Oʻzbekiston Respublikasi Vazirlar Mahkamasining 2012-yil 6-dekabrdagi 345-son “Qishloq xoʻjaligi va meliorativ texnikani, asbob-uskunalarni hisobga olish va ularning texnik holatini nazorat qilish tizimini takomillashtirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2012-y., 50-son, 559-modda) va Oʻzbekiston Respublikasi Qishloq va suv xoʻjaligi vazirining 2013-yil 2-apreldagi 58-son buyrugʻi bilan tasdiqlangan “Qishloq xoʻjaligi va meliorativ texnikani, shuningdek, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish tartibi toʻgʻrisida”gi nizom (Oʻzbekiston Respublikasi qonun hujjatlari toʻplami, 2013-y., 17-son, 229-modda) (roʻyxat raqami 2452, 2013-yil 25-aprel) ijrosini taʼminlash maqsadida Oʻzbekiston Respublikasining “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 6-moddasiga asosan:

1. Tumandagi qishloq xoʻjaligi va meliorativ texnika, shuningdek mashina-traktor parklari, ustaxonalar va servis punktlarining asbob-uskunalari (bundan buyon matnda – texnika deb yuritiladi) texnik koʻrikdan oʻtkazilsin.

2. Tuman hududidagi yuridik va jismoniy shaxslarga tegishli texnikani texnik koʻrikdan oʻtkazish boʻyicha komissiya tarkibi 1-ilovaga muvofiq;

texnik koʻrikdan oʻtkazish ish rejasi 2-ilovaga muvofiq tasdiqlansin.

3. Bosh prokuratura xuzuridagi sanoat majmui va oziq-ovqat xavfsizligi taʼminlanishi ustidan nazorat qilish inspeksiya Doʻstlik tuman boʻlimi texnika xolati va agrotexnik tadbirlar ustidan nazorat qiluvchi katta inspektori tomonidan undiriladigan yigʻimlar Oʻzbekiston Respublikasi Vazirlar Mahkamasining 2012-yil 6-dekabrdagi 345-son “Qishloq xoʻjaligi va meliorativ texnikani, asbob-uskunalarni hisobga olish va ularning texnik holatini nazorat qilish tizimini takomillashtirish chora-tadbirlari toʻgʻrisida”gi qaroriga muvofiq amalga oshirilsin.

4. Texnik koʻrikdan oʻtkazish boʻyicha ishchi guruh rahbari (Sh. Nurmuxammedov)ga:

texnikaga mulk huquqi asosida ega shaxslarga (mulkdor) texnikalarini texnik koʻrikdan oʻtkazish toʻgʻrisidagi bildirishnomani yuborish;

texnik koʻrikdan oʻtmagan yoki texnik koʻrikka taqdim etilmagan texnikalar yuzasidan mulkdorga yozma koʻrsatma berish;

mulkdor koʻrsatmada belgilangan muddatda texnikani qayta texnik koʻrikdan oʻtkazmagan taqdirda hamda texnikadan ehtiyotsizlik bilan foydalanish, saqlash, hisobdan chiqarish, taʼmirlash, texnika xizmatlari koʻrsatish holatlari haqidagi maʼlumotlarni tuman hokimligiga taqdim etish vazifalari topshirilsin.

5. Ushbu qaror “Doʻstlik xayoti” gazetasida eʼlon qilinsin va belgilangan tartibda hokimlikning rasmiy veb-saytiga joylashtirilsin.

6. Mazkur qarorning bajarilishini nazorat qilish tuman hokimining oʻrinbosari Sh. Xaydarov zimmasiga yuklatilsin.

7. Ushbu qaror rasmiy eʼlon qilingan kundan eʼtiboran kuchga kiradi.