T/r

Chora-tadbirlar

Amalga oshirish mexanizmi

Ijro muddati

Mas’ul ijrochilar

1.

O‘zbekiston Respublikasi Innovatsion rivojlanish vazirligi huzuridagi Yoshlar akademiyasi (keyingi o‘rinlarda — Yoshlar akademiyasi) nizomini ishlab chiqish va tasdiqlash.

Nizomda shu jumladan:

nomzodlarni tanlab olish va a’zolikka qabul qilish mezonlarni aniq ko‘rsatib o‘tish;

Yoshlar akademiyasining Vasiylik kengashi faoliyatini samarali yo‘lga qo‘yish.

Buyruq loyihasini ishlab chiqish va uni tasdiqlash.

2019-yil
1-oktabr

Innovatsion rivojlanish vazirligi
(I. Abdurahmonov)

2.

O‘zbekiston Respublikasi Innovatsion rivojlanish vazirligi huzurida Yoshlar akademiyasining Iqtidorli yoshlarni qo‘llab-quvvatlash jamg‘armasi (keyingi o‘rinlarda — Jamg‘arma) faoliyatini samarali tashkil etish.

1. Jamg‘arma to‘g‘risida nizomni ishlab chiqish va tasdiqlash.

2. Jamg‘armani O‘zbekiston Respublikasi Innovatsion rivojlanish vazirligi markaziy tuzilmasi binosida joylashtirish.

2019-yil
1-oktabr

Innovatsion rivojlanish vazirligi
(I. Abdurahmonov),
Moliya vazirligi (T. Ishmetov)

3.

Jamg‘armaga tegishli manbalardan mablag‘larni uzluksiz kelishini ta’minlash.

1. Innovatsion faoliyatni qo‘llab-quvvatlash jamg‘armalarini tashkil etgan xo‘jalik boshqaruvi organlari va davlat ulushi mavjud korxonalar ro‘yxatini mazkur qaror talablaridan kelib chiqib shakllantirish va tasdiqlash.

2. Tasdiqlangan ro‘yxatni tegishli xo‘jalik boshqaruvi organlari va davlat ulushi mavjud korxonalarga yuborish.

3. Xo‘jalik boshqaruvi organlari va davlat ulushi mavjud korxonalarning Innovatsion faoliyatni qo‘llab-quvvatlash jamg‘armalari sof foydasining 10 foizi miqdoridagi ajratmalarni doimiy ravishda Jamg‘arma hisobiga o‘tkazish.

2019-yil
15-oktabr

Innovatsionrivojlanishvazirligi
(I. Abdurahmonov),
Davlat aktivlarini boshqarish agentligi (A. Xaydarov),
Adliya vazirligi (R. Davletov),

xo‘jalik boshqaruvi organlari va davlat ulushi mavjud korxonalar

Har yil davomida

4.

O‘zbekiston Respublikasi Innovatsion rivojlanish vazirligining markaziy apparati tuzilmasida Iqtidorli yoshlar bilan ishlash boshqarmasini (keyingi o‘rinlarda — Boshqarma) tashkil etish va uning faoliyatini yo‘lga qo‘yish.

1. Boshqarmani yuqori malakali mutaxassislar bilan to‘ldirish.

2. Boshqarmani 2019-yil yakuniga qadar bo‘lgan ish rejasini tasdiqlash.

3. Boshqarma ishini doimiy ravishda tahlil qilib borish, uning faoliyati samaradorligini oshirish bo‘yicha zarur choralarni ko‘rish.

2019-yil
20-sentabr

Innovatsion
rivojlanish vazirligi
(I. Abdurahmonov),
Fanlar akademiyasi
(B. Yuldashev),
Moliya vazirligi
(B. Ashrafxanov)

5.

Yoshlar akademiyasi faoliyatiga hamda akademiya a’zoligiga qabul qilish shartlariga doir materiallarni ommaviy axborot vositalari orqali yoritish ishlarini tashkil etish.

1. Yoshlar akademiyasi faoliyatini ommaviy axborot vositalarida keng yoritish, teleradiokanallarda intellektual yo‘nalishdagi teleradiodasturlarni tashkil etish va efirga uzatish bo‘yicha media-rejani ishlab chiqish va tasdiqlash.

2. Vazirlik va idoralar, xo‘jalik boshqaruvi organlari, ilmiy-tadqiqot va ta’lim muassasalari bilan hamkorlikda yoshlarni ijodiy, intellektual va tadbirkorlik salohiyatini oshirish bo‘yicha uchrashuvlar tashkil etish.

3. Yoshlar akademiyasi faoliyati bo‘yicha maqolalar chop etish, reklama roliklari, tematik ko‘rsatuvlar va eshittirishlar tayyorlash va efirga uzatish.

2019-yil
1-oktabr

O‘zbekiston milliy teleradiokompaniyasi
(A. Xadjayev),
O‘zbekiston Milliy axborot agentligi (A. Kuchimov), Innovatsion rivojlanish vazirligi
(I. Abdurahmonov), manfaatdor vazirlik va idoralar

6.

Iqtidorli yoshlarni Yoshlar akademiyasi faoliyatiga maqsadli jalb etish.

1. Iqtidorli yoshlar va talabalar, 40 yoshgacha bo‘lgan olimlar va tadbirkorlardan tashkil topgan jamoalarni saralash bo‘yicha tanlov e’lon qilish va o‘tkazish.

2. Iqtidorli va tashabbuskor yoshlar bo‘yicha yagona ma’lumotlar bazasini shakllantirish.

2020-yil
1-yanvar

Innovatsion rivojlanish vazirligi
(I. Abdurahmonov),
Oliy ta’lim vazirligi (I. Madjidov),
Fanlar akademiyasi
(B. Yuldashev),

O‘zbekiston yoshlar ittifoqi
(A. Sa’dullayev),
Savdo-sanoat palatasi
(A. Ikramov)

7.

Yoshlar akademiyasi a’zolari uchun zamonaviy infratuzilmaga ega sharoitlar yaratish hamda ularning intellektual va tadbirkorlik salohiyatini oshirish.

1. Innovatsion rivojlanish vazirligi huzuridagi Innovatsion ishlanmalarni joriy etish ilmiy-amaliy markazi, Ilg‘or texnologiyalar markazi va “Yashnobod” innovatsion texnoparkining binolari, laboratoriyalari, akseleratori va kovorking markazlarini Yoshlar akademiyasiga bepul foydalanishga berish bo‘yicha tashkiliy-amaliy choralarni ko‘rish.

2. Tanlov natijalariga ko‘ra Yoshlar akademiyasining a’zolarini “G‘oyalar generatorlari”, “Startaplar”, “Biznes vakillari” va “Bo‘lajak akademiklar” platformalariga biriktirish.

2020-yil
1-yanvar

Innovatsion rivojlanish vazirligi
(I. Abdurahmonov)

8.

Yoshlar akademiyasi faoliyati doirasida mamlakatimiz kelajagi uchun muhim ahamiyatga ega bo‘lgan sun’iy intellekt, qayta tiklanuvchi energiya manbalari, robototexnika va mexatronika, farmatsevtika, biotexnologiya, dasturlash, sanoat dizayni, 3D modellash va boshqa istiqbolli yo‘nalishlarda amaliy, innovatsion va startap loyihalarni amalga oshirish.

Xo‘jalik boshqaruvi organlari va davlat ulushi mavjud korxonalarning ishlab chiqarish sohasida innovatsiyalarni keng targ‘ib qilish va yuqori texnologiyalarni jalb qilish maqsadida Yoshlar akademiyasi bilan yaqindan hamkorlik qilish bo‘yicha memorandumlarni tuzish.

2019-2020
yillar davomida

Innovatsion rivojlanish vazirligi
(I. Abdurahmonov), xo‘jalik boshqaruvi organlari va davlat ulushi mavjud korxonalar

9.

Toshkent viloyati Nurafshon shahrida barpo etilayotgan “aqlli shahar” hududida zamonaviy infratuzilmaga ega kichik va ixcham “Science Park” (Saynspark) tashkil etish bo‘yicha O‘zbekiston Respublikasi Vazirlar Mahkamasiga takliflar kiritish.

Tashkiliy-amaliy choralar.

2020-yil
1-yanvar

Innovatsion rivojlanish vazirligi
(I. Abdurahmonov),
Toshkent viloyati
hokimligi
(R. Xolmatov)

10.

O‘zbekiston Respublikasi Savdo-sanoat palatasi tomonidan Yoshlar akademiyasi a’zolariga biznesni tashkil etish va rivojlantirish, shu jumladan, biznes-rejalar va ta’sis hujjatlarini tayyorlash, sug‘urta, buxgalteriya, hisobot berish, biznes sheriklarni, mini-texnologiyalar va uskunalarni topish bilan bog‘liq xizmatlarini tashkil etish bo‘yicha mahorat darslarini tashkil etish.

1. Yoshlar akademiyasi a’zolarining ro‘yxatini va o‘quv rejasini shakllantirish (yo‘nalishlar bo‘yicha) va O‘zbekiston Respublikasi Savdo-sanoat palatasiga taqdim etish.

2020-yil
1-aprel

Innovatsion rivojlanish vazirligi
(I. Abdurahmonov),
Savdo-sanoat palatasi
(A. Ikramov)

2. O‘zbekiston Respublikasi Savdo-sanoat palatasi mas’ul xodimlarini jalb etgan holda mahorat darslarini tashkil qilish.

Reja asosida

11.

Iqtisodiyotning real sektori tashkilotlari faoliyatiga innovatsiyalarni keng joriy etish choralarini ko‘rish.

Iqtisodiyotning real sektori tashkilotlarining muammolarini o‘rganish va ularning yechimiga qaratilgan takliflarni ishlab chiqish.

2020-yil
1-iyul

Iqtisodiyot va sanoat vazirligi (B. Xodjayev),
Innovatsion rivojlanish vazirligi
(I. Abdurahmonov)

12.

Yoshlar akademiyasi a’zolarining ilmiy-ijodiy salohiyatini ro‘yobga chiqarish, ularni qo‘llab-quvvatlash va rag‘batlantirishga yo‘naltirilgan tadbirlarni amalga oshirish.

1. Davlat ilmiy-texnika dasturlari doirasida yosh olimlar ilmiy-texnik loyihalari tanlovini o‘tkazish.

2. Yoshlar akademiyasining Iqtidorli yoshlarni qo‘llab-quvvatlash jamg‘armasi, “Yoshlar-kelajagimiz” Davlat dasturi asosida ajratilgan mablag‘lar hamda boshqa manbalar hisobidan Yoshlar akademiyasi a’zolarining loyihalarini moliyalashtirish.

3. Yoshlar akademiyasi a’zolari tomonidan innovatsion, amaliy va startap loyihalarni amalga oshirish yuzasidan mahorat darslarini tashkil etish.

4. Yoshlar akademiyasiga xorijiy va mahalliy yetakchi olimlar, mutaxassislar hamda vatandoshlarni jalb qilish.

5. Yoshlar akademiyasining iqtidorli va faol a’zolarini aniqlash va rag‘batlantirib borish.

2020-yil davomida

Innovatsion rivojlanish vazirligi
(I. Abdurahmonov),
O‘zbekiston yoshlar ittifoqi
(A. Sa’dullayev)

13.

“Innoweek” innovatsion g‘oyalar haftaligi doirasida Yoshlar akademiyasi a’zolarining ishlanmalari va mahsulotlari ko‘rgazmasini, shuningdek, “Yosh akademiklar forumini” tashkil qilish.

1. Yoshlar akademiyasi a’zolarining ishlanmalari va mahsulotlarini tanlab olish va ko‘rgazmaga tayyorlash.

2. Ko‘rgazma va forumni tashkil qilishda zamonaviy texnologiyalar, shu jumladan “sun’iy intellekt”dan foydalanish.

3. Chet eldagi yosh olimlar, akademiklar va innovatorlarni ko‘rgazmaga hamda forumga taklif etish.

Tadbir doirasida

Innovatsion rivojlanish vazirligi
(I. Abdurahmonov),
Tashqi ishlar vazirligi (A. Komilov)

14.

Yoshlarni aniq fanlar bo‘yicha bilimlarini yanada kuchaytirish hamda mamlakatimizning xalqaro hamjamiyatda nufuzini oshirish maqsadida Islom Hamkorlik Tashkilotiga a’zo mamlakatlar o‘rtasida “International Robotics Challenge” xalqaro robototexnika tanlovini yuqori saviyada tashkil qilish.

1. O‘zbekiston Respublikasi Vazirlar Mahkamasi farmoyishi loyihasini ishlab chiqish va kiritish.

2. Xalqaro robototexnika tanlovini o‘tkazish bo‘yicha dasturini shakllantirish, shu jumladan chet eldan tashrif buyuradigan mehmonlar ro‘yxatini tuzish.

3. Xalqaro robototexnika tanlovini yuqori saviyada o‘tkazish va uni milliy va xorijiy ommaviy axborot vositalari orqali keng yoritish, shuningdek, mazkur jarayonga O‘zbekistonning chet eldagi diplomatik vakolatxonalarining faol ishtirokini ta’minlash.

2019-yil
1-oktabr

Innovatsion rivojlanish vazirligi
(I. Abdurahmonov),
Tashqi ishlar vazirligi (A. Komilov),
O‘zbekiston milliy teleradiokompaniyasi
(A. Xadjayev),
O‘zbekiston Milliy axborot agentligi (A. Kuchimov)

15.

Yoshlar akademiyasining xalqaro aloqalarini rivojlantirish.

Xalqaro va mahalliy darajada e’tirof etilgan tashkilotlar, universitetlar, ilmiy markazlar bilan yaqindan aloqalar o‘rnatish, ularning olimlari va mutaxassislari ishtirokida mahorat darslari, treninglar, shuningdek, dolzarb ilmiy-innovatsion yo‘nalishlar bo‘yicha konferensiyalar, seminarlar va tanlovlar o‘tkazish bo‘yicha rejani ishlab chiqish va tasdiqlash.

Rejani tasdiqlash — 2019-yil
1-oktabr

Innovatsion rivojlanish vazirligi
(I. Abdurahmonov),
Tashqi ishlar vazirligi (A. Komilov),
“El-yurt umidi” jamg‘armasi
(A. Bekmurodov)

Tadbirlarni o‘tkazish — reja asosida

16.

Yoshlar akademiyasi a’zolarining malakasini oshirish va xorijiy stajirovkalarga yuborish.

O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi va Innovatsion rivojlanish va novatorlik g‘oyalarini qo‘llab-quvvatlash jamg‘armasi mablag‘lari doirasida Yoshlar akademiyasi a’zolarining rivojlangan xorijiy mamlakatlarning nufuzli ilmiy markazlari, universitetlari, texnoparklari va ishlab chiqarish korxonalarida malakasini oshirish va ularni xorijiy stajirovkalarga yuborish bo‘yicha rejani ishlab chiqish va tasdiqlash.

Rejani tasdiqlash — 2020-yil
1-yanvar

Innovatsion rivojlanish vazirligi
(I. Abdurahmonov),
“El-yurt umidi”
jamg‘armasi
(A. Bekmurodov)

Tadbirlarni o‘tkazish — reja asosida

17.

Yoshlar akademiyasini joylashtirish, uning moddiy-texnik bazasini mustahkamlash bo‘yicha tegishli choralarni ko‘rish.

Buyruq loyihasini ishlab chiqish va uni tasdiqlash.

2019-yil
20-sentabr

Innovatsion rivojlanish vazirligi
(I. Abdurahmonov)

18.

Yoshlarni O‘zbekiston Respublikasi Innovatsion rivojlanish vazirligi huzuridagi “Yoshlar akademiyasi” faoliyatiga 2019-2020-yillarda jalb etish bo‘yicha “Yo‘l xarita”da ko‘rsatilgan chora-tadbirlarning ijrosini o‘z vaqtida va sifatli bajarish.

Buyruq loyihasini ishlab chiqish va uni tasdiqlash.

2019-yil
20-sentabr

Innovatsion rivojlanish vazirligi
(I. Abdurahmonov)