxona rejimida yuk mo‘ljallangan mamlakatga yuborish uchun tayyorlab berilgan nusxa mustasno.

82. Deklaratsiyalovchi shaxs tomonidan BDTning 1, 2, 3, 5, 7, 8, 9, 10, 14, 27, 28, 32, 50, 54, “A” va “B” grafalari bilan birga faqat BYDga o‘zgartirish va (yoki) qo‘shimchalar kiritilishi lozim bo‘lgan grafalari to‘ldiriladi.

BDTning 1, 2, 8, 9-grafalari va BYDga o‘zgartirish va (yoki) qo‘shimchalar kiritilayotgan grafalari Bojxona yuk deklaratsiyasini to‘ldirish tartibi to‘g‘risidagi yo‘riqnomada (ro‘yxat raqami 2773, 2016-yil 6-aprel) (bundan buyon matnda Yo‘riqnoma deb yuritiladi) belgilangan tartibga muvofiq to‘ldiriladi.

BDTning 3, 5, 7, 7a, 10, 14, 27, 28, 32, 50, 54, “A”, “B” va “D” grafalari mazkur Nizomning 85-bandiga muvofiq tartibda to‘ldiriladi.

83. BYDning 1, 2, 3, 5, 8, 9, 14, 28, 50, 54-grafalariga o‘zgartirish va (yoki) qo‘shimchalar kiritilishi lozim bo‘lgan taqdirda, BDTning “A” grafasida o‘zgartiriladigan grafalar ro‘yxati ko‘rsatiladi va ushbu grafalari o‘zgartirish va (yoki) qo‘shimchalar kiritilgan holda taqdim etiladi. Mazkur grafalarga o‘zgartirish va (yoki) qo‘shimchalar kiritish lozim bo‘lmaganda yoki BDTning ushbu grafalarida boshqa ma’lumotlar ko‘rsatish zarurati yuzaga kelmaganda, BYDning tegishli grafalaridagi ma’lumotlar takrorlanadi.

84. Yo‘riqnoma talablariga muvofiq BYDning to‘ldirilishi majburiy bo‘lgan barcha grafalari BDTda quyidagi holatlarda to‘ldiriladi:

BYDga kiritilayotgan o‘zgartirish va (yoki) qo‘shimchalar BYDning 5-grafasidagi tovarlar soniga ta’sir etsa yoki 32-grafasi o‘zgartirilayotgan bo‘lsa;

rasmiylashtirilgan bitta BYDdagi tovarlar bir nechta BYDlar bilan rasmiylashtirilishi lozim bo‘lgan, BYD qismlarga bo‘linayotgan yoki aksi bo‘lgan holatlarda.

85. BDTning 3, 5, 7, 7a, 10, 14, 27, 28, 32, 50, 54, “A”, “B” va “D” grafalari quyidagi tartibda to‘ldiriladi:

1) 3-grafa. “Qo‘shimcha varaqlar”.

Grafaning birinchi bo‘lmasida varaqning tartib raqami, ikkinchi bo‘lmasida taqdim etilayotgan BDT varaqlarining umumiy soni (asosiy va qo‘shimcha varaqlari yig‘indisi) ko‘rsatiladi.

Masalan, agar BDT ikkita qo‘shimcha varaqlarga ega bo‘lsa BDTning asosiy varag‘ida “1/3”; birinchi qo‘shimcha varag‘ida “2/3”; ikkinchi qo‘shimcha varag‘ida “3/3” ko‘rsatiladi. Agar BDT qo‘shimcha varaqlarga ega bo‘lmasa “1/1” ko‘rsatiladi.

1¹) 5-grafa. “Tovarlar nomlarining umumiy soni”.

Grafada BDTning 31-grafalarida ko‘rsatilgan tovarlar nomlarining umumiy soni yoziladi. Bu son BDTning to‘ldirilgan 31-grafalari soniga muvofiq bo‘lishi lozim;

1²) 7-grafa. “BYDning ro‘yxat raqami”.

Grafada o‘zgartirish va (yoki) qo‘shimchalar kiritilishi lozim bo‘lgan BYDning 7-grafasidagi BYDning ro‘yxat raqami ko‘rsatiladi;

2) 7a-grafa. “BDTning ro‘yxat raqami”.

Grafa bojxona organi tomonidan quyidagi tartibda to‘ldiriladi:

99999 /99.99.9999 / 9999999

1 2 3 4 5

1-element — BDT ro‘yxatga olingan bojxona postining Yo‘riqnomaning 4-ilovasidagi Bojxona postlari tasniflagichiga muvofiq beshta belgili kodi;

2, 3 va 4-elementlar — BDT ro‘yxatga olingan kun, oy va yil;

5-element — tegishli bojxona organi tomonidan ro‘yxatga olingan BDTning tartib raqami (joriy yilda o‘sish tartibida, yil yakunlangach raqamlash yangidan boshlanadi). BDTning tartib raqami qaytarilmasligi lozim;

3) 10-grafa.

Grafaning chap bo‘lmasida kiritilayotgan o‘zgartirish va (yoki) qo‘shimchalar turining ikkita raqamli kodi ko‘rsatiladi:

“01” — bojxona organi tomonidan aniqlangan holatlar asosida bo‘lsa;

“02” — deklarant yoki deklaratsiyalovchi shaxsning murojaati asosida bo‘lsa;

“03” — qonunchilik hujjatlarida belgilangan tartibda boshqa idoralar tomonidan o‘tkazilgan tekshiruv natijalari asosida bo‘lsa.

Grafaning o‘ng bo‘lmasida bojxona to‘lovlari va bojxona to‘lovlaridan berilgan imtiyozlarga ta’sir turining ikkita raqamli kodi ko‘rsatiladi:

“01” — o‘zgartirish va (yoki) qo‘shimchalar bojxona to‘lovlaridan berilgan imtiyozlariga ta’sir etmasdan faqat to‘lanishi uchun hisoblangan bojxona to‘lovlariga ta’sir etsa;

“02” — o‘zgartirish va (yoki) qo‘shimchalar to‘lanishi uchun hisoblangan bojxona to‘lovlariga ta’sir etmasdan faqat bojxona to‘lovlaridan berilgan imtiyozlariga ta’sir etsa;

“03” — o‘zgartirish va (yoki) qo‘shimchalar to‘lanishi va imtiyoz qo‘llanilishi uchun hisoblangan bojxona to‘lovlariga ta’sir etsa;

“04” — o‘zgartirish va (yoki) qo‘shimchalar to‘lanishi va imtiyoz qo‘llanilishi uchun hisoblangan bojxona to‘lovlariga ta’sir etmasa;

3¹) 14-grafa. “Deklarant/bojxona brokeri”.

Grafada BDTni to‘ldirgan va bojxona organlariga taqdim etayotgan bojxona brokeri yoki deklarantning qisqacha nomi, joylashgan yeri (yuridik manzili), telefon raqami va elektron pochta manzili (mavjud bo‘lsa) ko‘rsatiladi;

Grafaning yuqori qismida “№” belgisidan so‘ng ushbu bojxona brokeri yoki deklarantni STIRi ko‘rsatiladi;

4) 27-grafa.

Grafada quyidagilar ko‘rsatiladi:

“0” — agar BQDdagi ma’lumotlarga o‘zgartirish va (yoki) qo‘shimchalar kiritilmayotgan bo‘lsa;

“1” — agar BQDdagi ma’lumotlarga o‘zgartirish va (yoki) qo‘shimchalar kiritilayotgan bo‘lsa.

4¹) 28-grafa. “Moliya va bank ma’lumotlari”.

Grafada bojxona to‘lovlarini to‘lovchi shaxsning moliyaviy va bank ma’lumotlari ko‘rsatiladi, bunda ma’lumotlarning har biri yangi satrdan boshlanadi va ulardan har birining oldiga tartib raqami qo‘yiladi:

1 — to‘lovchining STIRi/bank STIRi (bojxona to‘lovlari O‘zbekiston Respublikasi norezidenti tomonidan to‘langanda bojxona brokeri yoki deklarantning STIRi ko‘rsatiladi);

2 — bankning to‘liq nomi;

BYDga o‘zgartirish va (yoki) qo‘shimcha kiritish uchun bojxona yig‘imi undirilmaydigan hollarda grafani to‘ldirish talab etilmaydi, bundan BYDning 28- grafasiga o‘zgartirish va (yoki) qo‘shimcha kiritish zarur bo‘lgan hollar mustasno.

5) 32-grafa.

Grafaning chap bo‘lmasida BDTdagi tovarning tartib raqami ko‘rsatiladi.

BDTda bitta nomdagi tovarga oid ma’lumotlar ko‘rsatilgan bo‘lsa, grafada “1” raqami ko‘rsatiladi.

Grafaning o‘ng bo‘lmasida BYDdagi o‘zgartirish va (yoki) qo‘shimchalar kiritilayotgan tovarning tartib raqami ko‘rsatiladi.

Masalan:

agar BYDning birinchi tovaridagi tegishli ma’lumotlarga o‘zgartirish va (yoki) qo‘shimchalar kiritilayotgan bo‘lsa, grafada “1/1” ko‘rsatiladi;

agar BYDning faqat ikkinchi tovaridagi tegishli ma’lumotlarga o‘zgartirish va (yoki) qo‘shimchalar kiritilayotgan bo‘lsa, grafada “1/2” ko‘rsatiladi;

BYDga kiritilayotgan o‘zgartirish va (yoki) qo‘shimchalar uning tovarga oid qismiga (masalan, BYDning 3, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47-grafalariga) ta’sir etmasa grafaning o‘ng va chap bo‘lmalarida “0” raqamlari ko‘rsatiladi.

5¹) 50-grafa. “Ishonch bildirgan shaxs”.

Grafada quyidagi mazmundagi yozuv yoziladi:

“Taqdim etilgan hujjatlar va ma’lumotlar uchun javobgar ......” deb yozilgandan so‘ng BDTni to‘ldirishga asos bo‘lib xizmat qiluvchi taqdim etilgan hujjatlar va ma’lumotlarga javobgar hisoblangan shaxsning familiyasi, ismi, otasining ismi, lavozimi, telefon raqami (mavjud bo‘lsa) va STIRi (alohida maydonda) ko‘rsatiladi.

Taqdim etilgan hujjatlar va ma’lumotlar uchun javobgar etib deklarant yoki u ishonch bildirgan shaxs belgilanadi.

Agar taqdim etilgan hujjatlar va ma’lumotlar uchun javobgar deklarant ishonch bildirgan shaxs bo‘lsa, uning vakolatlarini tasdiqlovchi hujjatning (shartnomaning, ishonchnomaning) raqami, sanasi va amal qilish muddati ko‘rsatiladi.

Taqdim etilgan hujjatlar va ma’lumotlar uchun javobgar shaxs STIRi mavjud bo‘lmagan norezident bo‘lsa, u holda shaxsning STIRi qayd etiladigan joyda “999999999” kodi ko‘rsatiladi.

BDTni to‘ldirishda deklarant yoki u ishonch bildirgan shaxs tomonidan qo‘shimcha hujjatlar va ma’lumotlar taqdim etilmagan bo‘lsa BDTning 7-grafasida ro‘yxat raqami ko‘rsatilgan BYDning 50-grafasidagi ma’lumotlar takrorlanadi.

5²) 54-grafa. “Joy va sana”.

Grafada 14-grafada ko‘rsatilgan shaxs nomidan BDTni taqdim etayotgan deklaratsiyalovchi shaxs haqida quyidagi ma’lumotlar ko‘rsatiladi hamda ma’lumotlarning har biri yangi satrdan boshlanadi va ulardan har birining oldiga tartib raqami qo‘yiladi:

1 — BDT to‘ldirilgan joy;

2 — deklaratsiyalovchi shaxsning familiyasi, ismi va otasining ismi, shuningdek elektron pochta manzili (mavjud bo‘lsa);

3 — deklaratsiyalovchi shaxsning telefon raqami;

4 — agar tovarlarni deklaratsiyalash bojxona brokeri tomonidan amalga oshirilayotgan bo‘lsa, bojxona brokeri va deklarant o‘rtasidagi bitim raqami va sanasi ko‘rsatiladi;

5 — deklaratsiyalovchi shaxs tomonidan BDTga berilgan raqam quyidagi tartibda ko‘rsatiladi:

999999999/99.99.9999/999999, bunda:

1 2 3

1-element — deklaratsiyalovchi shaxsning STIRi;

2-element — BDT to‘ldirilgan sana;

3-element — deklaratsiyalovchi shaxs tomonidan BDTga berilgan tartib raqami (joriy yilda o‘sish tartibida, yil yakunlangach raqamlash yangidan boshlanadi).

Deklaratsiyalovchi shaxs tomonidan BDTga berilgan raqam qaytarilmasligi lozim.

BDTda bayon etilgan ma’lumotlarning haqqoniyligi deklaratsiyalovchi shaxsning ERIsi bilan tasdiqlanadi.

6) “A” grafa.

Grafada BYDning o‘zgartirish va (yoki) qo‘shimchalar kiritilayotgan grafasi yoki maxsus kod ko‘rsatiladi:

a) agar o‘zgartirish va (yoki) qo‘shimchalar kiritilayotgan grafalar soni bir nechta bo‘lsa ularning barchasi ko‘rsatiladi.

Masalan:

11, 20, C;

b) BYDning tovarga oid qismiga (masalan, BYDning 3, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47-grafalariga) o‘zgartirish va (yoki) qo‘shimchalar kiritilayotganda o‘zgartirish va (yoki) qo‘shimchalar kiritilayotgan grafadan so‘ng “/” ajratish belgisi qo‘yilgan holda o‘zgartirish va (yoki) qo‘shimchalar kiritilayotgan grafalarga oid tovarning tartib raqami ko‘rsatiladi;

Masalan:

11, 20, C, 46/1, 46/2, 42/2.

BDTda elektron shakldagi tuzilishiga asosan o‘zgartirish va (yoki) qo‘shimchalar kiritilayotgan grafalarning har biri hech qanday ajratib turuvchi belgilar qo‘yilmasdan alohida ajratilgan maydonchalarda ko‘rsatiladi. Harfli grafalar lotin alifbosida qayd etilishi lozim;

v) BYDga kiritilayotgan o‘zgartirish va (yoki) qo‘shimchalar BYDning 5-grafasidagi tovarlar soniga ta’sir etsa yoki 32-grafasi o‘zgartirilayotgan bo‘lsa bunday holatlarda grafada “60” kodi ko‘rsatiladi;

g) Rasmiylashtirilgan bitta BYDdagi tovarlar bir nechta BYD bilan rasmiylashtirilishi lozim bo‘lgan, BYD qismlarga bo‘linayotgan yoki aksi bo‘lgan holatlarda “61” kodi ko‘rsatiladi va “/” ajratish belgisi qo‘yilgan holda BYDning shartli tartib raqami (“1” raqamidan boshlab o‘sish tartibida) ko‘rsatiladi.

Masalan bitta BYDdagi tovarlar bo‘yicha ikkita BYD rasmiylashtirilishi lozim bo‘lganda:

dastlab taqdim etiladigan BYDga “61/1”;

keyingi taqdim etiladigan BYDga “61/2” ko‘rsatiladi.

BYD qismlarga bo‘linayotgan holatlarda birinchi qismga tegishli BYDning ro‘yxat raqami dastlabki BYDning tartib raqami bilan bir xilda shakllanadi. Keyingi qismlarga tegishli BYDning ro‘yxat raqami bojxona organi tomonidan shakllantiriladi;

d) BYDning grafalariga o‘zgartirish kiritilmasdan faqat BQDdagi ma’lumotlarga o‘zgartirish kiritilayotgan holatlarda grafada “62” kodi ko‘rsatiladi.

6¹) “V” grafa. “Hisob-kitob tafsilotlari”.

Grafada rasmiylashtirilgan BYDni o‘zgartirish va (yoki) qo‘shimcha kiritish uchun undiriladigan bojxona yig‘imi ko‘rsatiladi.

Bojxona yig‘imi BDTning formati va tuzilishidan kelib chiqib, Yo‘riqnomaning 13-ilovasidagi Bojxona to‘lovlari tasniflagichiga muvofiq “43” to‘lov kodi ostida ko‘rsatiladi.

7. “D” grafa.

Grafa bojxona organi tomonidan to‘ldiriladi va grafada bojxona organining BDTga nisbatan qabul qilgan qarori haqidagi bojxona organi belgilari (yozuvlari) ko‘rsatiladi. Bojxona organi belgilari (yozuvlari) bojxona organi xodimining elektron raqamli imzosi bilan tasdiqlanadi.

86. BYDning asosiy varag‘iga yoki bitta tovariga o‘zgartirish va (yoki) qo‘shimchalar kiritish zarur bo‘lganda, mazkur Nizomning 1-ilovasiga muvofiq BDTning asosiy varag‘i, BYDning bir nechta tovarlariga o‘zgartirish va (yoki) qo‘shimchalar kiritilayotganda esa BDTning asosiy varag‘iga qo‘shimcha ravishda mazkur Nizomning 2-ilovasiga muvofiq BDTning qo‘shimcha varag‘i taqdim etiladi.

BDT bojxona organlariga belgilangan format va tuzilishga muvofiq taqdim etilishi lozim.

87. Deklaratsiyalovchi shaxs BDTni o‘zining elektron raqamli imzosi bilan tasdiqlaydi va bojxona organlariga elektron shaklda TEDAAT orqali bojxona organiga yuboradi.

88. Deklarant tomonidan deklaratsiyalovchi shaxslar ro‘yxatiga deklaratsiyalovchi shaxs yoki bojxona rasmiylashtiruvi bo‘yicha mutaxassis yoxud boshqa shaxs to‘g‘risidagi ma’lumotlar kiritilishi hamda uning bojxona organlariga BDTni taqdim etish vakolat muddati ko‘rsatilishi kerak, bundan xorijiy davlatlarning diplomatik va konsullik muassasalari mustasno.

Agar BDT xorijiy davlatlarning diplomatik va konsullik vakolatxonalari nomidan taqdim etilsa bojxona rasmiylashtiruvi bo‘yicha mutaxassis yoki boshqa shaxs to‘g‘risidagi ma’lumotlar deklaratsiyalovchi shaxslar ro‘yxatiga kiritilmaydi.

89. Bojxona organida asoslangan sabablarga ko‘ra, mazkur Nizomning 8-bandi ikkinchi xatboshisida nazarda tutilgan holatlar yuzaga kelib, bojxona maqsadlari uchun BYDga o‘zgartirish va (yoki) qo‘shimchalar kiritish zarurati mavjud bo‘lganda, hududiy bojxona boshqarmasining ruxsati bilan BDT deklaratsiyalovchi shaxslar ro‘yxatiga kiritilmagan deklaratsiyalovchi shaxs tomonidan taqdim etilishi mumkin.

Bunda elektron BYDning faqat 2 (shaxsning STIRi, yuridik manzili (jismoniy shaxsning doimiy yashash manzili) bo‘yicha tuman (shahar) kodi), 8 (shaxsning STIRi, yuridik manzili (jismoniy shaxsning doimiy yashash manzili) bo‘yicha tuman (shahar) kodi), 9 (shaxsning STIRi, yuridik manzili (jismoniy shaxsning doimiy yashash manzili) bo‘yicha tuman (shahar) kodi), 11, 13, 15, 15a, 17, 17a, 18, 19, 20, 21, 23, 24, 25, 26, 29, 37 (birinchi ikkita raqamdan tashqari), 40, 41, 44, 46-grafalariga o‘zgartirish va (yoki) qo‘shimchalar kiritilishi mumkin, bundan hisoblangan bojxona to‘lovlariga yoki tashqi savdo kontrakti (shartnomasi, kelishuvini) ma’lumotlariga ta’sir etadigan holatlar mustasno.

90. Bojxona organlariga taqdim etilgan BDT dastlabki tekshiruvdan o‘tkaziladi. Bunda BDTda ko‘rsatilgan BYDga o‘zgartirish va (yoki) qo‘shimchalar kiritish uchun bojxona organi tomonidan ruxsat berilganligi, BDTning formati va tuzilishi, delaratsiyalovchi shaxsning ERIsining haqiqiyligi, deklaratsiyalovchi shaxs deklaratsiyalovchi shaxslar ro‘yxatida mavjudligi, deklaratsiyalovchi shaxslar ro‘yxatiga kiritilmagan bo‘lsa bu bo‘yicha unga bojxona organi tomonidan ruxsat berilganligi bojxona organi tomonidan tekshiriladi. Dastlabki tekshiruvda xato va (yoki) kamchilik aniqlanmasa BDT ro‘yxatga olinadi.

91. Dastlabka tekshiruvda xato va (yoki) kamchiliklar aniqlansa BDT bojxona organi tomonidan qaytariladi va bu haqda deklaratsiyalovchi shaxsga axborot almashish tizimi orqali axborot yuboriladi.

92. BDT ro‘yxatga olingandan so‘ng:

BDT ro‘yxatga olinib, rasmiylashtirilmagan BYDga o‘zgartirish va (yoki) qo‘shimchalar kiritish uchun taqdim etilgan bo‘lsa — uni rasmiylashtirish BYD rasmiylashtirilgunga qadar amalga oshiriladi;

BDT rasmiylashtirilgan BYDga o‘zgartirish va (yoki) qo‘shimchalar kiritish uchun taqdim etilgan bo‘lsa — uch ish kuni ichida rasmiylashtiriladi.

93. BDT rasmiylashtirilgandan so‘ng u orqali avtomatlashgan holda bojxona organlarining axborot tizimi tomonidan BYDga tegishli o‘zgartirish va (yoki) qo‘shimchalar kiritiladi.

BYDga tegishli o‘zgartirish va (yoki) qo‘shimchalar kiritish jarayonida bojxona organi tomonidan uning “D” grafasida rasmiylashtirilgan BDTning ro‘yxat raqami qayd etiladi.

94. BDT ro‘yxatga olingandan so‘ng rasmiylashtirilgunga qadar bojxona organi tomonidan xato va (yoki) kamchilik aniqlansa BDT bojxona organi tomonidan qaytariladi va bu xaqda deklaratsiyalovchi shaxsga axborot almashish tizimi orqali xabar yuboriladi.

Xabarnomada BDTdagi xato va (yoki) kamchiliklar, qaytarilgan BDTning o‘rniga yangi BDTni taqdim etish muddati ham bayon etiladi.

95. Deklaratsiyalovchi shaxs xabardor etilgan vaqtdan boshlab bir ish kuni davomida qaytarilgan BDTning o‘rniga yangi BDTni taqdim etishi lozim.

96. Deklaratsiyalovchi shaxs tomonidan ro‘yxatga olinib, rasmiylashtirilmagan BYD bo‘yicha bojxona organiga:

yangi BDT belgilangan muddatda taqdim etiladigan bo‘lsa — bojxona organi taqdim etilgan yangi BDTni mazkur Nizom talablari asosida ro‘yxatga oladi va dastlabki tekshiruvdan o‘tkazadi.

yangi BDT bir ish kuni davomida taqdim etilmaydigan bo‘lsa — BYDga o‘zgartirish va (yoki) qo‘shimcha kiritish uchun BDT taqdim etilmagan deb hisoblanadi va BYD bekor qilinadi, mazkur Nizomning 26-bandida belgilangan holatlar bundan mustasno.

97. Bojxona organi deklarant yoki deklaratsiyalovchi shaxs tomonidan ko‘rsatilgan sabablarni asosli deb topsa, BDT rasmiylashtirilgunga qadar murojaat qilgan deklarant yoki deklaratsiyalovchi shaxs tomonidan qaytarib olinishi mumkin.

98. BDT rasmiylashtirilgandan so‘ng BYDning ajralmas qismi bo‘lib hisoblanadi va unda xato va (yoki) kamchilik aniqlangan taqdirda uni tuzatish yangi BDTni taqdim etish hamda rasmiylashtirish orqali amalga oshiriladi, bundan BDTning 10, 14, 28, 50, 54 va “V” grafasidagi BDTga oid ma’lumotlarga o‘zgartirish va (yoki) qo‘shimcha kiritish bilan bog‘liq holatlar mustasno.

98^1. Rasmiylashtirilgan BDTning 10, 14, 28, 50, 54 va “V” grafasidagi BDTga oid ma’lumotlarga o‘zgartirish va (yoki) qo‘shimcha kiritish deklarantning arizasiga ko‘ra hududiy bojxona boshqarmasining ruxsati bilan yoki bojxona organining talabi asosida amalga oshiriladi. Bunda deklaratsiyalovchi shaxs tomonidan bojxona organiga yangi BDTning 7a-grafasida o‘zgartirish va (yoki) qo‘shimcha kiritish kerak bo‘lgan BDTning ro‘yxat raqamini ko‘rsatgan holda taqdim etiladi.

Bojxona organi tomonidan taqdim etilgan BDTni rasmiylashtirish o‘zgartirish va (yoki) qo‘shimcha kiritish lozim bo‘lgan BDTni qaytarish orqali mazkur Nizomning 91-92-bandlarida belgilangan talablar asosida amalga oshiriladi.

99. BYDga rasmiylashtirilgan BDTdagi xato va (yoki) kamchiliklarni bartaraf etish mazkur Nizomga muvofiq rasmiylashtirilgan elektron BYDga o‘zgartirish va (yoki) qo‘shimcha kiritishga qo‘yilgan talablar asosida amalga oshiriladi.

100. Bitta tovar yuzasidan takroran qabul qilingan BYDlarni bekor qilish yoki qaytarib olishda nisbatan xavf darajalari past bo‘lgan BYDlar bekor qilinadi yoki qaytariladi.

Agar bitta tovar yuzasidan qabul qilingan BYDlarning xavf darajalari bir xil bo‘lsa, ularning ro‘yhatga olingan vaqti bo‘yicha oxirgilari bekor qilinadi yoki qaytariladi.

101. TEDAATda bojxona organlari va deklaratsiyalovchi shaxslar o‘rtasida axborot almashish tizimi orqali xabarlar bilan almashish va bu orqali tegishli hujjatlarni taqdim etish va qabul qilib olish imkoniyati Bojxona qo‘mitasi tomonidan ta’minlanadi.

102. Bojxona qo‘mitasi deklaratsiyalovchi shaxslarga TEDAAT va Bojxona qo‘mitasi tomonidan ko‘rsatiladigan interaktiv xizmatlar orqali taqdim etilgan BDT hamda o‘zgartirish va (yoki) qo‘shimchalar kiritilgan BYDni yuklab olish, qog‘oz shaklini chop etish huquqi va imkoniyatini ta’minlaydi.

103. Qaytarib olingan yoki bekor qilingan BYDning 7-grafasidagi ro‘yxat raqami hamda 54-grafasida deklaratsiyalovchi shaxs tomonidan BYDga berilgan raqamni boshqa BYDga berish taqiqlanadi.

103^1. Deklarant yoki deklaratsiyalovchi shaxs bojxona rasmiylashtiruvi jarayonida va undan so‘ng bojxona organlari tomonidan BYD va BDTlarda qoidabuzarliklar aniqlangunga qadar bojxona to‘lovlarining hisoblashga yoki taqiq, cheklovlarning qo‘llanilishiga ta’sir etmaydigan qoidabuzarliklarni ixtiyoriy ravishda bojxona organi ruxsati bilan tuzatish huquqiga ega, bundan deklarant yoki deklaratsiyalovchi shaxsning murojaatiga asosan mazkur Nizomda BYDni o‘zgartirish, unga qo‘shimcha kiritish, uni qayta rasmiylashtirish, qaytarib olish va bekor qilish taqiqlangan holatlar mustasno.

104. Deklarant bojxona postining yoki hududiy bojxona boshqarmasining BYDga o‘zgartirish va (yoki) qo‘shimcha kiritish, uni qayta rasmiylashtirish, qaytarib olish yoki bekor qilish bo‘yicha xati yuzasidan e’tiroz bildirib yuqori turuvchi bojxona organiga yoki sudga shikoyat qilishga haqli.

105. Mazkur Nizom talablarining buzilishida aybdor bo‘lgan shaxslar qonunchilik hujjatlarida belgilangan tartibda javobgar bo‘ladi.

106. Mazkur Nizom O‘zbekiston Respublikasi Savdo-sanoat palatasi bilan kelishilgan.