O‘zbekiston Respublikasi Budjet kodeksiga, “Normativ-huquqiy hujjatlar to‘g‘risida”gi O‘zbekiston Respublikasi Qonuniga muvofiq, shuningdek, Uchquduq, Zarafshon, Nurobod shaharlari va shahar tipidagi Zafarobod posyolkasining budjet tashkilotlari va muassasalari xodimlariga muayyan davr ishlaganlik uchun oylik to‘lovlar olish huquqini beradigan ish stajini hisoblab chiqishni tartibga solish maqsadida O‘zbekiston Respublikasi Bandlik va mehnat munosabatlari vazirligi va O‘zbekiston Respublikasi Moliya vazirligi qaror qiladi:

1. O‘zbekiston Respublikasi Bandlik va mehnat munosabatlari vazirligi va O‘zbekiston Respublikasi Moliya vazirligining “Uchquduq, Zarafshon, Nurobod shaharlari va shahar tipidagi Zafarobod posyolkasining budjet tashkilotlari va muassasalari xodimlariga muayyan davr ishlaganlik uchun oylik to‘lovlar to‘lash tartibi to‘g‘risidagi nizomni tasdiqlash haqida”gi 2001-yil 5-apreldagi 2, 33-son qaroriga (ro‘yxat raqami 1026, 2001-yil 13-aprel) (O‘zbekiston Respublikasi vazirliklari, davlat qo‘mitalari va idoralari normativ hujjatlari byulleteni, 2001-yil, 7-son) ilovaga muvofiq o‘zgartirishlar va qo‘shimcha kiritilsin.

2. Ushbu qaror rasmiy e’lon qilingan kundan e’tiboran kuchga kiradi.

1. Nomi quyidagi tahrirda bayon etilsin:

“Uchquduq, Zarafshon, Nurobod shaharlari va shahar tipidagi Zafarobod posyolkasi budjet muassasalari va tashkilotlari xodimlariga muayyan davr ishlaganlik uchun oylik to‘lovlar to‘lash tartibi to‘g‘risidagi nizomni tasdiqlash haqida”.

1-band quyidagi tahrirda bayon etilsin:

“1. Uchquduq, Zarafshon, Nurobod shaharlari va shahar tipidagi Zafarobod posyolkasi budjet muassasalari va tashkilotlari xodimlariga muayyan davr ishlaganlik uchun oylik to‘lovlar to‘lash tartibi to‘g‘risidagi Nizom ilovaga muvofiq tasdiqlansin.”.

2. Nizomda:

a) nomi quyidagi tahrirda bayon etilsin:

“Uchquduq, Zarafshon, Nurobod shaharlari va shahar tipidagi Zafarobod posyolkasi budjet muassasalari va tashkilotlari xodimlariga muayyan davr ishlaganlik uchun oylik to‘lovlar to‘lash tartibi to‘g‘risida nizom”;

b) so‘zboshining ikkinchi xatboshisi quyidagi tahrirda bayon etilsin:

“Nizom Uchquduq, Zarafshon, Nurobod shaharlari va shahar tipidagi Zafarobod posyolkasi hududida joylashgan budjet muassasalari va tashkilotlari xodimlariga muayyan davr uchun ishlaganlik uchun oylik to‘lovlar to‘lash tartibini belgilaydi”;

v) 1-band quyidagi tahrirda bayon etilsin:

“Uchquduq, Zarafshon, Nurobod shaharlari va shahar tipidagi Zafarobod posyolkasi budjet tashkilotlari xodimlariga muayyan davr ishlaganlik uchun oylik to‘lovlar, xodimning yuqorida keltirilgan shaharlardagi budjet tashkilotlarida ishlagan ish stajidan kelib chiqib, quyidagi miqdorlarda belgilanadi:

g) 3-bandning 1 va 2-kichik bandlari quyidagi tahrirda bayon etilsin:

“1) Uchquduq, Zarafshon, Nurobod shaharlari va shahar tipidagi Zafarobod posyolkasidagi budjet tashkilotlarida ishlagan davri;

2) Xodim haqiqatda ishlamagan bo‘lsa ham, lekin amaldagi qonunchilikka asosan Uchquduq, Zarafshon, Nurobod shaharlari va shahar tipidagi Zafarobod posyolkasidagi budjet tashkilotlarida xodimning ish joyi (lavozimi) saqlangan davr.”;

d) quyidagi mazmundagi 3¹-band bilan to‘ldirilsin:

“3¹. Mulkchilik shaklidan qat’iy nazar boshqa tashkilotdan Uchquduq, Zarafshon, Nurobod shaharlari va shahar tipidagi Zafarobod posyolkasidagi budjet tashkilotlariga ishga kirganda, ish staji saqlanib qolinadi.

Bunda mulkchilik shaklidan qat’iy nazar boshqa tashkilotdagi (Uchquduq, Zarafshon, Nurobod shaharlari va shahar tipidagi Zafarobod posyolkasidagi budjet tashkilotlaridan tashqari) ish, budjet tashkilotlari xodimlariga muayyan davr ishlaganlik uchun oylik to‘lovlar to‘lanishi huquqini beradigan ish stajiga kiritilmaydi.”.