Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi PF-5495-son, 2018-yil 30-oktabrdagi “Tovar bozorlarida savdoni yanada erkinlashtirish va raqobatni rivojlantirish chora-tadbirlari toʻgʻrisida”gi PF-5564-son farmonlari va 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qaroriga muvofiq, shuningdek, charm va qorakoʻl mahsulotlarini eksport qilishda ruxsat berish tartib-taomillarining qisqartirilayotganligi munosabati bilan:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining 1995-yil 12-maydagi “Halq xoʻjaligida hisob-kitoblar oʻz vaqtida oʻtkazilishi uchun korxona va tashkilotlar rahbarlarining masʼuliyatini oshirish borasidagi chora-tadbirlar toʻgʻrisida”gi PF-1154-son Farmoni 4-bandi oʻz kuchini yoʻqotgan deb topilsin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

1. Oʻzbekiston Respublikasi Prezidentining 1994-yil 20-apreldagi PF-837-son Farmoni bilan tasdiqlangan Eksport-import operatsiyalari boʻyicha valyuta nazorati toʻgʻrisidagi nizomning 10-bandida:

birinchi ― uchinchi xatboshilar chiqarib tashlansin;

toʻrtinchi ― toʻqqizinchi xatboshilar tegishincha birinchi — oltinchi xatboshilar deb hisoblansin.

2. Oʻzbekiston Respublikasi Prezidentining 1996-yil 9-avgustdagi “Budjet bilan hisob-kitoblar uchun xoʻjalik yurituvchi subyektlarning masʼuliyatini oshirish chora-tadbirlari toʻgʻrisida”gi PF-1504-son Farmoni 3-bandi beshinchi xatboshisi quyidagi tahrirda bayon etilsin:

“naqd pul tushumiga ega boʻlgan barcha xoʻjalik yurituvchi subyektlar naqd pul tushumini banklarga topshiradilar. Bunda, eng kam ish haqining 20 baravaridan ortiq miqdorda kunlik oʻrtacha naqd pul tushumiga ega boʻlgan xoʻjalik yurituvchi subyektlar naqd pul tushumini bank kassalariga har kuni inkassatsiya xizmati orqali yoki mustaqil ravishda topshiradilar. Koʻrsatilgan hajmdan kam boʻlgan kunlik oʻrtacha naqd pul tushumiga ega boʻlgan xoʻjalik yurituvchi subyektlar naqd pul tushumini bank kassalariga inkassatsiya xizmatlari orqali oʻzlari belgilaydigan davrlarda yoki mustaqil ravishda topshirish huquqiga ega”.

3. Oʻzbekiston Respublikasi Prezidentining 1996-yil 30-noyabrdagi “Xorijiy sarmoyalar ishtirokidagi korxonalarga beriladigan qoʻshimcha ragʻbatlantirish omillari va imtiyozlar toʻgʻrisida”gi PF-1652-son Farmoni 1-bandida:

ikkinchi xatboshidagi “600” raqami “400” raqami bilan almashtirilsin;

uchinchi xatboshi chiqarib tashlansin;

toʻrtinchi va beshinchi xatboshilar tegishincha uchinchi va toʻrtinchi xatboshilar deb hisoblansin;

uchinchi xatboshidagi “30” raqami “15” raqami bilan almashtirilsin.

4. Oʻzbekiston Respublikasi Prezidentining 2002-yil 11-iyundagi “Qoraqalpogʻiston Respublikasi va Xorazm viloyatida kichik korxonalarni rivojlantirishni ragʻbatlantirish borasidagi qoʻshimcha chora-tadbirlar toʻgʻrisida”gi PF-3090-son Farmoni 1-bandida:

birinchi xatboshi quyidagi tahrirda bayon etilsin:

“1. Belgilansinki, ustav jamgʻarmasining miqdori kamida 200 mln soʻm boʻlgan hamda belgilangan boshqa shartlarga javob beradigan korxonalar Qoraqalpogʻiston Respublikasi va Xorazm viloyati hududida yangi barpo etiladigan xorijiy investitsiyalar ishtirokidagi korxonalar deb hisoblanadi”;

ikkinchi xatboshidagi “75 ming AQSH dollaridan” soʻzlari “200 mln soʻmdan” soʻzlari bilan almashtirilsin.

5. Oʻzbekiston Respublikasi Prezidentining 2003-yil 30-iyundagi “Savdo va umumiy ovqatlanish sohasida soliqqa tortish tizimini tartibga solish chora-tadbirlari toʻgʻrisida”gi PF-3270-son Farmoni 4-bandi “inkassatsiya qilish” soʻzlaridan keyin “(banklarga topshirish)” soʻzlari bilan toʻldirilsin.

6. Oʻzbekiston Respublikasi Prezidentining 2011-yil 24-avgustdagi “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qoʻshimcha chora-tadbirlar toʻgʻrisida”gi PF-4354-son Farmoni 6-bandi beshinchi xatboshisidan “eng kam ish haqining yigirma barobari miqdorigacha boʻlgan” soʻzlari chiqarib tashlansin.

7. Oʻzbekiston Respublikasi Prezidentining 2017-yil 10-avgustdagi “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida”gi PF-5147-son Farmoni 4-bandidagi “41” raqami “33” raqami bilan almashtirilsin.

8. Oʻzbekiston Respublikasi Prezidentining 2005-yil 15-apreldagi “Naqd pul muomalasini takomillashtirish va bankdan tashqari aylanmani qisqartirish borasidagi qoʻshimcha chora-tadbirlar toʻgʻrisida”gi PQ-57-son qarorida:

a) 1-bandning ikkinchi xatboshisi “inkassatsiya qilinishi” soʻzlaridan keyin “(banklarga topshirilishi)” soʻzlari bilan toʻldirilsin;

b) 5-bandda:

uchinchi xatboshi quyidagi tahrirda bayon etilsin:

“inkassatsiya qilishda qabul qilingan sxemaning soʻzsiz bajarilishi, respublika hududlarida inkassatsiya qilish qoidalariga rioya etilishi ustidan nazorat oʻrnatsin”;

toʻrtinchi xatboshi “inkassatsiya qilingan” soʻzlaridan keyin “(banklarga topshirilgan)” soʻzlari bilan toʻldirilsin.

9. Oʻzbekiston Respublikasi Prezidentining 2005-yil 5-avgustdagi “Banklardagi depozit hisobvaraqlardan naqd pul toʻlovlarini uzluksiz taʼminlash kafolatlari toʻgʻrisida”gi PQ-147-son qarorida:

6-band quyidagi tahrirda bayon etilsin:

“6. Oʻzbekiston Respublikasi Markaziy banki:

tijorat banklarini ularning filiallari buyurtmalari asosida Oʻzbekiston Respublikasi Markaziy bankidagi vakillik hisobvaraqlaridagi mablagʻlari doirasida, shu jumladan hisob-kitob-kassa markazlaridagi zaxira jamgʻarmalari va aylanma kassa mablagʻlari hisobidan naqd pul mablagʻlari bilan cheklanmagan miqdorda taʼminlasin;

naqd pulga boʻlgan talabni uzluksiz taʼminlashni nazarda tutgan holda respublika hududlari oʻrtasida naqd pullarni qayta taqsimlash ishlarini amalga oshirsin”;

7-band oʻz kuchini yoʻqotgan deb topilsin.

10. Oʻzbekiston Respublikasi Prezidentining 2008-yil 27-martdagi “Naqd pul mablagʻlarini jalb qilish va unga boʻlgan ehtiyojni taʼminlash borasidagi qoʻshimcha chora-tadbirlar toʻgʻrisida”gi PQ-822-son qarorida:

a) 1-band quyidagi tahrirda bayon etilsin:

“1. Oʻzbekiston Respublikasi Markaziy banki:

mijozlarning naqd pulga boʻlgan talablarini taʼminlash uchun tijorat banklari kassalarida naqd pullar yetarliligi boʻyicha doimiy monitoring oʻrnatsin;

Oʻzbekiston Respublikasi Markaziy bankining hududiy bosh boshqarmalari orqali tumanlar (shaharlar) oʻrtasida naqd pullarni qayta taqsimlash ishlarini amalga oshirsin;

tijorat banklarini ularning filiallari buyurtmalari asosida Oʻzbekiston Respublikasi Markaziy bankidagi vakillik hisobvaraqlaridagi mablagʻlari doirasida, shu jumladan hisob-kitob-kassa markazlaridagi zaxira jamgʻarmalari va aylanma kassa mablagʻlari hisobidan naqd pul mablagʻlari bilan cheklanmagan miqdorda taʼminlasin”;

b) 3-bandda:

birinchi xatboshidan “bir oy muddatda” soʻzlari chiqarib tashlansin;

uchinchi va toʻrtinchi xatboshilar quyidagi tahrirda bayon etilsin:

“inkassatsiya xizmati faoliyatini takomillashtirish;

aholidan kommunal va boshqa xizmatlar uchun toʻlovlarni qabul qiluvchi oʻz oʻziga xizmat koʻrsatuvchi bank uskunalari (infokioskalar, bankomatlar) tarmogʻini kengaytirish, bank xizmatlariga boʻlgan talab va oʻzini qoplashini hisobga olgan holda maxsus kassalarni tashkil etish”.

11. Oʻzbekiston Respublikasi Prezidentining 2009-yil 26-yanvardagi “Oziq-ovqat mahsulotlari ishlab chiqarishni kengaytirish va ichki bozorni toʻldirish yuzasidan qoʻshimcha chora-tadbirlar toʻgʻrisida”gi PQ-1047-son qarori 5-bandi uchinchi xatboshisidagi “har kuni inkassatsiya qilinishi shart” soʻzlari “inkassatsiya qilinadi (banklarga topshiriladi)” soʻzlari bilan almashtirilsin.

12. Oʻzbekiston Respublikasi Prezidentining 2013-yil 29-yanvardagi “Mamlakatimizda ishlab chiqarilgan mahsulotlarning raqobatdoshliligini yanada oshirish va tovarlarni respublikaga noqonuniy olib kirishga qarshi kurashni kuchaytirish toʻgʻrisida”gi PQ-1913-son qarori 3-bandidan uchinchi xatboshi chiqarib tashlansin.

13. Oʻzbekiston Respublikasi Prezidentining 2013-yil 24-dekabrdagi PQ-2095-son qarori bilan tasdiqlangan Oʻzbekiston Respublikasining konsullik yigʻimlari tarifining rus tilidagi matni 4-moddasida:

quyidagi mazmundagi oʻn oltinchi xatboshi bilan toʻldirilsin:

“― do trex let 350 dollarov SSHA”;

oʻn oltinchi ― oʻn toʻqqizinchi xatboshilar tegishincha oʻn yettinchi — yigirmanchi xatboshilar deb hisoblansin.

14. Oʻzbekiston Respublikasi Prezidentining 2017-yil 15-fevraldagi “Pul muomalasini yanada takomillashtirish va bank plastik kartochkalaridan foydalangan holda hisob-kitoblarni rivojlantirish chora-tadbirlari toʻgʻrisida”gi PQ-2777-son qarori 2-bandi uchinchi xatboshisidagi “oʻz vaqtida va toʻla hajmda inkassatsiya qilish” soʻzlari “inkassatsiya qilish (banklarga topshirish)” soʻzlari bilan almashtirilsin.

15. Oʻzbekiston Respublikasi Prezidentining 2018-yil 3-maydagi “Charm-poyabzal va moʻynachilik sohalarini rivojlantirish va eksport salohiyatini oshirishni yanada ragʻbatlantirish chora-tadbirlari toʻgʻrisida”gi PQ-3693-son qarorida:

5-band quyidagi tahrirda bayon etilsin:

“5. Belgilab qoʻyilsinki:

Oʻzbekiston Respublikasining bojxona chegarasi orqali charm xomashyosi (nostandartlari ham kiradi), momiq moʻyna xomashyosi, shu jumladan qorakoʻl (nostandartlari ham kiradi) xomashyosini (TIF TN boʻyicha 4101 — 4107, 4112 00 000 0 — 4114, 4301 — 4302 kodlari) olib chiqish Oʻzbekiston Respublikasi Prezidenti yoki Oʻzbekiston Respublikasi Hukumati qarorlari asosida amalga oshiriladi;

Oʻzbekiston Respublikasining bojxona chegarasi orqali yarim tayyor charmni (TIF TN boʻyicha 4104, 4105, 4106 21 000 0 kodlari) olib chiqishda eksport qilinadigan mahsulot qiymatining 5 foizi miqdorida yigʻim undiriladi.

Uyushma Oʻzbekiston Respublikasi Investitsiyalar va tashqi savdo vazirligi bilan birgalikda Oʻzbekiston Respublikasining bojxona chegarasi orqali charm va momiq moʻyna xomashyosini olib chiqishni monitoring qilish tartibi toʻgʻrisidagi nizom loyihasini Vazirlar Mahkamasiga kiritsin”;

6-band ikkinchi xatboshisi quyidagi tahrirda bayon etilsin:

“Oʻzbekiston Respublikasining bojxona chegarasi orqali yarim tayyor charmni (TIF TN boʻyicha 4104, 4105, 4106 21 000 0 kodlari) olib chiqishda undiriladigan yigʻimdan tushadigan barcha mablagʻlar”.