O‘zbekiston Respublikasi Prezidentining “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari to‘g‘risida” 2018-yil 25-maydagi PQ-3741-son qaroriga muvofiq buyuraman:

1. O‘zbekiston Respublikasi adliya vazirining 2010-yil 22-dekabrdagi 308-mh-son buyrug‘i (ro‘yxat raqami 2170, 2010-yil 22-dekabr) (O‘zbekiston Respublikasi qonun hujjatlari to‘plami, 2010-y., 51-son, 503-modda) bilan tasdiqlangan Davlat notarial idoralarida notarial ish yuritish qoidalariga ilovaga muvofiq o‘zgartirishlar kiritilsin.

2. Mazkur buyruq davlat ro‘yxatidan o‘tkazilsin va Hukumat bayonnoma qarorlari va idoraviy normativ hujjatlarni huquqiy ekspertizadan o‘tkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Huquqiy xizmat ko‘rsatishni davlat tomonidan tartibga solish boshqarmasi hamda Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishini, “O‘zbekiston Respublikasi qonun hujjatlari to‘plami” — “Sobraniye zakonodatelstva Respubliki Uzbekistan”da hamda O‘zbekiston Respublikasi Qonun hujjatlari ma’lumotlari milliy bazasida e’lon qilinishini ta’minlasin.

4. Mazkur buyruq 2019-yil 1-yanvardan kuchga kiradi.

5. Mazkur buyruq ijrosini nazorat qilish vazir o‘rinbosari A. Tashkulov zimmasiga yuklansin.

1. 13-bandning birinchi xatboshisidan ikkinchi jumla chiqarib tashlansin.

2. 15-banddagi “mazkur Qoidalarning 2 va 3-ilovalariga muvofiq shakldagi tegishli daftarlar yuritiladi” degan so‘zlar ““Notarius” avtomatlashtirilgan axborot tizimidan (bundan keyingi o‘rinlarda Tizim deb yuritiladi) foydalaniladi” degan so‘zlar bilan almashtirilsin.

3. 22-band quyidagi tahrirda bayon etilsin:

“22. Jo‘natilayotgan hujjat Tizimda ro‘yxatdan o‘tkaziladi va unga tegishli tartib raqami beriladi.”.

4. 23-banddagi “pochta aloqasi,” degan so‘zlardan keyin “elektron pochta,” degan so‘zlar bilan to‘ldirilsin.

5. 24-bandning ikkinchi xatboshisi quyidagi tahrirda bayon etilsin:

“Hujjatlarning ijrosi yuzasidan tegishli ma’lumotlar Tizimga kiritiladi.”.

6. 26-banddagi “nazorat kartochkalari” yoki tegishli nazorat ish jildlari” degan so‘zlar “Tizim” degan so‘z bilan almashtirilsin.

7. 27-banddagi “harakatlar, shuningdek reyestrlar, kitoblarni” degan so‘zlar “harakatlarni” degan so‘z bilan almashtirilsin.

8. 28-bandning birinchi xatboshisidagi “notarial arxivlar” degan so‘zlar “idoraviy notarial arxivlar” degan so‘zlar bilan almashtirilsin.

9. 31-band o‘z kuchini yo‘qotgan deb topilsin.

10. 32-bandning birinchi xatboshisidan “, ularning har biriga alohida indeks beriladi va tegishli hujjatlar yig‘ma jildlariga tikiladi, shundan so‘ng, mazkur Qoidalarning 13-ilovasiga muvofiq Meros ishlarini ro‘yxatga olish kitobida qayd etiladi hamda unga shu kitobdagi tegishli tartib raqami beriladi” degan so‘zlar chiqarib tashlansin.

11. VI bob nomidagi “notarial arxivlarga” so‘zlar “idoraviy notarial arxivlarga” degan so‘zlar bilan almashtirilsin.

12. 35-bandning ikkinchi xatboshisidagi “notarial arxivlarga” so‘zlar “idoraviy notarial arxivlarga” degan so‘zlar bilan almashtirilsin.

13. 37-bandning ikkinchi — oltinchi xatboshilari chiqarib tashlansin.

14. 38-bandning beshinchi xatboshisidagi “14” raqami “2” raqami bilan almashtirilsin.

15. 42-bandning birinchi xatboshisidagi “15” raqami “3” raqami bilan almashtirilsin.

16. 1-ilova mazkur o‘zgartirishlarning ilovasiga muvofiq tahrirda bayon etilsin.

17. 2 — 13 ilovalar o‘z kuchini yo‘qotgan deb topilsin.

18. 14-ilovaning ilova belgisidagi “14” raqami “2” raqami bilan almashtirilsin.

19. 15-ilovada:

ilova belgisidagi “15” raqami “3” raqami bilan almashtirilsin;

nomidagi “notarial arxivlarga” so‘zlar “idoraviy notarial arxivlarga” degan so‘zlar bilan almashtirilsin.

1-1. Yuqori turuvchi tashkilotlarning buyruq va ko‘rsatmalari.

1-2. Notarial amaliyotni umumlashtirish bo‘yicha hujjatlar.

1-3. Notarial idorani tekshirish natijalari haqida ma’lumotnoma va dalolatnomalar.

1-4. Shaxsiy tarkib bo‘yicha buyruqlar, mehnat shartnomalari va boshqa hujjatlar.

1-5. Boshqa tashkilotlar bilan yozishmalar.

1-6. Notarial arxivga topshirilgan hujjatlarning ro‘yxati va topshirish dalolatnomalari

1-7. Xalqaro shartnomalar bo‘yicha yozishmalar.

1-8. Boshqa hujjatlar.

2-1. Ko‘chmas mulkni boshqa shaxsga o‘tkazish to‘g‘risidagi shartnomalar va ularni tasdiqlash uchun asos bo‘lgan hujjatlar.

2-2. Garov (ipoteka) shartnomalari hamda ularni tasdiqlash uchun asos bo‘lgan hujjatlar.

2-3. Avtomototransport vositalarini boshqa shaxsga o‘tkazish to‘g‘risidagi shartnomalar va ularni tasdiqlash uchun asos bo‘lgan hujjatlar.

2-4. Boshqa shartnomalar.

2-5. Ishonchnomalar.

2-6. Notarial tasdiqlangan vasiyatnomalar.

2-7. Meros ishlari.

2-8. Ijro xatlarini yozish va unga tegishli bo‘lgan hujjatlar.

2-9. Notarial tasdiqlangan hujjatlarning dublikatlarini hamda reyestrlardan ko‘chirmalar berishga oid hujjatlar.

2-10. Boshqa notarial harakatlar.

3-1. Tugallanmagan meros ishlari bo‘yicha hujjatlar.

3-2. Meros mol-mulkini qo‘riqlash choralarini ko‘rish bo‘yicha arizalar.

3-3. Notarial harakatni amalga oshirishni kechiktirish yoki rad etish haqidagi qarorlar.

3-4. Hujjatlarni ekspertizaga jo‘natish haqidagi qarorlar.

3-5. Notarial tasdiqlangan hujjatlarga tenglashtiriladigan vasiyatnomalar.”.