Yoʻl harakati xavfsizligini taʼminlash tizimini yanada takomillashtirish, ushbu sohada 2018 — 2022-yillarda Oʻzbekiston Respublikasida yoʻl harakati xavfsizligini taʼminlash konsepsiyasi bilan bogʻliq ravishda davlat-hususiy sheriklikni joriy etish uchun maqbul shart-sharoitlar yaratish maqsadida Vazirlar Mahkamasi qaror qiladi:

1. Quyidagilar:

Vazirlar Mahkamasining 2018-yil 19-maydagi 377-son qaroriga muvofiq 2018 — 2022-yillarda Oʻzbekiston Respublikasida yoʻl harakati xavfsizligini taʼminlash konsepsiyasi va uni 2018-2019-yillarda amalga oshirish boʻyicha “Yoʻl xaritasi” amalga oshirilayotganligi;

Oʻzbekiston Respublikasi Prezidentining “Toshkent shahrida investitsiya muhitini yaxshilash boʻyicha eksperimentni amalga oshirish chora-tadbirlari toʻgʻrisida” 2018-yil 15-avgustdagi PF-5511-son Farmoni qoidalarining Toshkent shahrida davlat-xususiy sheriklik shartlarida pullik avtomobil toʻxtash joylari va avtomototransport vositalarini vaqtincha saqlash joylari tashkil etishga oid qismi ushbu qaror doirasida amalga oshirilishi;

umumiy foydalanishdagi avtomobil yoʻllarini loyihalashtirish, qurish, rekonstruksiya qilish va kapital taʼmirlash ishlari sohasida davlat-xususiy sheriklikni amalga oshirish Oʻzbekiston Respublikasi Prezidentining “Avtomobil yoʻllari qurish va foydalanish sohasida ishlarni tashkil etishning ilgʻor xorijiy usullarini joriy etish chora-tadbirlari toʻgʻrisida” 2018-yil 27-noyabrdagi PQ-4035-son qarori qoidalari hisobga olingan holda amalga oshirilishi maʼlumot uchun qabul qilinsin.

2. Oʻzbekiston Respublikasi Ichki ishlar vazirligi, Iqtisodiyot vazirligi, Moliya vazirligi, Avtomobil yoʻllari davlat qoʻmitasi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining investorlar va tadbirkorlik subeʼktlariga:

pullik magistral yoʻllar qurish boʻyicha investitsiya majburiyatlari qabul qilingan holda yoʻl va yer uchastkalarini;

yoʻl harakati monitoringi va shaxs yuzini va transport vositasining davlat roʻyxatidan oʻtkazish raqamini aniqlashning intellektual videokameralari (keyingi oʻrinda intellektual videokameralar deb ataladi) integratsiyalashgan tizimlarini joriy etish loyihalarini amalga oshirish uchun yoʻl uchastkalarini — 10 yilgacha boʻlgan muddatga;

avtomobil yoʻllari boʻylab toʻlov avtomatlari oʻrnatilgan pullik avtomobil toʻxtash joylariga va avtomotransport vositalari joylashtirilganligi uchun haq toʻlash qoidalari buzilganligini qayd etadigan axborot tizimlariga ega boʻlgan pullik toʻxtash joylari tashkil etish uchun yoʻl uchastkalarini — 10 yilgacha boʻlgan muddatga;

mahalliy davlat hokimiyati organlari tasarrufida boʻlgan, shu jumladan, bozorlar va savdo komplekslariga tutash hududlarda joylashgan avtomototransport vositalarini vaqtincha saqlash joylarini (keyingi oʻrinlarda avtomobil saqlash joylari deb ataladi) ularning negizida avtomotransport vositalari joylashtirilganligi uchun haq toʻlash qoidalari buzilganligini qayd etadigan axborot tizimlariga ega boʻlgan zamonaviy pullik avtomobil saqlash joylari tashkil etish uchun — 10 yilgacha boʻlgan muddatga;

yoʻl boʻyi infratuzilma obyektlari, shu jumladan, kempinglar, motellar, haydovchi va yoʻlovchilar dam oladigan, transport vositalariga texnik xizmat koʻrsatiladigan va taʼmirlanadigan boshqa joylarni, avtomobillarga yoqilgʻi quyish shoxobchalari va boshqalarni qurish uchun investorlar va tadbirkorlik subyektlari tomonidan avtomobil yoʻllari boʻyidagi hududlarni obodonlashtirish majburiyatlari olingan holda yer uchastkalarini — 10 yilgacha boʻlgan muddatga berish shaklida yoʻl harakati xavfsizligini taʼminlash hamda zamonaviy yoʻl infratuzilmasini tashkil etish sohasiga davlat-xususiy sheriklik mexanizmlarini (keyingi oʻrinlarda davlat-xususiy sheriklik deb ataladi) joriy etish haqidagi taklifiga rozilik berilsin.

3. Yoʻl harakati xavfsizligini taʼminlash va zamonaviy yoʻl infratuzilmasini tashkil etish sohasida davlat-xususiy sheriklikni amalga oshirish tartibi toʻgʻrisidagi vaqtinchalik nizom ilovaga muvofiq tasdiqlansin.

4. Belgilansinki:

a) davlat-xususiy sheriklik doirasida:

Oʻzbekiston Respublikasi Ichki ishlar vazirligi tomonidan oʻtkaziladigan tanlovlar natijalari boʻyicha — yoʻl harakati monitoringi va intellektual videokameralarning integratsiyalashgan tizimlarini joriy etish loyihalari boʻyicha davlat-xususiy sheriklik toʻgʻrisidagi bitim tuziladi. Ichki ishlar vazirligi davlat tomonidan sherik sifatida ish koʻradi va xususiy sherik tomonidan bitim shartlari bajarilishi monitoringini olib boradi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan oʻtkaziladigan tanlovlar natijalari boʻyicha — pullik avtomobil toʻxtash joylari va avtomobil saqlash joylarini tashkil etish loyihalari boʻyicha davlat-xususiy sheriklik toʻgʻrisida bitim tuziladi. Qoraqalpogʻiston Respublikasi Vazirlar Kengashi viloyatlar va Toshkent shahar hokimliklari davlat tomonidan sherik sifatida ish koʻradi va xususiy sherik tomonidan bitim shartlari bajarilishi monitoringini olib boradi.

Oʻzbekiston Respublikasi Avtomobil yoʻllari davlat qoʻmitasi tomonidan oʻtkaziladigan tanlovlar natijalari boʻyicha — investor va/yoki tadbirkorlik subyektlari tomonidan avtomobil yoʻllari boʻyidagi hududlarni obodonlashtirish majburiyatlari olingan holda yoʻl boʻyi infratuzilma obyektlarini qurish loyihalari boʻyicha davlat-xususiy sheriklik toʻgʻrisida bitim tuziladi. Oʻzbekiston Respublikasi Avtomobil yoʻllari davlat qoʻmitasi davlat tomonidan sherik sifatida ish koʻradi va xususiy sherik tomonidan bitim shartlari bajarilishi monitoringini olib boradi;

b) davlat-xususiy sheriklik quyidagi shartlarda amalga oshiriladi:

yoʻl harakati monitoringi va intellektual videokameralarning integratsiyalashgan tizimlarini joriy etish uchun beriladigan yoʻl uchastkalari Oʻzbekiston Respublikasi Ichki ishlar vazirligi tomonidan belgilanadi;

yoʻl harakati monitoringi va intellektual videokameralar tizimi “Xavfsiz shahar” yagona apparat-dasturiy kompleksga integratsiya qilinishi va Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasining “Maʼmuriy amaliyot” kompleks avtomatlashtirilgan axborot tizimiga ulangan boʻlishi, shuningdek, huquqbuzarliklar holatlari haqidagi videomaʼlumotlar va boshqa maʼlumotlar onlayn rejimida uzatilishini taʼminlashi kerak;

pullik avtomobil toʻxtash joylari va pullik avtomobil saqlash joylaridan foydalanishdan tushadigan mablagʻlarning 30 foizdan ortiq boʻlmagan qismi — mahalliy budjetga tushadi va u maqsadli ravishda yoʻl infratuzilmasini rivojlantirishga yoʻnaltiriladi va kamida 70 foizi tutash hududning avtomototransport vositalari bilan toʻlishi hamda toʻlov avtomatlari va axborot tizimlari oʻrnatilgan avtomobil toʻxtash joylarining funksional imkoniyatlari hisobga olingan holda xususiy sherikning hisob raqamiga tushadi.

5. Belgilansinki:

a) oʻrnatilgan intellektual videokameralar yordamida aniqlangan yoʻl harakati qoidalari buzilganligi uchun jarimalar summasining kamida 20 foizi — Oʻzbekiston Respublikasi respublika budjetiga oʻtkaziladi, 20 foizi — yoʻl infratuzilmasini rivojlantirishga maqsadli yoʻnaltirilgan holda mahalliy budjetga tushadi, 30 foizi — Oʻzbekiston Respublikasi Ichki ishlar vazirligining budjetdan tashqari jamgʻarmasiga, yoʻl harakati intensivligi va intellektual kameralarning imkoniyatlari hisobga olingan holda 30 foizdan ortiq boʻlmagan qismi — xususiy sherikning hisob raqamiga oʻtkaziladi;

b) davlat-xususiy sheriklik bitimining amal qilish muddati tamom boʻlgandan keyin:

ushbu bandning “a” kichik bandiga muvofiq xususiy sherikka moʻljallangan jarimalar summasi Oʻzbekiston Respublikasi Ichki ishlar vazirligining budjetdan tashqari jamgʻarmasiga qayta yoʻnaltirilishi kerak;

yoʻl harakati monitoringi va intellektual videokameralarning oʻrnatilgan integratsiyalashgan tizimlari Oʻzbekiston Respublikasi Ichki ishlar vazirligiga beriladi, ularga kelgusida xususiy sherik tomonidan shartnoma asosida texnik koʻmak berish taʼminlanadi;

qurib bitkazilgan yoʻl boʻyi infratuzilma obyektlari tadbirkorlik subyekti mulkiga aylanadi.

6. Belgilansinki, yoʻl harakati xavfsizligi qoidalari buzilganligi uchun jarimalar, shuningdek, pullik avtomobil toʻxtash joylari va pullik avtomobil saqlash joylaridan foydalanganlik uchun haq toʻlash summasining foizi miqdori har bir aniq holatda tanlov komissiyasining qarori bilan davlat-xususiy sheriklik toʻgʻrisidagi bitimda belgilanadi.

Oʻzbekiston Respublikasi Moliya vazirligi yoʻl harakati xavfsizligi qoidalari buzilganligi uchun jarima summalaridan ajratmalar ushbu qaror talablariga muvofiq tegishliligi boʻyicha belgilangan tartibda oʻz vaqtida oʻtkazilishini taʼminlasin.

7. Davlat-xususiy sheriklik loyihalarini amalga oshirish doirasida investorlar 2022-yil 1-yanvargacha boʻlgan muddatda:

belgilangan tartibda shakllantiriladigan roʻyxat boʻyicha olib kiriladigan, Oʻzbekiston Respublikasida ishlab chiqarilmaydigan asbob-uskunalar, butlovchi buyumlar, dasturiy taʼminlash, qurilish materiallari va boshqa materiallar uchun bojxona toʻlovlari (bojxona rasmiylashtiruvi yigʻimlaridan tashqari);

Oʻzbekiston Respublikasi norezidentlari tomonidan bajariladigan ishlar (xizmatlar) uchun qoʻshilgan qiymat soligʻi toʻlashdan ozod qilinsin.

8. Oʻzbekiston Respublikasi Ichki ishlar vazirligi ikki oy muddatda:

Axborot texnologiyalari va kommunikatsiyalarini rivojlantirish vazirligi, Oʻzbekiston standartlashtirish, metrologiya va sertifikatlashtirish agentligi bilan birgalikda yoʻl harakati monitoringi va intellektual videokameralarning integratsiyalashgan tizimlaridan foydalanish boʻyicha talablar haqidagi texnik reglamentni ishlab chiqsin va belgilangan tartibda tasdiqlasin;

Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi bilan birgalikda avtomototransport vositasini boshqarish huquqini beradigan haydovchilik guvohnomasini olish boʻyicha imtihonlar topshirishga nisbatan kuchaytirilgan talablarni nazarda tutadigan takliflarni Oʻzbekiston Respublikasi Vazirlar Mahkamasiga kiritsin;

Oʻzbekiston avtomobil transporti agentligi bilan birgalikda ilgʻor xorijiy tajribani hisobga olgan holda avtomobilni boshqarish amaliyotiga imkon qadar yaqinlashtirilgan zamonaviy oʻquv avtodromlari haqidagi namunaviy nizomni ishlab chiqsin va tasdiqlasin.

9. Oʻzbekiston Respublikasi Ichki ishlar vazirligining yengil avtotransport vositalari oynalariga tonirovka (qoraytirish) oʻrnatish uchun ruxsat berishdan olinadigan mablagʻlar, shuningdek, qonun hujjatlarida taqiqlanmagan boshqa manbalar hisobiga Qoraqalpogʻiston Respublikasi va viloyatlarda kamida bittadan zamonaviy oʻquv avtodromi qurish haqidagi taklifi maʼqullansin.

10. Qoraqalpogʻiston Respublikasi Vazirlar Kengashi va viloyatlar hokimliklari Qoraqalpogʻiston Respublikasi Ichki ishlar vazirligi va viloyatlar ichki ishlar boshqarmalarining buyurtmanomalari boʻyicha zamonaviy oʻquv avtodromlarini qurish uchun yoʻl harakati xavfsizligi boshqarmalarining roʻyxatga olish va imtihon olish tuzilmalariga imkon qadar yaqin joydan kamida 1,5 ga yer uchastkalari ajratilishini taʼminlasin.

11. Oʻzbekiston Respublikasi Avtomobil yoʻllari davlat qoʻmitasi:

a) Oʻzbekiston Respublikasi Ichki ishlar vazirligi bilan birgalikda uch oy muddatda “Pullik avtomobil yoʻllari toʻgʻrisida”gi Oʻzbekiston Respublikasi Qonuni loyihasini ishlab chiqsin va Oʻzbekiston Respublikasi Vazirlar Mahkamasiga kiritsin;

b) ikki oy muddatda Oʻzbekiston Respublikasi Iqtisodiyot vazirligi, Moliya vazirligi, Yer resurslari, geodeziya, kartografiya va davlat kadastri davlat qoʻmitasi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda investorlar va/yoki tadbirkorlik subyektlari tomonidan avtomobil yoʻllari boʻyidagi hududlarni obodonlashtirish majburiyatlari olingan holda yoʻl boʻyi infratuzilma obyektlarini qurish uchun ularga yer uchastkalari berishning vaqtinchalik tartibini tasdiqlasin;

v) 2019-yil 1-iyungacha boʻlgan muddatda Oʻzbekiston Respublikasi Investitsiyalar boʻyicha davlat qoʻmitasi bilan birgalikda Oʻzbekiston Respublikasini rivojlantirish dasturlariga kiritish uchun mamlakatning barcha hududlarida bosqichma-bosqich pulli magistral yoʻllarni joriy etish boʻyicha yangi investitsiya loyihalarini amalga oshirish haqidagi takliflarni tayyorlasin va belgilangan tartibda kiritsin;

g) 2020-yil 1-yanvardan boshlab mamlakatning barcha hududlarida davlat-xususiy sheriklik doirasida pullik magistral yoʻllarni bosqichma-bosqich joriy etish ishlari boshlanishini taʼminlasin.

12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki oy muddatda Oʻzbekiston Respublikasi Ichki ishlar vazirligi bilan birgalikda yoʻl boʻyida pullik avtomobil toʻxtash joylarini tashkil etish uchun yoʻl uchastkalarini belgilasin.

13. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni ushbu qarorga muvofiqlashtirsin.

14. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Ichki ishlar vaziri P.R. Bobojonov va Oʻzbekiston Respublikasi Avtomobil yoʻllari davlat qoʻmitasi raisi A.A. Abduvaliyev zimmasiga yuklansin.

1. Ushbu Vaqtinchalik nizom Yoʻl harakati xavfsizligini taʼminlash hamda zamonaviy yoʻl infratuzilmasini tashkil etish sohasida davlat-xususiy sheriklikni amalga oshirish tartibini belgilaydi.

Ushbu Vaqtinchalik nizom pullik magistral yoʻllar qurish sohasida davlat-xususiy sheriklik tartibiga, shuningdek, Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan davlat-xususiy sheriklikni amalga oshirishning boshqa tartibi nazarda tutilgan hollarga nisbatan qoʻllanilmaydi.

2. Ushbu Vaqtinchalik nizomda quyidagi tushunchalar qoʻllaniladi:

yoʻl harakati xavfsizligini taʼminlash va zamonaviy yoʻl infratuzilmasini tashkil etish sohasida davlat-xususiy sheriklik (keyingi oʻrinlarda davlat-xususiy sheriklik deb ataladi) — yoʻl harakati monitoringi va intellektual videokameralarning integratsiyalashgan tizimlarini joriy etish va zamonaviy yoʻl infratuzilmasini tashkil etish boʻyicha loyihalar doirasida xususiy investitsiyalarni jalb qilish, resurslarni birlashtirish va xavf-xatarni taqsimlash maqsadida davlat tomonidan sherik va xususiy sheriklarning muayyan muddatga yuridik rasmiylashtirilgan oʻzaro foydali hamkorligi;

davlat-xususiy sheriklik toʻgʻrisidagi bitim (keyingi oʻrinlarda bitim deb ataladi) — davlat tomonidan sherik va xususiy sheriklar oʻrtasida tuzilgan, tomonlarning huquqlari, majburiyatlari va javobgarligini, xavf-xatar taqsimlanishini, shuningdek, davlat-xususiy sheriklik loyihasini amalga oshirishning boshqa shartlarini belgilovchi shartnoma;

davlat-xususiy sheriklik shartnomasi tomonlari (keyingi oʻrinlarda tomonlar deb ataladi) — davlat tomonidan sherik va xususiy sheriklar;

davlat tomonidan sherik — Oʻzbekiston Respublikasi nomidan xususiy sherik bilan shartnoma tuzishga vakolatli davlat organi;

xususiy sherik — shartnoma tuzilgan yuridik shaxs (investor). Bunda, faoliyati Oʻzbekiston Respublikasi Davlat budjeti hisobiga toʻliq moliyalashtiriladigan davlat korxonalari, davlat muassasalari, davlat va xoʻjalik boshqaruvi organlari, boshqa tashkilotlar, shuningdek, notijorat tashkilotlari xususiy sheriklar sifatida ishtirok etishi va/yoki xususiy sheriklar tomonida ishtirok etishi mumkin emas;

davlat-xususiy sheriklik toʻgʻrisidagi bitim obyekti (keyingi oʻrinlarda obyekt deb ataladi) — yoʻl harakati monitoringi va intellektual videokameralarning integratsiyalashgan tizimi, shuningdek, bitim boʻyicha yoʻl harakati xavfsizligini taʼminlash va zamonaviy infratuzilmani tashkil etish uchun foydalanilishi mumkin boʻlgan yoʻl yoki er uchastkalari;

davlat-xususiy sheriklik loyihasi — davlat tomonidan sherik va xususiy sheriklar oʻrtasida oʻzaro manfaatli sharoitlarda amalga oshirilayotgan yoʻl harakati xavfsizligini taʼminlash va zamonaviy yoʻl-transport infratuzilmasini tashkil etish sohasida investitsiyaviy, innovatsion, infratuzilmaviy va boshqa tadbirlar majmui.

3. Loyihalar doirasida:

yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha — Oʻzbekiston Respublikasi Ichki ishlar vazirligi;

pullik avtomobil toʻxtash joylari va pullik avtomobil saqlash joylarini tashkil etish sohasida — tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari;

investorlar va/yoki tadbirkorlik subyektlari tomonidan umumiy foydalanishdagi avtomobil yoʻllari boʻyidagi hududlarni obodonlashtirish majburiyatlari olingan holda yer uchastkalarini, yoʻl boʻyi infratuzilma obyektlarini qurish boʻyicha — Oʻzbekiston Respublikasi Avtomobil yoʻllari davlat qoʻmitasi davlat tomonidan sherik sifatida ish koʻradi.

4. Davlat-xususiy sheriklik quyidagi prinsiplarga asoslanadi:

davlat manfaatlarining ustuvorligi;

qonuniylik;

davlat-xususiy sheriklik haqidagi maʼlumotlarning ochiqligi va oshkoraligi, davlat sirini va qonun bilan muhofaza qilinadigan boshqa sirni tashkil etadigan maʼlumotlar bundan mustasno;

kamsitmaslik, bitim tomonlarining tengligi;

bitim boʻyicha majburiyatlarning tomonlar tomonidan vijdonan bajarilishi;

xavf-xatar va majburiyatlarning bitim tomonlari oʻrtasida adolatli taqsimlanishi;

davlat-xususiy sheriklik tomonlari oʻzaro munosabatlarining raqobatga va shartnomaga asoslanganligi.

5. Davlat-xususiy sheriklik xususiy sheriklarga:

yoʻl harakati monitoringi hamda shaxsning yuzini va transport vositasining davlat roʻyxatdan oʻtkazish raqamini aniqlashning intellektual videokameralari (keyingi oʻrinlarda intellektual videokameralar deb ataladi) integratsiyalashgan tizimlarini joriy etish boʻyicha loyihalarni amalga oshirish uchun yoʻl uchastkalarini — 10 yil muddatga;

avtomobil yoʻllari boʻylab toʻlov avtomatlari oʻrnatilgan avtomobil toʻxtash joylari va avtomotransport vositalari joylashtirilganligi uchun haq toʻlash qoidalari buzilganligini qayd etadigan axborot tizimlariga ega boʻlgan pullik avtomobil toʻxtash joylari tashkil etish uchun yoʻl uchastkalarini — 10 yilgacha boʻlgan muddatga;

mahalliy davlat hokimiyati organlari tasarrufida boʻlgan, shu jumladan, bozorlar va savdo komplekslariga tutash hududlarda joylashgan avtomototransport vositalarini vaqtincha saqlash joylarini (keyingi oʻrinlarda avtomobil saqlash joylari deb ataladi) ularning negizida avtomotransport vositalari joylashtirilganligi uchun haq toʻlash qoidalari buzilganligini qayd etadigan axborot tizimlariga ega boʻlgan pullik toʻxtash joylari tashkil etish uchun — 10 yilgacha boʻlgan muddatga;

yoʻl boʻyi infratuzilma obyektlari, shu jumladan, kempinglar, motellar, haydovchi va yoʻlovchilar dam oladigan, transport vositalariga texnik xizmat koʻrsatiladigan va taʼmirlanadigan boshqa joylarni, yoqilgʻi quyish joylari va boshqalarni qurish uchun investorlar va tadbirkorlik subyektlari tomonidan avtomobil yoʻllari boʻyidagi hududlarni obodonlashtirish majburiyatlari olingan holda yer uchastkalarini — 10 yilgacha boʻlgan muddatga berish shaklida davlat-xususiy sheriklik mexanizmlarini (keyingi oʻrinlarda davlat-xususiy sheriklik deb ataladi) joriy etish haqidagi taklifi maʼqullansin.

6. Davlat-xususiy sheriklik loyihasi tashabbusi davlat tomonidan yoki xususiy sherik tomonidan chiqishi mumkin.

7. Davlat-xususiy sheriklik tanlovga asoslanadi.

Tanlov oʻtkazish uchun davlat tomonidan sherik huzurida Tanlov komissiyasi tashkil etiladi, uning tarkibiga:

yoʻl harakati monitoringi va intellektual videokameralarining integratsiyalashgan tizimlarini joriy etish sohasidagi loyihalar boʻyicha — Oʻzbekiston Respublikasi Ichki ishlar vazirligi, Axborot texnologiyalari va kommunikatsiyalarini rivojlantirish vazirligi, Savdo-sanoat palatasi, Moliya vazirligi huzuridagi Davlat-xususiy sheriklikni rivojlantirish agentligi, shuningdek, tegishli ravishda Qoraqalpogʻiston Respublikasi, viloyatlar va Toshkent shahar hokimliklari vakillari;

avtomobil yoʻllari boʻylab toʻlov avtomatlari oʻrnatilgan pullik avtomobil toʻxtash joylarini tashkil etish, shuningdek, avtomototransport vositalari joylashtirilganligi uchun haq toʻlash qoidalari buzilganligini qayd etuvchi axborot tizimlari oʻrnatilgan zamonaviy pullik avtomobil saqlash joylari qurish sohasidagi loyihalar boʻyicha — tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Qurilish vazirligi, Ichki ishlar vazirligi, Avtomobil yoʻllari davlat qoʻmitasi, Savdo-sanoat palatasi, Moliya vazirligi huzuridagi Davlat-xususiy sheriklikni rivojlantirish agentligi vakillari;

avtomobil yoʻllari boʻyidagi hududlarni obodonlashtirish boʻyicha majburiyatlar qabul qilingan holda yoʻl boʻyi infratuzilma obyektlari qurish sohasidagi loyihalar boʻyicha — Oʻzbekiston Respublikasi Avtomobil yoʻllari davlat qoʻmitasi, Qurilish vazirligi, Ichki ishlar vazirligi, Er resurslari, geodeziya, kartografiya va davlat kadastri davlat qoʻmitasi, Savdo-sanoat palatasi, Moliya vazirligi huzuridagi Davlat-xususiy sheriklikni rivojlantirish agentligi, shuningdek, tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari vakillari kiradi.

8. Tanlov komissiyasi aʼzolari soni toq boʻlishi va kamida etti kishidan iborat boʻlishi kerak.

Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligining vakili Tanlov komissiyasi tarkibida maslahat ovozi bilan qatnashadi.

9. Tanlov komissiyasi, agar majlisda Tanlov komissiya aʼzolari umumiy sonining kamida etmish besh foizi qatnashsa, qaror qabul qilish huquqiga ega boʻladi, Tanlov komissiyasining har bir aʼzosi faqat bitta ovozga ega boʻladi.

Tanlov komissiyasining qarorlari Tanlov komissiyasining ovoz bergan aʼzolari umumiy sonining oddiy koʻpchiligi tomonidan qabul qilinadi. Ovozlar teng boʻlib qolgan taqdirda Tanlov komissiyasi raisining ovozi hal qiluvchi ovoz hisoblanadi. Tanlov komissiyasining qarorlari bayonnomalar bilan rasmiylashtiriladi va uni Tanlov komissiyasining barcha aʼzolari imzolaydilar.

10. Quyidagilar:

yoʻl harakati monitoringi va intellektual videokameralarining integratsiyalashgan tizimlarini joriy etish sohasidagi loyihalar boʻyicha — Oʻzbekiston Respublikasi ichki ishlar vazirining oʻrinbosari;

avtomobil yoʻllari boʻylab toʻlov avtomatlari oʻrnatilgan pullik avtomobil toʻxtash joylarini tashkil etish, shuningdek, avtomototransport vositalari joylashtirilganligi uchun haq toʻlash qoidalari buzilganligini qayd etuvchi axborot tizimlari oʻrnatilgan zamonaviy pullik avtomobil saqlash joylari qurish sohasidagi loyihalar boʻyicha — tegishli ravishda Qoraqalpogʻiston Respublikasi Vazirlar Kengashi Raisining oʻrinbosari, viloyatlar va Toshkent shahar hokimlarining qurilish masalalari boʻyicha oʻrinbosarlari;

avtomobil yoʻllari boʻyidagi hududlarni obodonlashtirish boʻyicha majburiyatlar qabul qilingan holda yoʻl boʻyi infratuzilma obyektlari qurish sohasidagi loyihalar boʻyicha — Oʻzbekiston Respublikasi Avtomobil yoʻllari davlat qoʻmitasi raisining oʻrinbosari Tanlov komissiyasining raisi hisoblanadi.

11. Tanlov komissiyasi faoliyatini tashkil etish tartibi, uning tarkibi, Tanlov komissiyasi aʼzolariga qoʻyiladigan talablar Tanlov komissiyasining Reglamentida belgilanadi.

Tanlov komissiyasi ishi reglamenti uning raisi tomonidan tasdiqlanadi.

12. Xususiy sherikning arizasi Tanlov komissiyasi tomonidan koʻrib chiqilganligi uchun qonun hujjatlarida belgilangan bazaviy hisoblash miqdorining ikki barobari miqdorida yigʻim undiriladi va u davlat tomonidan sherikning maxsus budjetdan tashqari hisob raqamiga oʻtkaziladi.

13. Xususiy sherik:

davlat-xususiy sheriklik loyihasi tashabbusi toʻgʻrisidagi taklifni koʻrib chiqish uchun davlat tomonidan sherikka taqdim etish;

davlat-xususiy sheriklik loyihasini amalga oshirish uchun zarur axborotni davlat tomonidan sherikdan olish;

davlat-xususiy sheriklik toʻgʻrisidagi bitim shartlarini oʻzgartirish toʻgʻrisida takliflar kiritish;

bitim shartlari davlat tomonidan sherik tomonidan buzilgan taqdirda bitimni sud tartibida bekor qilishni talab qilish huquqiga egadir.

Xususiy sherik qonun hujjatlariga va bitimga muvofiq boshqa huquqlarga ham ega boʻlishi mumkin.

14. Xususiy sherik:

bitim va Oʻzbekiston Respublikasi qonunchiligi talablariga qatʼiy rioya qilishi shart;

qonun hujjatlarida va davlat-xususiy sheriklik toʻgʻrisidagi bitimda nazarda tutilgan javobgarlikni oʻz zimmasiga oladi.

Xususiy sherik unga davlat-xususiy sheriklik shartlarida berilgan yoʻl yoki er uchastkalarini boshqa yuridik va jismoniy shaxslarga berish huquqiga ega emas.

Xususiy sherik qonun hujjatlariga va bitimga muvofiq boshqa majburiyatlarga ham ega boʻlishi mumkin.

15. Davlat tomonidan sherik:

davlat-xususiy sheriklik loyihalarini tayyorlash uchun tashqi maslahatchilarni jalb etish;

bitim shartlari bajarilishi toʻgʻrisidagi hisobotni xususiy sherikdan har choraklik asosida olish;

bitim shartlari bajarilishi monitoringini olib borish va davlat-xususiy sheriklik loyihalari amalga oshirilishini baholash;

Oʻzbekiston Respublikasi qonun hujjatlariga va bitim shartlariga rioya etish monitoringini olib borish doirasida aniqlangan qoida buzishlar bartaraf etilishini talab qilish;

xususiy sherikning aybi bilan yuzaga kelgan obyekt boʻyicha zararlar qoplanishini talab qilish;

bitim shartlari xususiy sherik tomonidan buzilgan taqdirda bitimni sud tartibida bekor qilishni talab qilish huquqiga egadir.

Davlat tomonidan sherik qonun hujjatlariga va bitimga muvofiq boshqa huquqlarga ham ega boʻlishi mumkin.

16. Davlat tomonidan sherik:

tanlov oʻtkazish bilan bogʻliq hujjatlarni tanlov ishtirokchilariga taqdim etishga, tanlov hujjatlari qoidalarini ularga tushuntirishga;

uning negizida davlat-xususiy sheriklik loyihasini amalga oshirish moʻljallanayotgan joy va obyekt bilan tanishish uchun tanlov ishtirokchilariga zarur shart-sharoitlarni taʼminlashga;

agar bu davlat-xususiy sheriklik toʻgʻrisidagi bitimda nazarda tutilgan boʻlsa, faoliyatni amalga oshirish uchun moʻljallangan mol-mulkni egalik qilish va foydalanish uchun xususiy sherikka berishga;

xususiy sherikning xoʻjalik faoliyatiga aralashmaslikka majburdir.

Davlat tomonidan sherik qonun hujjatlariga va bitimga muvofiq boshqa majburiyatlarga ham ega boʻlishi mumkin.

17. Davlat tomonidan sherik va xususiy sherik Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligi bilan qonun hujjatlarida belgilangan tartibda oʻzaro hamkorlik qiladilar.

18. Yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha loyihalarni amalga oshirish ushbu Vaqtinchalik nizomga 1-ilovaga muvofiq sxema boʻyicha amalga oshiriladi.

19. Yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha loyihalarni amalga oshirish uchun yoʻl uchastkalari roʻyxati (keyingi oʻrinlarda roʻyxat deb ataladi) tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan oldindan kelishgan holda Oʻzbekiston Respublikasi Ichki ishlar vazirligi tomonidan tasdiqlanadi va har chorakda yangilanadi.

Roʻyxatda:

yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha loyihalarni amalga oshirish moʻljallanayotgan yoʻl uchastkasi toʻgʻrisidagi maʼlumotlar;

tegishli yoʻl uchastkasida oʻrnatish uchun yoʻl harakati monitoringi va intellektual videokameralar integratsiyalashgan tizimlarining zarur soni;

yoʻl harakati monitoringi va intellektual videokameralarning integratsiyalashgan tizimlariga, shuningdek, ularni oʻrnatishga va dasturiy taʼminlashga qoʻyiladigan talablar;

yoʻl uchastkasi xususiyatlari (harakatlarning intensivligi, infratuzilma va shu kabilar) hisobga olingan holda yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha loyihalarni amalga oshirish uchun zarur boʻlgan boshqa maʼlumotlar koʻrsatiladi.

Oʻzbekiston Respublikasi Ichki ishlar vazirligi roʻyxatni vazirlik va Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligining rasmiy veb-saytlarida, mahalliy ommaviy axborot vositalarida, shuningdek, “Postda” va “Na postu” gazetalarida majburiy tartibda joylashtiradi.

20. Davlat-xususiy sheriklik shartlarida yoʻl harakati monitoringi va intellektual videokameralarning integratsiyalashgan tizimlarini joriy etish boʻysicha loyihada ishtirok etish xohishini bildirgan yuridik shaxs (investor va/yoki tadbirkorlik subyekti) Tanlov komissiyasiga ariza beradi. Arizaga quyidagilar ilova qilinadi:

davlat roʻyxatidan oʻtkazilganlik toʻgʻrisidagi guvohnomaning yoki tegishli davlat organi tomonidan berilgan yuridik shaxs joylashgan joydagi mamlakatda rasman roʻyxatdan oʻtkazilganlikni tasdiqlaydigan boshqa hujjatning nusxasi;

davlat-xususiy sheriklik loyihasini amalga oshirish uchun ariza beruvchida moliyaviy imkoniyatlar mavjudligini tasdiqlaydigan xususiy sherikda sof aktivlar toʻgʻrisidagi maʼlumotlar;

investitsiya loyihasi;

investitsiya loyihasining dastlabki texnik-iqtisodiy koʻrsatkichlari;

ariza beruvchining arizasi Tanlov komissiyasida koʻrib chiqilishi uchun ariza beruvchi tomonidan Oʻzbekiston Respublikasi Ichki ishlar vazirligining budjetdan tashqari maxsus hisob raqamiga yigʻim toʻlanganligini tasdiqlaydigan hujjat.

21. Roʻyxatda koʻrsatilgan yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha loyihani amalga oshirish toʻgʻrisida ariza tushishi xususiy tashabbus va tanlov oʻtkazish uchun asos hisoblanadi.

Ariza Tanlov komissiyasi tomonidan u tushgan kundan boshlab oʻn kun mobaynida koʻrib chiqiladi.

Arizani koʻrib chiqish yakunlari boʻyicha Tanlov komissiyasi quyidagi qarorlardan birini qabul qiladi:

tanlov eʼlon qilish toʻgʻrisida;

davlat-xususiy sheriklik loyihasini amalga oshirishni rad etish toʻgʻrisida;

talablar buzilishini bartaraf etish uchun arizani qaytarish toʻgʻrisida.

22. Tushgan ariza koʻrib chiqilgandan keyin Tanlov komissiyasi tanlov eʼlon qiladi.

23. Tanlov oʻtkazish toʻgʻrisidagi eʼlonda quyidagi maʼlumotlar mavjud boʻlishi kerak:

Oʻzbekiston Respublikasi Ichki ishlar vazirligining tanlov oʻtkazish uchun masʼul boʻlgan boʻlinmasining nomi va yuridik manzili, aloqa qilinadigan telefon va elektron pochta manzili;

obyektning nomi, joylashgan joyi, soni, tavsifi;

davlat-xususiy sheriklik loyihasini amalga oshirish shartlari;

talab etiladigan investitsiya majburiyatlarining minimal hajmi;

tanlov oʻtkaziladigan sana, vaqt va joy;

tanlov takliflarini qabul qilishning oxirgi muddati (kun va soat koʻrsatilgan holda).

24. Tanlovda ishtirok etish uchun yuridik shaxs (investor va/yoki tadbirkorlik subyekti) ushbu Vaqtinchalik nizomning 20-bandida nazarda tutilgan hujjatlarni taqdim etadi.

Tanlov ishtirokchisi quyidagi talablarga muvofiq boʻlishi kerak:

soliqlar va boshqa majburiy toʻlovlar boʻyicha muddati oʻtkazib yuborilgan qarzdorliklika ega boʻlmasligi;

manfaatlar toʻqnashuviga olib kelishi mumkin boʻlgan davlat tomonidan sherikka nisbatan bevosita yoki bilvosita munosabatda boʻlmasligi.

Qayta tashkil etish, tugatish va/yoki toʻlovga qobiliyatsizlik jarayonida boʻlgan, shuningdek, mol-mulki xatlov qilingan talabgorlarning tanlovda ishtirok etishiga yoʻl qoʻyilmaydi.

25. Tanlov taklifi davlat-xususiy sheriklik loyihasini amalga oshirish uchun eng maqbul deb eʼtirof etilgan ishtirokchi tanlov gʻolibi deb eʼtirof etiladi.

Tanlov yakunlari boʻyicha taklifining parametrlari tanlov shartlariga muvofiq boʻlgan, biroq tanlov hujjatlariga muvofiq gʻolib tomonidan taklif etilgan parametrlar darajasidan past boʻlgan zaxiradagi gʻolib aniqlanadi.

Tanlov gʻolibi ushbu Vaqtinchalik nizomning 31-bandida nazarda tutilgan muddatlarda davlat-xususiy sheriklik toʻgʻrisidagi bitimni imzolashni rad etgan taqdirda bitim zaxiradagi gʻolib bilan tuziladi.

26. Quyidagi asoslar boʻyicha davlat-xususiy sheriklik loyihasini amalga oshirish rad etilishi mumkin:

loyiha yoʻl harakati monitoringi va intellektual videokameralar tizimi tashkil etilishini yoki “Xavfsiz shahar” yagona apparat-dasturiy kompleksga integratsiya qilinishini va u Oʻzbekiston Respublikasi Ichki ishlar vazirligining Yoʻl harakati xavfsizligi bosh boshqarmasining “Maʼmuriy amaliyot” kompleks avtomatlashtirilgan axborot tizimiga ulanishini nazarda tutmaydi;

yoʻl harakati monitoringi va intellektual videokameralar tizimi yoʻl harakati monitoringi va intellektual videokameralarning integratsiyalashgan tizimlaridan foydalanishga qoʻyilaydigan talablar toʻgʻrisidagi texnik reglamentga muvofiq emas;

yoʻl harakati monitoringi va intellektual videokameralarning integratsiyalashgan tizimlarini joriy etish uchun taklif etilayotgan yoʻl uchastkasi Oʻzbekiston Respublikasi Ichki ishlar vazirligi tomonidan tasdiqlangan roʻyxatga kirmaydi;

taklif etilayotgan yoʻl uchastkasida loyihani amalga oshirishning texnik imkoniyatlari mavjud emasligi;

agar taklif etilayotgan yoʻl uchastkasida davlat-xususiy sheriklikni amalga oshirish boʻyicha tanlov oʻtkazilgan, uning yakunlari boʻyicha xususiy sherik bilan yoʻl harakati monitoringi va intellektual videokameralarning integratsiyalashgan tizimlarini joriy etish boʻyicha bitim imzolangan boʻlsa.

27. Ushbu Vaqtinchalik nizom talablari buzilgan holda ariza berilgan taqdirda hujjatlar ariza beruvchiga bir ish kuni mobaynida qaytariladi.

Taqdim etilgan arizada aniqlangan talablar buzilishi toʻgʻrisidagi bildirishnoma ariza beruvchiga yozma shaklda, shu jumladan, aniqlangan qoida buzilishlar, qonun hujjatlarining aniq normalari va ariza beruvchi koʻrsatib oʻtilgan qoida buzilishlarini bartaraf etib hujjatlarni takroran koʻrib chiqish uchun Tanlov komissiyasiga taqdim etishi mumkin boʻlgan muddat koʻrsatilgan holda butunjahon Internet tarmogʻi orqali elektron shaklda topshiriladi (yuboriladi).

Ariza beruvchi qoida buzilishlarini bartaraf etib va takroran koʻrib chiqish uchun hujjatlarni taqdim etishga haqli boʻlgan muddat yozma yoki elektron bildirishnoma olingan kundan boshlab oʻn ish kunidan ortiq boʻlishi mumkin emas.

Takroran berilgan hujjatlar ariza takroran berilgan kunda qabul qilingan deb hisoblanadi. Ariza takroran koʻrib chiqilganligi uchun yigʻim undirilmaydi.

28. Tanlovning faqat bir nafar ishtirokchisidan ariza tushgan taqdirda tanlov oʻtkazilmaydi, qaror esa ishtirokchining arizasini va arizaga ilova qilinadigan hujjatlarni oʻrganish yakunlari boʻyicha tanlov toʻgʻrisida eʼlon berilgan paytdan boshlab oʻttiz kunlik muddat tamom boʻlgandan keyin besh ish kuni mobaynida qabul qilinadi. Qaror ariza beruvchining taklifi tanlov talablariga muvofiqligidan kelib chiqib qabul qilinadi.

29. Tanlov komissiyasi tanlov yakunlari toʻgʻrisida qaror qabul qilingan kunda Oʻzbekiston Respublikasi Ichki ishlar vazirligining rasmiy veb-saytida axborotni joylashtirish yoʻli bilan tanlov ishtirokchilarini uning natijalaridan xabardor qilishi shart.

30. Tanlov ishtirokchisi qabul qilingan qarordan norozi boʻlgan taqdirda qaror ustidan sudga shikoyat qilish huquqiga ega.

31. Tanlov komissiyasining ijobiy qarori asosida u qabul qilingan kundan boshlab yigirma kun mobaynida Oʻzbekiston Respublikasi Ichki ishlar vazirligi va xususiy sherik qonun hujjatlari va ushbu Vaqtinchalik nizom talablariga rioya qilgan holda bitim tuzadilar.

32. Bitim uni amalga oshirish shakliga bogʻliq ravishda quyidagilarni oʻz ichiga olishi kerak:

obyekt va xususiy investitsiyalar hajmi;

bitimning amal qilishi muddati va shartlari;

bitim obyektini foydalanishga topshirish muddatlari;

tomonlarning huquq va majburiyatlari;

loyiha-smeta hujjatlarini tayyorlash, pudrat ishlariga shartnomalar tuzish muddatlari, moliyalashtirish manbalari, loyihani amalga oshirish jadvallari, loyiha amalga oshirilishi ustidan texnik nazorat qilish va monitoring olib borish tartibi toʻgʻrisidagi maʼlumotlar;

davlat-xususiy sheriklik loyihasi amalga oshirilishi monitoringini olib borish va holatini nazorat qilish tartibi;

davlat-xususiy sheriklik loyihasini amalga oshirish jarayonida beriladigan obyektlar sifatiga qoʻyiladigan talablar;

xususiy sherik tomonidan uning majburiyatlari bajarilishi toʻgʻrisida hisobotlar taqdim etilishi tartibi va muddatlari;

bitim tomonlari oʻrtasida bitimning bajarilishi bilan bogʻliq xavf-xatarni taqsimlash tartibi va shartlari;

bitim obyektini loyihalashtirish, jihozlash, qurish, foydalanish, texnik xizmat koʻrsatish, rekonstruksiya qilish, taʼmirlash, modernizatsiya qilish tartibi;

bitimning amal qilishi toʻxtatilgandan keyin obyektga boʻlgan huquqlarni va bitimni ijro etish jarayonida yaratilgan boshqa mol-mulkni taqsimlash huquqi;

bitim shartlariga rioya etilmaganligi uchun tomonlarning javobgarligi;

bitimga oʻzgartirish va qoʻshimchalar kiritish tartibi;

bitimni bekor qilish tartibi, shuningdek, bitim muddatidan oldin bekor qilinishi natijasida zarar yetkazilganligi uchun kompensatsiya toʻlash va zararlarni qoplash tartibi;

xususiy sherik tomonidan majburiyatlar bajarilmaganligi yoki zarur tarzda bajarilmaganligi uchun jarimalar;

bitimni amalga oshirishda yuzaga keladigan nizolarni hal qilish tartibi.

Bitimda qonun hujjatlariga zid boʻlmagan boshqa shartlar ham boʻlishi mumkin.

33. Bitimni imzolashga tayyorlash uchun Oʻzbekiston Respublikasi Ichki ishlar vazirligi tanlov tugallangan kundan boshlab uch ish kuni mobaynida xususiy sherikka bitim loyihasi matnini taqdim etadi.

34. Zarurat boʻlganda, bitim qoidalarini kelishish maqsadida, Oʻzbekiston Respublikasi Ichki ishlar vazirligi bilan xususiy sheriklar oʻrtasida muzokaralar oʻtkaziladi.

35. Bitim Oʻzbekiston Respublikasi Ichki ishlar vazirligi va xususiy sherik oʻrtasida tomonlarning har biri uchun bir nusxadan ikki nusxada imzolanadi.

Bitim tomonlar uni imzolangan kundan boshlab kuchga kiradi va uning muddati tamom boʻlgungacha yoki bekor qilgungacha amal qiladi.

36. Bitimga oʻzgartirish va qoʻshimchalar quyidagi hollarda kiritilishi mumkin:

tomonlarning oʻzaro roziligi bilan;

tomonlarning shartnomaviy munosabatlari yuzasidan yoʻl harakati xavfsizligini tartibga solish sohasidagi qonun hujjatlari oʻzgarishi munosabati bilan — Oʻzbekiston Respublikasi Ichki ishlar vazirligining talabi bilan;

sudning qarori bilan.

37. Bitim quyidagi hollarda bekor qilinadi:

tomonlarning oʻzaro roziligi bilan;

xususiy sherik bankrot deb topilgan va/yoki tugatilgan taqdirda;

xususiy sherik tomonidan oʻz majburiyatlari bajarilmagan taqdirda — Oʻzbekiston Respublikasi Ichki ishlar vazirligining talabi bilan;

Oʻzbekiston Respublikasi Ichki ishlar vazirligi tomonidan oʻz majburiyatlari bajarilmagan taqdirda — xususiy sherikning talabi bilan.

Ushbu bandning toʻrtinchi va beshinchi xatboshilarida nazarda tutilgan hollarda bitim sud tartibida bekor qilinadi.

38. Bitim uning amal qilish muddati tamom boʻlgach toʻxtatiladi.

Bitimning amal qilish muddatining tamom boʻlishi tomonlarni uning shartlari buzilganligi uchun javobgarlikdan ozod qilmaydi.

39. Tanlovda ishtirok etish uchun talabgorlardan arizalar tushmagan taqdirda tanlov takroran eʼlon qilinishi mumkin.

Bunda Oʻzbekiston Respublikasi Ichki ishlar vazirligi, tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishuv boʻyicha tanlov talablari va shartlarini qayta koʻrib chiqishga haqlidir.

40. Pullik avtomobil toʻxtash joylari va pullik avtomobil saqlash joylarini tashkil etish loyihalarini amalga oshirish ushbu Vaqtinchalik nizomga 2-ilovaga muvofiq sxema boʻyicha amalga oshiriladi.

41. Pullik toʻxtash joylari va pullik avtomobil saqlash joylarini tashkil etish loyihalarini amalga oshirish uchun yoʻl uchastkalari roʻyxati (keyingi oʻrinlarda roʻyxat deb ataladi) oldindan Oʻzbekiston Respublikasi Ichki ishlar vazirligi va Avtomobil yoʻllar davlat qoʻmitasining roziligi boʻyicha tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadi.

Roʻyxatda:

pullik avtomobil toʻxtash joylari va pullik avtomobil saqlash joylarini tashkil etish loyihalarini amalga oshirish moʻljallanayotgan yoʻl uchastkasi toʻgʻrisidagi maʼlumotlar;

tegishli yoʻl uchastkasida pullik avtomobil toʻxtash joylari, shuningdek, pullik avtomobil saqlash joylarining zarur soni;

pullik avtomobil toʻxtash joylariga, shuningdek, pullik avtomobil saqlash joylariga qoʻyiladigan talablar;

yoʻl uchastkasining xususiyatlari (harakat intensivligi, infratuzilma va shu kabilar) hisobga olingan holda pullik avtomobil toʻxtash joylari va pullik avtomobil saqlash joylarini tashkil etish loyihalarini amalga oshirish uchun zarur boʻlgan boshqa maʼlumotlar.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari pullik avtomobil toʻxtash joylari va pullik avtomobil saqlash joylarini tashkil etish loyihalarini amalga oshirish uchun yoʻl uchastkalari roʻyxatini oʻzlarining rasmiy veb-saytida, shuningdek, Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligining rasmiy veb-saytida va ommaviy axborot vositalarida majburiy tartibda joylashtiradilar.

42. Davlat-xususiy sheriklik shartlarida pullik avtomobil toʻxtash joylari va pullik avtomobil saqlash joylarini tashkil etish boʻyicha loyihani amalga oshirishda ishtirok etish xohishini bildirgan yuridik shaxs (investor va/yoki tadbirkorlik subyekti) Tanlov komissiyasiga ariza beradi. Arizaga quyidagilar ilova qilinadi:

davlat roʻyxatidan oʻtkazilganlik toʻgʻrisidagi guvohnomaning yoki tegishli davlat organi tomonidan berilgan yuridik shaxs joylashgan joydagi mamlakatda rasman roʻyxatdan oʻtkazilganlikni tasdiqlaydigan boshqa hujjatning nusxasi;

davlat-xususiy sheriklik loyihasini amalga oshirish uchun ariza beruvchida moliyaviy imkoniyatlar mavjudligini tasdiqlaydigan xususiy sherikda sof aktivlar toʻgʻrisidagi maʼlumotlar;

investitsiya loyihasi;

investitsiya loyihasining dastlabki texnik-iqtisodiy koʻrsatkichlari;

ariza beruvchining arizasi Tanlov komissiyasi tomonidan koʻrib chiqilganligi uchun ariza beruvchi tomonidan belgilangan tartibda yigʻim toʻlanganligini tasdiqlaydigan hujjat.

43. Roʻyxatda koʻrsatilgan pullik avtomobil toʻxtash joylari va pullik avtomobil saqlash joylarini tashkil etish boʻyicha loyihani amalga oshirish toʻgʻrisida ariza tushishi xususiy tashabbus va tanlov oʻtkazish uchun asos hisoblanadi.

Ariza Tanlov komissiyasi tomonidan u tushgan kundan boshlab oʻn kun mobaynida koʻrib chiqiladi.

Arizani koʻrib chiqish yakunlari boʻyicha Tanlov komissiyasi quyidagi qarorlardan birini qabul qiladi:

tanlov eʼlon qilish toʻgʻrisida;

davlat-xususiy sheriklik loyihasini amalga oshirishni rad etish toʻgʻrisida;

aniqlangan belgilangan talablar buzilishini bartaraf etish uchun arizani qaytarish toʻgʻrisida.

44. Tanlov komissiyasi ariza koʻrib chiqilgandan keyin tanlov eʼlon qiladi.

45. Tanlov oʻtkazish toʻgʻrisidagi eʼlonda quyidagi maʼlumotlar mavjud boʻlishi kerak:

davlat tomonidan sherikning nomi va yuridik manzili, aloqa qilinadigan telefon va elektron pochta manzili;

obyektning nomi, joylashgan joyi, soni, tavsifi;

davlat-xususiy sheriklik loyihasini amalga oshirish shartlari;

talab etiladigan investitsiya majburiyatlarining minimal hajmi;

tanlov oʻtkaziladigan sana, vaqt va joy;

tanlov takliflarini qabul qilishning oxirgi muddati (kun va soat koʻrsatilgan holda).

46. Tanlovda ishtirok etish uchun yuridik shaxs (investor va/yoki tadbirkorlik subyekti) ushbu Vaqtinchalik nizomning 42-bandida nazarda tutilgan hujjatlarni taqdim etadi.

47. Tanlov ishtirokchisi quyidagi talablarga muvofiq boʻlishi kerak:

soliqlar va boshqa majburiy toʻlovlar boʻyicha muddati oʻtkazib yuborilgan qarzdorliklika ega boʻlmasligi;

manfaatlar toʻqnashuviga olib kelishi mumkin boʻlgan davlat tomonidan sherikka nisbatan bevosita yoki bilvosita munosabatda boʻlmasligi.

Qayta tashkil etish, tugatish va/yoki toʻlovga qobiliyatsizlik jarayonida boʻlgan, shuningdek, mol-mulki xatlov qilingan talabgorlarning tanlovda ishtirok etishiga yoʻl qoʻyilmaydi.

48. Tanlov taklifi davlat-xususiy sheriklik loyihasini amalga oshirish uchun eng maqbul deb eʼtirof etilgan ishtirokchi tanlov gʻolibi deb eʼtirof etiladi.

Tanlov yakunlari boʻyicha taklifining parametrlari tanlov shartlariga muvofiq boʻlgan, biroq tanlov hujjatlariga muvofiq gʻolib tomonidan taklif etilgan parametrlar darajasidan past boʻlgan zaxiradagi gʻolib aniqlanadi.

Tanlov gʻolibi ushbu Vaqtinchalik nizomning 54-bandida nazarda tutilgan muddatlarda davlat-xususiy sheriklik toʻgʻrisidagi bitimni imzolashni rad etgan taqdirda bitim zaxiradagi gʻolib bilan tuziladi.

49. Davlat-xususiy sheriklik loyihasi quyidagi asoslarga koʻra rad etilishi mumkin:

loyiha pullik avtomobil toʻxtash joylari va pullik avtomobil saqlash joylarini tashkil etish loyihalarini amalga oshirish uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlangan umumiy talablarga muvofiq emas;

loyiha toʻlov avtomatlari va avtomototransport vositalarini joylashtirilganligi uchun haq toʻlash qoidalari buzilganligini qayd etuvchi axborot tizimlari oʻrnatilishini nazarda tutmaydi, yoxud taklif etilayotgan axborot tizimlari belgilangan reglamentlarga yoki standartlarga muvofiq emas;

loyiha pullik avtomobil toʻxtash joylaridan va pullik avtomobil saqlash joylaridan foydalanishdan tushgan tushumlar summasini taqsimlashning belgilangan tartibiga, shuningdek, loyihani amalga oshirish muddatiga muvofiq emas;

taklif etilayotgan yoʻl uchastkasida loyihani amalga oshirishning texnik imkoniyatlari mavjud emasligi;

agar taklif etilayotgan yoʻl uchastkasida davlat-xususiy sheriklikni amalga oshirish boʻyicha tanlov oʻtkazilgan, uning yakunlari boʻyicha xususiy sherik bilan pullik avtomobil toʻxtash joylari va pullik avtomobil saqlash joylarini tashkil etish loyiha(lari)ni amalga oshirish boʻyicha bitim imzolangan boʻlsa.

50. Ushbu Vaqtinchalik nizom talablari buzilgan holda ariza berilgan taqdirda hujjatlar ariza beruvchiga bir ish kuni mobaynida qaytariladi.

Taqdim etilgan arizada aniqlangan talablar buzilishi toʻgʻrisidagi bildirishnoma ariza beruvchiga yozma shaklda, shu jumladan, aniqlangan qoida buzilishlar, qonun hujjatlarining aniq normalari va ariza beruvchi koʻrsatib oʻtilgan qoida buzilishlarini bartaraf etib hujjatlarni takroran koʻrib chiqish uchun Tanlov komissiyasiga taqdim etishi mumkin boʻlgan muddat koʻrsatilgan holda butunjahon Internet tarmogʻi orqali topshiriladi (yuboriladi).

Ariza beruvchi qoida buzishlarni bartaraf etib va takroran koʻrib chiqish uchun hujjatlarni taqdim etishga haqli boʻlgan muddat yozma yoki elektron bildirishnoma olingan kundan boshlab oʻn ish kunidan ortiq boʻlishi mumkin emas.

Takroran berilgan hujjatlar ariza takroran berilgan kunda qabul qilingan deb hisoblanadi. Ariza takroran koʻrib chiqilganligi uchun yigʻim undirilmaydi.

51. Tanlovning faqat bir nafar ishtirokchisidan ariza tushgan taqdirda tanlov oʻtkazilmaydi, qaror esa ishtirokchining arizasini va arizaga ilova qilinadigan hujjatlarni oʻrganish yakunlari boʻyicha tanlov toʻgʻrisida eʼlon berilgan paytdan boshlab oʻttiz kunlik muddat tamom boʻlgandan keyin besh ish kuni mobaynida qabul qilinadi. Qaror ariza beruvchining taklifi tanlov talablariga muvofiqligidan kelib chiqib qabul qilinadi.

52. Tanlov komissiyasi tanlov yakunlari toʻgʻrisida qaror qabul qilingan kunda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining rasmiy veb-saytlarida, shuningdek, mahalliy ommaviy axborot vositalarida axborotni joylashtirish yoʻli bilan tanlov ishtirokchilarini uning natijalaridan xabardor qilishi shart.

53. Tanlov ishtirokchisi qabul qilingan qarordan norozi boʻlgan taqdirda qaror ustidan sudga shikoyat qilish huquqiga ega.

54. Tanlov komissiyasining ijobiy qarori asosida u qabul qilingan kundan boshlab yigirma kun mobaynida davlat tomonidan sherik va xususiy sherik qonun hujjatlari va ushbu Vaqtinchalik nizom talablariga rioya qilgan holda bitim tuzadilar.

55. Bitim davlat-xususiy sheriklikni amalga oshirish shakllariga bogʻliq ravishda quyidagilarni oʻz ichiga olishi kerak:

obyekt va xususiy investitsiyalar hajmi;

bitimning amal qilishi muddati va shartlari;

bitim obyektini foydalanishga topshirish muddatlari;

tomonlarning huquq va majburiyatlari;

loyiha-smeta hujjatlarini tayyorlash, pudrat ishlariga shartnomalar tuzish muddatlari, moliyalashtirish manbalari, loyihani amalga oshirish jadvallari, loyiha amalga oshirilishi ustidan texnik nazorat qilish va monitoring olib borish tartibi toʻgʻrisidagi maʼlumotlar;

davlat-xususiy sheriklik loyihasi amalga oshirilishi monitoringini olib borish va holatini nazorat qilish tartibi;

davlat-xususiy sheriklik loyihasini amalga oshirish jarayonida beriladigan obyektlar sifatiga qoʻyiladigan talablar;

xususiy sherik tomonidan uning majburiyatlari bajarilishi toʻgʻrisida hisobotlar taqdim etilishi tartibi va muddatlari;

davlat tomonidan sherik va xususiy sherik oʻrtasida bitimning bajarilishi bilan bogʻliq xavf-xatarni taqsimlash tartibi va shartlari;

davlat-xususiy sheriklik loyihasini amalga oshirish uchun davlat tomonidan sherik tomonidan xususiy sherikka berilayotgan yoʻl va (yoki) yoʻl boʻyi uchastkasiga egalik qilish va undan foydalanish tartibi;

bitim obyektini loyihalashtirish, qurish, foydalanish, texnik xizmat koʻrsatish, rekonstruksiya qilish, taʼmirlash, modernizatsiya qilish tartibi;

bitimning amal qilishi toʻxtatilgandan keyin obyektga boʻlgan huquqlarni va bitimni ijro etish jarayonida yaratilgan boshqa mol-mulkni taqsimlash huquqi;

bitim shartlariga rioya etilmaganligi uchun tomonlarning javobgarligi;

bitimga oʻzgartirish va qoʻshimchalar kiritish tartibi;

bitimni bekor qilish tartibi, shuningdek, bitim muddatidan oldin bekor qilinishi natijasida zarar yetkazilganligi uchun kompensatsiya toʻlash yoki zararlarni qoplash tartibi;

xususiy sherik tomonidan majburiyatlar bajarilmaganligi yoki zarur tarzda bajarilmaganligi uchun jarimalar;

bitimni amalga oshirishda yuzaga keladigan nizolarni hal qilish tartibi.

Bitimda qonun hujjatlariga zid boʻlmagan boshqa shartlar ham boʻlishi mumkin.

56. Bitimni imzolashga tayyorlash uchun davlat tomonidan sherik tanlov tugallangan kundan boshlab uch ish kuni mobaynida xususiy sherikka bitim loyihasi matnini taqdim etadi.

57. Zarurat boʻlganda, bitim qoidalarini kelishish maqsadida davlat tomonidan sherik bilan xususiy sheriklar oʻrtasida muzokaralar oʻtkaziladi.

58. Bitim davlat tomonidan sherik va xususiy sherik oʻrtasida tomonlarning har biri uchun bir nusxadan ikki nusxadan imzolanadi.

Bitim tomonlar uni imzolangan kundan boshlab kuchga kiradi va uning muddati tamom boʻlgungacha yoki bekor qilgungacha amal qiladi.

59. Bitimga oʻzgartirish va qoʻshimchalar quyidagi hollarda kiritilishi mumkin:

tomonlarning oʻzaro roziligi bilan;

tomonlarning shartnomaviy munosabatlari yuzasidan yoʻl harakati xavfsizligini tartibga solish sohasidagi qonun hujjatlari oʻzgarishi munosabati bilan davlat tomonidan sherikning talabi bilan;

sudning qarori bilan.

60. Bitim quyidagi hollarda bekor qilinadi:

tomonlarning oʻzaro roziligi bilan;

xususiy sherik bankrot deb topilgan va/yoki tugatilgan taqdirda;

xususiy sherik tomonidan oʻz majburiyatlari bajarilmagan taqdirda — davlat tomonidan sherikning talabi bilan;

davlat tomonidan sherik tomonidan oʻz majburiyatlari bajarilmagan taqdirda – xususiy sherikning talabi bilan.

Ushbu bandning toʻrtinchi va beshinchi xatboshilarida nazarda tutilgan hollarda bitim sud tartibida bekor qilinadi.

61. Bitim uning amal qilish muddati tamom boʻlgach toʻxtatiladi.

Bitimning amal qilish muddatining tamom boʻlishi tomonlarni uning shartlari buzilganligi uchun javobgarlikdan ozod qilmaydi.

62. Tanlovda ishtirok etish uchun talabgorlardan arizalar tushmagan taqdirda tanlov takroran eʼlon qilinishi mumkin.

Bunda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Ichki ishlar vazirligi, Avtomobil yoʻllari davlat qoʻmitasi bilan kelishgan holda tanlov talablari va shartlarini qayta koʻrib chiqishga haqlidir.

63. Investor va/yoki tadbirkorlik subyektlari tomonidan umumiy foydalaniladigan avtomobil yoʻllari boʻyidagi hududlarni obodonlashtirish boʻyicha majburiyatlar qabul qilingan holda yoʻl boʻyi infratuzilma obyektlarini qurish loyihalarini amalga oshirish ushbu Vaqtinchalik nizomga 3-ilovaga muvofiq sxema boʻyicha amalga oshiriladi.

64. Tadbirkorlik subyektlari tomonidan umumiy foydalaniladigan avtomobil yoʻllari boʻyidagi hududlarni obodonlashtirish boʻyicha majburiyatlar qabul qilingan holda yoʻl boʻyi infratuzilma obyektlari qurish loyihalarini amalga oshirish uchun yoʻl uchastkalari roʻyxati (keyingi oʻrinlarda roʻyxat deb ataladi) oldindan tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda Oʻzbekiston Respublikasi Avtomobil yoʻllari davlat qoʻmitasi tomonidan tasdiqlanadi.

Roʻyxatda:

umumiy foydalaniladigan avtomobil yoʻllari boʻyidagi hududlarni obodonlashtirish boʻyicha investorlar va/yoki tadbirkorlik subyektlari tomonidan majburiyatlar qabul qilingan holda yoʻl boʻyi infratuzilma obyektlari qurish loyihalarini amalga oshirish moʻljallanayotgan yoʻl uchastkasi toʻgʻrisidagi maʼlumotlar;

umumiy foydalanishdagi avtomobil yoʻllari hududlarini obodonlashtirish boʻyicha investorlar va/yoki tadbirkorlik subyektlarining majburiyatlari;

yoʻl boʻyi infratuzilma obyektlariga qoʻyiladigan talablar;

umumiy foydalanishdagi avtomobil yoʻllari boʻyidagi hududlarni obodonlashtirish boʻyicha investorlar va/yoki tadbirkorlik subyektlari tomonidan majburiyatlar qabul qilingan holda yoʻl boʻyi infratuzilmasi obyektlarini qurish loyihalarini amalga oshirish uchun zarur boʻlgan boshqa maʼlumotlar.

Oʻzbekiston Respublikasi Avtomobil yoʻllari davlat qoʻmitasi yoʻl boʻyi infratuzilma obyektlarini qurish loyihalarini amalga oshirish uchun umumiy foydalaniladigan avtomobil yoʻllari boʻyidagi hududlarni obodonlashtirish loyihalarini amalga oshirish uchun yoʻl uchastkalari roʻyxatini qoʻmitaning oʻzining, Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligining, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining rasmiy veb-saytlarida, shuningdek, mahalliy ommaviy axborot vositalarida majburiy tartibda joylashtiradi.

65. Yoʻl boʻyi infratuzilma obyektlarini, xususan, kempinglar, motellar va haydovchilar va yoʻlovchilar dam oladigan, texnik xizmat koʻrsatiladigan va transport vositalari taʼmirlanadigan, avtomobillarga yoqilgʻi quyish shoxobchalarini va shu kabilarni qurish loyihasini amalga oshirishda ishtirok etish xohishini bildirgan yuridik shaxs (investor va/yoki tadbirkorlik subyekti) davlat-xususiy sheriklik shartlarida umumiy foydalanishdagi avtomobil yoʻllari boʻyidagi hududlarni obodonlashtirish boʻyicha majburiyatlar qabul qilgan holda Tanlov komissiyasiga ariza beradi. Arizaga quyidagilar ilova qilinadi:

davlat roʻyxatidan oʻtkazilganlik toʻgʻrisidagi guvohnomaning yoki tegishli davlat organi tomonidan berilgan yuridik shaxs joylashgan joydagi mamlakatda rasman roʻyxatdan oʻtkazilganlikni tasdiqlaydigan boshqa hujjatning nusxasi;

davlat-xususiy sheriklik loyihasini amalga oshirish uchun ariza beruvchida moliyaviy imkoniyatlar mavjudligini tasdiqlaydigan xususiy sherikda sof aktivlar toʻgʻrisidagi maʼlumotlar;

investitsiya loyihasi;

investitsiya loyihasining dastlabki texnik-iqtisodiy koʻrsatkichlari;

ariza beruvchining arizasi Tanlov komissiyasida koʻrib chiqilishi uchun ariza beruvchi tomonidan Oʻzbekiston Respublikasi Avtomobil yoʻllari davlat qoʻmitasining budjetdan tashqari maxsus hisob raqamiga yigʻim toʻlanganligini tasdiqlaydigan hujjat.

66. Umumiy foydalaniladigan avtomobil yoʻllari boʻyidagi hududlarni obodonlashtirish boʻyicha majburiyatlar qabul qilingan holda roʻyxatda nazarda tutilgan yoʻl uchastkalarida yoʻl boʻyi infratuzilma obyektlari qurish loyihasini amalga oshirish toʻgʻrisida ariza tushishi xususiy tashabbus va tanlov oʻtkazish uchun asos hisoblanadi.

Ariza Tanlov komissiyasi tomonidan u tushgan kundan boshlab oʻn kun mobaynida koʻrib chiqiladi.

Arizani koʻrib chiqish yakunlari boʻyicha Tanlov komissiyasi quyidagi qarorlardan birini qabul qiladi:

tanlov eʼlon qilish toʻgʻrisida;

davlat-xususiy sheriklik loyihasini amalga oshirishni rad etish toʻgʻrisida;

talablar buzilishini bartaraf etish uchun arizani qaytarish toʻgʻrisida.

67. Tushgan ariza koʻrib chiqilgandan keyin Tanlov komissiyasi tanlov eʼlon qiladi.

68. Tanlov oʻtkazish toʻgʻrisidagi eʼlonda quyidagi maʼlumotlar mavjud boʻlishi kerak:

Oʻzbekiston Respublikasi Avtomobil yoʻllari davlat qoʻmitasining tanlov oʻtkazish uchun masʼul boʻlgan boʻlinmasining nomi va yuridik manzili, aloqa qilinadigan telefon va elektron pochta manzili;

obyektning nomi, joylashgan joyi, soni, tavsifi;

davlat-xususiy sheriklik loyihasini amalga oshirish shartlari;

talab etiladigan investitsiya majburiyatlarining minimal hajmi;

tanlov oʻtkaziladigan sana, vaqt va joy;

tanlov takliflarini qabul qilishning oxirgi muddati (kun va soat koʻrsatilgan holda).

69. Tanlovda ishtirok etish uchun yuridik shaxs (investor va/yoki tadbirkorlik subyekti) ushbu Vaqtinchalik nizomning 65-bandida nazarda tutilgan hujjatlarni taqdim etadi.

70. Tanlov ishtirokchisi quyidagi talablarga muvofiq boʻlishi kerak:

soliqlar va boshqa majburiy toʻlovlar boʻyicha muddati oʻtkazib yuborilgan qarzdorliklika ega boʻlmasligi;

manfaatlar toʻqnashuviga olib kelishi mumkin boʻlgan davlat tomonidan sherikka nisbatan bevosita yoki bilvosita munosabatda boʻlmasligi.

Qayta tashkil etish, tugatish va/yoki toʻlovga qobiliyatsizlik jarayonida boʻlgan, shuningdek, mol-mulki xatlov qilingan talabgorlarning tanlovda ishtirok etishiga yoʻl qoʻyilmaydi.

71. Tanlov taklifi davlat-xususiy sheriklik loyihasini amalga oshirish uchun eng maqbul deb eʼtirof etilgan ishtirokchi tanlov gʻolibi deb eʼtirof etiladi.

Tanlov yakunlari boʻyicha taklifining parametrlari tanlov shartlariga muvofiq boʻlgan, biroq tanlov hujjatlariga muvofiq gʻolib tomonidan taklif etilgan parametrlar darajasidan past boʻlgan zaxiradagi gʻolib aniqlanadi.

Tanlov gʻolibi ushbu Vaqtinchalik nizomning 77-bandida nazarda tutilgan muddatlarda davlat-xususiy sheriklik toʻgʻrisidagi bitimni imzolashni rad etgan taqdirda bitim zaxiradagi gʻolib bilan tuziladi.

72. Quyidagi asoslar boʻyicha davlat-xususiy sheriklik loyihasini amalga oshirish rad etilishi mumkin:

loyiha umumiy foydalanishdagi avtomobil yoʻllari boʻyidagi hududlarni obodonlashtirish boʻyicha Oʻzbekiston Respublikasi Avtomobil yoʻllari davlat qoʻmitasi tomonidan tasdiqlangan umumiy talablarga muvofiq emas;

taklif etilayotgan yoʻl uchastkasida loyihani amalga oshirishning texnik imkoniyatlari mavjud emasligi;

agar taklif etilayotgan yoʻl uchastkasida davlat-xususiy sheriklikni amalga oshirish boʻyicha tanlov oʻtkazilgan, uning yakunlari boʻyicha yuridik shaxs (investorlar va/yoki tadbirkorlik subyektlari) tomonidan umumiy foydalanishdagi avtomobil yoʻllari boʻyidagi hududlarni obodonlashtirish boʻyicha majburiyatlar qabul qilingan holda xususiy sherik bilan yoʻl boʻyi infratuzilma obyektlari qurish loyihalarini amalga oshirish boʻyicha bitim imzolangan boʻlsa.

73. Ushbu Vaqtinchalik nizom talablari buzilgan holda ariza berilgan taqdirda hujjatlar ariza beruvchiga bir ish kuni mobaynida qaytariladi.

Taqdim etilgan arizada aniqlangan talablar buzilishi toʻgʻrisidagi bildirishnoma ariza beruvchiga yozma shaklda, shu jumladan, aniqlangan qoida buzilishlar, qonun hujjatlarining aniq normalari va ariza beruvchi koʻrsatib oʻtilgan qoida buzilishlarini bartaraf etib hujjatlarni takroran koʻrib chiqish uchun Tanlov komissiyasiga taqdim etishi mumkin boʻlgan muddat koʻrsatilgan holda butunjahon Internet tarmogʻi orqali elektron shaklda topshiriladi (yuboriladi).

Ariza beruvchi qoida buzilishlarini bartaraf etib va takroran koʻrib chiqish uchun hujjatlarni taqdim etishga haqli boʻlgan muddat yozma yoki elektron bildirishnoma olingan kundan boshlab oʻn ish kunidan ortiq boʻlishi mumkin emas.

Takroran berilgan hujjatlar ariza takroran berilgan kunda qabul qilingan deb hisoblanadi. Ariza takroran koʻrib chiqilganligi uchun yigʻim undirilmaydi.

74. Tanlovning faqat bir nafar ishtirokchisidan ariza tushgan taqdirda tanlov oʻtkazilmaydi, qaror esa ishtirokchining arizasini va arizaga ilova qilinadigan hujjatlarni oʻrganish yakunlari boʻyicha tanlov toʻgʻrisida eʼlon berilgan paytdan boshlab oʻttiz kunlik muddat tamom boʻlgandan keyin besh ish kuni mobaynida qabul qilinadi. Qaror ariza beruvchining taklifi tanlov talablariga muvofiqligidan kelib chiqib qabul qilinadi.

75. Tanlov komissiyasi tanlov yakunlari toʻgʻrisida qaror qabul qilingan kunda Oʻzbekiston Respublikasi Avtomobil yoʻllari davlat qoʻmitasining rasmiy veb-saytida, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining veb-saytlarida, shuningdek, mahalliy ommaviy axborot vositalarida rasmiy axborotni joylashtirish yoʻli bilan tanlov ishtirokchilarini uning natijalaridan xabardor qilishi shart.

76. Tanlov ishtirokchisi qabul qilingan qarordan norozi boʻlgan taqdirda qaror ustidan sudga shikoyat qilish huquqiga ega.

77. Tanlov komissiyasining ijobiy qarori asosida u qabul qilingan kundan boshlab yigirma kun mobaynida Oʻzbekiston Respublikasi Avtomobil yoʻllari davlat qoʻmitasi va xususiy sherik qonun hujjatlari va ushbu Vaqtinchalik nizom talablariga rioya qilgan holda bitim tuzadilar.

78. Bitim uni amalga oshirish shakllariga bogʻliq ravishda quyidagilarni oʻz ichiga olishi kerak:

obyekt va xususiy investitsiyalar hajmi;

bitimning amal qilishi muddati va shartlari;

bitim obyektini foydalanishga topshirish muddatlari;

tomonlarning huquq va majburiyatlari;

loyiha-smeta hujjatlarini tayyorlash, pudrat ishlariga shartnomalar tuzish muddatlari, moliyalashtirish manbalari, loyihani amalga oshirish jadvallari, loyiha amalga oshirilishi ustidan texnik nazorat qilish va monitoring olib borish tartibi toʻgʻrisidagi maʼlumotlar;

davlat-xususiy sheriklik loyihasi amalga oshirilishi monitoringini olib borish va holatini nazorat qilish tartibi;

davlat-xususiy sheriklik loyihasini amalga oshirish jarayonida beriladigan obyektlar sifatiga qoʻyiladigan talablar;

xususiy sherik tomonidan uning majburiyatlari bajarilishi toʻgʻrisida hisobotlar taqdim etilishi tartibi va muddatlari;

bitim tomonlari oʻrtasida bitimning bajarilishi bilan bogʻliq xavf-xatarni taqsimlash tartibi va shartlari;

davlat-xususiy sheriklik loyihasini amalga oshirish uchun Oʻzbekiston Respublikasi Avtomobil yoʻllari davlat qoʻmitasi tomonidan xususiy sherikka berilayotgan yoʻl va (yoki) yoʻl boʻyi uchastkasiga egalik qilish va undan foydalanish tartibi;

bitim obyektini loyihalashtirish, qurish, foydalanish, texnik xizmat koʻrsatish, rekonstruksiya qilish, taʼmirlash, modernizatsiya qilish tartibi;

bitimning amal qilishi toʻxtatilgandan keyin obyektga boʻlgan huquqlarni va bitimni ijro etish jarayonida yaratilgan boshqa mo-mulkni taqsimlash huquqi;

bitim shartlariga rioya etilmaganligi uchun tomonlarning javobgarligi;

bitimga oʻzgartirish va qoʻshimchalar kiritish tartibi;

bitimni bekor qilish tartibi, shuningdek, bitim muddatidan oldin bekor qilinishi natijasida zarar yetkazilganligi uchun kompensatsiya toʻlash va zararlarni qoplash tartibi;

xususiy sherik tomonidan majburiyatlar bajarilmaganligi yoki zarur tarzda bajarilmaganligi uchun jarimalar;

bitimni amalga oshirishda yuzaga keladigan nizolarni hal qilish tartibi.

Bitimda qonun hujjatlariga zid boʻlmagan boshqa shartlar ham boʻlishi mumkin.

79. Bitimni imzolashga tayyorlash uchun Oʻzbekiston Respublikasi Avtomobil yoʻllari davlat qoʻmitasi tanlov tugallangan kundan boshlab uch ish kuni mobaynida xususiy sherikka bitim loyihasi matnini taqdim etadi.

80. Zarurat boʻlganda, bitim qoidalarini kelishish maqsadida Oʻzbekiston Respublikasi Avtomobil yoʻllari davlat qoʻmitasi bilan xususiy sheriklar oʻrtasida muzokaralar oʻtkaziladi.

81. Bitim Oʻzbekiston Respublikasi Avtomobil yoʻllari davlat qoʻmitasi va xususiy sherik oʻrtasida tomonlardan har biri uchun bir nusxadan ikki nusxada tuziladi.

Bitim tomonlar uni imzolagan paytdan boshlab kuchga kiradi va uning muddati tamom boʻlgungacha yoki bekor qilingungacha amal qiladi.

82. Bitimga oʻzgartirish va qoʻshimchalar quyidagi hollarda kiritilishi mumkin:

tomonlarning oʻzaro roziligi bilan;

tomonlarning shartnomaviy munosabatlari yuzasidan yoʻl harakati xavfsizligini tartibga solish sohasidagi qonun hujjatlari oʻzgarishlari munosabati bilan — Oʻzbekiston Respublikasi Avtomobil yoʻllari davlat qoʻmitasining talabi bilan;

sudning qarori bilan.

83. Bitim quyidagi hollarda bekor qilinadi:

tomonlarning oʻzaro roziligi bilan;

xususiy sherik bankrot deb topilgan va/yoki tugatilgan taqdirda;

xususiy sherik tomonidan oʻz majburiyatlari bajarilmagan taqdirda — Oʻzbekiston Respublikasi Avtomobil yoʻllari davlat qoʻmitasining talabi bilan;

Oʻzbekiston Respublikasi Avtomobil yoʻllari davlat qoʻmitasi tomonidan oʻz majburiyatlari bajarilmagan taqdirda — xususiy sherikning talabi bilan.

Ushbu bandning toʻrtinchi va beshinchi xatboshilarida nazarda tutilgan hollarda bitim sud tartibida bekor qilinadi.

84. Bitim uning amal qilish muddati tamom boʻlgach toʻxtatiladi.

Bitimning amal qilish muddatining tamom boʻlishi tomonlarni uning shartlari buzilganligi uchun javobgarlikdan ozod qilmaydi.

85. Tanlovda ishtirok etish uchun talabgorlardan arizalar tushmagan taqdirda tanlov takroran eʼlon qilinishi mumkin.

Oʻzbekiston Respublikasi Avtomobil yoʻllari davlat qoʻmitasi tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda tanlov talablari va shartlarini qayta koʻrib chiqishga haqlidir.

86. Davlat-xususiy sheriklik shartlarida xususiy sherikka berilgan yoʻl yoki yer uchastkasida obyektlarni loyihalashtirish, qurish va foydalanishga topshirish qonun hujjatlarida belgilangan tartibda amalga oshiriladi.

87. Davlat-xususiy sheriklik toʻgʻrisidagi bitim tomonlaridan biri qayta tashkil etilgan taqdirda, agar Oʻzbekiston Respublikasi qonun hujjatlarida yoxud davlat-xususiy sheriklik toʻgʻrisidagi bitim shartlarida oʻzgacha hol nazarda tutilmagan boʻlsa, uning huquq va majburiyatlari huquqiy vorislarga oʻtadi.

88. Ushbu Vaqtinchalik nizom talablari buzilishida aybdor boʻlgan shaxslar qonun hujjatlariga muvofiq javob beradilar.