Xalq iste’mol tovarlari, ayniqsa bolalar uchun tovarlar va badiiy hunarmandchilik buyumlari ishlab chiqarishni rivojlantirishni davlat tomonidan qo‘llab-quvvatlash, korxonalarni zamonaviy texnika va ilg‘or texnologiya bazasida qurish va texnika bilan qayta jihozlashni tugallash, raqobatbardoshli va importning o‘rnini bosuvchi mahsulotlar ishlab chiqarish o‘sishini rag‘batlantirish, yengil va mahalliy sanoat korxonalari ishini barqarorlashtirish va ularni moliyaviy sog‘lomlashtirish maqsadida Vazirlar Mahkamasi qaror qiladi:

1. 1996 — 1998-yillarda banklarning kreditlari hisobiga qurish, rekonstruksiya qilish, kengaytirish, texnika bilan qayta jihozlash va qo‘shma korxonalar tashkil etish bo‘yicha “O‘zbekyengilsanoat” uyushmasi va “Mahalliy sanoat” korporatsiyasi tomonidan ishlab chiqilgan tarmoqlarni rivojlantirish dasturi 1 va 2-ilovalarga* muvofiq ma’qullansin.

O‘zbekiston Respublikasining tijorat banklari — “O‘zsanoatqurilishbank”, “Paxta-bank”, Tashqi iqtisodiy faoliyat milliy banki, “O‘zbekyengilsanoatbank”ka 1 va 2-ilovalarda nazarda tutilgan obyektlarni qurish, rekonstruksiya qilish va texnika bilan qayta jihozlashni mablag‘ bilan ta’minlash uchun ustuvor tartibda uzoq muddatli kreditlar berish tavsiya etilsin.

O‘zbekiston Respublikasi Tashqi iqtisodiy faoliyat milliy banki (Azimov) loyihalarning samaradorligi va o‘zini qoplashini tasdiqlovchi ekspertiza asosida “O‘zbekyengilsanoat” uyushmasi va “Mahalliy sanoat” korporatsiyasiga texnika bilan qayta jihozlash va mazkur qarorga 2-ilovada ko‘rsatilgan tashkil etilayotgan qo‘shma korxonalar uchun xorijiy valyutada kredit ajratsin.

2. Xorijiy sarmoyalar bo‘yicha agentlik respublika yengil va mahalliy sanoat korxonalarini rekonstruksiya qilish va qurishning loyihalarini keng reklama qilishni, shuningdek ularni amalga oshirishga xorijiy investorlar sifatida banklar, kompaniyalar va xalqaro moliya organlarini faol jalb qilishni o‘z faoliyatining asosiy vazifalaridan biri deb hisoblasin.

“O‘zbekinvest” kompaniyasi ko‘rsatib o‘tilgan loyihalar sug‘urta qilinishini ta’minlasin.

Agentlik va “O‘zbekinvest” kompaniyasi mazkur bandning qanday bajarilayotganligi to‘g‘risida yilning har choragida O‘zbekiston Respublikasi Vazirlar Mahkamasiga axborot bersin.

4. “O‘zistiqbolstat” davlat qo‘mitasi (Ismoilov) respublikaning 1997-1998-yillarga mo‘ljallangan investitsiya dasturini shakllantirishda unga yengil va mahalliy sanoat obyektlari kiritilishini nazarda tutsin.

5. Mazkur qarorga 1-ilovada ko‘rsatilgan korxonalar obyektlar qurilishi tugallanishi muddatigacha, biroq normativ muddatdan ortiq emas, yer solig‘i to‘lashdan ozod qilinsin.

9. Pul-kredit siyosati bo‘yicha respublika komissiyasi “O‘zbekyengilsanoat” uyushmasiga pillani mavsumiy xarid qilish uchun 1996-yilda o‘z oborot mablag‘larini to‘ldirishga 200 mln. so‘m miqdorida kredit ajratish masalasini belgilangan tartibda hal etsin.

10. Tijorat banklari (Ibotov, Sayfutdinov, Muhitdinov) va O‘zbekiston Respublikasi Tashqi iqtisodiy faoliyat milliy banki (Azimov) pilla, tabiiy jun, qand lavlagi xarid qilish uchun ilgari berilgan va qaytarilmagan kreditlar uchun foiz stavkalarini pasaytirish masalasini ko‘rib chiqsinlar hamda ularni to‘lash muddatini 1997-yil 1-yanvargacha kechiktirsinlar, “O‘zbekyengilsanoat” uyushmasi va “Mahalliy sanoat” korporatsiyasining ipakchilik, jun va qandolatchilik tarmoqlari korxonalarini muddati o‘tkazib yuborilgan to‘lovlar bo‘yicha penya to‘lashdan ozod qilsinlar.

12. “O‘zbekyengilsanoat” uyushmasi, “Mahalliy sanoat” korporatsiyasi, “O‘zbeksavdo” uyushmasi, O‘zbekbirlashuv O‘zbekiston Respublikasi Moliya vazirligi va Davlat soliq qo‘mitasi bilan kelishgan holda ishlab chiqarishdan olib tashlangan xaridorgir bo‘lmagan va kasod tovarlar qoldiqlari narxlarini o‘z daromad manbalari hisobiga arzonlashtirsinlar.

13. O‘zbekiston Respublikasi Adliya vazirligi ikki hafta muddatda qonunchilikka mazkur qarordan kelib chiquvchi o‘zgartirishlar kiritishga doir takliflarni taqdim etsin.

14. Tegishli vazirliklar, idoralar bir oy muddatda mazkur qarorning qanday bajarilayotganligi to‘g‘risida axborot bersinlar. Qarorning bajarilishini nazorat qilish O‘zbekiston Respublikasi Bosh vazirining o‘rinbosarlari M.Z. Usmonov, B.S. Hamidov zimmasiga yuklansin.