Oʻzbekiston Respublikasi Vazirlar Mahkamasining 2014-yil 4-martdagi “Shahar, posyolkalar, qishloqlar va ovullarning mahallalarini tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida” gi 48-son qaroriga asosan hamda tuman hokimining mahalla fuqarolar yigʻinini tuzish boʻyicha takliflarni maʼqullash toʻgʻrisidagi 2018-yil 27-dekabrdagi 2422-son qarorini inobatga olib xalq deputatlari tuman Kengashi qaror qiladi:

1. Geografik obyektlarga nom berish va ularning nomini oʻzgartirish masalalari boʻyicha tuman komissiyasi raisining oʻrinbosari S. Xojiyevning axboroti maʼlumot uchun qabul qilinsin.

2. Tumandagi “Xoʻjabulgʻon” mahalla fuqarolar yigʻinining “Tillokamar” qishlogʻi hududida yangi mahalla fuqarolar yigʻini tashkil etilsin.

3. Yangi tashkil etilgan mahalla fuqarolar yigʻini “Tillokamar” deb nomlansin.

4. Mahalla hududining chizmasi ilova* muvofiq tasdiqlansin.

5. Xalq deputatlari tuman Kengashining Fuqarolar yigʻini raisi (oqsoqoli) saylovini oʻtkazishga koʻmaklashuvchi tuman komissiyasiga bir oy muddatda yangi tashkil etilgan mahalla fuqarolar yigʻinida belgilangan tartibda fuqarolar yigʻini raisi (oqsoqoli) saylovini oʻtkazish yuklatilsin.

6. Tuman moliya boʻlimiga (Y. Joʻrayev) yangi tashkil etilgan mahalla fuqarolar yigʻini xodimlarini oylik ish haqi hisoblash yuklatilsin.

7. Tuman Ichki ishlar boʻlimiga (T. Xurmatov) yangidan tashkil etilgan “Tillokamar” mahalla fuqarolar yigʻiniga muhr va tamgʻa olishga koʻmaklashish hamda bir oy muddatda mahalla fuqarolarining pasportlaridagi doimiy yashash manzillariga tegishli oʻzgartirishlar kiritish vazifasi yuklatilsin.

8. Xalq banki tuman filialiga (S. Normurodov) “Tillokamar” mahalla fuqarolar yigʻininingbank hisob raqamini ochish tavsiya etilsin.

9. Tuman Statistika boʻlimi (A. Saidov) yangi tashkil etilgan mahalla fuqarolar yigʻinini roʻyxatga olsin.

10. Ushbu qarorning ijrosini nazorat qilish xalq deputatlari tuman Kengashining Mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi raisi E.Ch. Toshboyevzimmasiga yuklatilsin.

11. Ushbu qaror rasman eʼlon qilingan kundan kuchga kiradi.