Bugungi kunda vazirliklar, idoralar va tashkilotlarning formali kiyim-boshi davlat tuzilmalari vakilining uslub bo‘yicha yagona ko‘rinishini yaratishga mo‘ljallangan.
Shu bilan birga, O‘zbekiston Respublikasi Bosh prokuraturasi, Ichki ishlar vazirligi, Davlat soliq qo‘mitasi va Davlat bojxona qo‘mitasining (keyingi o‘rinlarda — davlat organlari) bir qator bo‘linmalarida ular tomonidan bajariladigan vazifalarning o‘ziga xos xususiyatlari inobatga olinmagan formali kiyim-bosh kiyish tartibi amalda bo‘lib, bu holat noqulayliklarga va formali kiyim-boshga nisbatan e’tiborsiz munosabatda bo‘lishga olib kelmoqda.
Davlat organlari xodimlari uchun qulay mehnat sharoitlarini yaratish, shuningdek ularga yuklatilgan xizmat vazifalarining o‘ziga xosligini inobatga olib, kiyim-bosh kiyib yurish tartibini yanada takomillashtirish maqsadida:
1. O‘zbekiston Respublikasi Bosh prokuraturasi, Ichki ishlar vazirligi, Davlat soliq qo‘mitasi va Davlat bojxona qo‘mitasining 2020-yilning 1-yanvariga qadar bosqichma-bosqich tartibda bo‘ysunuvidagi bo‘linmalarning quyidagi vazifalarni bajarishda harbiy va idoraviy formali kiyim-bosh kiyib yurish huquqini nazarda tutuvchi takliflari rozilik berilsin:
tantanali formali kiyim-bosh — rasmiy, bayram, tantanali va xalqaro tadbirlarda, sud majlislarida, ommaviy axborot vositalari bilan uchrashuvlar va intervyularda, shuningdek, o‘quv mashg‘ulotlarida;
dala (kamuflyajli) formali kiyim-bosh — o‘quv-amaliy mashg‘ulotlar davrida, favqulodda vaziyatlarda, harbiy (alohida) holatda, shuningdek, maxsus operatsiyalarni o‘tkazish vaqtida faqatgina O‘zbekiston Respublikasi Ichki ishlar vazirligi, Davlat bojxona qo‘mitasi va Harbiy prokuraturasining xodimlari (harbiy xizmatchilari) tomonidan;
Oldingi tahrirga qarang.
maxsus (mahkama) formali kiyim-bosh — xizmat vazifalarini bevosita xizmat xonalarida (bino, transport vositasi, harbiy qism) amalga oshirish vaqtida prokuratura va ichki ishlar organlarining, shuningdek O‘zbekiston Respublikasi Ichki ishlar vazirligi va Davlat bojxona qo‘mitasining kinologiya bo‘linmalari xodimlari (harbiy xizmatchilari) tomonidan;
(1-bandning to‘rtinchi xatboshisi O‘zbekiston Respublikasi Prezidentining 2022-yil 29-yanvardagi PF-61-sonli Farmoni tahririda — Qonunchilik ma’lumotlari milliy bazasi, 29.01.2022-y., 06/22/61/0084-son)
Oldingi tahrirga qarang.
(1-bandning beshinchi xatboshisi O‘zbekiston Respublikasi Prezidentining 2020-yil 24-noyabrdagi PF-6118-son Farmoniga asosan chiqarilgan — Qonun hujjatlari ma’lumotlari milliy bazasi, 25.11.2020-y., 06/20/6118/1562-son)
2. Belgilansinki, davlat organlarida kundalik formali kiyim-bosh kiyib yurish huquqi faqatgina quyidagilar uchun saqlanib qoladi:
kundalik xizmat faoliyatida bevosita aholi bilan ishlaydigan ichki ishlar organlari bo‘linmalari xodimlari (tezkor va tergov bo‘linmalardan tashqari);
faoliyatini bevosita bojxona postlarida amalga oshiradigan bojxona xizmati bo‘linmalari xodimlari (tezkor, axborot-kommunikatsiya texnologiyalari va kinologiya xizmatlaridan tashqari);
Oldingi tahrirga qarang.
jismoniy va yuridik shaxslarning murojaatlarini joyida, sayyor yoki ommaviy qabullarda o‘rganish, sektorlar faoliyatini tashkil etish, nazorat tadbirlarini o‘tkazish, tergovga qadar tekshiruv, surishtiruv, tergov va ijro harakatlarini amalga oshirishda prokuratura organlari xodimlari;
(2-bandning to‘rtinchi xatboshisi O‘zbekiston Respublikasi Prezidentining 2022-yil 29-yanvardagi PF-61-sonli Farmoni tahririda — Qonunchilik ma’lumotlari milliy bazasi, 29.01.2022-y., 06/22/61/0084-son)
Oldingi tahrirga qarang.
bo‘linmalarning sohasidan qat’i nazar ichki ishlar organlari va bojxona xizmatlarining rahbarlar tarkibi.
(2-bandning beshinchi xatboshisi O‘zbekiston Respublikasi Prezidentining 2022-yil 29-yanvardagi PF-61-sonli Farmoni tahririda — Qonunchilik ma’lumotlari milliy bazasi, 29.01.2022-y., 06/22/61/0084-son)
3. O‘zbekiston Respublikasi Ichki ishlar vazirligiga ommaviy va qishloq xo‘jaligi tadbirlarni bevosita o‘tkazish vaqtida jamoat tartibini saqlashni ta’minlash, shuningdek, yo‘l-patrul xizmatining muntazam postlarida xizmatni o‘tash vaqtida maxsus (mahkama) formali kiyim-bosh kiyib yurishga ruxsat etilsin.
O‘zbekiston Respublikasi Ichki ishlar vazirligi va Davlat bojxona qo‘mitasining oliy ta’lim muassasalari kursantlari va tinglovchilariga ta’lim muassasasi hududida har kuni dala (kamuflyajli) formali kiyim-bosh kiyib yurishga ruxsat etiladi;
O‘zbekiston Respublikasi Davlat soliq qo‘mitasining xodimlari uchun soliq to‘lovchilarga xizmat ko‘rsatish, soliq nazoratini amalga oshirish va soliq qarzdorligini undirish vaqtida identifikatsiya raqamli metall jetonni taqib yurish qoidalari joriy qilinadi xamda tantanali va kundalik formali kiyim-bosh kiyib yurish tartibi bekor qilinadi;
formali kiyim-bosh sirasiga kirmaydigan kiyimning garderobi tarkibi va kundalik kiyib yurish tartibi xizmatni o‘tashning o‘ziga xosligini, iqlim sharoitlarini hamda davlat xizmatchilarining umume’tirof etilgan odob-axloq normalarini inobatga olgan holda davlat organlarining rahbarlari tomonidan belgilanadi.
5. O‘zbekiston Respublikasi Bosh prokuraturasi, Ichki ishlar vazirligi, Davlat soliq qo‘mitasi va Davlat bojxona qo‘mitasi:
bir oy muddatda mazkur qaror talablarini inobatga olgan holda formali kiyim-boshning yangilangan ro‘yxatini (garderobi tarkibini), uni kiyib yurish qoidalari, kiyim-kechak ta’minoti me’yorlari va ulardan foydalanish muddatlarini ishlab chiqsin va tasdiqlasin;
manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
6. Belgilansinki, ushbu qarorda nazarda tugilgan tadbirlarni amalga oshirish bilan bog‘liq sarf-xarajatlar davlat organlarining asoslantirilgan hisob-kitoblari bo‘yicha har yili ajratiladigan budjet mablag‘lari, davlat organlarining budjetdan tashqari mablag‘lari, shuningdek, qonun hujjatlari bilan taqiqlanmagan boshqa manbalar hisobidan qoplanadi.
7. O‘zbekiston Respublikasi Prezidentining ayrim qarorlariga ilovaga* muvofiq o‘zgartirishlar kiritilsin.
* ilova rus tilidagi matnda berilgan.
8. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.