O‘zbekiston Respublikasi Oliy Kengashi Rayosati qaror qiladi:

1. O‘zbekiston Respublikasi Oliy Kengashining 1992-yil 14-yanvardagi qarori bilan tasdiqlangan (O‘zbekiston Respublikasi Oliy Kengashining Axborotnomasi, 1992-yil, № 4, 182-modda) Mulkchilikning barcha shaklidagi korxonalar (tashkilotlar), shu jumladan chet el korxonalari va qo‘shma korxonalar faqat maxsus ruxsatnoma (litsenziya) asosidagina shug‘ullanishga haqli bo‘lgan faoliyat turlarining Ro‘yxatiga o‘zgartishlar va qo‘shimchalar kiritish to‘g‘risidagi O‘zbekiston Respublikasi Vazirlar Mahkamasining taklifi yangi tahrirdagi ilovaga muvofiq qabul qilinsin.

2. Ushbu qaror O‘zbekiston Respublikasi Oliy Kengashining tasdig‘iga kiritilsin.

Qurol-aslahalar va ularning o‘q-dorilari, himoya vositalari, harbiy texnika, agar boshqa tarmoqlarda ishlatilmasa, ularning ehtiyot qismlari, butlovchi qismlari va asboblar, shuningdek ularni ishlab chiqarish uchun maxsus materiallar va maxsus uskunalar yaratish, ishlab chiqarish, ularni ta’mirlash va sotish.

Portlovchi va zaharli moddalar hamda bunday moddalarni qo‘llagan holda boshqa buyumlar yaratish, ishlab chiqarish, ularni tashish va sotish.

Zaharlovchi jangovar moddalar hamda ulardan himoyalanish vositalarini ishlab chiqarish va sotish.

Raketa-kosmik komplekslar, aloqa tizimlari va ularni boshqarish vositalarini yaratish, ishlab chiqarish, ta’mirlash va sotish.

Uran va boshqa parchalanuvchi materiallarni qazib chiqarish, shuningdek ularni va ulardan yasalgan mahsulotlarni ishlab chiqarish, tashish, qayta ishlash, ko‘mib tashlash va sotish.

Yagona energetika tizimiga ulanadigan statsionar elektr stansiyalarida elektr energiyasi hosil qilish.

Bo‘shatib olinayotgan harbiy-texnikaviy vositalarni tugatish (yo‘q qilib tashlash, ulardan xomashyo sifatida boshqa ishlarda foydalanish, ularni ko‘mib tashlash) va qayta ishlash.

Harbiy mahsulotni namoyish va targ‘ib qilish.

Ov va sportga mo‘ljallangan o‘qotar qurolni va uning o‘qdorilarini, shuningdek tig‘li qurollar (pichoqlarning milliy turlaridan tashqari) ishlab chiqarish, ularni ta’mirlash va sotish.

Neft, neft mahsulotlari va gaz qazib chiqarish, ularni qayta ishlash va sotish.

Qimmatbaho va nodir metallar, qimmatbaho toshlar qazib olish.

Tarkibida qimmatbaho metallar va qimmatbaho toshlar bo‘lgan ikkilamchi resurslar va chiqitlarni tayyorlash hamda qayta ishlash.

Radioaktiv moddalar va izotoplardan foydalangan holda asboblar va uskunalar yaratish, ishlab chiqarish hamda ularni sotish.

Atom energetikasi obyektlari, magistral truboprovodlar, ko‘priklar, tonellar, shuningdek mudofaa obyektlarini (qurilmalari, uskunalari, tizimlari va asboblarini) loyihalash, bunday obyektlarda qurilish-montaj ishlarini bajarish, ularni ishlatish va ta’mirlash.

Tavakkalchilik darajasi yuqori bo‘lgan obyektlarni hamda xavf-xatar tug‘diradigan ishlab chiqarishlarni qurish va ishlatish, ular uchun uskunalar, nazorat va avariyaga qarshi himoya tizimlarini tayyorlash.

Xazina va bank biletlari, tangalar, qimmatli qog‘ozlar (aksiyalar, obligatsiyalar va h. k.), ordenlar va medallar, pochta to‘lovi belgilari ishlab chiqarish.

Tibbiy yordam ko‘rsatish.

Tarkibida giyovand moddalar bo‘lgan ekinlarni ekish, yetishtirish va sotish.

Giyovand moddalar ishlab chiqarish va sotish.

Farmakologiya preparatlari ishlab chiqarish va sotish.

Qimorxonalar tashkil etish, lotereyalar va shunga o‘xshash tadbirlar o‘tkazish.

Yong‘inga qarshi avtomatika vositalarini, qo‘riqlash signalizatsiyalarini, yong‘indan darak beruvchi va yong‘indan saqlovchi signalizatsiyalarni loyihalash, ta’mirlash, montaj qilish, sozlash, ularga texnika xizmati ko‘rsatish.

Temir yo‘l, havo, dengiz va avtomobil transportida yuklar va yo‘lovchilar tashish.

Badiiy va xronikal-hujjatli, ilmiy-ommabop, tasviriy, multiplikatsion kino va video filmlar hamda dasturlar yaratish.

Kino va video dasturlarni ko‘paytirish, tarjima qilish, sotish.

Kino va video mahsulotlarni ijaraga berish.

Kino va videoga olish hamda shu faoliyatning boshqa turlarini tashkil etish yuzasidan xizmatlar ko‘rsatish, shu jumladan vositachilik xizmatlari ko‘rsatish.

Magistral va xalqaro aloqa liniyalarini loyihalash, qurish va ulardan foydalanish.

Shifrlovchi texnikani ishlab chiqarish, ta’mirlash, sotish va undan foydalanish.

Metrologiya uskunalarini ishlab chiqarish va sotish.

Topografiya-geodeziya va kartografiya ishlarini amalga oshirish.

Qimmatli qog‘ozlar bozorida investitsion institut sifatida faoliyat ko‘rsatish.

Qurilish loyihalarining ekspertizasini o‘tkazish.

Balandliklarda sanoat alpinizmi uslublarida ta’mirlash, qurilish-montaj ishlarini bajarish.

Mahsulotlar va xizmatlarni sertifikatlashtirish.

Auditorlik faoliyati.

Ishlab chiqarish, uy-joy va fuqarolik hamda qishloq xo‘jalik ahamiyatidagi binolar qurilishini loyihalash hamda shu qurilishlar uchun muhandislik-texnik izlanishlar yuritish.

Davlatga qarashli bo‘lmagan ta’lim muassasalarining va diniy ta’lim muassasalarining faoliyati.

Qimmatbaho metallar va toshlardan zargarlik buyumlari tayyorlash.

Parfyumeriya va kosmetika buyumlari, ro‘zg‘orda ishlatiladigan kimyoviy mollar tayyorlash.

Turizm sohasidagi faoliyat.

O‘zbekiston Respublikasida va undan tashqarida gastrol-konsert faoliyatini amalga oshirish.

To‘y, yubiley va boshqa tantanalarda badiiy (konsert) xizmat ko‘rsatish.

Gramplastinkalar, audiokassetalar va lazerli disklarni ishlab chiqish, yozib olish, ko‘paytirish va sotish.

Noshirlik faoliyati.

Badiiy va musiqali audioyozuvlar ishlab chiqarish.

Audiokassetalar prokati.

Audioyozuvlarni va audiofaoliyatning boshqa turlarini tashkil etish bo‘yicha xizmatlar, shu jumladan bu borada vositachilik xizmatlari ko‘rsatish.

Ichimlik spirt, aroq hamda boshqa alkogolli mahsulotlar ishlab chiqarish.