O‘zbekiston Respublikasining 2019-yil 23-maydagi O‘RQ-542-son “O‘zbekiston Respublikasining ayrim qonun hujjatlariga jinoyat protsessi ishtirokchilarining huquqlari himoya qilinishini ta’minlash bilan bog‘liq o‘zgartish va qo‘shimchalar kiritish to‘g‘risida”gi Qonuniga va O‘zbekiston Respublikasi Prezidentining 2019-yil 21-maydagi PF-5723-son “Mehnatga haq to‘lash, pensiyalar va boshqa to‘lovlar miqdorlarini aniqlash tartibini takomillashtirish to‘g‘risida”gi Farmoniga muvofiq buyuraman:

1. O‘zbekiston aloqa va axborotlashtirish agentligi bosh direktorining 2011-yil 22-fevraldagi 1-yu-son buyrug‘i (ro‘yxat raqami 2219, 2011-yil 18-aprel) (O‘zbekiston Respublikasi qonun hujjatlari to‘plami, 2011-y., 16-son, 167-modda) bilan tasdiqlangan Pochta aloqasi xizmatlarini ko‘rsatish qoidalariga ilovaga muvofiq o‘zgartirishlar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

O‘zgartirishlarning 1, 2 va 4-bandlari 2019-yil 1-sentabrdan kuchga kiradi.

1. 97-banddagi “eng kam oylik ish haqining” degan so‘zlar “bazaviy hisoblash miqdorining” degan so‘zlar bilan almashtirilsin.

2. 100-bandning birinchi va ikkinchi xatboshisidagi “eng kam ish haqi miqdorining” degan so‘zlar “bazaviy hisoblash miqdorining” degan so‘zlar bilan almashtirilsin.

3. 101-banddagi “Davlat veterinariya qo‘mitasi” degan so‘zlar “Veterinariya va chorvachilikni rivojlantirish davlat qo‘mitasi” degan so‘zlar bilan almashtirilsin.

4. 107-bandning “a” va “b” kichik bandlaridagi hamda 125-bandning “a” va “b” kichik bandlaridagi “eng kam oylik ish haqining” degan so‘zlar “bazaviy hisoblash miqdorining” degan so‘zlar bilan almashtirilsin.

5. 3-ilovaning 3-bandi “v” kichik bandida:

ikkinchi xatboshidagi “Intellektual mulk agentligi” degan so‘zlar “Adliya vazirligi huzuridagi Intellektual mulk agentligi” degan so‘zlar bilan almashtirilsin;

oltinchi xatboshining o‘zbekcha matnidagi “idoralari” degan so‘z “organlari” degan so‘z bilan almashtirilsin;

yettinchi xatboshidagi “Davlat veterinariya qo‘mitasi” degan so‘zlar “Veterinariya va chorvachilikni rivojlantirish davlat qo‘mitasi” degan so‘zlar bilan almashtirilsin.