Oʻzbekiston Respublikasi Prezidentining “Oʻzbekiston Respublikasining soliq siyosatini yanada takomillashtirish chora-tadbirlari toʻgʻrisida” 2019-yil 26-sentabrdagi PF-5837-son Farmoni va Oʻzbekiston Respublikasi Prezidentining “Yengil sanoatni yanada rivojlantirish va tayyor mahsulotlar ishlab chiqarishni ragʻbatlantirish chora-tadbirlari toʻgʻrisida” 2019-yil 16-sentabrdagi PQ-4453-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar va qoʻshimcha kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Iqtisodiyot va sanoat vaziri B.A. Xoʻjayev va “Oʻztoʻqimachiliksanoat” uyushmasi raisi I.U. Xaydarov zimmasiga yuklansin.

1. Vazirlar Mahkamasining “Oʻzpaxtasanoat” aksiyadorlik jamiyati korxonalarida ishlab chiqarilgan paxta tolasini sotish va hisob-kitoblar mexanizmini takomillashtirish toʻgʻrisida” 2018-yil 12-fevraldagi 106-son qarorida (Oʻzbekiston Respublikasi QT, 2018-y., 2-son, 31-modda):

a) 1-ilovaning 12 va 12¹-bandlaridagi “20/120” raqamlari “15/115” raqamlari bilan almashtirilsin;

b) 3-ilovaning 2-bandi quyidagi tahrirda bayon etilsin:

“2. Paxta tolasi majburiy tartibda sertifikatlashtiriladi, paxta-toʻqimachilik ishlab chiqarishi va klastyerlari doirasida oʻz ehtiyojlari uchun ishlab chiqarilayotgan paxta tolasi bundan mustasno”.

2. Vazirlar Mahkamasining 2018-yil 28-fevraldagi 149-son qarori bilan tasdiqlangan Paxta xomashyosi va boshoqli don ekinlarini yetishtirish xarajatlariga kredit ajratish va topshirilgan paxta xomashyosi hamda boshoqli don uchun yakuniy oʻzaro hisob-kitoblar tartibi toʻgʻrisidagi nizomning 10-bandiga quyidagi mazmundagi ikkinchi xatboshi qoʻshilsin:

“Paxta-toʻqimachilik ishlab chiqarishlari va klastyerlarining paxta xomashyosini yetishtirish boʻyicha xarajatlarini moliyalashtirish uchun 2019-yilda Jamgʻarmaning krediti hisobidan tijorat banklari tomonidan ajratilgan kreditlar faqat 11 oy oʻtgandan soʻng qaytariladi, har bir transh uchun qaytarish muddatini hisoblash esa paxta-toʻqimachilik ishlab chiqarishlari va klastyerlariga mablagʻlar kelib tushgan paytdan boshlanadi. Xuddi shunday tartib tijorat banklari tomonidan Jamgʻarma kreditlarini qaytarishda ham qoʻllaniladi”.