Oʻzbekiston Respublikasi Prezidentining “Jamoat xavfsizligini taʼminlash samaradorligini oshirish boʻyicha qoʻshimcha chora-tadbirlar toʻgʻrisida” 2018-yil 24-dekabrdagi PQ-4075-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimchalar kiritilsin.

2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.

1. Vazirlar Mahkamasining 1997-yil 3-iyuldagi 339-son qarori bilan tasdiqlangan Davlat xizmatchilarining lavozimlari roʻyxatida:

a) “Qishloqlar, shaharchalar, ovullar, fuqarolar yigʻinlari” boʻlimidagi “Mahalla posboni” rahbari” soʻzlari chiqarib tashlansin;

b) “Mahallalar fuqarolar yigʻinlari” boʻlimidagi “Mahalla posboni” rahbari” soʻzlari chiqarib tashlansin;

v) “Davlat xizmatchilariga mansub boʻlgan boshqa xizmatchilar roʻyxati” boʻlimiga quyidagi mazmundagi 9-band qoʻshilsin:

“9. Profilaktika (katta) inspektorining jamoat tartibini saqlash boʻyicha yordamchisi”.

2. Vazirlar Mahkamasining Oʻzbekiston Respublikasi Hukumatining ayrim qarorlariga oʻzgartirish va qoʻshimcha kiritish toʻgʻrisida (Oʻzbekiston Respublikasi Prezidentining “Fuqarolarning oʻzini oʻzi boshqarish organlari xodimlari mehnatini ragʻbatlantirishga oid qoʻshimcha chora-tadbirlari toʻgʻrisida” 2012-yil 9-iyuldagi PF–4451-son Farmoni) 2012-yil 23-avgustdagi 251-son qaroriga (Oʻzbekiston Respublikasi QHT, 2012-y., 33-34-son, 397-modda) ilovaning 2-bandi chiqarib tashlansin.

3. Vazirlar Mahkamasining 2013-yil 30-sentabrdagi 267-son qarori (Oʻzbekiston Respublikasi QT, 2013-y., 9-son, 68-modda) bilan tasdiqlangan Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi toʻgʻrisidagi nizomda:

a) 6-bandning oltinchi xatboshidagi “hamda “Mahalla posboni” jamoatchilik tuzilmasi rahbari” soʻzlari chiqarib tashlansin;

b) 7-bandning uchinchi xatboshidagi “Mahalla posboni” jamoatchilik tuzilmalarining rahbarlari” soʻzlari chiqarib tashlansin.

4. Vazirlar Mahkamasining “Fuqarolarning oʻzini oʻzi boshqarish organlari faoliyatini yanada takomillashtirish chora-tadbirlari toʻgʻrisida” 2013-yil 7-oktabrdagi 274-son qarorida (Oʻzbekiston Respublikasi QT, 2013-y., 10-son, 71-modda):

a) 1-ilovada:

11-bandning yettinchi xatboshidagi “Mahalla posboni” jamoatchilik tuzilmasi rahbari,” soʻzlari chiqarib tashlansin;

22-banddagi “mutaxassis, “Mahalla posboni” jamoatchilik tuzilmasining rahbaridan” soʻzlari “mutaxassisdan” soʻzlari bilan almashtirilsin;

23-bandning yigirma birinchi xatboshidagi “tuzilmasining rahbarini tayinlaydi va tuzilmaga” soʻzlari “tuzilmasiga” soʻzi bilan almashtirilsin;

36-bandning uchinchi xatboshidagi “Mahalla posboni” jamoatchilik tuzilmasining rahbari” soʻzlari chiqarib tashlansin;

40-bandning oʻn uchinchi xatboshi chiqarib tashlansin;

VII-bobning nomidagi “Mahalla posboni” jamoatchilik tuzilmasi rahbarining” soʻzlari chiqarib tashlansin;

43 va 45-bandlar oʻz kuchini yoʻqotgan deb hisoblansin;

48-banddagi “hamda “Mahalla posboni” jamoatchilik tuzilmasi rahbari” soʻzlari chiqarib tashlansin;

b) 3-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

v) 4-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

g) 5-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

d) 6-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

e) 7-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

j) 8-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

z) 9-ilovaning 6-bandidagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

i) 10-ilovada:

5-bandning oʻn uchinchi xatboshidagi “Mahalla posboni” jamoatchilik tuzilmasi rahbari” soʻzlari chiqarib tashlansin;

6-banddagi “Mahalla posboni” jamoatchilik tuzilmasi” soʻzlari “profilaktika (katta) inspektorining jamoat tartibini saqlash boʻyicha yordamchilari” soʻzlari bilan almashtirilsin;

k) 13-ilovada:

33-bandning birinchi xatboshidagi “Mahalla posboni” jamoatchilik tuzilmasining rahbari” soʻzlari chiqarib tashlansin;

59-bandning birinchi xatboshidagi “rahbari” soʻzi “aʼzolari” soʻzi bilan almashtirilsin.

5. Vazirlar Mahkamasining 2013-yil 14-dekabrdagi 328-son qarori bilan tasdiqlangan Fuqarolarning oʻzini oʻzi boshqarish organlari xodimlarining malakasini oshirishning tashkiliy tuzilmasi va tizimi toʻgʻrisida nizomda (Oʻzbekiston Respublikasi QT, 2013-y., 12-son, 93-modda):

a) 5-banddagi “rahbarlari” soʻzi “aʼzolari” soʻzi bilan almashtirilsin;

b) 28-bandning “g” kichik bandidagi “rahbarlari” soʻzi “aʼzolari” soʻzi bilan almashtirilsin.

6. Vazirlar Mahkamasining “Qoraqalpogʻiston Respublikasi, viloyatlar va Toshkent shahri hamda tumanlar va shaharlar fuqarolarning oʻzini oʻzi boshqarish organlari faoliyatini muvofiqlashtirish boʻyicha hududiy kengashlarining namunaviy nizomlarini va tarkiblarini tasdiqlash toʻgʻrisida” 2013-yil 14-dekabrdagi 329-son qarorida (Oʻzbekiston Respublikasi QHT, 2013-y., 51-son, 664-modda):

a) 3-ilovada:

6-bandning yettinchi xatboshidagi “hamda “Mahalla posboni” jamoatchilik tuzilmasi rahbari” soʻzlari chiqarib tashlansin;

7-bandning uchinchi xatboshidagi “rahbari” soʻzi “aʼzolari” soʻzi bilan almashtirilsin;

b) 4-ilovada:

6-bandning yettinchi xatboshidagi “hamda “Mahalla posboni” jamoatchilik tuzilmasi rahbari” soʻzlari chiqarib tashlansin;

7-bandning uchinchi xatboshidagi “rahbarlari” soʻzi “aʼzolari” soʻzi bilan almashtirilsin.

7. Vazirlar Mahkamasining “Toshkent shahrida yoshlar taʼlim-tarbiyasi va xotin-qizlar oʻrtasida ijtimoiy-maʼnaviy muhitni yanada yaxshilash, mahalla fuqarolar yigʻinlari faoliyatini qoʻllab-quvvatlash boʻyicha qoʻshimcha chora-tadbirlar toʻgʻrisida” 2016-yil 5-fevraldagi 30-son qarorining (Oʻzbekiston Respublikasi QT, 2016-y., 6-son, 53-modda) 2-bandidagi “Mahalla posboni” jamoatchilik tuzilmasi rahbarlarini” soʻzlari “profilaktika (katta) inspektorining jamoat tartibini saqlash boʻyicha yordamchilarini” soʻzlari bilan almashtirilsin.

8. Vazirlar Mahkamasining 2017-yil 17-iyuldagi 500-son qarori (Oʻzbekiston Respublikasi QHT, 2017-y., 29-son, 694-modda) bilan tasdiqlangan Posyolkalar, qishloqlar va ovullarning, shuningdek shaharlar, posyolkalar, qishloqlar va ovullarning mahallalari fuqarolar yigʻinlari xodimlari mehnatiga haq toʻlashning Yagona tarif setkasi boʻyicha razryadlaridagi “Mahalla posboni” jamoat tuzilmasi rahbari” pozitsiyasi “profilaktika (katta) inspektorlarining jamoat tartibini saqlash boʻyicha yordamchilari” pozitsiyasi bilan almashtirilsin.

9. Vazirlar Mahkamasining 2017-yil 23-noyabrdagi 940-son qarori bilan tasdiqlangan Hududlarni ijtimoiy-iqtisodiy rivojlantirishning dolzarb masalalarini hal etishda fuqarolarning oʻzini oʻzi boshqarish organlari roli va faoliyati samaradorligini yanada oshirishga doir kompleks chora-tadbirlar dasturining 9-bandidagi “Mahalla posboni” jamoat tuzilmasi rahbari” soʻzlari chiqarib tashlansin.

10. Vazirlar Mahkamasining 2017-yil 27-noyabrdagi 944-son qarori (Oʻzbekiston Respublikasi QT, 2017-y., 11-son, 274-modda) bilan tasdiqlangan Fuqarolarning oʻzini oʻzi boshqarish organlarida mehnat munosabatlarini tartibga solish toʻgʻrisidagi nizomning 2-bandidagi “Mahalla posboni” jamoat tuzilmasi rahbari,” soʻzlari chiqarib tashlansin.

11. Vazirlar Mahkamasining 2017-yil 1-dekabrdagi 958-son qarori bilan tasdiqlangan Oʻzbekiston Respublikasi Ichki ishlar vazirligi Akademiyasining sirtqi taʼlim shakliga nomzodlarni tanlash va oʻqishga qabul qilish tartibi toʻgʻrisidagi nizom 37-bandining ikkinchi xatboshidagi “kursantlar” soʻzi “tinglovchilar” soʻzi bilan almashtirilsin.

12. Vazirlar Mahkamasining 2018-yil 5-yanvardagi 7-son qarori bilan tasdiqlangan Fuqarolarning oʻzini oʻzi boshqarish organlarida jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomning 65-bandidagi “Mahalla posboni” jamoatchilik tuzilmasining rahbarlariga” soʻzlari chiqarib tashlansin.

13. Vazirlar Mahkamasining 2018-yil 19-iyuldagi 554-son qarori bilan tasdiqlangan Fuqarolar yigʻini huzuridagi “Ota-onalar universiteti” jamoatchilik tuzilmasi toʻgʻrisidagi namunaviy nizomning 3-bandi quyidagi tahrirda bayon etilsin:

“3. Universitet oʻz faoliyatini amalga oshirishda davlat organlari, shu jumladan fuqarolar yigʻini hududidagi taʼlim va tibbiyot muassasalari, nodavlat notijorat tashkilotlar, fuqarolar yigʻini raisining oʻrinbosarlari, ichki ishlar organlari profilaktika (katta) inspektorlari va ularning yordamchilari hamda fuqarolar yigʻini faoliyatining asosiy yoʻnalishlari boʻyicha tegishli komissiyalar bilan hamkorlik qiladi”.