Oʻzbekiston Respublikasi Prezidentining ““Oʻzbekkimyomash zavodi” AJ negizida metal quyish ishlab chiqarishini yangilash va yangi metall quyish sexining qurilishi” investitsiya loyihasini amalga oshirish choralari toʻgʻrisida” 2018-yil 18-sentabrdagi PQ-3944-son qarorini bajarish yuzasidan, shuningdek, jahon standartlarga javob beruvchi metall quyish mahsulotlari ishlab chiqaradigan ishlab chiqarish quvvatlarini yanada kengaytirish maqsadida Vazirlar Mahkamasi qaror qiladi:

1. Quyidagilar:

“Oʻzbekneftgaz” AJ tomonidan umumiy qiymati 23,76 mln. AQSh dollariga teng boʻlgan va bir yilda 4 000 tonna yaroqli quyilgan metall ishlab chiqarish quvvatiga ega boʻlgan “Oʻzbekkimyomash zavodi” AJ negizida metall quyish ishlab chiqarishini yangilash va yangi metall quyish sexi qurilishi” investitsiya loyihasining (keyingi oʻrinlarda investitsiya loyihasi deb ataladi) texnik-iqtisodiy asoslanishi ishlab chiqilganligi;

investitsiya loyihasini moliyalashtirish ATB “Oʻzsanoatqurilishbank”ning 20,0 mln AQSh dollari miqdoridagi krediti va “Oʻzbekkimyomash zavodi” AJning 3,77 mln AQSh dollari miqdoridagi oʻz mablagʻlari hisobiga amalga oshirilishi maʼlumot uchun qabul qilinsin.

2. ““Oʻzbekkimyomash zavodi” AJ negizida metall quyish ishlab chiqarishini yangilash va yangi metall quyish sexi qurilishi” investitsiya loyihasini texnik-iqtisodiy asoslashning asosiy texnik-iqtisodiy parametrlari ilovaga* muvofiq tasdiqlansin va 2019-yil 1-dekabrgacha foydalanishga topshirilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.S. Sultanov va “Oʻzbekneftgaz” AJ boshqaruvi raisi vazifasini bajaruvchi B.B. Ashrafxanov zimmasiga yuklansin.