Oʻzbekiston Respublikasining “Budjet tizimi toʻgʻrisida”gi, “Oʻzbekiston Respublikasi Markaziy banki toʻgʻrisida”gi va “Banklar va bank faoliyati toʻgʻrisida”gi qonunlariga, Oʻzbekiston Respublikasi Prezidentining 2000-yil 2-iyundagi “Jamiyatning siyosiy, iqtisodiy va maʼnaviy sohalarida islohotlarni erkinlashtirish va chuqurlashtirish, mamlakat xavfsizligini taʼminlash boʻyicha Dasturlarni amalga oshirish borasidagi chora-tadbirlari toʻgʻrisida”gi PF-2612-sonli Farmoni, Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi qarori va Oʻzbekiston Respublikasi Vazirlar Mahkamasining 1992-yil 23-noyabrdagi 553-sonli qarori bilan tasdiqlangan “Oʻzbekiston Respublikasi Moliya vazirligi toʻgʻrisida”gi Nizomning 6-bandiga asosan Davlat budjetining kassa ijrosini amalga oshirish va uning hisobini toʻgʻri yuritilishini taʼminlash maqsadida Oʻzbekiston Respublikasi Markaziy banki Boshqaruvi va Oʻzbekiston Respublikasi Moliya vazirligi qaror qiladilar:

1. Ilova qilinayotgan “Oʻzbekiston Respublikasi Davlat budjetining kassa ijrosi toʻgʻrisida”gi Yoʻriqnoma (yangi tahrirda) tasdiqlansin.

2. Mazkur qaror Oʻzbekiston Respublikasi Adliya vazirligida Davlat roʻyxatidan oʻtgan vaqtdan boshlab oʻn kundan soʻng kuchga kiritilsin.

3. Ushbu Yoʻriqnoma kuchga kirishi munosabati bilan Oʻzbekiston Respublikasi Adliya vazirligida 1999-yil 13-yanvarda roʻyxatga olingan 591-sonli “Oʻzbekiston Respublikasi Davlat budjetining kassa ijrosi toʻgʻrisida”gi Yoʻriqnoma oʻz kuchini yoʻqotgan deb hisoblansin.

Ushbu Yoʻriqnoma Oʻzbekiston Respublikasining “Oʻzbekiston Respublikasi Markaziy banki toʻgʻrisida”gi, “Banklar va bank faoliyati toʻgʻrisida”gi va “Budjet tizimi toʻgʻrisida”gi qonunlariga, Oʻzbekiston Respublikasi Prezidentining 2000-yil 2-iyundagi “Jamiyatning siyosiy, iqtisodiy va maʼnaviy sohalarida islohotlarni erkinlashtirish va chuqurlashtirish, mamlakat xavfsizligini taʼminlash boʻyicha Dasturlarni amalga oshirish borasidagi chora-tadbirlari toʻgʻrisida”gi PF-2612 sonli Farmoni, Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi qarori va Oʻzbekiston Respublikasi Vazirlar Mahkamasining 1992-yil 23-noyabrdagi 553-sonli qarori bilan tasdiqlangan “Oʻzbekiston Respublikasi Moliya vazirligi toʻgʻrisida”gi Nizomning 6-bandiga muvofiq ishlab chiqilgan boʻlib, u Davlat budjetining kassa ijrosini amalga oshirish va uning hisobini yuritish tartibini belgilaydi.

1. Oʻzbekiston Respublikasi Davlat budjeti oʻz ichiga respublika budjeti, Qoraqalpogʻiston Respublikasi budjeti va mahalliy budjetlarni oladi. Bundan tashqari Davlat budjeti tarkibida Respublika yoʻl jamgʻarmasi, Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasining maxsus hisobvaragʻi, Ish bilan taʼminlashga koʻmaklashuvchi davlat jamgʻarmasi hamda Oʻzbekiston Respublikasi budjetdan tashqari Pensiya jamgʻarmasi mablagʻlari jamlanadi.

2. Davlat maqsadli jamgʻarmalarini tuzish, jamgʻarma mablagʻlarini shakllantirish va ulardan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.

3. Qoraqalpogʻiston Respublikasi budjeti Qoraqalpogʻiston Respublikasining respublika budjetini hamda Qoraqalpogʻiston Respublikasi tarkibidagi tumanlar va shaharlar budjetlarini oʻz ichiga oladi.

4. Viloyat budjeti viloyat budjetini, viloyatga boʻysunuvchi tumanlar va shaharlar budjetlarini oʻz ichiga oladi.

5. Tumanlarga boʻlinadigan shaharning budjeti shahar budjetini va shahar tarkibiga kiruvchi tumanlar budjetlarini oʻz ichiga oladi.

6. Tumanga boʻysunadigan shaharlari boʻlgan tumanning budjeti tuman budjetini va tuman boʻysunuvidagi shaharlar budjetlarini oʻz ichiga oladi.

7. Oʻzbekiston Respublikasi Davlat budjetining kassa ijrosi hisobi Adliya vazirligi tomonidan 1999-yil 13-iyulda roʻyxatga olingan 773-sonli “Oʻzbekiston Respublikasi tijorat banklarida buxgalteriya hisobi hisobvaraqlari rejasi”ga hamda Oʻzbekiston Respublikasi Markaziy bankining 1999-yil 25-dekabrdagi 289-sonli “Oʻzbekiston Respublikasi Markaziy bankida buxgalteriya hisobi hisobvaraqlar rejasi”ga muvofiq yuritiladi.

8. Davlat budjeti daromadlariga quyidagilar kirim qilinadi:

1) qonun hujjatlarida belgilangan soliqlar, yigʻimlar, bojlar va boshqa majburiy toʻlovlar;

2) davlatning moliyaviy va boshqa aktivlarini joylashtirish, foydalanishga berish va sotishdan olingan daromadlar;

3) qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;

4) yuridik va jismoniy shaxslardan, shuningdek chet el davlatlaridan kelgan qaytarilmaydigan pul tushumlari;

5) rezident yuridik shaxslarga va chet el davlatlariga berilgan budjet ssudalarini qaytarish hisobiga tushadigan toʻlovlar;

6) qonun hujjatlarida taqiqlanmagan boshqa daromadlar.

9. Davlat budjetiga kelib tushgan mablagʻlarning toʻgʻri va oʻz vaqtida kirim qilinishini taʼminlash maqsadida Oʻzbekiston Respublikasi Moliya vazirligining xos raqami va STIRi (soliq toʻlovchining identifikatsion raqami) bilan Markaziy bankning Toshkent shahar va hududiy Bosh boshqarmalarining Hisob-kitob kassa markazlarida hamda tijorat banklarida 23402 “Respublika budjetining mablagʻlari” hisobvaragʻi budjet daromadlari tasnifiga asosan ochiladi.

10. Mulkchilik shaklidan qatʼi nazar, yuridik va jismoniy shaxslar tomonidan Davlat budjetiga oʻtkaziladigan umumdavlat soliqlari, yigʻimlari, bojlari va boshqa majburiy toʻlovlar Oʻzbekiston Respublikasi banklari tomonidan qabul qilinadi va belgilangan tartibda 23402 “Respublika budjetining mablagʻlari” hisobvaragʻiga kirim qilinadi.

11. Mulkchilik shaklidan qatʼi nazar, barcha yuridik shaxslar (soliq toʻlovchilar) tomonidan Davlat budjetiga, Qoraqalpogʻiston Respublikasi budjetiga va mahalliy budjetlarga toʻlanadigan soliq va boshqa toʻlovlar, toʻlov summasidan qatʼi nazar, pul oʻtkazish yoʻli bilan amalga oshiriladi.

12. Jismoniy shaxslar soliq va boshqa toʻlovlarni naqd pul yoki pul oʻtkazish orqali amalga oshirishi mumkin.

13. Budjetga toʻlanadigan soliq va boshqa toʻlovlar vakolatli organlar tomonidan oʻrnatilgan tartibda naqd pul shaklida qabul qilinishi va banklarga topshirilishi mumkin.

14. Davlat budjetining 23402 “Respublika budjetining mablagʻlari” hisobvaragʻiga kelib tushgan soliq va boshqa toʻlovlar hisobidan belgilangan tartibda va miqdorda Respublika budjetiga, Qoraqalpogʻiston Respublikasi budjetiga va mahalliy budjetlarga ajratma qilinadi.

15. Davlat budjetiga soliq va boshqa toʻlovlarni toʻlash maqsadida taqdim etilgan toʻlov hujjatlarining toʻgʻri toʻldirilganligi va toʻlov toʻgʻri amalga oshirilayotganligi bank tomonidan tekshirilgandan keyin toʻlovga qabul qilinishi lozim. Banklarga taqdim etilgan toʻlov hujjatlari notoʻgʻri toʻldirilgan boʻlsa, ularning sabablari koʻrsatilgan holda toʻlov hujjatlari taqdim etuvchilarga qaytariladi.

16. Soliq toʻlovchilarning talab qilib olinguncha depozit hisobvaraqlarida mablagʻlari yetarli boʻlmasa, banklarga taqdim etilgan toʻlov hujjatlari 2-sonli kartotekaga kirim qilinadi va toʻlovlar Oʻzbekiston Respublikasi Adliya vazirligida 1999-yil 30-yanvarda roʻyxatga olingan 615-sonli “Xoʻjalik yurituvchi subyektlarning bank hisobvaraqlaridan pul mablagʻlarini hisobdan chiqarish tartibi toʻgʻrisida”gi Yoʻriqnomaga asosan, qonunchilikda boshqa holatlar koʻzda tutilmagan boʻlsa amalga oshiriladi.

17. Soliq toʻlovchilarning toʻlov topshiriqnomalari hamda soliq va moliya organlarining inkasso topshiriqnomalari banklarning aybi bilan oʻz vaqtida ijro etilmasa, banklar har bir muddati oʻtgan kun uchun qonunchilikda belgilangan tartibda budjetga oʻz vaqtida oʻtkazilmagan summaning 0,5 foizi miqdorida penya toʻlaydi.

18. Davlat budjetiga toʻlanadigan soliq va boshqa toʻlovlar alohida yozilgan toʻlov hujjatlariga asosan Davlat budjeti daromadlari hisobvaragʻiga kirim qilinadi.

19. Davlat budjeti daromadlari hisobvaragʻiga kelib tushgan mablagʻlarning kirim qilinganligi toʻgʻrisida hisobvaraqdan koʻchirma va ilovalar banklar tomonidan oʻrnatilgan tartibda soliq organlariga beriladi.

20. Davlat budjeti daromadlari hisobvaragʻida koʻzda tutilmagan soliq va boshqa toʻlovlar soliq toʻlovchilar tomonidan toʻlanganda, bu mablagʻlar Davlat budjeti daromadlarining 12-boʻlimi, 25-paragrafi, 352-“Boshqa tushumlar” shartli hisobvaragʻiga kirim qilinadi.

21. Mulkchilik shaklidan qatʼi nazar, barcha xoʻjalik yurituvchi subyektlar tomonidan mehnat qonunchiligida belgilangan tartibda tuzilgan mehnat shartnomasiga asosan hamda qonunchilikda belgilangan tartibda va miqdorda ishchi va xodimlarning daromadlaridan daromad soligʻi ushlab qolinadi.

22. Xoʻjalik yurituvchi subyektlar joriy oy davomida ishchi va xodimlarga hisoblangan ish haqidan ushlab qolingan daromad soligʻini Davlat budjetiga oʻtkazish uchun toʻlov topshiriqnomasini joriy oyning ikkinchi yarmida ish haqi olish uchun topshiradigan chek bilan bir vaqtda taqdim etishlari lozim. Ish haqi olish uchun topshiradigan chek bilan bir vaqtda toʻlov topshiriqnomalari taqdim etilmasa ish haqi olish uchun naqd pul berishga ruxsat etilmaydi.

23. Soliq toʻlovchilar tomonidan daromad soligʻini budjetga oʻtkazish uchun banklarga taqdim etilgan toʻlov topshiriqnomalarining “Toʻlov maqsadi”da “_________ oyi ish haqisidan ushlab qolingan daromad soligʻi summasi budjetga oʻtkazildi” deb yozib qoʻyilishi lozim.

24. Xoʻjalik yurituvchi subyektlarning daromad soligʻini budjetga oʻtkazish uchun taqdim etgan toʻlov topshiriqnomalari banklar tomonidan qabul qilinadi. Xoʻjalik yurituvchi subyektlarning talab qilib olinguncha depozit hisobvaraqlarida pul mablagʻlari yetarli boʻlsa toʻlovlar amalga oshiriladi, agar pul mablagʻlari yetarli boʻlmasa toʻlov topshiriqnomalari 2-sonli kartotekaga kirim qilinadi va belgilangan tartibda hisobdan chiqariladi.

25. Mulkchilik shaklidan qatʼi nazar, barcha xoʻjalik yurituvchi subyektlar, shuningdek jismoniy shaxslar Oʻzbekiston Respublikasi Moliya vazirligi huzuridagi “Qimmatbaho metallar va qimmatbaho toshlar” qoʻmitasining sinov nazorati organlariga qimmatbaho metallardan tayyorlangan buyumlar va qotishmalarni tekshirish va tamgʻalash uchun murojaat qilishi mumkin. Sinov nazorati organlari tomonidan bajarilgan xizmatlar uchun toʻlangan toʻlovlar banklar tomonidan Davlat budjeti daromadlarining 12-boʻlimi, 23-paragrafi, 350-“Qimmatbaho metallardan tayyorlangan qotishmalarni va tamgʻalangan mahsulotlarni tekshirib bergani uchun toʻlovlar” shartli hisobvaragʻi boʻyicha kirim qilinadi.

26. Xoʻjalik yurituvchi subyektlar qimmatbaho metallardan tayyorlangan buyumlarni va qotishmalarni tekshirib koʻrgani hamda tamgʻalagani uchun toʻlovlarni toʻlov topshiriqnomalariga asosan oʻtkazadilar. Toʻlov topshiriqnomalarida inspeksiya nomi hamda toʻlov maqsadi “Tekshirish va tamgʻalash uchun toʻlovlar” deb koʻrsatilishi lozim.

27. Sinov nazorati organlari tomonidan tayyor buyumlar va qotishmalarni tekshirib koʻrish hamda tamgʻalash uchun qabul qilib olinganligi toʻgʻrisida berilgan kvitansiyalarga asosan jismoniy shaxslar toʻlovlarni naqd pul yoki pul oʻtkazish orqali amalga oshiradilar va toʻlovlar banklar tomonidan Davlat budjeti daromadlari hisobiga, budjet daromadlari tasnifining 12-boʻlimi, 23-paragrafi, 350-“Qimmatbaho metallardan tayyorlangan qotishmalarni va tamgʻalangan mahsulotlarni tekshirib bergani uchun toʻlovlar” shaxsiy hisobvaragʻi boʻyicha kirim qilinadi.

28. Jarima solish huquqiga ega boʻlgan organlar tomonidan yuridik va jismoniy shaxslarga solingan jarima summalari banklar tomonidan qabul qilinadi.

29. Banklar tomonidan qabul qilingan jarima summalari qonunchilikda belgilangan tartibda va jarima soluvchi organlar bilan tuzilgan shartnomaga asosan tegishli hisobvaraqlarga oʻtkazib beriladi. Bunda Davlat budjetiga oʻtkaziladigan jarima summalari Davlat budjeti daromadlar klassifikatsiyasining “Yigʻimlar va boshqa soliq boʻlmagan daromadlar” boʻlimidagi mos shartli hisobvaraqlarga kirim qilinadi.

30. Jarima solish huquqi berilgan tashkilotlar va muassasalar hisobot yili davrida kelib tushgan jarima summalari boʻyicha yillik hisobot maʼlumotlarini joriy yilning 1-yanvar holatiga Davlat budjeti daromadlariga xizmat koʻrsatuvchi banklar va soliq organlari bilan oʻrnatilgan tartibda taqqoslab koʻrishlari shart.

31. Yuridik va jismoniy shaxslar davlat bojini toʻlovchilar boʻlib hisoblanadilar. Davlat boji Davlat budjeti daromadlari hisobiga oʻtkaziladi. Davlat bojini yigʻuvchi Davlat organlari Davlat bojining Davlat budjeti daromadlari hisobiga oʻtkazish tartibini boj toʻlovchilarga xabar qiladi. Davlat budjetiga oʻtkaziladigan Davlat boji budjet daromadlari tasnifining 11-boʻlimida aks ettiriladi.

32. Davlat boji pul oʻtkazish yoki naqd pul bilan toʻlanadi.

33. Davlat boji naqd pul orqali toʻlanganda, banklar tomonidan Davlat bojini toʻlovchilarga kvitansiya beriladi.

34. Davlat budjetiga kelib tushgan soliq va boshqa toʻlovlar hisobidan Respublika budjetiga, Qoraqalpogʻiston Respublikasi budjetiga hamda mahalliy budjetlarga oʻrnatilgan miqdorda ajratma qilinadi.

35. Oʻzbekiston Respublikasi Moliya vazirligi Davlat budjeti daromadlari hisobidan Qoraqalpogʻiston Respublikasi, Toshkent shahar va viloyatlar mahalliy budjetlariga ajratma qilish miqdorini belgilaydi va Qoraqalpogʻiston Respublikasi Moliya vazirligiga, viloyat (shahar) moliya boshqarmalariga hamda Markaziy bankning hududiy Bosh boshqarmalariga yetkazadi.

36. Qoraqalpogʻiston Respublikasi Moliya vazirligi va viloyat (shahar) moliya boshqarmalari oʻz navbatida har bir shahar va tuman moliya organlariga hamda tijorat banklariga Davlat budjeti daromadlari hisobidan mahalliy budjetlarga ajratmalar miqdori toʻgʻrisida xabar qiladi.

37. Qoraqalpogʻiston Respublikasi Moliya vazirligi va viloyat (shahar) moliya boshqarmalari Davlat budjeti daromadlari hisobidan Respublika budjetiga, Qoraqalpogʻiston Respublikasi budjetiga va mahalliy budjetlarga ajratma qilish miqdorini oʻzgartirishga haqli emas.

38. Respublika budjeti daromadlari hisobidan Qoraqalpogʻiston Respublikasi, Toshkent shahar va viloyatlar mahalliy budjetlariga ajratma qilish miqdori joriy yil davomida oʻzgarsa, mazkur Yoʻriqnomaning 36-37-bandlarida belgilangan tartibda qoʻshimcha xabar qilinadi.

39. Davlat budjeti daromadlari hisobiga kelib tushgan kunlik soliq va boshqa toʻlovlar hisobidan Respublika budjetiga, Qoraqalpogʻiston Respublikasi budjetiga va mahalliy budjetlarga ajratmalar banklar tomonidan dasturiy taʼminot asosida belgilangan foiz miqdorida amalga oshiriladi. Zarur boʻlgan hollarda, mahalliy budjetga ajratmalar qoʻl yordamida amalga oshirilishi mumkin. Davlat budjeti daromadlari hisobidan Respublika budjetiga, Qoraqalpogʻiston Respublikasi budjetiga va mahalliy budjetlarga ajratmalar boʻyicha buxgalteriya oʻtkazmalari memorial orderlar bilan rasmiylashtiriladi.

40. Qoraqalpogʻiston Respublikasi budjetiga va mahalliy budjetlarga kunlik ajratmalar toʻgʻrisidagi qaydnoma moliya organlariga hamda budjet hisobvaragʻidan koʻchirma bilan birga davlat soliq organlariga beriladi (1-ilova).

41. Davlat budjeti daromadlari hisobidan Respublika budjetiga, Qoraqalpogʻiston Respublikasi budjetiga va mahalliy budjetlarga ajratmalar alohida har bir soliq va boshqa toʻlovlar boʻyicha, ularning shaxsiy hisobvaraqlaridan ajratma qilinadi.

42. Budjetga notoʻgʻri yoki ortiqcha oʻtkazilgan soliq va boshqa mablagʻlar soliq toʻlovchilarning yozma arizasiga koʻra qaytarib beriladi yoki kelgusi toʻlovlar yoxud boshqa toʻlovlar hisobiga oʻtkaziladi. Davlat budjetiga notoʻgʻri yoki ortiqcha oʻtkazilgan bojxona toʻlovlari Oʻzbekiston Respublikasi Adliya vazirligida 2000-yil 14-iyulda 947-son bilan davlat roʻyxatidan oʻtkazilgan Yoʻriqnomaga asosan tartibga solinadi.

43. Soliq organlari soliq toʻlovchilarning arizasi va ularning shaxsiy hisobvaraqlari maʼlumotlariga asosan budjetga ortiqcha toʻlangan soliq summasini qaytarish yoki kelgusi toʻlovlar yoxud boshqa toʻlovlar hisobiga oʻtkazish toʻgʻrisidagi xulosasini tegishli moliya organlariga taqdim etishi lozim.

44. Moliya organlari budjetga notoʻgʻri yoki ortiqcha oʻtkazilgan mablagʻlarni soliq toʻlovchilarga qaytarish yoki kelgusi toʻlovlar yoxud boshqa toʻlovlar hisobiga oʻtkazish toʻgʻrisidagi soliq organlarining yozma xulosasini olgan kundan keyingi ish kunidan kechikmasdan banklarga toʻlov topshiriqnomalarini taqdim etadi. Soliq organlarining xulosasi moliya organlariga taqdim etilgan kundan boshlab soliq toʻlovchining boqimandasi boʻyicha jarima hisoblash toʻxtatiladi.

45. Moliya organlari tomonidan taqdim etilgan toʻlov topshiriqnomasiga asosan budjetga notoʻgʻri yoki ortiqcha oʻtkazilgan mablagʻlar Davlat budjetiga kunlik tushumlar hisobidan Respublika budjetiga, Qoraqalpogʻiston Respublikasi budjetiga va mahalliy budjetlarga ajratmalar qilishdan oldin soliq toʻlovchilarga qaytariladi yoki kelgusi toʻlovlar yoxud boshqa toʻlovlar hisobiga oʻtkaziladi.

46. Soliq va boshqa toʻlovlarning mos daromadlar shaxsiy hisobvaragʻiga kelib tushgan kunlik tushumlar yetarli boʻlmaganda moliya organlari tomonidan banklarga taqdim etilgan toʻlov topshiriqnomalari boʻyicha toʻlovlarni qisman toʻlashga ruxsat etiladi.

47. Jarima solish huquqiga ega boʻlgan organlar tomonidan Davlat budjetiga ortiqcha kelib tushgan jarima summalari, toʻlovchiga, uning arizasiga hamda toʻlov summasini tasdiqlovchi hujjatlar taqdim etilganda moliya organlarining toʻlov topshiriqnomasiga asosan qaytariladi.

48. Respublika budjeti daromadlariga quyidagi mablagʻlar kirim qilinadi:

1) qonun hujjatlarida belgilangan tartibdagi va normativlar asosidagi umumdavlat soliqlari, yigʻimlari, bojlari va majburiy toʻlovlar;

2) davlat moliyaviy aktivlari va boshqa aktivlarni joylashtirish, foydalanishga berish va sotishdan olingan daromadlar;

3) qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;

4) yuridik va jismoniy shaxslardan, shuningdek chet el davlatlaridan kelgan qaytarilmaydigan pul tushumlari;

5) rezident yuridik shaxslarga va chet el davlatlariga berilgan budjet ssudalarini qaytarish hisobiga berilgan toʻlovlar;

6) qonun hujjatlarida taqiqlanmagan boshqa daromadlar.

49. Bundan tashqari Oʻzbekiston Respublikasi Moliya vazirligining 23402 “Respublika budjetining mablagʻlari” asosiy hisobvaragʻiga quyidagi mablagʻlar kirim qilinishi mumkin:

1) Oʻzbekiston Respublikasi Markaziy banki tomonidan ajratilgan qisqa muddatli kreditlar;

2) davlat qisqa muddatli obligatsiyalarini sotishdan kelib tushgan mablagʻlar;

3) davlat maqsadli jamgʻarmalari hisobidan ajratilgan mablagʻlar;

4) Moliya vazirligining boshqa depozit hisobvaraqlaridagi mablagʻlar.

50. Respublika budjetiga Davlat budjetidan ajratma qilingan va boshqa kelib tushgan mablagʻlarni kirim qilinishini taʼminlash maqsadida Oʻzbekiston Respublikasi Moliya vazirligining xos raqami va STIRi (soliq toʻlovchining identifikatsion raqami) bilan Markaziy bank Toshkent shahar va hududiy Bosh boshqarmalari hisob-kitob kassa markazlarida Oʻzbekiston Respublikasi Moliya vazirligiga 23402 “Respublika budjetining mablagʻlari” asosiy va tranzit hisobvaraqlari ochiladi. Markaziy bankning hududiy Bosh boshqarmalari hisob-kitob kassa markazlarida ochilgan 23402 tranzit hisobvaraqlaridagi mablagʻlar Oʻzbekiston Respublikasi Moliya vazirligining 23402 “Respublika budjetining mablagʻlari” asosiy hisobvaragʻiga oʻtkazib beriladi.

51. Respublika budjeti xarajatlari tasdiqlangan budjet asosida Respublika budjeti daromadlari hisobvaragʻida mavjud qoldiq doirasida amalga oshiriladi.

52. Respublika budjeti xarajatlariga quyidagilar kiradi:

1) respublika budjetidan moliyalashtiriladigan budjet mablagʻlari oluvchilarning joriy xarajatlari;

2) joriy budjet transfertlari;

3) kapital xarajatlar:

asosiy fondlar va vositalarni (ular bilan bogʻliq ishlar va xizmatlar ham shu jumlaga kiradi) davlat ehtiyojlari uchun olish va takror ishlab chiqarishga;

chet elda davlat ehtiyojlari uchun yer va boshqa mol-mulk olishga;

davlat ehtiyojlari uchun yerga boʻlgan huquqni va boshqa nomoddiy aktivlarni olishga;

davlat zaxiralarini vujudga keltirishga;

4) kapital xarajatlarni qoplash uchun yuridik shaxslarga beriladigan budjet transfertlari;

5) Qoraqalpogʻiston Respublikasi budjeti va mahalliy budjetlarga budjet dotatsiyalari, budjet subvensiyalari va budjet ssudalari shaklida;

6) rezident-yuridik shaxslarga va chet el davlatlariga beriladigan budjet ssudalari;

7) davlat maqsadli jamgʻarmalariga beriladigan budjet dotatsiyalari va budjet ssudalari;

8) davlat qarzini qaytarish va unga xizmat koʻrsatish boʻyicha toʻlovlar;

9) qonun hujjatlarida taqiqlanmagan boshqa xarajatlar.

53. Respublika budjetidan xarajatlarni moliyalashtirish qonun hujjatlarida belgilangan tartibda quyidagi yoʻnalishlarda amalga oshiriladi:

1) fan, taʼlim, madaniyat, sogʻliqni saqlash, jismoniy tarbiya va sport (respublika boʻysunuvidagi budjet tashkilotlari boʻyicha);

2) ijtimoiy taʼminot;

3) mudofaa, milliy xavfsizlik va jamoat tartibini taʼminlash;

4) sudlar va prokuratura organlari faoliyatini taʼminlash;

5) davlat zaxirasi va safarbarlik zaxirasini vujudga keltirish hamda ularni saqlash;

6) davlat markazlashtirilgan investitsiyalarini amalga oshirish;

7) davlat hokimiyati va boshqaruvi organlari, Oʻzbekiston Respublikasining chet eldagi diplomatik vakolatxonalari hamda missiyalari faoliyatini taʼminlash;

8) iqtisodiyot turli tarmoqlarining respublika boʻysunuvidagi budjet tashkilotlarini saqlash;

9) Oʻzbekiston Respublikasi Vazirlar Mahkamasining qarorlariga muvofiq iqtisodiyot tarmoqlarini rivojlantirishning davlat tarmoq dasturlari va tadbirlarini amalga oshirish;

10) yer tuzish, meliorativ, tabiatni muhofaza qilish va epizootiyaga qarshi kurash chora-tadbirlarini amalga oshirish;

11) qishloq xoʻjaligi zararkunandalariga qarshi kurash;

12) gidrometeorologiya, doʻlga qarshi kurash chora-tadbirlari;

13) qonun hujjatlarida nazarda tutilgan boshqa maqsadlarga.

54. Respublika budjeti qaramogʻidagi muassasalarni moliyalashtirish uchun Respublika budjeti daromadlari hisobidan qilinadigan toʻlovlar Moliya vazirligi tomonidan taqdim qilingan toʻlov topshiriqnomalarga asosan Markaziy bankning Toshkent shahar Bosh boshqarmasi Hisob-kitob kassa markazida ochilgan Moliya vazirligining 23402 “Respublika budjetining mablagʻlari” hisobvaragʻidagi qoldiq doirasida amalga oshiriladi (bank kodi 00014).

55. Respublika budjeti hisobvaragʻiga inkasso topshiriqnomasi va toʻlov talabnomasini qoʻyishga ruxsat etilmaydi.

56. Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi qaroriga muvofiq budjet tashkilotlari Davlat budjetidan mablagʻlar bilan xarajatlarning 4 ta guruhi boʻyicha taʼminlanishi belgilab qoʻyilgan:

1) ish haqi va unga tenglashtirilgan toʻlovlar (bolali oilalarga nafaqalar va kam taʼminlangan oilalarga moddiy yordam, stipendiyalar va boshqalar);

2) ish haqiga qoʻshimchalar (majburiy ajratmalar);

3) kapital qoʻyilmalar (Davlat investitsiya dasturida nazarda tutilgan aniq roʻyxatlarga muvofiq);

4) boshqa xarajatlar (ovqatlantirish, dori-darmonlar, kommunal xizmatlar va boshqa xarajatlar).

57. Budjet tashkilotlari smeta va xodimlar roʻyxati (shtatlar) jadvalini qonun hujjatlarida belgilangan tartibda mustaqil ravishda ishlab chiqadilar va tasdiqlaydilar. Smetalar Oʻzbekiston Respublikasi Moliya vazirligi tomonidan tasdiqlangan Davlat budjeti xarajatlarining iqtisodiy tasnifiga muvofiq xarajatlarning toʻliq yoyilmasi ilova qilingan holda, xarajatlarning 4 guruhi boʻyicha tuziladi.

58. Budjet tashkilotlari tasdiqlangan smeta va xodimlar roʻyxati (shtatlar) jadvalini roʻyxatdan oʻtkazish uchun qonun hujjatlarida belgilangan tartibda Oʻzbekiston Respublikasi Moliya vazirligiga yoki uning hududiy moliya organlariga taqdim etiladilar.

59. Budjet tashkilotlari tasdiqlangan smeta va xodimlar roʻyxati (shtatlar) jadvalini, shuningdek amaldagi smeta va xodimlar roʻyxati (shtatlar) jadvaliga kiritiladigan oʻzgartirishlar ular Oʻzbekiston Respublikasi Moliya vazirligida yoki hududiy moliya organlarida roʻyxatdan oʻtkazilgandan soʻng amalga kiritiladi.

60. Budjet tashkilotlari xarajatlarining 1 va 2 guruhlari mablagʻ bilan birinchi navbatda taʼminlanadi. Bunda xarajatlarning 2 guruhiga tegishli mablagʻ oʻtkazmasdan 1 guruh xarajatlarini amalga oshirish taqiqlanadi.

61. Respublika budjeti qaramogʻidagi muassasalarni moliyalashtirish maqsadida Moliya vazirligi tomonidan taqdim etilgan toʻlov topshiriqnomalari "toʻlov maqsadi"da xarajatlarning boʻlimi, bobi, paragrafi va qaysi oy uchun moliyalashtirilganligi koʻrsatiladi. Toʻlov topshiriqnomasidagi jadvalda xarajatlar guruhlar boʻyicha koʻrsatiladi, bunda birinchi guruh xarajatlari turi, hisobi va analitik hisobi yoyilmalari boʻyicha koʻrsatiladi.

62. Respublika budjeti qaramogʻidagi muassasalar oʻz qaramogʻidagi muassasalarga pul mablagʻlarini oʻtkazish uchun taqdim etgan toʻlov topshiriqnomalari “toʻlov maqsadi”da xarajatlarni boʻlimi, bobi, paragrafi va qaysi oy uchun moliyalashtirilganligi koʻrsatiladi. Toʻlov topshiriqnomasidagi jadvalda xarajatlar guruhlar boʻyicha koʻrsatiladi, bunda birinchi guruh xarajatlari turi, hisobi va analitik hisobi yoyilmalari boʻyicha koʻrsatiladi.

63. Respublika budjeti hisobidan ajratilgan mablagʻlarni kirim qilish maqsadida Respublika budjeti qaramogʻidagi muassasalarga 23404 “Respublika budjeti qaramogʻidagi muassasalarning mablagʻlari” hisobvaraqlari budjet xarajatlari tasnifiga asosan ochiladi.

64. Respublika budjeti qaramogʻidagi muassasalar Respublika budjetidan moliyalashtirilgan mablagʻlar hisobidan xarajatlarni 23404 “Respublika budjeti qaramogʻidagi muassasalarning mablagʻlari” hisobvaragʻidagi qoldiq summa doirasida, tasdiqlangan va Moliya vazirligi tomonidan roʻyxatga olingan smetaga asosan amalga oshiradilar.

65. Respublika budjetidan tegishli budjet tashkilotlariga moliyalashtirish jarayonida ularga belgilangan limitdan ortiqcha mablagʻlar oʻtkazilgan hollarda, ushbu ortiqcha oʻtkazilgan mablagʻlar budjet tashkilotining toʻlov topshiriqnomasiga yoki Oʻzbekiston Respublikasi Moliya vazirligi tomonidan qoʻyilgan inkasso topshiriqnomasiga asosan qaytarilishi mumkin.

66. Respublika budjeti qaramogʻidagi muassasalar budjet hisobvaraqlariga boshqa manbalardan mablagʻlar oʻtkazishga ruxsat etilmaydi. Quyidagi hollar bundan mustasno:

1) maktabgacha yoshdagi bolalar muassasalaridagi bolalarning ota-onalari tomonidan bolalar ovqatlangani uchun toʻlanadigan badallar.

2) budjet tashkilotlarining oldingi yillardagi debitorlik qarzlarining joriy moliyaviy yilda kelib tushgan summalari, joriy yilning debitorlik qarzlari qaytarilgan kabi kirim qilinadi va tashkilotlar uchun belgilangan limitning qoldigʻiga, xarajatlarning tegishli guruhi boʻyicha qoʻshiladi hamda bir vaqtda amalga oshirilgan kassa xarajatlari ushbu miqdorga kamaytiriladi.

67. Oʻzbekiston Respublikasi Ichki ishlar vazirligi, Milliy xavfsizlik xizmati, Favqulodda holatlar vazirligi, Davlat bojxona qoʻmitasi, Mudofaa vazirligi, Davlat chegarasini qoʻriqlash qoʻmitasi va ularga qarashli muassasalarning hisob-kitob pul hujjatlarida toʻlov maqsadlarini koʻrsatmaydilar.

68. Respublika budjeti qaramogʻidagi muassasalarga ish haqi moliya organlari tomonidan roʻyxatga olingan xodimlar roʻyxati (shtatlar) jadvali va xarajatlar smetasiga asosan, belgilangan muddatlarda beriladi. Budjet tashkilotlari va muassasalari oʻzlariga xizmat koʻrsatuvchi banklarga moliya organlari tomonidan roʻyxatdan oʻtkazilgan xodimlar roʻyxati jadvali va xarajatlar smetasining nusxasini taqdim etishlari lozim.

69. Xoʻjalik hisobidagi tashkilotlarga Respublika budjetidan ajratilgan mablagʻlar, ularning 23405 “Nobudjet muassasalarga Respublika budjeti hisobidan ajratilgan mablagʻlar” hisobvaraqlariga kirim qilinadi. Xoʻjalik hisobidagi tashkilotlarga Respublika budjeti hisobidan ajratilgan mablagʻlar hisobidan ish haqi, Oʻzbekiston Respublikasi Moliya vazirligi tomonidan roʻyxatga olingan xarajatlar smetasi hamda xodimlar roʻyxati (shtatlar) jadvali oʻrniga tuzilgan kalkulyatsiya asosida belgilangan muddatlarda beriladi. Xoʻjalik hisobidagi tashkilotlar xarajatlar smetasiga ilova qilinadigan xarajatlarning iqtisodiy tasnifi asosidagi yoyilmani va xodimlar roʻyxati (shtatlar) jadvali oʻrniga tuzilgan kalkulyatsiyalarda, ish haqi uchun rejalashtirilgan mablagʻlar miqdorini aniq koʻrsatishi lozim. Xoʻjalik hisobidagi tashkilotlarning 23405 “Nobudjet muassasalarga Respublika budjeti hisobidan ajratilgan mablagʻlar” hisobvaraqlaridan amalga oshiriladigan boshqa xarajatlar, ushbu kalkulyatsiyada koʻrsatilgan maqsadlar boʻyicha amalga oshiriladi.

70. Respublika budjeti qaramogʻidagi muassasalarning 23404 “Respublika budjeti qaramogʻidagi muassasalarning mablagʻlari” hisobvaraqlaridan, ularning budjetdan tashqari talab qilib olinguncha depozit hisobvaraqlariga pul mablagʻlarini oʻtkazishga ruxsat etilmaydi. Quyidagi hollar bundan mustasno:

1) budjet qaramogʻidagi muassasalarning budjet hisobvaragʻida choraklar oxirida qolgan (foydalanilmagan) tejab qolingan (kapital qoʻyilmalarni mablagʻ bilan taʼminlash uchun nazarda tutilgan mablagʻlar bundan mustasno) budjet mablagʻlari hisobot choragining oxirgi ish kuni oxirida budjet muassasalarning taqdim etgan toʻlov topshiriqnomasiga asosan ularning rivojlantirish jamgʻarmasi (budjetdan tashqari mablagʻlari) hisobvaragʻiga oʻtkaziladi.

2) budjet qaramogʻidagi muassasalarning rivojlantirish jamgʻarmasi (budjetdan tashqari mablagʻlari) hisobidan ularning budjet xarajatlarini qoplash uchun oʻtkazilgan mablagʻlar budjet hisobvaragʻidan joriy moliyaviy yiliga belgilangan xarajatlar limiti doirasida rivojlantirish jamgʻarmasi (budjetdan tashqari mablagʻlari) hisobvaragʻiga oʻtkaziladi.

71. Budjet muassasalari tomonidan taqdim etilgan toʻlov topshiriqnomalari toʻgʻri toʻldirilganligi bank tomonidan tekshirilgandan keyin, budjet hisobvaraqlarida mablagʻlari mavjud boʻlgan holda ijroga qabul qilinadi.

72. Budjet mablagʻlarini tasarruf etuvchi (vazirlik, muassasa va boshqarma)larga budjet mablagʻlari hisobidan markaziy boshqaruv apparatini saqlash, markazlashgan tadbirlarni amalga oshirish uchun xarajatlar qilishga, shuningdek Moliya vazirligi tomonidan oʻtkazilgan mablagʻlarni quyi pogʻonadagi budjet mablagʻlarini tasarruf etuvchilar oʻrtasida taqsimlash huquqi berilgan.

73. Quyi pogʻonadagi budjet mablagʻlarini tasarruf etuvchilar, ularga berilgan huquq doirasiga qarab quyidagilarga boʻlinadi:

1) budjet mablagʻlarini tasarruf etuvchilar tomonidan tashkilot va muassasalar xarajatlari uchun, shuningdek budjet mablagʻlarini quyi tashkilot va muassasalar oʻrtasida taqsimlash uchun oʻtkaziladigan budjet mablagʻlarini oladigan, mustaqil smetaga ega boʻlgan korxonalar, tashkilotlar va muassasalar rahbarlari;

2) budjet mablagʻlarini tasarruf etuvchilar tomonidan smetada koʻrsatilgan tadbirlar boʻyicha qilinadigan xarajatlar uchun oʻtkaziladigan budjet mablagʻlarini oladigan, mustaqil smetaga ega boʻlgan korxonalar, tashkilotlar va muassasalar rahbarlari.

74. Respublika budjeti mablagʻlari hisobidan Mudofaa vazirligi, Ichki ishlar vazirligi, Milliy xavfsizlik xizmati, Favqulodda holatlar vazirligi, Davlat bojxona qoʻmitasi va boshqa vazirliklarning nafaqaxoʻrlariga nafaqa toʻlash uchun Xalq banki filiallariga mablagʻlar Oʻzbekiston Respublikasi Moliya vazirligining toʻlov topshiriqnomasiga asosan oʻtkaziladi.

75. Budjet mablagʻlarini tasarruf etuvchilar va budjet tashkilotlari muassasalarining rahbarlari va bosh buxgalterlari budjet mablagʻlarini ularning hisobvaraqlaridagi qoldiq miqdorida maqsadga muvofiq taqsimlash va oʻtkazish uchun, shuningdek tasdiqlangan smetalar asosida mablagʻlarni toʻgʻri va tejab xarajat qilishga javobgardirlar.

76. Respublika budjeti qaramogʻidagi budjet tashkilotlarining moliyaviy yil oxiridagi budjet mablagʻlari qoldiqlari olib qoʻyilmaydi va ular budjet tashkilotlarning rivojlantirish jamgʻarmasi (budjetdan tashqari mablagʻlari) hisobvaragʻiga budjet tashkilotlarining toʻlov topshiriqnomalariga asosan oʻtkaziladi (kapital qoʻyilmalarni moliyalashtirish uchun nazarda tutilgan mablagʻlar bundan mustasno).

77. Oʻzbekiston Respublikasi Moliya vazirligi tomonidan Respublika budjetidan kapital qoʻyilmalarga ajratmalar joriy budjet yili uchun tasdiqlangan Respublika investitsiya dasturiga muvofiq qurilishlarning aniq roʻyxatlariga va amaldagi qonun hujjatlariga muvofiq ajratiladi.

78. Oʻzbekiston Respublikasi Moliya vazirligi tomonidan kapital qoʻyilmalar xarajatlarini moliyalashtirish uchun ajratilgan mablagʻlarni kirim qilish maqsadida, vazirlik va muassasalarga ularning xos raqami va STIRi (soliq toʻlovchining identifikatsion raqami) bilan 23422 “Respublika budjetidan moliyalashtirish” hisobvaraqlari faqat Oʻzbekiston Respublikasi Markaziy banki Toshkent shahar Bosh boshqarmasi, Hisob-kitob kassa markazida va Respublika tijorat banklarining amaliyot (operatsiya) Bosh boshqarmalarida ochiladi. Oʻzbekiston Respublikasi Moliya vazirligidan kapital qoʻyilmalar xarajatlarini moliyalashtirish uchun ajratilgan mablagʻlarni kirim qilish uchun vazirlik va muassasalarga boshqa bank boʻlimlarida 23422 hisobvaraqlarini ochishga ruxsat etilmaydi.

79. Respublika budjetidan kapital qoʻyilmalar xarajatlarini moliyalashtirish uchun mablagʻlar Oʻzbekiston Respublikasi Moliya vazirligining toʻlov topshiriqnomasiga asosan vazirlik va muassasalarning 23422 “Respublika budjetidan moliyalashtirish” hisobvaraqlariga oʻtkaziladi.

80. Investitsiya dasturlarini moliyalashtirish uchun ajratilgan mablagʻlar boʻyicha 12-shakldagi tayinlash sertifikati Oʻzbekiston Respublikasi Moliya vazirligi tomonidan tasdiqlanadi. Vazirlik va muassasalar (buyurtmachilar) Moliya vazirligi tomonidan tasdiqlangan 12-shakldagi tayinlash sertifikatini 23422 “Respublika budjetidan moliyalashtirish” hisobvaragʻi ochilgan banklarga taqdim etadi.

81. Vazirlik va muassasalar (buyurtmachilar) 12-shakldagi tayinlash sertifikatiga asosan 23422 “Respublika budjetidan moliyalashtirish” hisobvaragʻidan pul mablagʻlarni toʻlov topshiriqnomalariga asosan ish bajaruvchilarga ularning 23422 “Respublika budjetidan moliyalashtirish” hisobvaragʻiga oʻtkazib beradi. Vazirlik va muassasalar (buyurtmachilar)ning hisobvaraqlaridan 12-shakldagi tayinlash sertifikatida koʻzda tutilmagan toʻlovlarni amalga oshirishga ruxsat etilmaydi.

82. Kapital qoʻyilmalar xarajatlarini moliyalashtirish budjet mablagʻlari hamda tashkilot va muassasalarning mablagʻlari hisobidan amalga oshirilsa, tashkilot va muassasalar hisobidan ajratilgan mablagʻlar ularning 23422 balans hisobvaragʻiga kirim qilinadi. Pudratchi va boshqa ish bajaruvchilar hamda mol yetkazib beruvchilar bilan hisob-kitoblar 23422 hisobvaragʻi orqali amalga oshiriladi. Bunda kapital qoʻyilmalarni moliyalashtirishga ajratiladigan mablagʻlar hisobidan xarajatlar birinchi navbatda korxona va tashkilotlarning mablagʻlari hisobidan, keyinchalik esa Respublika budjeti hisobidan ajratilgan mablagʻlar hisobidan toʻlovlar amalga oshiriladi.

83. Respublika budjetidan ajratilgan kapital qoʻyilmalar xarajatlarini moliyalashtirish toʻgʻrisidagi hisobot Markaziy bank Toshkent shahar Bosh boshqarmasi, Hisob-kitob kassa markazi va tijorat banklarining amaliyot (operatsiya) Bosh boshqarmalari tomonidan oʻrnatilgan tartibda Oʻzbekiston Respublikasi Moliya vazirligiga taqdim etiladi (3-ilova).

84. Respublika budjetidan kapital qoʻyilmalarni moliyalashtirish uchun ajratilgan mablagʻlar qoldiqlari moliyaviy yil oxirida olib qoʻyilmaydi va keyingi moliyaviy yilda, budjetdan moliyalashtiriladigan limit doirasida ishlatiladi. Keyingi moliyaviy yil uchun tasdiqlangan Respublika investitsiya dasturiga budjet mablagʻlari qoldiqlari mavjud boʻlgan obyektlar kiritilmagan boʻlsa, ushbu mablagʻlar qoldiqlari ishlatilmasdan Respublika budjetiga qaytariladi. Kapital qoʻyilmalarni moliyalashtirish uchun ajratilgan mablagʻlar qoldiqlarini keyingi moliyaviy yilda ishlatish uchun moliya organlarining alohida ruxsati boʻlishi lozim.

85. Oʻzbekiston Respublikasi banklarida Mudofaa vazirligining tashkilotlari, muassasalari va harbiy qismlariga Respublika budjetidan ajratilgan mablagʻlarni hisobga olish va tasarruf etish uchun 23404 “Respublika budjeti qaramogʻidagi muassasalarining mablagʻlari” hisobvaraqlari moliya organlarining maxsus ruxsatnomasiga va Markaziy bankning “Oʻzbekiston Respublikasi Ichki ishlar vazirligi, Milliy xavfsizlik xizmati, Favqulodda holatlar vazirligi va Davlat bojxona qoʻmitasi, Mudofaa vazirligining harbiy qismlari, korxonalari, tashkilotlari va muassasalariga bank hisobvaraqlarini ochish qoidalari”ga asosan ochiladi.

86. Mudofaa vazirligining tashkilotlari, muassasalari va harbiy qismlari 23404 “Respublika budjeti qaramogʻidagi muassasalarining mablagʻlari” hisobvaragʻidan faqat xarajatlar smetasida belgilangan xarajatlarni amalga oshiradi. Respublika budjetidan ajratilgan mablagʻlarni, qonunchilikda belgilangan holatlar bundan mustasno, budjetdan tashqari mablagʻlar hisobvaragʻiga oʻtkazishga va bu hisobvaraq orqali budjet mablagʻlari hisobidan toʻlovlarni amalga oshirishga ruxsat etilmaydi.

87. Mudofaa vazirligining tashkilotlari, muassasalari, harbiy qismlari va taʼminlovchi moliya boʻlimlariga budjet mablagʻlari hisobidan ish haqi, safar xarajatlari va boshqa maqsadlar uchun naqd pullar toʻlov maqsadi koʻrsatilmagan chek (oluvchining ismi va familiyasi koʻrsatiladi) bilan beriladi.

88. Budjet mablagʻlari hisobidan xarajatlarni amalga oshirish uchun, Mudofaa vazirligining tashkilotlari, muassasalari, harbiy qismlari va taʼminlovchi moliya boʻlimlari tomonidan banklarga taqdim qilinadigan toʻlov topshiriqnomalari “toʻlov maqsadi”da “Harbiy” soʻzini koʻrsatadilar.

89. Mudofaa vazirligining tashkilotlari, muassasalari, harbiy qismlari va taʼminlovchi moliya boʻlimlari budjetdan tashqari mablagʻlari hisobidan toʻlovlarni amalga oshirish uchun taqdim etgan toʻlov topshiriqnomalari “toʻlov maqsadi”da schyot-faktura raqami va sanasi koʻrsatiladi, tovar va xizmatlarning nomi yozilmaydi.

90. Budjet mablagʻlari hisobidan harbiy qismlarning 23404 budjet hisobvaragʻiga mablagʻlar taʼminlovchi moliya boʻlimlari tomonidan taqdim etilgan toʻlov topshiriqnomalariga asosan oʻtkaziladi.

91. Mudofaa vazirligining taʼminlovchi moliya boʻlimlari tomonidan harbiy qismlarning 23404 budjet hisobvaragʻiga ortiqcha mablagʻlar oʻtkazib yuborilganda, ortiqcha budjet mablagʻlari harbiy qismlar tomonidan toʻlov topshiriqnomasiga asosan qaytariladi. Taʼminlovchi moliya boʻlimlari ortiqcha oʻtkazilgan budjet mablagʻlarini qaytarib olish uchun banklarga uchta nusxada tuzilgan yozma farmoyishni taqdim etadi. Bu farmoyishning birinchi nusxasi banklarda nazorat uchun qoldiriladi, ikkinchi va uchinchi nusxalari esa banklar imzosi va muhri bilan tasdiqlanib, harbiy qismlarga xizmat koʻrsatuvchi banklarga yuboriladi (2-ilova).

92. Banklar mablagʻlarni chaqirib olish toʻgʻrisidagi yozma farmoyishni olgandan keyin, farmoyishda koʻrsatilgan mablagʻlarni harbiy qismlarning budjet hisobvaragʻidagi mablagʻlari hisobidan taʼminlovchi moliya boʻlimlarining budjet hisobvaragʻiga oʻtkazadi. Farmoyishning ikkinchi nusxasi kunlik hujjatlarga tikiladi, uchinchi nusxasi harbiy qismlarning budjet hisobvaraqlari koʻchirmasiga ilova qilinadi.

93. Qoraqalpogʻiston Respublikasi budjeti va mahalliy budjetlar daromadlariga quyidagilar kiradi:

1) qonun hujjatlarida belgilangan normativlarga muvofiq Qoraqalpogʻiston Respublikasi budjetiga va mahalliy budjetlarga oʻtkaziladigan mahalliy soliqlar, yigʻimlar, bojlar va boshqa majburiy toʻlovlar;

2) qonun hujjatlarida belgilangan normativlarga muvofiq Qoraqalpogʻiston Respublikasi budjetiga va mahalliy budjetlarga oʻtkaziladigan umumdavlat soliqlari, yigʻimlari, bojlari va boshqa majburiy toʻlovlar;

3) qonun hujjatlarida belgilangan normativlarga muvofiq davlat mulki obyektlarini joylashtirish, foydalanishga berishdan olingan daromadlar;

4) qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;

5) yuqori budjetlardan beriladigan budjet dotatsiyalari budjet subvensiyalari va budjet ssudalari;

6) yuridik va jismoniy shaxslardan, shuningdek chet el davlatlaridan kelgan qaytarilmaydigan pul tushumlari;

7) qonun hujjatlarida taqiqlanmagan boshqa daromadlar.

94. Oʻzbekiston Respublikasi banklari tomonidan mahalliy budjet mablagʻlarining hisobini yuritish uchun Qoraqalpogʻiston Respublikasi Moliya vazirligiga 23432 “Mahalliy budjet mablagʻlari — Qoraqalpogʻiston Respublikasi”, Toshkent shahar hamda viloyat moliya boshqarmalariga 23430 “Mahalliy budjet mablagʻlari — Viloyat” va tuman (shahar) moliya organlariga 23426 “Mahalliy budjet mablagʻlari — Tuman/shahar” hisobvaraqlari ochiladi.

95. Qoraqalpogʻiston Respublikasi budjeti va mahalliy budjet hisobida, moliya yilining oxiriga qolgan mablagʻlarning qoldigʻi yangi yil hisobiga qoldiq boʻlib oʻtkaziladi.

96. Qoraqalpogʻiston Respublikasi budjeti va mahalliy budjetlar xarajatlari tasdiqlangan budjetdan mablagʻlar ajratish doirasida amalga oshiriladi.

97. Qoraqalpogʻiston Respublikasi budjeti va mahalliy budjetlar xarajatlariga quyidagilar kiradi:

1) Qoraqalpogʻiston Respublikasi va mahalliy budjetlardan moliyalashtiriladigan budjet tashkilotlarining joriy xarajatlari;

2) joriy budjet transfertlari;

3) kapital xarajatlar:

asosiy fondlar va vositalarni (ular bilan bogʻliq ishlar va xizmatlar ham shular jumlasiga kiradi) davlat ehtiyojlari uchun olish va takror ishlab chiqarishga;

davlat ehtiyojlari uchun yerga boʻlgan huquqni va boshqa nomoddiy aktivlarni olishga;

4) qonun hujjatlarida taqiqlanmagan boshqa xarajatlar.

98. Qoraqalpogʻiston Respublikasi budjeti va mahalliy budjetlar xarajatlari kassa ijrosi mazkur Yoʻriqnomaning 56-62, 65-68, 70-71, 75 va 76-bandlarida belgilangan tartibda amalga oshiriladi.

99. Inkasso toʻlov topshiriqnomalari faqat yuqori moliya organlari tomonidan quyi moliya organlarining budjet hisobvaraqlariga qoʻyilishi mumkin. Boshqa hollarda inkasso toʻlov topshiriqnomalari va toʻlov talabnomalari moliya organlarining budjet hisobvaraqlariga qoʻyishga ruxsat etilmaydi.

100. Qoraqalpogʻiston Respublikasi Moliya vazirligi, boshqarma va boʻlimlari tomonidan roʻyxatga olingan yuridik shaxslar budjet mablagʻlarini tasarruf etuvchilar hisoblanadi.

101. Budjet mablagʻlarini tasarruf etuvchilar, budjet qaramogʻidagi tashkilotlar va muassasalarning budjet hisobvaraqlariga, ularni saqlash xarajatlari uchun, bevosita ular tomonidan markazlashtirilgan tadbirlarni amalga oshirish uchun, boshqaruv apparatini saqlash hamda moliyaviy reja va smetalarda koʻrsatilgan boshqa maqsadlar uchun mablagʻlar oʻtkazish huquqiga ega.

102. Mustaqil ravishda buxgalteriya hisobini yuritadigan Qoraqalpogʻiston Respublikasi budjeti va mahalliy budjetlar qaramogʻidagi budjet tashkilotlariga, ularning xos raqami va STIRi (soliq toʻlovchining identifikatsion raqami) bilan 23426 “Mahalliy budjet mablagʻlari — Tuman/shahar”, 23430 “Mahalliy budjet mablagʻlari — Viloyat” hamda 23432 “Mahalliy budjet mablagʻlari — Qoraqalpogʻiston Respublikasi” mos hisobvaraqlari ochiladi.

103. Budjet mablagʻlarini tasarruf etish markazlashtirilgan tartibda amalga oshiriladigan tashkilot va muassasalarga hisobvaraqlar, ushbu markazlashtirilgan boʻlim nomiga, ularning xos raqami va STIRi bilan 23426 “Mahalliy budjet mablagʻlari — Tuman/shahar”, 23430 “Mahalliy budjet mablagʻlari — Viloyat” hamda 23432 “Mahalliy budjet mablagʻlari — Qoraqalpogʻiston Respublikasi” mos hisobvaraqlari ochiladi. Bu hisobvaraqlar boʻyicha toʻlovlarni amalga oshirish uchun taqdim etilgan toʻlov hujjatlariga birinchi imzo qoʻyish huquqi markazlashtirilgan boʻlim boshligʻiga va ikkinchi imzo qoʻyish huquqi markazlashtirilgan buxgalteriyaning bosh buxgalteriga beriladi.

104. Xoʻjalik hisobidagi tashkilotlarga Qoraqalpogʻiston Respublikasi budjetidan va mahalliy budjetlardan ajratilgan mablagʻlarni kirim qilish uchun mos 23427 “Nobudjet muassasalarga tuman/shahar budjeti hisobidan ajratilgan mablagʻlar”, 23431 “Nobudjet muassasalarga viloyat budjeti hisobidan ajratilgan mablagʻlar” va 23433 “Nobudjet muassasalarga Qoraqalpogʻiston Respublikasi budjeti hisobidan ajratilgan mablagʻlar” hisobvaraqlari ochiladi. Xoʻjalik hisobidagi tashkilotlarga Qoraqalpogʻiston Respublikasi budjeti va mahalliy budjet hisobidan ajratilgan mablagʻlar hisobidan ish haqi, moliya organlari tomonidan roʻyxatga olingan xarajatlar smetasi hamda xodimlar roʻyxati (shtatlar) jadvali oʻrniga tuzilgan kalkulyatsiya asosida belgilangan muddatlarda beriladi. Xoʻjalik hisobidagi tashkilotlar xarajatlar smetasiga ilova qilinadigan xarajatlarning iqtisodiy tasnifi asosidagi yoyilmani va xodimlar roʻyxati (shtatlar) jadvali oʻrniga tuzilgan kalkulyatsiyalarda, ish haqi uchun rejalashtirilgan mablagʻlar miqdorini aniq koʻrsatishi lozim. Xoʻjalik hisobidagi tashkilotlarning 23427, 23431va 23433 hisobvaraqlaridan oshiriladigan boshqa xarajatlar, ushbu kalkulyatsiyada koʻrsatilgan maqsadlar boʻyicha amalga oshiriladi.

105. Mahalliy budjet hisobidan kapital qoʻyilmalar xarajatlarini moliyalashtirish maqsadida ajratilgan mablagʻlar investitsiya dasturida belgilangan har bir yoʻnalish boʻyicha alohida ochilgan 23424 “Mahalliy budjetdan moliyalashtirish” hisobvaragʻiga oʻtkaziladi va oʻrnatilgan tartibda toʻlovlar amalga oshiriladi. Qoraqalpogʻiston Respublikasi budjeti va mahalliy budjetlardan ajratilgan kapital qoʻyilmalar xarajatlarini moliyalashtirish toʻgʻrisidagi hisobot banklar tomonidan oʻrnatilgan tartibda moliya organlariga taqdim etiladi.

106. Oʻzbekiston Respublikasi Davlat budjetining kassa ijrosi toʻgʻrisida tezkor, oylik va yillik hisobotlarning hajmi va shakli Oʻzbekiston Respublikasi Moliya vazirligi bilan kelishilgan holda oʻrnatiladi.

107. Banklar tomonidan Davlat budjetining kassa ijrosi toʻgʻrisidagi hisobotlar oʻrnatilgan tartibda va muddatda tuziladi. Markaziy bankning hududiy Bosh boshqarmalari banklardan olingan hisobotlar asosida yigʻma hisobotlarni tuzadi.

108. Markaziy bankning hududiy Bosh boshqarmalari hamda tijorat banklari uchun hisobotlarni topshirish tartibi va muddati Oʻzbekiston Respublikasi Markaziy banki va Moliya vazirligi bilan kelishilgan holda oʻrnatiladi.

109. Davlat budjetining kassa ijrosi toʻgʻrisidagi hisobot maʼlumotlarining toʻgʻriligi hamda hisobotning oʻz vaqtida oʻrnatilgan tartibda topshirilishi boʻyicha tegishli organlarning rahbarlari hamda bosh buxgalterlari javobgardirlar.

110. Oʻzbekiston Respublikasi Davlat budjetining kassa ijrosi toʻgʻrisidagi tezkor hisoboti 2234 GBS “Respublika budjeti hamda muassasalarning budjet va budjetdan tashqari mablagʻlari boʻyicha tezkor hisobot” shakli boʻyicha har ish kuni uchun quyidagi tartibda tuziladi (3-ilova):

1) davlat budjeti daromadlari summasi (23402-balans hisobvaragʻi kredit aylanmasi (oboroti) boʻyicha);

2) davlat budjeti daromadlari hisobvaragʻidan Qoraqalpogʻiston Respublikasi budjeti va mahalliy budjetlarga qilingan ajratmalar hamda Respublika budjeti hisobidan qilingan xarajatlar summasi (23402-balans hisobvaragʻi debet aylanmasi (oboroti) boʻyicha);

3) respublika budjeti qaramogʻidagi muassasalarga ajratilgan budjet mablagʻlarining qoldiq summasi (23404 va 23405 balans hisobvaraqlari boʻyicha);

4) respublika budjeti hisobidan kapital qoʻyilmalarni moliyalashtirish uchun ajratilgan mablagʻlar (23422-balans hisobvaragʻi debet va kredit aylanmalari (oborotlari) va qoldiq boʻyicha);

5) tuman va shahar budjetlarining mablagʻlari (23426-balans hisobvaragʻidagi qoldiq boʻyicha);

6) tuman va shahar budjetlari qaramogʻidagi muassasalarning mablagʻlari (23426 va 23427 balans hisobvaraqlaridagi qoldiq boʻyicha);

7) viloyat budjetining mablagʻlari (23430-balans hisobvaragʻidagi qoldiq boʻyicha);

8) viloyat budjeti qaramogʻidagi muassasalarning mablagʻlari (23430 va 23431 balans hisobvaraqlaridagi qoldiq boʻyicha);

9) Qoraqalpogʻiston Respublikasi budjeti mablagʻlari (23432-balans hisobvaragʻidagi qoldiq boʻyicha);

10) Qoraqalpogʻiston Respublikasi budjeti qaramogʻidagi muassasalarning mablagʻlari (23432 va 23433 balans hisobvaraqlaridagi qoldiq boʻyicha);

11) mahalliy budjet hisobidan kapital qoʻyilmalarni moliyalashtirish uchun ajratilgan mablagʻlar (23424-balans hisobvaragʻi debet va kredit aylanmalari (oborotlari) va qoldiq boʻyicha);

12) respublika va mahalliy budjet qaramogʻidagi muassasalarning budjetdan tashqari mablagʻlari (Markaziy bankda 21504, 21506, Tijorat banklarda 20203 va 20204 balans hisobvaraqlaridagi qoldiq boʻyicha);

13) budjetdan tashqari Pensiya jamgʻarmasi (Markaziy bankda 21508 va Tijorat bankda 20205 balans hisobvaraqlari debet va kredit aylanmalari (oborotlari) va qoldigʻi boʻyicha);

14) respublika yoʻl jamgʻarmasi (Markaziy bankda 21508 va Tijorat bankda 20205 balans hisobvaraqlari debet va kredit aylanmalari (oborotlari) va qoldigʻi boʻyicha);

15) Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasining maxsus hisobvaragʻi (Markaziy bankda 21508 va Tijorat bankda 20205 balans hisobvaraqlari debet va kredit aylanmalari (oborotlari) va qoldigʻi boʻyicha);

16) ish bilan taʼminlashga koʻmaklashuvchi davlat jamgʻarmasi (Markaziy bankda 21508 va Tijorat bankda 20205 balans hisobvaraqlari debet va kredit aylanmalari (oborotlari) va qoldigʻi boʻyicha);

17) jami nazorat summasi.

111. Oʻzbekiston Respublikasi Davlat budjetining kassa ijrosi toʻgʻrisidagi kunlik tezkor hisobotlar banklar tomonidan Markaziy bankning hududiy Bosh boshqarmalariga taqdim etiladi. Banklar tomonidan kunlik tezkor hisobotlar moliya va soliq organlariga ularning soʻroviga asosan beriladi.

112. Oʻzbekiston Respublikasi Davlat budjeti daromadlari va xarajatlarining kassa ijrosi toʻgʻrisidagi oylik hisobot 2204 GRE, 2214 GER va 2224 GCR hisobot shakllari boʻyicha har oyning birinchi sanasiga tuziladi. Hisobotlar budjet daromadlari va xarajatlari tasnifiga asosan tuziladi.

113. Davlat budjetining daromadlar boʻyicha 2204 GRE oylik hisoboti, yil boshidan oʻsib boruvchi tartibda tuziladi:

1) davlat budjeti daromadlari hisobvaraqlariga kelib tushgan mablagʻlar hisobotning “Tushum” ustunida koʻrsatiladi (23402-balans hisobvaragʻi kredit aylanmasi (oboroti) boʻyicha);

2) davlat budjeti daromadlari hisobvaragʻidan mahalliy budjetlarga qilingan ajratmalar summasi hisobotning “Ajratma” ustunida koʻrsatiladi (23402-balans hisobvaragʻi debet aylanmasi (oboroti) boʻyicha);

3) davlat budjeti daromadlari hisobvaragʻidan Respublika budjeti daromadlari hisobvaragʻiga oʻtkazilgan mablagʻlar hisobotning “Respublika budjetiga oʻtkazilgan mablagʻ” ustunida koʻrsatiladi (23402-balans hisobvaragʻi debet aylanmasi (oboroti) boʻyicha).

114. Davlat budjetiga joriy yilning hisobot oyi oxirgi ish kunida kelib tushgan soliq va yigʻimlar hisobidan Respublika budjetiga, Qoraqalpogʻiston va mahalliy budjetlarga ajratma qilinmagan boʻlsa, bu hisobotning “Tushum” ustunida koʻrsatiladi. Banklar tomonidan tuzilgan hisobotning “Ajratma” va “Respublika budjetiga oʻtkazilgan mablagʻ” ustunlarida Respublika budjetiga, Qoraqalpogʻiston va mahalliy budjetlarga haqiqatda oʻtkazib berilgan mablagʻlar summasi aks ettiriladi (4-ilova).

115. Banklar 2204 GRE oylik hisobotni keyingi oyning birinchi ish kunidan kechiktirmasdan joylardagi moliya, soliq va bojxona organlariga hisobot maʼlumotlaridagi daromadlarning toʻgʻriligini tekshirib koʻrishi uchun taqdim etadi va ular taqdim etilgan hisobot maʼlumotlarining toʻgʻriligini tekshirib koʻrishi va hisobot maʼlumotlarining toʻgʻriligini imzo qoʻyib muhr bilan tasdiqlashlari lozim.

116. Respublika budjeti xarajatlari toʻgʻrisidagi 2214 GRE oylik hisobotda Respublika budjeti qaramogʻidagi muassasalarning 23404 budjet hisobvaraqlaridagi mablagʻlar qoldigʻi summasi koʻrsatiladi (5-ilova).

117. Moliya vazirligi va Markaziy bank tomonidan berilgan koʻrsatmaga asosan Respublika budjeti xarajatlari toʻgʻrisidagi 2224 GCR “Qoʻshimcha hisobot” oylik hisoboti banklar tomonidan tuziladi va oʻrnatilgan tartibda Markaziy bankning hududiy Bosh boshqarmalariga taqdim etiladi.

118. Banklar 2214 GRE oylik hisobotni keyingi oyning birinchi ish kunidan kechiktirmasdan joylardagi moliya organlariga taqdim etadi. Moliya organlari taqdim etilgan hisobot maʼlumotlarining toʻgʻriligini tekshirib koʻrishi va hisobot maʼlumotlarining toʻgʻriligini imzo qoʻyib muhr bilan tasdiqlashlari lozim.

119. Davlat budjetining kassa ijrosi toʻgʻrisidagi daromadlar va xarajatlar boʻyicha oylik hisobotlarni banklar keyingi oyning 8-kunidan kechiktirmagan holda Markaziy bankning hududiy Bosh boshqarmalari taqdim etishi lozim. Markaziy bankning hududiy Bosh boshqarmalari oylik hisobotlarni olgandan keyin Respublika budjetiga kelib tushgan soliqlar va daromadlardan mahalliy budjetlarga qilingan ajratmalar oʻrnatilgan foizlar miqdorida toʻgʻri amalga oshirilganligiga, shuningdek Davlat budjeti daromadlarining kassa ijrosi toʻgʻrisidagi operativ hisobot maʼlumotlari bilan toʻgʻriligiga eʼtibor berishi lozim.

120. Markaziy bankning hududiy Bosh boshqarmalari banklardan olingan oylik hisobotlar asosida oylik yigʻma hisobot tuzadilar va Oʻzbekiston Respublikasi Markaziy bankiga elektron pochta orqali, keyingi oyning 10-kunidan kechiktirmasdan, yuborishlari lozim.

121. Markaziy bankning hududiy Bosh boshqarmalari oylik hisobotlarning nusxasini oʻrnatilgan tartibda tegishli moliya va soliq boshqarmalariga, ularning soʻroviga asosan beradi.

122. Oʻzbekiston Respublikasi Markaziy banki Markaziy bankning hududiy Bosh boshqarmalaridan olingan oylik yigʻma hisobotlar asosida hisobot tuzadi va Oʻzbekiston Respublikasi Moliya vazirligiga keyingi oyning 12-kunidan kechiktirmasdan taqdim etadi.

123. Oʻzbekiston Respublikasi Markaziy bankining Buxgalteriya hisobi, hisoboti va Davlat budjetining kassa ijrosi departamenti Markaziy bankning hududiy Bosh boshqarmalari tomonidan Davlat budjetining kassa ijrosi toʻgʻrisidagi oylik hisobotlarni oʻz vaqtida topshirilishini va ularning toʻgʻri taqdim etilishini nazorat qilib boradi.

124. Davlat budjetining kassa ijrosi toʻgʻrisidagi yillik daromadlar va xarajatlar boʻyicha hisoboti banklar tomonidan tuziladi. Banklar daromadlar boʻyicha yillik hisobotni joriy yilning ikkinchi ish kunidan kechiktirmasdan joylardagi moliya, soliq va bojxona organlariga hisobot maʼlumotlaridagi daromadlarning toʻgʻriligini tekshirib koʻrishi va hisobot maʼlumotlarining toʻgʻriligini imzo qoʻyib muhr bilan tasdiqlashlari uchun taqdim etadi va ular taqdim etilgan hisobot maʼlumotlarining toʻgʻriligini tekshirib koʻrishi va hisobot maʼlumotlarining toʻgʻriligini imzo qoʻyib muhr bilan tasdiqlashlari lozim.

125. Banklar xarajatlar boʻyicha yillik hisobotni joriy yilning birinchi ish kunidan kechiktirmasdan joylardagi moliya organlariga taqdim etadi. Moliya organlari taqdim etilgan hisobot maʼlumotlarining toʻgʻriligini tekshirib koʻrishi va hisobot maʼlumotlarining toʻgʻriligini imzo qoʻyib muhr bilan tasdiqlashlari lozim.

126. Banklar daromadlar boʻyicha yillik hisobot tegishli organlar tomonidan tasdiqlangandan keyin joriy yilning sakkizinchi kunidan kechiktirmasdan Markaziy bankning hududiy Bosh boshqarmalariga taqdim qiladilar.

127. Markaziy bankning hududiy Bosh boshqarmalari Davlat budjetining kassa ijrosi boʻyicha yillik hisobotni Oʻzbekiston Respublikasi Markaziy bankiga oʻrnatilgan tartibda taqdim qiladilar. Hisobotlarni Oʻzbekiston Respublikasi Markaziy bankiga taqdim etish tartibi toʻgʻrisida xabar qilinadi.