O‘zbekiston Respublikasi Prezidentining 2017-yil 14-martdagi PQ-2833-son “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari to‘g‘risida”gi, 2018-yil 5-sentabrdagi PQ-3931-son “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g‘risida”gi qarorlari hamda O‘zbekiston Respublikasi Vazirlar Mahkamasining 2018-yil 3-oktabrdagi 789-son “Fuqarolarning o‘zini o‘zi boshqarish organlari tomonidan beriladigan tasdiqlovchi hujjatlar turlarini tubdan qisqartirish bo‘yicha chora-tadbirlar to‘g‘risida”gi qaroriga muvofiq buyuraman:

1. O‘zbekiston Respublikasi xalq ta’limi vazirining 2015-yil 2-iyundagi 14-mh-son buyrug‘i (ro‘yxat raqami 2685, 2015-yil 17-iyun) (O‘zbekiston Respublikasi qonun hujjatlari to‘plami, 2015-y., 24-son, 320-modda) bilan tasdiqlangan Jismoniy yoki psixik rivojlanishida nuqsoni bo‘lgan o‘quvchilarni bir ixtisoslashtirilgan ta’lim muassasasidan boshqa ixtisoslashtirilgan ta’lim muassasasiga yoki inklyuziv (uyg‘unlashgan) sharoitda ta’lim olishi uchun umumta’lim muassasasiga o‘tkazish tartibi to‘g‘risidagi nizomga ilovaga muvofiq o‘zgartirishlar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

1. 15-banddan “va yashash joyidagi fuqarolarning o‘zini o‘zi boshqarish organi tomonidan berilgan ma’lumotnoma” degan so‘zlar chiqarib tashlansin.

2. 47 va 55-bandlardagi “tuman (shahar) hokimligi huzuridagi voyaga yetmaganlar ishlari bo‘yicha komissiyaning” degan so‘zlar “voyaga yetmaganlar ishlari bo‘yicha hududiy idoralararo komissiyaning” degan so‘zlar bilan almashtirilsin.

3. 51-band quyidagi tahrirda bayon etilsin:

“51. Maktab-internat direktori tomonidan xorijiy davlatdagi ta’lim muassasasiga o‘tkazilayotganligi sababli o‘quvchilar safidan chiqarilgan voyaga yetmaganlar to‘g‘risidagi ma’lumotlar bazasi shakllantiriladi hamda har o‘quv yili choraklari oxirida tegishli tuman (shahar) xalq ta’limi bo‘limiga, tuman (shahar) ichki ishlar bo‘limiga (boshqarmasiga) va voyaga yetmaganlar ishlari bo‘yicha hududiy idoralararo komissiyaga taqdim etiladi.”.

4. 54-banddagi “tuman (shahar) hokimligi huzuridagi voyaga yetmaganlar ishlari bo‘yicha komissiyani” degan so‘zlar “voyaga yetmaganlar ishlari bo‘yicha hududiy idoralararo komissiyani” degan so‘zlar bilan almashtirilsin.