Otajonov N.S. | — | O‘zbekiston Respublikasi Bosh vaziri o‘rinbosari, ishchi guruh raisi |
Rustambekov N.M. | — | O‘zbekiston Respublikasi Prezidenti maslahatchisining o‘rinbosari |
Nikonov I.G. | — | O‘zbekiston Respublikasi Prezidenti Administratsiyasining mas’ul xodimi |
Radjabov B.B. | — | O‘zbekiston Respublikasi Prezidenti Administratsiyasining mas’ul xodimi |
Abdullayev A.X. | — | O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi raisi |
Jo‘rayev N.S. | — | O‘zbekiston Respublikasi adliya vazirining birinchi o‘rinbosari |
Sharipov N.Sh. | — | O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi raisining birinchi o‘rinbosari |
Mirzayev M.M. | — | O‘zbekiston Respublikasi iqtisodiyot vazirining birinchi o‘rinbosari |
Karimov A.R. | — | O‘zbekiston Respublikasi moliya vaziri o‘rinbosari |
Xodjayev S.S. | — | O‘zbekiston Respublikasi qishloq xo‘jaligi vaziri o‘rinbosari |
Xalilov U.Y. | — | O‘zbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi ta’minlanishi ustidan nazorat qilish inspeksiyasi boshlig‘i |
Bekenov S.X. | — | O‘zbekiston Respublikasi Investitsiyalar bo‘yicha davlat qo‘mitasi raisining birinchi o‘rinbosari |
Fayziboyev O.E. | — | O‘zbekiston Respublikasi Davlat soliq qo‘mitasi raisining o‘rinbosari |
Saliyev M.O. | — | O‘zbekiston Respublikasi Bojxona qo‘mitasi raisining o‘rinbosari |
Pak D.G. | — | “O‘zkimyosanoat” AJ boshqaruvi raisining birinchi o‘rinbosari |
Saliyev E.A. | — | Jizzax viloyati hokimi |
O‘zbekiston Respublikasi Prezidentining Qarori, 09.11.2018 yildagi PQ-4009-son
Кучга кириш санаси
09.11.2018
Рус
Ўзб
O’zb
O‘zb|Рус
Qishloq xo‘jaligi mahsulotlarini ishlab chiqarishda tarkibiy islohotlarni yanada chuqurlashtirish va davlatning rolini kamaytirish, to‘g‘ridan to‘g‘ri investitsiyalar jalb qilishni rag‘batlantirish, paxta xomashyosi yetishtirishning samarali usullarini joriy etish, boshqa turdagi qishloq xo‘jaligi mahsulotlarini ishlab chiqarish, ularni chuqur qayta ishlashni tashkil etish, agrar sektorda mehnat unumdorligini va unga haq to‘lashni oshirish maqsadida, shuningdek, O‘zbekiston Respublikasi Prezidentining “O‘zbekiston Respublikasining Amerika Qo‘shma Shtatlari bilan hamkorligini yanada chuqurlashtirish va kengaytirish bo‘yicha chora-tadbirlar to‘g‘risida”gi 2018-yil 24-maydagi PQ-3739-son qaroriga muvofiq:
1. “Silverleafe International LLC” kompaniyasining (AQSh) va “VMV Trade Group” MChJning (O‘zbekiston) Jizzax viloyatida zamonaviy agroklasterni tashkil etish uchun 344,0 mln. AQSh dollari miqdoridagi to‘g‘ridan to‘g‘ri investitsiyalarni jalb qilgan holda “ Silverleafe VMV Agro Trade Group” qo‘shma korxonasini (keyingi o‘rinlarda — qo‘shma korxona) tashkil etish to‘g‘risidagi quyidagilarni nazarda tutuvchi taklifi (keyingi o‘rinlarda — loyiha) ma’qullansin:
to‘g‘ridan to‘g‘ri xorijiy investitsiyalar va tijorat banklarining kreditlarini jalb qilish hisobiga qishloq xo‘jaligi xomashyosini chuqur qayta ishlash va raqobatbardosh, eksportga yo‘naltirilgan mahsulotlar ishlab chiqarish;
tuproqni tahlil qilish, biotexnologiya va o‘simliklarni himoya qilish, g‘o‘za, poliz va sabzavot ekinlari seleksiyasi va urug‘chiligi, o‘simliklar genetikasi bilan shug‘ullanuvchi markaz, shuningdek, genetik modifikatsiyalangan organizmlar kirib kelishidan genofondni himoya qilish uchun markaz faoliyatini tashkil etish.
2. Jizzax viloyati hokimligining loyihani amalga oshirishning birinchi bosqichi doirasida qo‘shma korxonaga g‘o‘za va boshqa qishloq xo‘jaligi ekinlarini zamonaviy usullar va texnologiyalarni qo‘llagan holda namunali tarzda yetishtirish uchun Paxtakor tumanidagi yaxlit yer uchastkasidan iborat 2,0 ming gektar sug‘oriladigan yer maydonini uzoq muddatga ijaraga berish to‘g‘risidagi taklifiga rozilik berilsin.
Beriladigan yer uchastkasidagi yerdan foydalanuvchilarning amalda xarajatlari qo‘shma korxonaning mablag‘lari hisobiga qonun hujjatlarida belgilangan tartibda qoplanishi ma’lumot uchun qabul qilinsin.
3. Jizzax viloyatida zamonaviy agroklaster tashkil etish loyihasini amalga oshirishda har tomonlama ko‘maklashish bo‘yicha ishchi komissiya (keyingi o‘rinlarda — Ishchi komissiya) ilovaga muvofiq tarkibda tuzilsin.
loyihani sifatli va samarali amalga oshirishga, uni ijro etish doirasida davlat organlari va boshqa tashkilotlar faoliyatini muvofiqlashtirishga va hamkorligini ta’minlashga qaratilgan tashkiliy, huquqiy va boshqa chora-tadbirlarni bajarishda har tomonlama ko‘maklashish;
ushbu qarorga muvofiq qo‘shma korxonaga va uning tarkibiga kiradigan tashkilotlarga beriladigan yer uchastkalarini aniqlash;
beriladigan yer uchastkasidagi yerdan foydalanuvchilar xarajatlarining o‘z vaqtida va to‘liq qoplanishini ta’minlash;
loyihani 2020 ― 2023-yillarda Jizzax viloyatining boshqa tumanlarida amalga oshirishni davom ettirish to‘g‘risida takliflar tayyorlash;
loyiha ijrosining borishini tizimli tahlil qilish, loyihani amalga oshirish bilan bog‘liq muammolarni aniqlash, barcha kompleks masalalarni o‘z vaqtida va tezkorlik bilan hal etish bo‘yicha takliflar ishlab chiqish va amaliy choralar ko‘rish.
4. O‘zbekiston Respublikasi Investitsiyalar bo‘yicha davlat qo‘mitasi bir oy muddatda O‘zbekiston Respublikasi Hukumati nomidan investor bilan loyihani amalga oshirish uchun bitim tuzishni ta’minlasin, unda investorning quyidagilarni ta’minlashga oid majburiyatlarini nazarda tutsin:
ushbu qarorda nazarda tutilganidan kam bo‘lmagan hajmda investitsiyalarni o‘z vaqtida va to‘liq kiritish, shuningdek, loyihaning maqsadli parametrlarini bajarish;
yetishtirilgan qishloq xo‘jaligi xomashyosini chuqur qayta ishlash va yuqori qo‘shilgan qiymatga ega tayyor mahsulot ishlab chiqarishni tashkil etish;
er va suv resurslaridan samarali foydalanish, tuproq unumdorligini, yetishtirilayotgan qishloq xo‘jaligi ekinlarining hosildorligini saqlab qolish va oshirish;
sifatli qishloq xo‘jaligi mahsulotlarini ishlab chiqarishning ilmiy asoslangan va innovatsion texnologiyalariga tayangan eng ilg‘or agrotexnologiyalarini, shu jumladan, zamonaviy sug‘orish tizimlarini joriy etish;
o‘simliklar va hayvonlarni qishloq xo‘jaligi zararkunandalari va kasalliklaridan himoya qilishga doir zarur chora-tadbirlar ko‘rish, ularning paydo bo‘lishi va respublika hududida tarqalishiga yo‘l qo‘ymaslik;
paxta xomashyosini ishlab chiqarishda va uni keyinchalik qayta ishlashda VSI (“Yanada ekologik paxta uchun”) standartlarini joriy etish;
yuqori qo‘shilgan qiymatga ega qishloq xo‘jaligi mahsulotlarini chuqur qayta ishlash uchun quvvatlar yaratish yoxud qo‘shma korxona va uning tarkibiga kiruvchi tashkilotlarga hamda hamkor fermer xo‘jaliklariga ajratilgan yer uchastkalarida yetishtiriladigan qishloq xo‘jaligi mahsulotlariga bog‘liq hajmda respublikada ularni ishlab chiqarishni tashkil etish uchun jahon brendlarini jalb qilish;
ishlab chiqariladigan yuqori qo‘shilgan qiymatga ega mahsulotni valyuta xarajatlaridan ortiq hajmda eksport qilish;
ish o‘rinlari tashkil etish, shu jumladan ushbu qarorning 2-bandiga muvofiq qo‘shma korxonaga o‘tkaziladigan yer uchastkalariga ishlov berish uchun jalb qilingan shaxslarni ishga joylashtirish;
qo‘shma korxonaga Vazirlar Mahkamasining “Paxta-to‘qimachilik ishlab chiqarishini tashkil etishning zamonaviy shakllarini joriy etish chora-tadbirlari to‘g‘risida” 2018-yil 25-yanvardagi 53-son qarori tatbiq etiladi;
qabul qilingan investitsiya majburiyatlari bajarilmagan, ushbu qaror asosida berilgan yer uchastkalaridan maqsadli foydalanilmagan, ulardan noto‘g‘ri yoxud tuproqlar unumdorligi kamayishiga, kimyoviy va radioaktiv ifloslanishga, ekologik holat yomonlashishiga olib keladigan tarzda foydalanilgan, shuningdek, yer uchastkalaridan foydalanilmagan taqdirda yer uchastkalariga egalik qilish, ulardan foydalanish va ularni ijaraga berish huquqlari O‘zbekiston Respublikasining yer to‘g‘risidagi qonun hujjatlari talablariga muvofiq bekor qilinishi lozim.
a) qo‘shma korxona va uning tarkibiga kiradigan tashkilotlar 2022-yil 1-yanvargacha bo‘lgan muddatda:
O‘zbekiston Respublikasi norezidentlari tomonidan bajariladigan ishlar (ko‘rsatiladigan xizmatlar) bo‘yicha qo‘shilgan qiymat solig‘i;
davlat maqsadli jamg‘armalariga majburiy ajratmalar, qishloq xo‘jaligi yer-mulklaridan, shuningdek, qo‘shma korxona asboblari va uskunalari bilan band bo‘lgan yerlardan olinadigan yagona yer solig‘i;
ishlab chiqarish jarayonida o‘z ehtiyojlari uchun O‘zbekiston Respublikasida ishlab chiqarilmaydigan asbob-uskunalar, maxsus transport vositalari va texnikasi, butlovchi buyumlar, xomashyo va materiallar, qurilish materiallari, issiqxona komplekslari, uchuvchisiz uchish apparatlari, hayvonlar, urug‘liklar va o‘simliklar, veterinariya preparatlarini belgilangan tartibda tuziladigan ro‘yxatlar bo‘yicha olib kirishda bojxona to‘lovlari (bojxona yig‘imlari bundan mustasno) to‘lashdan;
b) norezident tashkilotlar — doimiy muassasa orqali va O‘zbekiston Respublikasidagi to‘lash manbasidan olinadigan daromadlar bo‘yicha yuridik shaxslardan olinadigan foyda solig‘i to‘lashdan ozod etilsin.
O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi bilan birgalikda bir kun muddatda ushbu qarorning 2-bandiga muvofiq qo‘shma korxonaga yer uchastkasi belgilangan tartibda ajratilishini ta’minlasin;
ushbu qarorning 2-bandiga muvofiq qishloq xo‘jaligi yer-mulklari olib qo‘yilayotgan yerdan foydalanuvchilarga ularning xohishi bo‘yicha boshqa yer uchastkalarini berish imkoniyatini ko‘rib chiqsin;
O‘zbekiston Respublikasi Qishloq xo‘jaligi vazirligi va O‘zbekiston fermer, dehqon xo‘jaliklari va tomorqa yer egalari kengashi bilan birgalikda qo‘shma korxonaning murojaatiga ko‘ra fermer xo‘jaliklari ro‘yxatini belgilasin va kontraktatsiya shartnomalarini tuzishda amaliy yordam ko‘rsatsin;
Ishchi komissiya bilan kelishgan holda qo‘shma korxonaga va uning tarkibiga kiruvchi tashkilotlarga chorvachilik, parrandachilik va baliqchilikni tashkil etish, shuningdek keyinchalik qayta ishlash maqsadida qattiq yog‘ochli daraxtlarni ekish uchun qo‘shimcha yer uchastkalari ajratilishini ta’minlasin.
8. O‘zbekiston Respublikasi Bandlik va mehnat munosabatlari vazirligi qo‘shma korxonaning buyurtmalariga ko‘ra qishloq xo‘jaligi bo‘yicha yuqori malakali xorijiy mutaxassislarga O‘zbekiston Respublikasi hududida mehnat faoliyatini amalga oshirish huquqi uchun tasdiqnomalar berilishini (uzaytirilishini) ta’minlasin.
qo‘shma korxonaning buyurtmanomalariga ko‘ra loyihani amalga oshirishda ishtirok etadigan xorijiy mutaxassislarga kirish vizalari konsullik va boshqa yig‘imlar undirilmagan holda belgilangan tartibda rasmiylashtirilishini ta’minlasin;
o‘qish, amaliyot o‘tash va malaka oshirish uchun xorijga jo‘nab ketadigan qo‘shma korxona mutaxassislariga vizalar olish bilan bog‘liq tadbirlarni bajarishda ko‘maklashsin.
Oldingi tahrirga qarang.
10. O‘zbekiston Respublikasi Ichki ishlar vazirligi qo‘shma korxonaning buyurtmanomalariga ko‘ra loyihani amalga oshirishda ishtirok etayotgan xorijiy mutaxassislar uchun davlat boji undirilmagan holda ko‘p martalik vizalar rasmiylashtirilishi, berilishi va uzaytirilishini, shuningdek, vaqtincha turgan joyi bo‘yicha ro‘yxatga olinishi va uning muddati uzaytirilishini ta’minlasin.
(10-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
11. Mazkur qarorning ijrosini nazorat qilish O‘zbekiston Respublikasi Prezidenti Administratsiyasining rahbari Z.Sh. Nizomiddinov, O‘zbekiston Respublikasi Prezidenti maslahatchisining o‘rinbosarlari B.M. Mavlonov, G.K. Saidova va O‘zbekiston Respublikasi Bosh vazirining o‘rinbosari N.S. Otajonov zimmasiga yuklansin.