O‘zbekiston Respublikasi va Afg‘oniston Islom Respublikasi, keyingi o‘rinlarda “Ahdlashuvchi Tomonlar” deb ataluvchilar,
milliy suverenitet, bir-birlarining ichki ishlariga aralashmaslik va o‘zaro manfaatlarni himoya qilish prinsiplari asosida ikki tomonlama munosabatlarni mustahkamlash va ushlab berish sohasida samarali hamkorlikni o‘rnatishga bo‘lgan o‘zaro manfaatlarni nazarda tutgan holda,
Ahdlashuvchi Tomonlardan birining so‘roviga ko‘ra boshqa Ahdlashuvchi Tomon uning hududida aniqlangan, so‘rayotgan Ahdlashuvchi Tomonning vakolatli organlari tomonidan sodir etgan jinoyati uchun javobgarlikka tortish yoki hukmni ijro etish uchun ta’qib etilayotgan har qanday shaxsni ushbu Bitim qoidalariga muvofiq ushlab berish majburiyatini oladi.
a) har ikkala Ahdlashuvchi Tomon qonunchilik hujjatlariga muvofiq jinoyat deb topiladigan va ozodlikdan mahrum qilish jazosining eng ko‘p muddati 1 (bir) yildan kam bo‘lmagan muddat ko‘zda tutilgan jinoyat uchun shaxs ushlab berilishi mumkin;
b) mazkur moddaning a) bandida qayd etilgan muddatdan ortiq bo‘lmagan jazo nazarda tutilgan jinoyat sodir etgan shaxsning ushlab berilishi so‘ralayotgan bo‘lsa va chiqarilgan hukm 6 (olti) oydan kam bo‘lmagan muddatga ozodlikdan mahrum qilish yoki boshqa yanada og‘irroq jazo qo‘llanilishi nazarda tutilsa.
b) agar shaxs siyosiy yoki harbiy jinoyat uchun ushlab berilishi so‘ralgan bo‘lsa, jinoyat tabiatini so‘ralayotgan Ahdlashuvchi Tomon belgilaydi;
v) jinoyat so‘ralayotgan Ahdlashuvchi Tomon hududida yoki protsessual harakatlar so‘ralayotgan Ahdlashuvchi Tomon yurisdiksiyasi doirasida o‘tkaziladigan ushbu Tomon hududidan tashqarida sodir etilgan bo‘lsa;
g) Ahdlashuvchi Tomonlardan birining qonun va qoidalariga muvofiq ushlab berish so‘ralishiga sabab bo‘layotgan jinoyat uchun jinoiy ta’qib qilinmasa;
d) ushlab berish so‘ralayotgan Ahdlashuvchi Tomon milliy qonunchilik hujjatlariga muvofiq bo‘lmasa yoki uning manfaatlari yoki xavfsizligiga zarar yetkazishi mumkin bo‘lsa.
2. Ushlab berish to‘g‘risidagi so‘rovnoma qisman yoki to‘liq rad etilgan bo‘lsa, so‘ralayotgan Tomon so‘rayotgan Tomonni rad qilish sabablari to‘g‘risida xabardor qiladi.
Agar shaxs ushlab berish so‘ralishiga sabab bo‘layotgan jinoyat uchun so‘rayotgan Ahdlashuvchi Tomon qonun hujjatlarida o‘lim jazosi belgilangan bo‘lsa, ushlab berish rad etilishi mumkin, basharti so‘rayotgan Ahdlashuvchi Tomon o‘lim jazosi tayinlanmasligi yoki ijro etilmasligi uchun so‘ralayotgan Ahdlashuvchi Tomon yetarli deb bilgan kafolatlar taqdim etmasa.
1. Mazkur Bitimda nazarda tutilgan ushlab berish to‘g‘risida so‘rovnoma yozma shaklda tuziladi hamda quyidagi ma’lumotlarni o‘z ichiga olishi va quyidagi dalillar bilan birga taqdim etilishi lozim:
b) sodir etilgan qilmishni jinoyat deb topish va tegishli jazo tayinlash uchun asos bo‘lgan so‘rayotgan Ahdlashuvchi Tomon har qanday qonun hujjatlarining qoidasi matni;
v) ushlab berilishi so‘ralayotgan shaxsning familiyasi, ismi va fuqaroligi, shuningdek otasining ismi, tug‘ilgan sanasi, turar joyi, alohida belgilari, fotosurati, barmoq izlari va har qanday boshqa zarur ma’lumot, basharti imkoni bo‘lsa;
g) shaxsni ushlab berish so‘ralishiga sabab bo‘layotgan jinoyatning batafsil bayoni, jinoyatni sodir etish joyi va vaqti to‘g‘risida ma’lumot, uning yuridik tafsiloti va imkon qadar tegishli qonun hujjatlari normalariga havolalar;
d) yakuniy ayblov xulosasi, qamoqqa olish to‘g‘risida qaror yoki sud hukmi chiqarilgan davrda o‘sha yuridik kuchga ega bo‘luvchi boshqa dalil. Agar ushlab berish so‘ralayotgan shaxsga nisbatan hibsga olish yoki boshqa ehtiyot choralari qo‘llanilgan holatda so‘ralayotgan Ahdlashuvchi Tomon qo‘shimcha ma’lumot yoki izoh yoxud milliy qonunchilik talablariga muvofiq bo‘lgan hujjatlarni so‘ralayotgan Ahdlashuvchi Tomon so‘rayotgan Ahdlashuvchi Tomondan so‘ralayotgan ma’lumot yoki izoh yoxud hujjatlarni 30 (o‘ttiz) kun ichida taqdim etilishini so‘rashi mumkin. So‘rayotgan Ahdlashuvchi Tomon so‘rovnomasiga asosan va uzrli sabablar mavjud bo‘lganda mazkur muddat yana 30 (o‘ttiz) kunga uzaytirilishi mumkin.
2. Agar so‘rayotgan Ahdlashuvchi Tomon qo‘shimcha ma’lumot yoki izohlarni o‘z vaqtida taqdim etmasa, so‘ralayotgan Ahdlashuvchi Tomon ushlab berish so‘ralayotgan shaxsni ushlab turishni tugatadi. Biroq, bu qo‘shimcha ma’lumot va izohlar olinganda mazkur shaxsning qayta ushlanishiga to‘sqinlik qilmaydi.
1. Yuqorida ko‘rsatilgan hujjatlar so‘rayotgan Ahdlashuvchi Tomon qonun hujjatlariga muvofiq tuzilishi va so‘ralayotgan Ahdlashuvchi Tomonning tiliga yoki ingliz tiliga tegishli tarjima bilan birga taqdim etilishi lozim.
2. So‘rayotgan Ahdlashuvchi Tomonning diplomatik vakolatxonasi yoki konsullik muassasasi yoki/va mazkur davlat yoki/va so‘ralayotgan Ahdlashuvchi Tomonning rasmiy tarjimoni ushbu hujjatlarning tarjimasini tasdiqlaydi.
Ushlab berish to‘g‘risida so‘rovnoma olingandan so‘ng, mazkur Bitimning 3-moddasida ko‘zda tutilgan hujjatlardan tashqari, so‘ralayotgan Ahdlashuvchi Tomon o‘z ichki qonunchiligiga muvofiq so‘ralayotgan shaxsni hibsga olish va ushlab turish uchun zarur choralarni ko‘radi.
1.Favqulodda holatlarda so‘rayotgan Ahdlashuvchi Tomonning vakolatli organlari o‘z ichki qonunchiligiga muvofiq so‘ralayotgan shaxsni vaqtincha ushlab turishni so‘rashi mumkin.
2. Ushlab turish to‘g‘risidagi so‘rovnomada so‘rayotgan Ahdlashuvchi Tomon hibsga olish to‘g‘risidagi hukm yoki sanksiyaga asoslanib mazkur shaxsni ushlab berish so‘ralishi va so‘ralayotgan Ahdlashuvchi Tomonga ushlab berishi to‘g‘risidagi hujjatlar tez orada taqdim etilishi ko‘rsatilishi lozim.
3. Ushlab turilgan shaxs ushlangan vaqtdan e’tiboran 45 (qirq besh) kun ichida ushlab berish to‘g‘risida so‘rovnoma kelib tushmasa, mazkur shaxs ozod qilinadi. Mazkur muddat tugagunga qadar so‘rayotgan Ahdlashuvchi Tomondan olingan tegishli so‘rovnoma asosida, ushbu muddat yana 15 (o‘n besh) kunga uzaytirilishi mumkin.
4. Shaxsning mazkur modda 3-bandiga muvofiq ozod qilinishi ushlab berish to‘g‘risida so‘rovnoma va zarur hujjatlar olinganda uning ushlab berish maqsadida qayta ushlanishi va hibsga olinishiga to‘sqinlik qilmaydi.
1. So‘ralayotgan Ahdlashuvchi Tomon ushlab berish so‘ralayotgandan boshqa jinoyat yuzasidan tergov olib borish yoki shaxsga nisbatan so‘ralayotgan Ahdlashuvchi Tomon hududida jazo ijro etilayotgan bo‘lsa ushlab berish kechiktirilishi mumkin.
2. Ushlab berishni kechiktirish o‘rniga so‘ralayotgan Ahdlashuvchi Tomon so‘ralayotgan shaxsni boshqa Ahdlashuvchi Tomonga har ikkala Ahdlashuvchi Tomon o‘rtasida o‘zaro kelishilgan muddat va shartlarda vaqtincha topshirishi mumkin.
3. Vaqtincha ushlab berilgan shaxs jinoyat ishi bo‘yicha zarur protsessual harakatlar amalga oshirilganidan so‘ng, biroq 3 (uch) oydan ko‘p bo‘lmagan muddat ichida so‘ralayotgan Ahdlashuvchi Tomonga qaytarilishi lozim.
1. Agar mazkur Bitimning 3-moddasi 1 bandining a) kichik bandiga muvofiq ushlab berish rad etilgan bo‘lsa, so‘ralayotgan Ahdlashuvchi Tomon so‘rayotgan Ahdlashuvchi Tomon so‘roviga asosan ayblanuvchiga nisbatan jinoiy ta’qibni amalga oshirishi va o‘zining vakolatli organlarida unga nisbatan jinoiy ish qo‘zg‘atishi mumkin. Bunday holatlarda so‘rayotgan Ahdlashuvchi Tomon so‘ralayotgan Ahdlashuvchi Tomonga jinoyatga doir materiallar va dalillarni taqdim etadi.
2. So‘ralayotgan Ahdlashuvchi Tomon so‘rayotgan Ahdlashuvchi Tomonni tergov jarayoni va yakuniy natijalari to‘g‘risida xabardor qiladi.
Agar bir vaqtning o‘zida birdan ortiq davlat aynan bir yoki har xil jinoyatlar uchun ushlab berishni so‘rayotgan bo‘lsa, so‘ralayotgan Ahdlashuvchi Tomon barcha holatlarni, xususan jinoyatning og‘irlik darajasi, jinoyatni sodir etish joyi, so‘rovnomalarning tegishli sanalari, ushlab berilishi so‘ralayotgan shaxsning fuqaroligi va kelgusida boshqa davlatga ushlab berish mumkinligini inobatga olgan holda, ish bo‘yicha qaror qabul qiladi.
1. Ushlab berilgan shaxs u ushlab berilguniga qadar sodir etgan va ushlab berish amalga oshirilishiga asos bo‘lganidan boshqa jinoyati uchun jinoiy ta’qib qilinishi yoki unga nisbatan hukm ijro etilishi mumkin emas, basharti quyidagi holatlarni mustasno qilganda so‘ralayotgan Ahdlashuvchi Tomon roziligi olinmagan bo‘lsa:
a) ushlab berilgan shaxs jinoiy ta’qib tugatilganidan so‘ng 15 (o‘n besh) kun ichida so‘rayotgan Ahdlashuvchi Tomon hududini tark etmagan va/yoki ushbu davlat hududini tark etganidan so‘ng ixtiyoriy ravishda qaytib kelgan bo‘lsa;
b) ta’qib qilish yoki hukmni ijro etish davomida sodir etilgan jinoyatning jinoiy tavsifi o‘zgargan bo‘lsa va ushbu yangi jinoyat, uning tarkibiga ko‘ra mazkur Bitimning 2-moddasida keltirilgan shartlarga muvofiq bo‘lsa.
2. Ushlab berilgan shaxs u ushlab berilguniga qadar sodir etgan jinoyati uchun uchinchi bir davlatga ushlab berilishi mumkin emas, basharti bunga so‘ralayotgan Ahdlashuvchi Tomonning roziligi olinmagan bo‘lsa.
3. Ahdlashuvchi Tomonlar ushlab berilgan shaxsga nisbatan yuritiladigan jinoyat ishi natijalari to‘g‘risida bir-birlarini xabardor qiladilar; qabul qilingan qaror nusxasi so‘rovnoma asosida yuboriladi.
1. So‘ralayotgan Ahdlashuvchi Tomon ushlab berish to‘g‘risidagi so‘rovnoma yuzasidan o‘z qarori haqida so‘rayotgan Ahdlashuvchi Tomonni xabardor qiladi.
2. Agar ushlab berish kelishilgan bo‘lsa, so‘ralayotgan Ahdlashuvchi Tomon shaxsni topshirish joyi va vaqti, shuningdek ushlab berish so‘ralayotgan shaxs topshirilguniga qadar ushlab turilgan muddat to‘g‘risida so‘rayotgan Ahdlashuvchi Tomonni xabardor qiladi.
3. Mazkur moddaning 4-bandi qoidalariga muvofiq agar ushlab berilishi so‘ralayotgan shaxs kelishilgan muddatlarda topshirilmagan bo‘lsa, so‘ralayotgan Ahdlashuvchi Tomon uni 15 (o‘n besh) kun ichida ozod qilishi shart, har qanday holatda ham shaxsni ushlab turish muddati topshirish kelishilgan muddatdan 30 (o‘ttiz) kundan oshmasligi lozim. Bunday holatlarda so‘ralayotgan Ahdlashuvchi Tomon o‘zining oldingi qarori bilan chegaralanmaydi va aynan shu jinoyat uchun ushlab berish to‘g‘risidagi so‘rovnomani qayta ko‘rib chiqishi mumkin.
4. Agar Ahdlashuvchi Tomonlardan biri o‘ziga bog‘liq bo‘lmagan shartlar va holatlarga ko‘ra ushlab berilishi so‘ralayotgan shaxsni topshirmayotgan yoki qabul qilmayotgan bo‘lsa, boshqa Ahdlashuvchi Tomonga bu haqida xabar berishi lozim. Bunday holatlarda Ahdlashuvchi Tomonlar topshirishning yangi sanasini kelishib oladilar. Mazkur moddaning 3-bandi qoidalari yangi sanaga nisbatan ham tatbiq etiladi.
Agar ushlab berilgan shaxs jinoiy ta’qib, protsessual harakatlar tugatilishidan yoki hukm ijro etilishidan oldin boshqa Ahdlashuvchi Tomonning hududiga qaytib kelsa, u so‘rayotgan Ahdlashuvchi Tomonning so‘rovnomasiga ko‘ra takroran ushlab beradi. Bunday holatlarda mazkur Bitimning 5-moddasida ko‘rsatilgan hujjatlarning taqdim etilishi talab etilmaydi.
1. Mazkur Bitimning 2-moddasiga muvofiq so‘ralayotgan Ahdlashuvchi Tomon jinoiy dalillar deb topilgan yoki jinoyat quroli yoxud jinoyat natijasida egallangan barcha ashyolar va buyumlarni so‘rayotgan Ahdlashuvchi Tomonga topshirishi lozim. Ko‘rsatilgan ashyolar, buyumlar va hujjatlar ushlab berish so‘ralgan shaxsning o‘limi yoki qochishi natijasida yoki boshqa sabablarga asosan ushlab berish amalga oshirilmaydigan holatda ham topshirilishi lozim.
2. Ahdlashuvchi Tomon mazkur moddaning 1-bandida qayd etilgan ashyo va buyumlarni topshirishni boshqa jinoyat ishi bo‘yicha tergovni olib borish uchun vaqtinchalik kechiktirishi yoki qaytarib berish sharti bilan topshirishi mumkin.
3. Yuqorida ko‘rsatilgan ashyo va buyumlarga nisbatan uchinchi shaxslarning huquqlariga rioya etilishi va bunday ashyo va buyumlar so‘ralayotgan Ahdlashuvchi Tomonga qaytarilishi lozim.
1. Ushlab berishni tartibga soluvchi qonun va qoidalarga muvofiq bir Ahdlashuvchi Tomon boshqa Ahdlashuvchi Tomonga ushlab berayotgan shaxslarni uchinchi davlatdan tranzit olib o‘tishga ruxsat berishi mumkin.
2. Tranzit olib o‘tishga ruxsat berish to‘g‘risidagi so‘rovnoma mazkur Bitimning 5-moddasida ko‘zda tutilgan hujjatlar bilan birga taqdim etiladi.
3. Har bir holatda Ahdlashuvchi Tomonlarning vakolatli organlari tranzit usuli, yo‘nalishi va boshqa shartlarini muvofiqlashtiradilar.
Ushlab berish bilan bog‘liq barcha xarajatlar ular hududida vujudga kelgan Ahdlashuvchi Tomon tarafidan qoplanadi. Hibsda saqlanayotgan yoki ozodlikdan mahrum qilish jazosini o‘tayotgan shaxslarni tranzit o‘tkazish bilan bog‘liq xarajatlar so‘rayotgan Ahdlashuvchi Tomon tarafidan qoplanadi.
Ushlab berish bilan bog‘liq Ahdlashuvchi Tomonlar o‘rtasida har qanday aloqa bir tarafdan O‘zbekiston Respublikasi Bosh prokuraturasi va ikkinchi tarafdan Afg‘oniston Islom Respublikasi Bosh prokuraturasi orqali bevosita yoki diplomatik kanallar yoxud Jinoyat qidiruv politsiyasining xalqaro tashkiloti (Interpol) orqali amalga oshiriladi.
Ushbu Bitimni amalga oshirish va talqin qilishda yuzaga keladigan barcha nizolar Ahdlashuvchi Tomonlar o‘rtasida bevosita muzokaralar yoki diplomatik kanallar orqali hal qilinadi.
Ahdlashuvchi Tomonlarning o‘zaro roziligiga ko‘ra ushbu Bitimga uning ajralmas qismi bo‘lgan alohida bayonnomalar bilan rasmiylashtiriladigan o‘zgartirish va qo‘shimchalar kiritilishi mumkin va ular ushbu Bitimning 21-moddasi 1-bandida belgilangan tartibda kuchga kiradi.
1. Mazkur Bitim ratifikatsiya qilinishi lozim va ratifikatsiya yorliqlari almashingan sanadan so‘ng 30 (o‘ttizinchi) kunda kuchga kiradi.
3. Ahdlashuvchi Tomonlardan biri boshqa Ahdlashuvchi Tomonni yozma shaklda xabardor qilish orqali mazkur Bitimning amal qilishini tugatishi mumkin. Boshqa Ahdlashuvchi Tomonning bunday xabarnomasi olinganidan 6 (olti) oy o‘tgach Bitim tugatiladi.
4. Mazkur Bitim uning kuchga kirishidan avval va kuchga kirganidan so‘ng sodir etilgan jinoyatlarga tatbiq etiladi.
Toshkent shahrida 2016-yil 17-oktabrda, ikki asl nusxada, har biri o‘zbek, dori va ingliz tillarida tuzildi, bunda barcha matnlar teng autentikdir.