Amalga oshiriladigan tadbirlar | Ijro muddati | Moliyalashtirish | Mas’ullar | |
1. Sirdaryo viloyatida zaxirada turgan qishloq xo‘jaligi yerlarini samarali foydalanish uchun | ||||
1. | “O‘zbekiston temir yo‘llari” AJga foydalanish uchun Mirzaobod tumani hududidagi zaxira yerlardan 10000 gektar, shu jumladan 7545 gektar foydalanilmayotgan, 2455 gektar foydalanilayotgan qishloq xo‘jaligi yer maydonini ajratish to‘g‘risida viloyat va tuman hokimligining qarorini qabul qilish. | 2019-yil | - | Sirdaryo viloyati hokimligi, |
2. | Sirdaryo viloyatida foydalanishdan chiqib ketgan va tuman hokimliklari zaxirasida turgan 4121 gektar qishloq xo‘jaligi yerlarida chorvachilik va meva-sabzavotchilikni rivojlantirish loyihalarini ishlab chiqish va mazkur loyihalarga talabgorlardan arizalar qabul qilish; talabgorlar o‘rtasida tanlov o‘tkazish va g‘olib tashabbsukorlarni aniqlash. | 2019-yil 31-avgust | - | Sirdaryo viloyati hokimligi, Boyovut, Guliston, Oqoltin, Sardoba, Sirdaryo va Xovos tumanlari hokimliklari |
3. | Tanlovda g‘olib deb topilgan talabgorlarga Boyovut tumanida 953 gektar, Guliston tumanida 586 gektar, Oqoltin tumanida 272 gektar, Sardoba tumanida 955 gektar, Sirdaryo tumanida 1095 gektar va Xovos tumanida 260 gektar zaxirada turgan qishloq xo‘jaligi yer maydonlarini uzoq muddatga ijaraga berish to‘g‘risida tuman hokimlarining qarorlarini qabul qilish. | 2019-yil 10-oktabr | - | Sirdaryo viloyati hokimligi, Boyovut, Guliston, Oqoltin, Sardoba, Sirdaryo va Xovos tumanlari hokimliklari |
2. Sirdaryo viloyatida “O‘zbekiston temir yo‘llari” AJ hamda boshqa tashabbuskorlarga ajratiladigan | ||||
4. | “O‘zbekiston temir yo‘llari” AJ hamda boshqa tashabbuskorlarga ajratib beriladigan qishloq xo‘jaligi ekin yerlarida tekislash, chuqur shudgorlash va sho‘r yuvish tadbirlarini amalga oshirish. | 2019-2020-yillar | “O‘zbekiston temir yo‘llari” AJ hamda tashabbuskorlarning | Sirdaryo viloyati hokimligi, “O‘zbekiston temir yo‘llari” AJ, tumanlar hokimliklari, tashabbuskorlar |
5. | “O‘zbekiston temir yo‘llari” AJ hamda boshqa tashabbuskorlarga ajratib beriladigan sug‘oriladigan yerlarning meliorativ holatini hamda sug‘orish va kollektor-drenaj tarmoqlarining texnik holatini yaxshilash maqsadida: kollektor-drenaj tarmoqlarini rekonstruksiya qilish, ta’mirlash va tiklash; shuningdek, sug‘orish tarmoqlarini rekonstruksiya qilish, ta’mirlash va tiklash ishlarini amalga oshirish. | 2019-2020-yillar | Har yillik Investitsiya dasturlari, “O‘zbekiston temir yo‘llari” AJ hamda tashabbuskorlarning o‘z mablag‘lari | Suv xo‘jaligi vazirligi, Sirdaryo viloyati hokimligi, “O‘zbekiston temir yo‘llari” AJ, tumanlar hokimliklari, tashabbuskorlar |
6. | Tashqi bozor talabini o‘rgangan holda eksportbop mahsulotlar yetishtirish hajmlarini ko‘paytirish uchunilg‘or xorijiy tajribalar asosida 200 gektar maydonda zamonaviy issiqxonalar tashkil etish loyihalarini shakllantirish; shakllantirilgan loyihalarni moliyalashtirish va amalga oshirish choralarini ko‘rish. | 2019-yil 2020-yil | Tashabbuskorlarning | Bog‘dorchilik va issiqxona xo‘jaligini rivojlantirish agentligi, Sirdaryo viloyati hokimligi, |
3. Sirdaryo viloyatidagi foydalanilmayotgan yerlarda eksportbop qishloq xo‘jaligi mahsulotlarini yetishtirish | ||||
7. | Tashabbuskorlarga ajratiladigan yer maydonlarining holatidan kelib chiqqan holda ushbu maydonlarga yuqori daromadli, shuningdek, eksportbop qishloq xo‘jaligi ekinlarini joylashtirish va ekishni tashkil etish. | 2020-yildan boshlab muntazam ravishda | Tashabbuskorlarning | Sirdaryo viloyati hokimligi, |
8. | Sirdaryo viloyati tumanlarida 150 gektarga “lyuffa”, 150 gektarga “indigoma”, 230 gektarga “topinambur”, 1750 gektarga “shirinmiya” o‘simliklarini ekish; mazkur ekinlarni ekish uchun talab etiladigan urug‘liklarni (ko‘chatlarni) tashabbuskorlarga yetkazib berish. | 2020-yildan boshlab | Tashabbuskorlarning | Sirdaryo viloyati hokimligi, Innovatsion rivojlanish vazirligi |
9. | Qishloq xo‘jaligi yerlaridan foydalanuvchilarga eksportbop qishloq xo‘jaligi ekinlarini ekish, parvarishlash va mahsulot yetishtirish bo‘yicha ilmiy asoslangan tavsiyalar berish va amaliy yordam ko‘rsatish. | Doimiy | - | Qishloq xo‘jaligi vazirligi, |
10. | Pillachilik ozuqa bazasini mustahkamlash maqsadida Boyovut tumanida 3 gektar, Guliston tumanida 2 gektar va Oqoltin tumanida 9 gektar yer maydonini tumanlar “Agropilla” mas’uliyati cheklangan jamiyatlariga ajratib berish. | 2019-yil | - | Sirdaryo viloyati hokimligi, tuman “Agropilla” MChJlar |
Ajratilgan yer maydonlarida tutning serhosil navlari plantatsiyalari barpo etish. | 2020-yil | |||
11. | Mirzabod tumanida 150 ming bosh parranda boqishga mo‘ljallangan zamonaviy parrandachilik kompleksini qurish loyihasini ishlab chiqish va ishga tushirish. | 2020-yil 31-dekabr | “O‘zbekiston temir yo‘llari” AJ mablag‘lari | “O‘zbekiston temir yo‘llari” AJ, |
12. | Tashabbuskorlarga ajratilgan jami 3929 gektar, jumladan Boyovut tumanida 919 gektar, Guliston tumanida 565 gektar, Oqoltin tumanida 220 gektar, Sardoba tumanida 973 gektar, Sirdaryo tumanida 991 gektar va Xovos tumanida 2601 gektar qishloq xo‘jaligi yerlarida jami 36 ta, shundan 31 ta qo‘ychilik va echkichilik, 5 ta yilqichilik va tuyachilik loyihalarini amalga oshirish. | 2019-2020-yillar | Tijorat banklarining kreditlari va tashabbuskorlarning | Sirdaryo viloyati hokimligi, Veterinariya va chorvachilikni rivojlantirish davlat qo‘mitasi, “O‘zchorvanasl” agentligi, |
13. | Qo‘ychilik, echkichilik, yilqichilik va tuyachilik loyihalarini amalga oshirish uchun tashabbuskorlarga bank kreditlari ajratish va chetdan zotdor qo‘y, echki va tuya olib kelish. | 2020-yil mart, shartnoma asosida | Tijorat banklarining kreditlari va tashabbuskorlarning | Veterinariya va chorvachilikni rivojlantirish davlat qo‘mitasi, “O‘zchorvanasl” agentligi, |
O‘zbekiston Respublikasi Vazirlar Mahkamasining qarori, 19.08.2019 yildagi 690-son
Кучга кириш санаси
19.08.2019
Рус
Ўзб
O’zb
O‘zb|Рус
Sirdaryo viloyatida qishloq xo‘jaligi sohasini rivojlantirish, zamonaviy boshqaruv tizimini yo‘lga qo‘yish hisobiga paxta-to‘qimachilik klastyerlari tashkil etildi. Mavjud yer maydonlaridan samarali foydalanish, ayniqsa, eksportbop mahsulotlar yetishtirish bo‘yicha bir qator ishlar amalga oshirildi.
Xususan, viloyatda anor yetishtirish va uni qayta ishlash yo‘lga qo‘yildi, shuningdek, eksportbop poliz mahsulotlari hisoblangan qovun va tarvuz yetishtirish hamda baliq va baliq mahsulotlarini ishlab chiqarish bo‘yicha boy tajribalardan samarali foydalanish choralari belgilandi.
Shu bilan birga, Sirdaryo viloyatida o‘tkazilgan xatlov natijalariga ko‘ra, jami 19 238 gektar, shu jumladan 10 203 gektar sug‘oriladigan yerlar va 9 035 gektar foydalanilmayotgan bo‘z va yaylov yer maydonlari mavjudligi aniqlandi.
Sirdaryo viloyatida yer maydonlaridan samarali foydalanishni tashkil etish, jumladan, irrigatsiya va melioratsiya tadbirlarini amalga oshirish, kollektor-drenaj tarmoqlarini tozalash, sug‘orish uchun artezian quduqlarini qazish hisobiga yerlarni to‘liq o‘zlashtirish, eksportbop ekinlarni joylashtirish hamda yaylov va bo‘z yerlarda chorvachilikni rivojlantirish maqsadida Vazirlar Mahkamasi qaror qiladi:
1. Sirdaryo viloyati hokimligi tomonidan viloyatdagi foydalanilmayotgan 19 238 gektar qishloq xo‘jaligi yer maydoni o‘zlashtirish uchun, jumladan:
5 852 gektar yer maydoni Vazirlar Mahkamasining “Fermer xo‘jaliklari va boshqa qishloq xo‘jaligi korxonalari yer maydonlarini maqbullashtirish hamda qishloq xo‘jaligi ekin yerlaridan samarali foydalanishga doir qo‘shimcha chora-tadbirlar to‘g‘risida” 2019-yil 9-yanvardagi 14-son qaroriga asosan fermer xo‘jaliklari va boshqa qishloq xo‘jaligi korxonalarining yer maydonlarini maqbullashtirish jarayonida fermer xo‘jaliklari va boshqa qishloq xo‘jaligi korxonalariga;
461 gektar yer maydoni parrandachilik va boshqa tarmoqlarni rivojlantirish uchun tadbirkorlik subyektlariga ajratib berilganligi ma’lumot uchun qabul qilinsin.
2. O‘zbekiston Respublikasi Qishloq xo‘jaligi vazirligi, Yer resurslari, geodeziya, kartografiya va davlat kadastri davlat qo‘mitasi, Suv xo‘jaligi vazirligi, Iqtisodiyot va sanoat vazirligi, Innovatsion rivojlanish vazirligi, “O‘zbekiston temir yo‘llari” aksiyadorlik jamiyati va Sirdaryo viloyati hokimligi tomonidan ishlab chiqilgan Sirdaryo viloyatidagi foydalanilmayotgan qishloq xo‘jaligi yerlaridan samarali foydalanishni tashkil etishga doir manzilli chora-tadbirlar dasturi 1-ilovaga muvofiq tasdiqlansin.
3. Sirdaryo viloyati hokimligining Sirdaryo viloyati Mirzaobod tumani hududidagi zaxira yerlardan “O‘zbekiston temir yo‘llari” aksiyadorlik jamiyatiga qishloq xo‘jaligi mahsulotlari yetishtirish uchun 10 000 gektar yer maydoni ajratish to‘g‘risidagi taklifi ma’qullansin.
4. 2019-yilda Sirdaryo viloyatida foydalanilmasdan zaxirada turgan yaylov va bo‘z yerlarda chorvachilikni rivojlantirish bo‘yicha amalga oshiriladigan loyihalar 2-ilovaga muvofiq tasdiqlansin.
o‘n kun muddatda “O‘zbekiston temir yo‘llari” aksiyadorlik jamiyatiga foydalanish uchun Sirdaryo viloyati Mirzaobod tumani hududidagi zaxira yerlaridan 10 000 gektar, shu jumladan 7 545 gektar foydalanilmayotgan, 2455 gektar foydalanilayotgan qishloq xo‘jaligi yer maydoni ajratish to‘g‘risida qaror qabul qilsin;
2019-yilda tuman hokimliklari zaxirasidagi 4 121 gektar qishloq xo‘jaligi yerlarini tashabbuskorlarga belgilangan tartibda ajratib berish va ulardan samarali foydalanishni tashkil etish choralarini ko‘rsin.
6. Sirdaryo viloyati hokimligi va “O‘zbekiston temir yo‘llari” aksiyadorlik jamiyati manfaatdor vazirlik va idoralar bilan birgalikda mazkur qaror bilan tasdiqlangan chora-tadbirlar dasturida belgilangan tadbirlarning o‘z vaqtida, to‘liq va samarali amalga oshirilishini ta’minlasin.
7. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari ― transport vaziri A.J. Ramatov, O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha maslahatchisi A.D. Vaxabov va Sirdaryo viloyati hokimi G‘.G‘. Mirzayev zimmasiga yuklansin.