Oʻzbekiston Respublikasi Prezidentining 2019-yil 11-iyuldagi PQ-4391-son “Oliy va oʻrta maxsus taʼlim tizimiga boshqaruvning yangi tamoyillarini joriy etish chora-tadbirlari toʻgʻrisida”gi qarori, 2019-yil 6-sentabrdagi PF-5812-son “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2019-yil 30-oktabrdagi 898-son “Oʻzbekiston Respublikasi Hukumatining ayrim qarorlariga sport klublari faoliyatini hamda sport musobaqalarini oʻtkazish tartibini yanada takomillashtirishga qaratilgan oʻzgartirish va qoʻshimchalar kiritish toʻgʻrisida”gi qaroriga muvofiq buyuraman:

1. Oʻzbekiston Respublikasi jismoniy tarbiya va sport vazirining 2018-yil 9-iyuldagi 10-mh-son “Umumiy oʻrta taʼlim maktablari, akademik litsey va kasb-hunar kollejlari oʻquvchilaridan iborat sport jamoalari oʻrtasida (sport turlari boʻyicha) ushbu muassasalar, tuman(shahar)lar, viloyatlar va respublika darajasida ommaviy sport tadbirlarini oʻtkazish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3065, 2018-yil 5-sentabr) (Oʻzbekiston Respublikasi qonun hujjatlari toʻplami, 2018-y., 36-son, 731-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqning nomi va 1-bandidagi “kasb-hunar kollejlari” degan soʻzlar “professional taʼlim muassasalari” degan soʻzlar bilan almashtirilsin.

2. Nizomda:

a) nomi, muqaddima, 1-bandning uchinchi xatboshisi va 3-banddagi “kasb-hunar kollejlari” degan soʻzlar “professional taʼlim muassasalari” degan soʻzlar bilan almashtirilsin;

b) 2-band quyidagi tahrirda bayon etilsin:

“2. Ommaviy sport tadbirlari Oʻzbekiston Respublikasi Jismoniy tarbiya va sport vazirligi, Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi (bundan buyon matnda tegishli vazirliklar deb yuritiladi) va ularning hududiy boʻlinmalari tomonidan Oʻzbekiston Respublikasi Vazirlar Mahkamasining 2014-yil 29-iyuldagi 205-son qarori bilan tasdiqlangan Ommaviy tadbirlarni oʻtkazish talablariga muvofiq tegishli ruxsatnoma olinganidan soʻng boshqa manfaatdor tashkilotlar bilan hamkorlikda tashkil etiladi.”;

v) 9, 11, 13 va 21-bandlardagi “vazirlik va idoralar” degan soʻzlar “vazirliklar” degan soʻz bilan almashtirilsin;

g) 16-band quyidagi tahrirda bayon etilsin:

“16. Akademik litsey, professional taʼlim muassasalari oʻquvchilari oʻrtasida oʻtkaziladigan ommaviy sport tadbirlari quyidagi toʻrt bosqichda oʻtkaziladi:

birinchi bosqich (akademik litsey va professional taʼlim muassasasi bosqichi) — akademik litsey va professional taʼlim muassasalarining oʻquvchilari oʻrtasida oʻtkaziladi;

ikkinchi bosqich (tuman (shahar) bosqichi) — tumanda joylashgan barcha akademik litsey va professional taʼlim muassasalarining birinchi bosqich ommaviy sport tadbirlari gʻoliblari oʻrtasida oʻtkaziladi;

uchinchi bosqich (Qoraqalpogʻiston Respublikasi, viloyatlar va Toshkent shahar bosqichi) — ikkinchi bosqich ommaviy sport tadbirlari gʻoliblari oʻrtasida oʻtkaziladi;

toʻrtinchi bosqich (respublika bosqichi) — uchinchi bosqich ommaviy sport tadbirlari gʻoliblari oʻrtasida oʻtkaziladi.”;

d) 17 va 20-bandlardagi “kasb-hunar kollejlarida” degan soʻzlar “professional taʼlim muassasalarida” degan soʻzlar bilan almashtirilsin;

e) 18-banddagi “kasb-hunar kollejlarida” va “kasb-hunar kollejining” degan soʻzlar tegishlicha “professional taʼlim muassasalarida” va “professional taʼlim muassasasining”degan soʻzlar bilan almashtirilsin;

j) 19-banddagi “kasb-hunar kollejlarining” degan soʻzlar “professional taʼlim muassasalarining” degan soʻzlar bilan almashtirilsin.

3. Nizomning ilovasida:

ilova belgisidagi “kasb-hunar kollejlari” degan soʻzlar “professional taʼlim muassasalari” degan soʻzlar bilan almashtirilsin;

matnidagi “kasb-hunar kolleji” degan soʻzlar “professional taʼlim muassasasi” degan soʻzlar bilan almashtirilsin.

4. Mazkur oʻzgartirishlar Oliy va oʻrta maxsus taʼlim vazirligi bilan kelishilgan.