LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi xo‘jalik sudlarining tarkibini takomillashtirish to‘g‘risida” 1996-yil 25-iyuldagi Farmoniga muvofiq Vazirlar Mahkamasi qapop qiladi:
1. O‘zbekiston Respublikasi Moliya vazirligi Oliy xo‘jalik sudiga ajratilgan shtat birliklarini mablag‘ bilan ta’minlash, binoni tuzatish, muhofaza xizmatlari haqi to‘lash, shuningdek, ilovaga ko‘ra, mebellar, avtotransport, tashkiliy-texnika, boshqa zarur mol-mulklar sotib olish uchun mablag‘ ajratsin.
2. “O‘zbekmebel” davlat-aksionerlik birlashmasi, “O‘zavtosanoat” uyushmasi 1996-yil davomida Oliy xo‘jalik sudiga ilovaga* muvofiq zarur mebel va avtotransport ajratsinlar.
3. “O‘zulgurjibirjasavdo” uyushmasi Oliy xo‘jalik sudining buyurtmanomalariga ko‘ra tashkiliy-texnika va boshqa moddiy resurslarni xarid qilishni va yetkazib berishni amalga oshirsin.
4. O‘zbekiston Respublikasi Ichki ishlar vazirligi belgilangan tartibga ko‘ra xo‘jalik sudlari binolarini qo‘riqlashni ta’minlasin.
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari xo‘jalik sudlarining samarali ishlashlari uchun shart-sharoitlar yaratib bersinlar, zarur bo‘lganda alohida binolar ajratsinlar va uch oy muddatda Vazirlar Mahkamasini xabardor qilsinlar.