Kredit summasi | 25 mln AQSh dollari | |||
Kredit muddati | 5 yil, shu jumladan imtiyozli davr — 2 yil | |||
Foiz stavkasi | yillik 2,00 % (bank marjasi — 0,00 %) | |||
ming AQSh dollari | ||||
Qoplash davrlari | O‘zlashtirish miqdori | To‘lov summasi | Jami to‘lov miqdori* | |
asosiy qarz | foizlar* | |||
2019-yil II yarim yilligi | 25 000,0 | - | - | |
2020-yil I yarim yilligi | 250,68 | 250,68 | ||
2020-yil II yarim yilligi | 249,32 | 249,32 | ||
2021-yil I yarim yilligi | 250,68 | 250,68 | ||
2021-yil II yarim yilligi | 3 571,43 | 250,68 | 3 822,11 | |
2022-yil I yarim yilligi | 3 571,43 | 214,87 | 3 786,30 | |
2022-yil II yarim yilligi | 3 571,43 | 178,08 | 3 749,51 | |
2023-yil I yarim yilligi | 3 571,43 | 143,25 | 3 714,68 | |
2023-yil II yarim yilligi | 3 571,43 | 106,85 | 3 678,28 | |
2024-yil I yarim yilligi | 3 571,43 | 71,62 | 3 643,05 | |
2024-yil II yarim yilligi | 3 571,42 | 35,62 | 3 607,04 | |
Jami | 25 000,0 | 25 000,0 | 1 751,66 | 26 751,66 |
O‘zbekiston Respublikasi Vazirlar Mahkamasining qarori, 18.09.2019 yildagi 783-son
Кучга кириш санаси
19.09.2019
Рус
Ўзб
O’zb
O‘zb|Рус
2022-yilda Shanxay Hamkorlik Tashkilotining navbatdagi Sammitini Samarqand shahrida o‘tkazilishi va ushbu tadbirda 20 dan ortiq davlat rahbarlarining ishtirok etishi munosabati bilan Samarqand shahrida ulkan me’moriy, bunyodkorlik va obodonlashtirish ishlarini jadallashtirish yuzasidan aniq chora-tadbirlarning zudlik bilan amalga oshirilishi talab etiladi.
Samarqand shahrida Shanxay Hamkorlik Tashkilotining Sammitini yuqori darajada o‘tkazishga tayyorgarlik ishlarini moliyaviy qo‘llab-quvvatlash maqsadida:
1. O‘zbekiston Respublikasi Prezidentining “Samarqand viloyatini obodonlashtirish va farovonligini oshirish jamg‘armasi tashkil etish chora-tadbirlari to‘g‘risida” 2018-yil 16-martdagi PQ-3608-son qarori bilan Samarqand viloyatini obodonlashtirish va farovonligini oshirish jamg‘armasi tashkil etilganligi ma’lumot uchun qabul qilinsin.
2. O‘zbekiston Respublikasi Investitsiyalar va tashqi savdo vazirligi, Moliya vazirligi hamda Samarqand viloyat hokimligining O‘zbekiston Respublikasi Tiklanish va taraqqiyot jamg‘armasining Tashqi iqtisodiy faoliyat milliy banki tomonidan qayta moliyalashtiriladigan, Samarqand viloyati hokimligiga 5 yil muddatga, 2 yil imtiyozli davrni hisobga olgan holda, foiz stavkasi yiliga 2,00 foizni tashkil qiladigan va qayta moliyalashtiradigan bankning marjasisiz, 25 mln AQSh dollariga teng ekvivalentdagi kreditni O‘zbekiston Respublikasi Markaziy banki rasmiy kursi bo‘yicha milliy valyutada Samarqand viloyatini obodonlashtirish va farovonligini oshirish jamg‘armasiga Samarqand viloyati hokimligining navbatdagi badali sifatida ajratish to‘g‘risidagi taklifi ma’qullansin.
3. O‘zbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan Tiklanish va taraqqiyot jamg‘armasi kreditini qoplash prognoz jadvali ilovaga muvofiq tasdiqlansin.
O‘zbekiston Respublikasi Tiklanish va taraqqiyot jamg‘armasi kreditidan Samarqand shahrining ichki yo‘llari (ko‘chalar) holatini yaxshilash hamda Shanxay Hamkorlik Tashkilotining navbatdagi Sammiti doirasida davlat va jamiyat ehtiyojlari uchun yer uchastkalarining olib qo‘yilishi munosabati bilan jismoniy va yuridik shaxslarga yetkazilgan zararlarni qoplash uchun O‘zbekiston Respublikasi Vazirlar Mahkamasi bilan kelishilgan holda, Samarqand viloyati hokimligi tomonidan tuziladigan manzilli ro‘yxatlarga muvofiq foydalaniladi;
Samarqand viloyati hokimligi O‘zbekiston Respublikasi Tiklanish va taraqqiyot jamg‘armasi kreditidan maqsadli va samarali foydalanish, shuningdek, jamg‘armani o‘z vaqtida shakllantirish uchun mas’ul bo‘lgan ijro etuvchi organ hisoblanadi;
Oldingi tahrirga qarang.
O‘zbekiston Respublikasi Tiklanish va taraqqiyot jamg‘armasining jalb qilinadigan kreditini qoplash va xizmat ko‘rsatish bilan bog‘liq xarajatlar Samarqand viloyati mahalliy budjetining qo‘shimcha manbalari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
(4-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
5. Samarqand viloyati hokimi E.O. Turdimovning O‘zbekiston Respublikasi Tiklanish va taraqqiyot jamg‘armasidan ajratiladigan kreditni maqsadli sarflanishi va o‘z vaqtida qaytarilishini ta’minlash yuzasidan shaxsiy javobgarligi belgilab qo‘yilsin.
O‘zbekiston Respublikasi Moliya vazirligi Tashqi iqtisodiy faoliyat milliy banki hamda Tiklanish va taraqqiyot jamg‘armasi bilan birgalikda mazkur jamg‘armadan ajratiladigan kreditdan maqsadli va samarali foydalanilishi, shuningdek, uning o‘z vaqtida qaytarilishi yuzasidan monitoring o‘rnatsin.
6. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov va Samarqand viloyati hokimi E.O. Turdimov zimmasiga yuklansin.