Tadbirlar nomi | Amalga oshirish shakli | Ijro muddatlari | Mas’ullar | ||
Ijro etilishiga mas’ul | Ijro nazoratiga Vazirlar Mahkamasidan mas’ul | ||||
I. Notariat sohasidagi qonun hujjatlarini takomillashtirish | |||||
1. | O‘zbekiston Respublikasining “Notariat to‘g‘risida”gi Qonuniga o‘zgartish va qo‘shimchalar kiritish, bunda quyidagilarni nazarda tutish: nodavlat notarial idoralari huquqiy maqomi; O‘zbekiston Respublikasi Notarial palatasi huquqiy maqomi, vazifa va funksiyalari; nodavlat notarial idoralari notariuslari faoliyatini litsenziyalash; nodavlat notarial idoralarini davlat ro‘yxatidan o‘tkazish; nodavlat notarial idoralari notariuslarining fuqarolik javobgarligini majburiy sug‘urtalash. | Qonun loyihasi | 2019-yil oktyabr | Adliya vazirligi (Davletov), O‘zbekiston Notarial palatasi, manfaatdor vazirlik va idoralar | Yuridik ta’minlash boshqarmasi (Kalandarov) |
2. | Notarial harakatlarni amalga oshirganlik uchun undiriladigan davlat bojini taqsimlash miqdori hamda notarial okrugda notarius lavozimlari sonini belgilash tartibini qayta ko‘rib chiqish. | Vazirlar Mahkamasi qarori loyihasi | 2019-yil oktyabr | Adliya vazirligi (Davletov), Moliya vazirligi (Ishmetov), O‘zbekiston Notarial palatasi, manfaatdor vazirlik va idoralar | Yuridik ta’minlash boshqarmasi (Kalandarov) |
3. | Ayrim turdagi bitimlarni majburiy notarial tasdiqlash talabini bekor qilish hamda yangi turdagi notarial harakatlarni joriy etish. | Qonun loyihasi | 2019-yil oktyabr | Adliya vazirligi (Davletov), Yergeodezkadastr (Abdullayev), Markaziy bank (Nurmuratov), manfaatdor vazirlik va idoralar | Yuridik ta’minlash boshqarmasi (Kalandarov) |
4. | Ko‘chmas mulklar bo‘yicha bitimlarni notarial tasdiqlashda undiruvni O‘zbekiston Respublikasi Bosh prokuraturasi huzuridagi Majburiy ijro byurosining vakolatlariga kiradigan kommunal xizmatlar bo‘yicha qarzdorliklar haqida ma’lumotlarni faqat Majburiy ijro byurosi axborot tizimi orqali onlayn rejimda tekshirish tartibi o‘rnatilgan holda tegishli kommunal tashkilotlardan bunday qarzdorlik mavjud yoki mavjud emasligi to‘g‘risida ma’lumotnoma olish talabini bekor qilish. | Vazirlar Mahkamasi qarori loyihasi | 2019-yil oktyabr | Adliya vazirligi (Davletov), Majburiy ijro byurosi (Qudratxo‘jayev), Uy-joy kommunal xizmat ko‘rsatish vazirligi (Saliyev) | Yuridik ta’minlash boshqarmasi (Kalandarov) |
5. | Notarial bitimlarni tasdiqlashda taqdim etiladigan hujjatlar sonini qisqartirish. | Qonun loyihasi | 2019-yil oktyabr | Adliya vazirligi (Davletov), Oliy sud (Komilov), manfaatdor vazirlik va idoralar | Yuridik ta’minlash boshqarmasi (Kalandarov) |
6. | Nodavlat notarial idoralari notariuslarining fuqarolik javobgarligini majburiy sug‘urtalash tartibini joriy etish. | Normativ-huquqiy hujjat loyihasi | 2019-yil oktyabr | Adliya vazirligi (Davletov), Moliya vazirligi (Ishmetov), Iqtisodiyot va sanoat vazirligi (Xodjayev) | Yuridik ta’minlash boshqarmasi (Kalandarov) |
7. | Notarial tasdiqlanishi talab etiladigan hujjatlarni xatlovdan o‘tkazish, natijalariga ko‘ra hujjatlar nusxasini notarial tasdiqlash talabini qayta ko‘rib chiqish. | Vazirlar Mahkamasi qarori loyihasi | 2019-yil oktyabr | Adliya vazirligi (Davletov), manfaatdor vazirlik va idoralar | Yuridik ta’minlash boshqarmasi (Kalandarov) |
8. | Notarial harakatlarni amalga oshirganlik uchun undiriladigan to‘lovlar miqdorini fuqarolar uchun tushunarli va shaffofligini ta’minlash maqsadida optimallashtirish. | Vazirlar Mahkamasi qarori loyihasi | 2019-yil noyabr | Adliya vazirligi (Davletov), Moliya vazirligi (Ishmetov), Iqtisodiyot va sanoat vazirligi (Xodjayev) | Yuridik ta’minlash boshqarmasi (Kalandarov) |
9. | Avtomototransport vositalarini Davlat yo‘l harakati xavfsizligi organlarida ro‘yxatdan o‘tkazishda to‘lanadigan yig‘imlar miqdorini fuqarolarning ko‘zbo‘yamachilik uchun tuzilgan bitimlar (ishonchnoma) rasmiylashtirish holatlariga barham berish yuzasidan qayta ko‘rib chiqish. | Tahliliy ma’lumot takliflar bilan | 2019-yil noyabr | Adliya vazirligi (Davletov), Ichki ishlar vazirligi (Bobojonov), Moliya vazirligi (Ishmetov), Iqtisodiyot va sanoat vazirligi (Xodjayev) | Yuridik ta’minlash boshqarmasi (Kalandarov), Harbiylashtirilgan tuzilmalar faoliyatini moliyaviy va moddiy-texnik ta’minlash bo‘limi (Berdibayev), Makroiqtisodiy tahlil, tarkibiy o‘zgartirishlar, moliya-bank tizimi va xususiy tadbirkorlik masalalari kotibiyati (Ortiqov) |
10. | Notariuslar tomonidan elektron imzo va videokonferensiya orqali notarial harakatlarni amalga oshirish tartibi to‘g‘risida Vaqtinchalik yo‘riqnomani tasdiqlash. | Adliya vazirining buyrug‘i | 2019-yil dekabr | Adliya vazirligi (Davletov), Axborot texnologiyalari va kommunikatsiyalarini rivojlantirish vazirligi (Sadikov) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
11. | Notariuslar tomonidan notarial harakatlarni amalga oshirish tartibi to‘g‘risidagi reglamentlarni ishlab chiqish. | Vazirlar Mahkamasi qarori loyihasi | 2020-yil iyul | Adliya vazirligi (Davletov) | Yuridik ta’minlash boshqarmasi (Kalandarov) |
12. | Yo‘l haraka�i qoidalariga Davlat yo‘l harakati xavfsizligi xizmati organlari xodimlari tomonidan transport vositasi egasining yaqin qarindoshlarini qarindoshlik munosabatlarini aniqlash tartibini nazarda tutuvchi o‘zgartirish va qo‘shimcha kiritish. | Vazirlar Mahkamasi qarori loyihasi | 2019-yil sentyabr | Ichki ishlar vazirligi (Bobojonov), Adliya vazirligi (Davletov) | Yuridik ta’minlash boshqarmasi (Kalandarov) |
II. Notarial idoralar faoliyatiga zamonaviy axborot-kommunikatsion texnologiyalarini joriy etish | |||||
13. | Notarial idoralarda optik tolali aloqa tarmog‘ini o‘rnatish “Yo‘l xaritasi”ni tasdiqlash. | “Yo‘l xaritasi” | 2019-yil sentyabr | Adliya vazirligi (Davletov), Axborot texnologiyalari va kommunikatsiyalarini rivojlantirish vazirligi (Sadikov) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
14. | “E-notarius.uz” axborot portali va uning mobil ilovasini yaratish bo‘yicha tegishli chora-tadbirlar ishlab chiqish. | Kompleks | 2020-yil yanvar | Adliya vazirligi (Davletov), Loyiha boshqaruvi milliy agentligi (Li) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
15. | Masofadan turib xizmat ko‘rsatish bilan bog‘liq bo‘lgan notarial harakatlarni amalga oshirish mexanizmini joriy etish. | Kompleks | 2019-yil noyabr | Adliya vazirligi (Davletov), Axborot texnologiyalari va kommunikatsiyalarini rivojlantirish vazirligi (Sadikov) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
16. | O‘zbekiston Respublikasi Yagona interaktiv davlat xizmatlari portali orqali idoraviy notarial arxivida mavjud bo‘lgan hujjatlarning elektron imzo bilan tasdiqlangan nusxasini olish tartibini joriy etish bo‘yicha tegishli chora-tadbirlar ishlab chiqish. | Kompleks | 2019-yil dekabr | Adliya vazirligi (Davletov), Loyiha boshqaruvi milliy agentligi (Li) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
17. | Bank va boshqa kredit tashkilotlari ko‘chmas mulk va transport vositalari bo‘yicha garov (ipoteka) shartnomalari bo‘yicha notarial idoralariga hujjatlarni elektron tarzda yuborish va tomonlar notarial idoraga bormasdan rasmiylashtirish imkoniyatini yaratuvchi tizim yaratish hamda tegishli tashkilotlar bilan integratsiya qilish bo‘yicha tegishli chora-tadbirlar ishlab chiqish. | Kompleks | 2020-yil yanvar | Adliya vazirligi (Davletov), Loyiha boshqaruvi milliy agentligi (Li) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
18. | Idoraviy notarial arxivlarda saqlanayotgan ko‘chmas mulk huquqini vujudga kelishin� nazarda tutuvchi bitimlarni raqamli ko‘rinishga o‘tkazish va yagona elektron notarial arxiv fondini shakllantirish bo‘yicha tegishli chora-tadbirlar ishlab chiqish. | Tashkiliy Elektron notarial arxiv fondi shakllantirish | 2019-yil noyabr
| Adliya vazirligi (Davletov) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
19. | Ko‘chmas mulk va avtomototransport vositalarini boshqa shaxsga berish taqiqlanganligi va xatlanganligi to‘g‘risidagi ma’lumotlarni surishtiruvchi, tergovchi, prokuror va sud (sudya) tomonidan “Notarius” avtomatlashtirilgan axborot tizimiga to‘g‘ridan to‘g‘ri kiritish va taqiqni (xatlovni) echish mexanizmini joriy etish. | Kompleks | 2021-yil yanvar | Adliya vaz�rligi (Davletov), Bosh prokuratura (Yo‘ldoshev), Ichki ishlar vazirligi (Bobojonov), Davlat xavfsizlik xizmati (Azizov), Davlat bojxona qo‘mitasi (Azimov), Milliy gvardiya (Tashmatov), Loyiha boshqaruvi milliy agentligi (Li) | Yuridik ta’minlash boshqarmasi (Kalandarov), Harbiylashtirilgan tuzilmalar faoliyatini moliyaviy va moddiy-texnik ta’minlash bo‘limi (Berdibayev), Investitsiyalar va tashqi iqtisodiy aloqalar masalalari kotibiyati (Kaimbayev) |
20. | Aeroportlar va temir yo‘l vokzallarida ayrim turdagi notarial harakatlarni onlayn amalga oshirish imkonini beruvchi infokioskalar joylashtirish bo‘yicha tegishli chora-tadbirlar ishlab chiqish. | Kompleks | 2021-yil yanvar | Adliya vazirligi (Davletov), Transport vazirligi (Maxkamov), “Uzbekistan Airoport” AJ (Ismailov), “O‘zbekiston temir yo‘llari” AJ (Xasilov), Loyiha boshqaruvi milliy agentligi (Li) | Hududlarni kompleks rivojlantirish, kommunikatsiyalar va mudofaa sanoati masalalari kotibiyati (Abidov), |
21. | Shajara dasturini yaratish va unga mavjud fuqarolik holati dalolatnomalari bo‘yicha ma’lumotlarni to‘liq kiritilishi hamda “Notarius” avtomatlashtirilgan axborot tizimi bilan integratsiya qilinishini ta’minlash. Bunda “FHDY yagona elektron arxivi” axborot tizimini takomillashtirish bo‘yicha tegishli chora-tadbirlar ishlab chiqish. | Kompleks chora-tadbirlar rejasi | 2021-yil dekabr | Adliya vazirligi (Davletov) | Yuridik ta’minlash boshqarmasi (Kalandarov) |
22. | O‘zbekiston Respublikasi konsullik muassasalarining konsullari tomonidan tasdiqlanadigan ariza va ishonchnomalarni “Notarius” avtomatlashtirilgan axborot tizimiga yuborish tartibini joriy etish. | Kompleks chora-tadbirlar rejasi | 2021-yil dekabr | Adliya vazirligi (Davletov), Tashqi ishlar vazirligi (Komilov) | Yuridik ta’minlash boshqarmasi (Kalandarov), Xalqaro hamkorlik bo‘limi (Sulaymanov) |
23. | Ko‘chmas mulk boshqa shaxsga o‘tkazilganda barcha kommunal tashkilotlarda ko‘chmas mulkning yangi mulkdori haqidagi ma’lumotlarni avtomatik tarzda o‘zgartirish tartibini joriy etish bo‘yicha tegishli chora-tadbirlar ishlab chiqish. | Kompleks chora-tadbirlar rejasi | 2021-yil dekabr | Yergeodezkadastr (Abdullayev), Adliya vazirligi (Davletov), Kommunal xizmat ko‘rsatish vazirligi (Saliyev) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
III. Notarial idoralar faoliyati samaradorligini ta’minlash | |||||
24. | Nodavlat notarial idoralari notariuslari faoliyatini litsenziyalash tartibini joriy etish. | Vazirlar Mahkamasi qarori loyihasi | 2019-yil oktyabr | Adliya vazirligi (Davletov) | Yuridik ta’minlash boshqarmasi (Kalandarov) |
25. | Nodavlat notarial idoralarini davlat ro‘yxatidan o‘tkazish tartibini joriy etish. | Vazirlar Mahkamasi qarori loyihasi | 2019-yil oktyabr | Adliya vazirligi (Davletov) | Yu�idik ta’minlash boshqarmasi (Kalandarov) |
26. | O‘zbekiston Respublikasi Notarial palatasi faoliyatini tashkil etish. | Vazirlar Mahkamasi qarori loyihasi | 2019-yil noyabr | Adliya vazirligi (Davletov) | Yuridik ta’minlash boshqarmasi (Kalandarov) |
27. | Nodavlat notarial idoralar faoliyatini tashkil etish tartibini ishlab chiqish va tasdiqlash. | Vazirlar Mahkamasi qarori loyihasi | 2019-yil noyabr | Adliya vazirligi (Davletov) | Yuridik ta’minlash �oshqarmasi (Kalandarov) |
28. | Davlat notarial idoralarini bosqichma-bosqich nodavlat notarial idoralariga o‘tkazish yuzasidan tashkiliy chora-tadbirlarni (dastlab nodavlat shaklga o‘tkaziladigan notarial idoralarni belgilash, notarial idora moddiy-texnika bazasini xatlovdan o‘tkazish, arxivlarni qabul qilish va boshqa) amalga oshirish. | Adliya vazirining buyrug‘i | 2019-yil dekabr | Adliya vazirligi (Davletov) | Yuridik ta’minlash boshqarmasi (Kalandarov) |
29. | Davlat notarial idoralari foydalanuvida bo‘lgan bino-inshootlar, idora anjomlari va orgtexnika vositalarini (kompyuter, texnika vositalari va boshqa) nodavlat notarial idoralarga ijaraga berish va (yoki) uzoq muddatda to‘lash sharti bilan balans qiymatida sotish hamda undan tushgan mablag‘larni davlat notarial idoralari va adliya organlarini rivojlantirish uchun sarflash tartibini belgilash. | Vazirlar Mahkamasi qaror� loyihasi | 2019-yil dekabr | Adliya vazirligi (Davletov) | Yuridik ta’minlash boshqarmasi (Kalandarov) |
30. | Jismoniy va yuridik shaxslar murojaat qilishlari uchun qulay bo‘lgan joylardan nodavlat notarial idoralariga zarur bino va inshootlar, shuningdek, bunday bino va inshootlarni qurish uchun yer maydonlarini ajratish. | Tumanlar (shaharlar) hokimlari qarorlari | 2019 — 2021-yillar | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari | Hududlarni kompleks rivojlantirish, kommunikatsiyalar va mudofaa sanoati masalalari kotibiyati (Abidov) |
31. | Notarial harakatlarni amalga oshirish uchun murojaat qilgan shaxslarning barmoq izlarini skaner qilish asosida biometrik ma’lumotlar bilan solishtirish orqali shaxsini aniqlash mexanizmini joriy qilish. | Tashkiliy | 2020-yil yanvar | Adliya vazirligi (Davletov), Ichki ishlar vazirligi (Bobojonov) | Yuridik ta’minlash boshqarmasi (Kalandarov), Harbiylashtirilgan tuzilmalar faoliyatini moliyaviy va moddiy-texnik ta’minlash bo‘limi (Berdibayev) |
32. | Notariuslarni ishdan ajralmagan holda malakasini oshirish tizimini joriy qilish. | Tashkiliy | 2020-yil yanvar | Adliya vazirligi (Davletov), Axborot texnologiyalari va kommunikatsiyalarini rivojlantirish vazirligi (Sadikov) | Yuridik ta’minlash boshqarmasi (Kalandarov), Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati (Abdullayev) |
33. | Davlat xizmatlari markazlari, fuqarolik holati dalolatnomalarini yozish organlari hamda notarial idoralari faoliyatini baholash va monitoringini tashkil etish bo‘yicha professional konsalting firmalari bilan shartnomalar tuzish. | Kompleks | 2020-yil fevral | Adliya vazirligi (Davletov) | Yuridik ta’minlash boshqarmasi (Kalandarov) |
O‘zbekiston Respublikasi Prezidentining Farmoni, 09.09.2019 yildagi PF-5816-son
Кучга кириш санаси
10.09.2019
Рус
Ўзб
O’zb
O‘zb|Рус
So‘nggi yillarda mamlakatimizda notariat institutining samarali faoliyat ko‘rsatishini ta’minlash hamda notarial idoralar tomonidan jismoniy va yuridik shaxslarga huquqiy xizmat ko‘rsatish sifati darajasini oshirish bo‘yicha izchil ishlar amalga oshirilmoqda.
Shu bilan birga, notarial xizmatlar ko‘rsatishning tezkorligini oshirish, fuqarolik-huquqiy munosabatlarda, jumladan xususiy mulk egalari o‘z mulkini erkin tasarruf etishi va undan foydalanishida ortiqcha byurokratik to‘siq va g‘ovlarni olib tashlash hamda sohani raqamlashtirish bo‘yicha qator maqsadli vazifalarni amalga oshirish zamon talablaridan biri bo‘lib qolmoqda.
Notariat institutini raqamlashtirilgan modelga o‘tkazish, notarial harakatlarni amalga oshirish jarayonlarini tubdan soddalashtirish maqsadida, shuningdek, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan vazifalardan kelib chiqib:
1. O‘zbekiston Respublikasi Adliya vazirligi tomonidan notariat sohasini tartibga solish maqsadida “Notarius” avtomatlashtirilgan axborot tizimi yaratilganligi va unda quyidagi imkoniyatlar mavjudligi ma’lumot uchun qabul qilinsin:
barcha notarial harakatlarni axborot tizim orqali onlayn tarzda monitoring qilish, noqonuniy xatti-harakatlarni to‘xtatish hamda fuqarolarning shaxsini aniqlashda zamonaviy tekshirish usullaridan foydalanish;
notarial harakatlarni axborot tizimda majburiy qayd etish va har bir hujjatga takrorlanmaydigan maxsus raqam berish, shu orqali suiiste’molchiliklarning oldini olish;
bajarilgan notarial harakatlarni yagona elektron bazada qayd qilish, soxta notarial hujjatlarning rasmiylashtirilishiga yo‘l qo‘ymaslik va hujjatlar haqidagi ma’lumotlar tarixini saqlash;
mamlakatning butun hududi bo‘ylab eksterritoriallik tamoyili asosida notarial xizmatlarni ko‘rsatishning sifati va tezkorligi, xodimlar tomonidan o‘z funksional vazifalarining lozim darajada bajarilishi ustidan masofadan turib nazorat qilish;
notarial harakatlar uchun to‘lovlarni avtomatik tarzda hisoblash va elektron to‘lovlarni o‘tkazish, ularni tasdiqlovchi xabarlar yuborish hamda idoralararo elektron axborot almashish.
O‘zbekiston Respublikasi Adliya vazirligi notarial faoliyat to‘g‘risidagi ma’lumotlarni yig‘ish, ularni umumlashtirish jarayonlarini kompleks avtomatlashtirish hamda notarial harakatlarni amalga oshirishda tegishli davlat organlari bilan axborot hamkorligining barcha turlarini ta’minlash maqsadida “Notarius” avtomatlashtirilgan axborot tizimini texnik ta’minlash va yuritishga mas’ul organ etib belgilansin.
2. O‘zbekiston Respublikasi Adliya vazirligi, Moliya vazirligi hamda Iqtisodiyot va sanoat vazirligining 2020-yil 1-yanvardan davlat notarial idoralarini bosqichma-bosqich nodavlat notarial idoralar etib qayta tashkil qilish haqidagi taklifi ma’qullansin.
davlat notarial idoralarini nodavlat notarial idoralar etib qayta tashkil qilish adliya organlarida nodavlat notarial idoralarni ro‘yxatdan o‘tkazish, shuningdek, faoliyat yuritayotgan notariuslarga ularning arizalariga asosan notarial faoliyat bilan shug‘ullanish huquqini beruvchi litsenziya berish orqali amalga oshiriladi;
tegishli notarial okrugda qonun hujjatlariga muvofiq yetarli miqdordagi nodavlat notarial idoralar tashkil etilguniga qadar davlat notarial idoralari o‘z faoliyatini davom ettiradi;
notarius o‘z kasbiy majburiyatlarini buzishi oqibatida yetkaziladigan zarardan jismoniy va yuridik shaxslarni himoya qilish maqsadida nodavlat notarial idoralar notariuslarining fuqarolik javobgarligi sug‘urtalanadi;
nodavlat notarial idoralarini davlat ro‘yxatidan o‘tkazish va notarial faoliyat bilan shug‘ullanish huquqi uchun litsenziya berish adliya organlari tomonidan amalga oshiriladi.
notarial harakatlarni amalga oshirganlik uchun undiriladigan davlat boji summasining O‘zbekiston Respublikasi Vazirlar Mahkamasi tomonidan belgilangan miqdorda nodavlat notarial idoralarda qoladigan qismi;
huquqiy va texnik tusdagi qo‘shimcha harakatlarni amalga oshirganlik, shuningdek, notariatning faol modeli doirasida xizmatlarni ko‘rsatganlik uchun olinadigan to‘lovlar;
4. O‘zbekiston Respublikasi Adliya vazirligining barcha notarial idoralar notariuslarining a’zoligiga asoslangan O‘zbekiston Notarial palatasini tashkil etish haqidagi taklifi ma’qullansin.
Quyidagilar O‘zbekiston Notarial palatasining asosiy vazifalari va faoliyat yo‘nalishlari etib belgilansin:
notarial idoralar faoliyatini muvofiqlashtirib borish, qonun hujjatlari va huquqni qo‘llash amaliyotini takomillashtirish hamda qonun hujjatlarining bir xilda qo‘llanilishini ta’minlashga doir takliflar ishlab chiqish;
nizolarning oldini oluvchi institut sifatida notariat rolini mustahkamlash, notariuslik kasbi nufuzini oshirish, shuningdek, notariuslarning kasbiy tayyorgarligi va malakasi oshirilishini hamda ularning fuqarolik javobgarligi majburiy sug‘urtalanishini tashkil etish;
yagona notarial amaliyotni ta’minlash choralarini ko‘rish, notarial idoralar faoliyati to‘g‘risidagi statistik ma’lumotlarni to‘plash va o‘rganish, ijobiy ish tajribasini ommalashtirish hamda notariuslarga uslubiy yordam ko‘rsatish;
aholining huquqiy bilimlari va huquqiy madaniyatini oshirishga qaratilgan huquqiy targ‘ibot tadbirlarini amalga oshirish;
davlat organlari, boshqa tashkilotlar bilan munosabatlarda, sudda va boshqa hollarda notariuslarning huquqlari va qonuniy manfaatlarini ifodalash hamda himoya qilish;
notariuslar tomonidan qonun hujjatlariga, kasb etikasi qoidalari va kasb majburiyatlariga rioya etilishi ustidan monitoringni amalga oshirish hamda ularning kasbiga loyiqligi masalasini ko‘rib chiqish haqida Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari huzuridagi malaka komissiyalariga taklif kiritish.
notarial idoralar notariuslarini birlashtiruvchi respublika nodavlat notijorat tashkiloti hisoblanadi;
notariuslarning qonun hujjatlariga muvofiq amalga oshiriladigan faoliyatiga aralashmaslik prinsipi asosida ish yuritadi;
notariuslarning kirish va a’zolik badallari hamda qonun hujjatlarida taqiqlanmagan boshqa mablag‘lar hisobidan moliyalashtiriladi.
nodavlat notarial idoralar notariuslari tomonidan litsenziya talablari va shartlariga rioya etilishi ustidan tizimli va qat’iy nazorat o‘rnatsin;
uch oy muddatda mazkur Farmon talablaridan kelib chiqib hamda nodavlat notarial idoralar faoliyatini har tomonlama tartibga solish maqsadida O‘zbekiston Respublikasining “Notariat to‘g‘risida”gi Qonuniga o‘zgartish va qo‘shimchalar kiritish to‘g‘risida Vazirlar Mahkamasiga takliflar kiritsin.
7. 2019 — 2021-yillarda Notariat institutini yanada takomillashtirish bo‘yicha “Yo‘l xaritasi” ilovaga muvofiq tasdiqlansin.
8. 2020-yil 1-yanvardan mol-mulk bilan bog‘liq bitimlarni rasmiylashtirishda quyidagi talablar bekor qilinsin:
qurilishi tugallanmagan uy-joylarni boshqa shaxsga o‘tkazishda mahalliy davlat hokimiyati organlarining ruxsatini olish;
vasiylikdagi shaxs nomidan mol-mulklarni ijara (arenda)ga berishda vasiylik va homiylik organlarining ruxsatini olish (bu haqda vasiylik va homiylik organlarini xabardor etish sharti bilan).
2019-yil 1-oktabrdan — transport vositasi egasining fuqarolik javobgarligini majburiy sug‘urta qilish bo‘yicha sug‘urta polisida ko‘rsatilgan transport vositasi egasining yaqin qarindoshlari (ota-ona, er (xotin), bolalar, aka-ukalar, opa-singillar) o‘rtasida transport vositasidan foydalanish va boshqarish to‘g‘risidagi ishonchnomani;
2020-yil 1-yanvardan — yuridik shaxslarning, xususan bank va boshqa kredit tashkilotlarining korxonani ijara va tekin foydalanishga berish hamda birlamchi bozordagi ko‘chmas mulk va transport vositalarini olishda ipoteka, garov va lizing shartnomalarini. Bunda, garov (ipoteka) shartnomalarini rasmiylashtirgan bank va boshqa kredit tashkilotlari mol-mulkka taqiq qo‘yish va taqiqni echishni axborot-kommunikatsiya texnologiyalaridan foydalangan holda “Notarius” avtomatlashtirilgan axborot tizimi orqali mustaqil amalga oshiradi.
O‘zbekiston Respublikasi Markaziy banki Adliya vazirligi bilan birgalikda 2019-yil 1-dekabrga qadar bank va boshqa kredit tashkilotlariga mazkur bandda nazarda tutilgan garov (ipoteka) shartnomalari doirasida taqiq qo‘yish va taqiqni echish imkoniyatlarini yaratish bo‘yicha taklif kiritsin.
fuqarolik-huquqiy munosabatlarda sudgacha bo‘lgan jarayonda dalillarni ta’minlash (guvohlarning ko‘rsatuvlarini yozib olish, yozma va ashyoviy dalillarni ko‘zdan kechirish va guvohlantirish, ekspertiza tayinlash, Internet tarmog‘idagi faktlarni tasdiqlash);
fuqarolik-huquqiy munosabatlarda, shu jumladan mulkiy va meros masalalarida mediator vazifalarini bajarish;
Oldingi tahrirga qarang.
ko‘chmas mulklar bo‘yicha bitimlarni notarial tasdiqlashda kommunal xizmatlar bo‘yicha qarzdorliklar haqidagi ma’lumotlarni faqat kommunal tashkilotlar axborot tizimlari orqali onlayn rejimda tekshirish tartibi o‘rnatilgan holda, tegishli kommunal tashkilotlardan bunday qarzdorlik mavjud yoki mavjud emasligi to‘g‘risidagi ma’lumotnoma olish talabi bekor qilinadi;
ijro hujjatlari bo‘yicha qarzdorlik mavjudligi to‘g‘risida ma’lumotlar Majburiy ijro byurosi axborot tizimi orqali onlayn rejimda tekshiriladi;
(11-bandning ikkinchi xatboshisi O‘zbekiston Respublikasi Prezidentining 2020-yil 24-noyabrdagi PF-6118-son Farmoniga asosan ikkinchi va uchinchi xatboshilar bilan almashtirilgan — Qonun hujjatlari ma’lumotlari milliy bazasi, 25.11.2020-y., 06/20/6118/1562-son)
bitimlar bo‘yicha taraflarning to‘lov majburiyatlarini bajarishi ixtiyoriy ravishda notarius depoziti orqali amalga oshiriladi. Bunda ko‘chmas mulklar bo‘yicha bitimlarni notarial tasdiqlashda muayyan qarzdorliklar aniqlanganda, ularni tegishli mablag‘ni notarius depozitiga o‘tkazish orqali to‘lash yoki ularning asosliligini tekshirish imkoniyati mavjud bo‘ladi;
bitimlarni notarial tasdiqlashni taraflar turli hududlarda joylashgan notarial idorada masofadan turib xizmat ko‘rsatish orqali videokonferensaloqa rejimida amalga oshirish imkoniyati yaratiladi;
ochiq axborot tizimiga joylashtirilgan notarial tasdiqlangan arizalar, ijara shartnomalari va ishonchnomalar mulkni begonalashtirish bilan bog‘liq bo‘lmagan harakatlarni amalga oshirishda hujjatning qog‘oz shakli bilan teng huquqiy kuchga ega bo‘ladi va davlat organi yoki mansabdor shaxs ularni tan olishdan bosh tortishi taqiqlanadi;
respublika hududida notarial tasdiqlangan arizalar, ijara shartnomalari va ishonchnomalar asosida notarial harakatlarni amalga oshirishda ushbu arizalar, ijara shartnomalari va ishonchnomalarni taqdim etmasdan, ularni noyob raqam orqali tekshirtirish imkoniyati yaratiladi;
notarial harakatni amalga oshirish istagini bildirgan shaxsga notarial harakat rasmiylashtirilishi uchun zarur bo‘lgan hujjat nusxalarini notarial idoraga elektron tarmoq orqali oldindan jo‘natish yo‘li bilan elektron navbat olish va tegishli hujjatlarni tayyorlab qo‘yish imkonini beruvchi xizmat joriy qilinadi;
O‘zbekiston Respublikasi Yagona interaktiv davlat xizmatlari portali yordamida elektron murojaat yuborish orqali idoraviy notarial arxivda mavjud bo‘lgan hujjatlarning elektron imzo bilan tasdiqlangan nusxasini olish imkonini beruvchi xizmat taqdim etiladi.
12. O‘zbekiston Respublikasi Adliya vazirligi Axborot texnologiyalari va kommunikatsiyalarini rivojlantirish vazirligi bilan birgalikda:
a) 2020-yil 1-yanvargacha, eksperiment tariqasida, sohaga zamonaviy innovatsion va axborot-kommunikatsiya texnologiyalarini joriy etgan holda Qoraqalpog‘iston Respublikasi, viloyatlarda kamida 2 tadan va Toshkent shahrida kamida 5 ta notarial idoralarda notarial idoraga kelmasdan turib:
mol-mulkni boshqa shaxsga o‘tkazish bilan bog‘liq bo‘lmagan bitimlarni (ijara va tekin foydalanishga berish shartnomalarini, boshqa shaxsga o‘tkazish bilan bog‘liq bo‘lmagan ishonchnomalarni), ijro xatlarini, hujjatlarning bir tildan boshqa tilga to‘g‘ri tarjima qilinganligini shahodatlashni elektron raqamli imzodan foydalangan holda rasmiylashtirishni;
arizalarni (propiska qo‘yishga rozilik, voyaga yetmagan farzandni chet elga chiqishga rozilik arizalarini va majburiyatnomalarni) elektron raqamli imzodan foydalangan holda hamda videokonferensaloqa orqali rasmiylashtirishni joriy etsin.
Bunda, masofadan turib xizmat ko‘rsatish orqali rasmiylashtirilgan hujjatning asl nusxasini buyurtmachiga kuryer xizmati orqali yetkazib berish imkoniyati ta’minlanishi yo‘lga qo‘yilsin;
b) eksperiment natijalari asosida 2021-yil 1-yanvarga qadar ushbu amaliyotni barcha notarial idoralarga tatbiq etish yuzasidan Vazirlar Mahkamasiga asoslantirilgan takliflarni kiritsin.
13. O‘zbekiston Respublikasi Adliya vazirligining aholiga ko‘rsatilayotgan davlat va huquqiy xizmatlar sifatini doimiy baholab borish, reytinglarni aniqlash, shuningdek, “sirli mijoz” tadbirlarini o‘tkazish orqali davlat xizmatlari markazlari, fuqarolik holati dalolatnomalarini yozish organlari hamda notarial idoralar xodimlari tomonidan sodir etiladigan suiiste’molchiliklarni aniqlash maqsadida professional konsalting firmalarini shartnoma asosida jalb qilish haqidagi taklifi ma’qullansin.
14. O‘zbekiston Respublikasi Adliya vazirligi idoraviy notarial arxivlarda saqlanayotgan ko‘chmas mulk huquqining vujudga kelishini nazarda tutuvchi bitimlarni raqamli ko‘rinishga o‘tkazilishi hamda yagona elektron notarial arxiv fondi shakllantirilishini 2024-yil 1-yanvarga qadar yakunlasin.
15. O‘zbekiston Respublikasi Adliya vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.
16. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.